馬拉公公

營業中

休息中

等來等去都等唔到堂食嘅日子，夜晚我都要食飯，都會肚餓㗎嘛，於是岀去買啲好食嘅野，等自己心情都好啲。好，睇吓有咩好食先。檳城肉骨茶跟白飲，又有得飲，又有得食，湯底清徹得黎有肉味，仲有大大隻蛋，豬軟骨煮得又腍又入味。炸小雞腿配冷凍當咖哩，45蚊都有4件雞腿，抵食，而且炸得夠香脆，返到屋企都仲係脆嘅。咖哩汁少少辣，夠香，濃稠度適中，拌飯一流。叫咗特色飲品，有美祿同馬拉無糖咖啡，黑咖啡唔錯，無糖都唔會澀。

下午四點幾去食，點左推介既$48海鮮叻沙米線，+$5熱美祿，共$53。落完單比錢後，取飛同號碼自己搵位坐低。個號碼響動時就出去取餐。呢個自助方式好方便。等左5分鐘左右，就閃燈震動有得食。我點左米線要小辣。攞到埋位，熱辣辣冒住煙。有獨立包裝既即棄餐具，衛生。個賣相同餐牌一樣好吸引。有2粒白魚蛋，2粒蝦，2塊魚片，都彈牙。仲有2細片菠蘿，半個烚蛋，一些青瓜絲同菜。用紙盒裝住，野飲都係用紙杯，比較環保。個配搭係幾豐富，湯底唔算太濃。個湯底味道係OK。杯美祿夠熱，不會太稀太淡。整體，味道&服務都算OK。但不是非常合我口味。

外面一般餐廳既馬拉菜最低消費都要HK60起， 而馬拉公公就實惠一點，大概HKD50。馬拉公公係一個舊式低調商場foodcourt內其中一個檔仔，座位唔多，尤其限聚令下更少， 但係12點正午又唔算多人，所以唔難塭位。如果對環境好有要求既， 堂食未必岩你， 座我旁個叔叔播片無用耳塞都幾影響心情，不過快食就忍忍啦，噪音係一般foodcourt都會面對既問題。除環境之外， 服務同味道都好滿意。服務員好有耐性推介同解釋餐牌，加分加分。白咖哩海鮮滲滲每一個配料都好滿意， 無偷工減料，尤其喜歡魚蛋同蝦，d蝦又大粒又爽口，個湯底好香好滑 ，非常推介; 而份量唔算好多，for一個女仔黎講岩岩好。

各位2021新年快樂❤️作為新年第一post，要推薦一間驚為天人既小店🤩本身冇諗過食呢間，只係係food court咁岩見到又幾吸引，就叫左個麵黎試下🤩後尾先發現原來呢間小店係屯門區黎講都幾有名氣！🍜 輕盈亞參叻沙 $40雖然價錢平，但啲餸都好足料😍佢個湯底超級濃😚 係唔辣既！麵既軟硬度都適中😍希望下次再黎試下其他野😋

Gogo mall嘅馬拉公公係我同朋友嘅食堂~真係好喜歡呢間馬拉餐店 老闆娘好nice平時係佢度都係幫襯開濃味野，今日我想清清地，佢所有野岩我食，太感恩今日大家都係養生mode呢碗就係我碗清清地嘅雞雞 (繼續係我至愛嘅肉) 湯滲滲 我真係好鍾意食滲滲，粗幼通吃Yeahhh 碗麵食得我好舒服雞肉一啲都唔絲，都有咬口架~~ 想刺激返少少又可以點點旁邊嘅酸辣汁。朋友嘅肉骨茶都not bad啊，熱辣辣，肉排唔算淋，料索晒湯汁，微微herb嘅味道，nomnomnom

今日約在朋友係屯門拎野，見屯門市中心果邊商場咁多人，朋友就介紹新開左一排既gogo mall話入面有food court, 好多小食餐廳，咁就順便食埋野先走，依排疫情關係都有成年都冇去過旅行，冇得飛又但又好想食馬拉嘢，行過見到個名幾好吸引，又聞到一陣陣好熟識既馬拉味，一於就叫咗一個檳城骨肉茶同一個白咖喱海鮮拉麵🍜兩樣都好地道，味道都拍得住正宗菜，而且價錢都尚算便宜，如果份量再多少少就更好！順帶一提，餐廳d姐姐都好有禮貌！

荃灣啲food court好唔得掂，搞到大胃要遠赴屯門去尋寶，上次經過雅都見到有food court，但因為太匆忙所以冇食到，今次去返就試吓馬拉嘢落完單搵定位，繼續既短暫又漫長嘅等待終於等到喇，好快就有餐攞果然我嘅眼光係冇錯，非常之有驚喜，蝦麵係辣但好刺激，麵嘅份量又多又彈牙，配料又豐富，係馬拉嘅味道呀仲有第一次食亞參叻沙，同一般叻沙好唔同充滿魚香同肉絲嘅南洋風味湯底，配上米線係好夾呢度果然係聚寶盆，大家可以發掘吓

自從雅都商場二樓做了美食廣場後，多了很多人流。現在間中都會過去覓食，今晚試了馬拉公公，又有驚喜啊！先介紹這間馬拉公公，主力做馬來西亞菜而已，不像其他餐廳會混合星馬泰的東南亞菜。小本經營也有好處，就是專注，所賣的食物都精心挑選食材，專注做好各款菜式和飲品。點了兩個餐，大蝦乾撈麵$50,跟餐配凍桔仔柚子蜜加$10。另一個餐，辣死你嗎配炸小雞腿$46,跟餐加$5配熱cappuccino。價錢是比其他東南亞菜餐廳便宜的。大蝦乾撈麵，先說說大蝦，原來是用鹹蛋黃炸過，外層香脆之餘，蝦肉大隻爽口，鹹蛋黃味極香，就像在茶樓食黃金蝦一樣，但沒有殼，啖啖肉，吃得更過癮。乾撈麵，是粗麵，醬油入口覺得齒頰留香，味道很特別，跟其他東南亞菜式很不同，問問店舖職員，才知道是黑汁，馬來西亞黑豉油，從馬來西亞精挑細選到港的。下底墊有芽菜，非常特別，也是從馬來西亞運到的，肥厚而長身，十分爽口，沒有草青味，與黑汁非常相配，估不到平民價小店，用料也很嚴格挑選哦。辣死你嗎配炸小雞腿，雞腿有4隻，份量不少啊。先說辣死你嗎，味道跟我在檳城吃過的很相似，當然要不怕辣，因為辣死你媽就是香辣的醬料伴魚乾花生，撈勻白飯來吃，食落香辣惹味。

上次食過一次，覺得味道唔錯，所以encore。肉骨茶呀，冇得去馬來西亞都食到馬拉既味道呀！加上超級貼心嘅包裝，好似啲湯包咁，外賣番到屋企唔夠熱可以再加熱，熱熱又足料既肉骨茶冇得輸呀。有濃厚的藥材香，加上一咬即爛既腩排，可惜要同人兩份分，下次要 一人叫一份。咖喱雞🐤(其實咖哩雞肶🍗)，好香椰香味，有層紅油喺面，以為有啲辣，食落去原來都唔係好辣，反而令我想繼續食落去同埋撈飯一流。gogo mall有好多野食，但下次都會再揀馬拉公公。

呢日我同男友都放假，通常放假都會呢埋係屋企做廢條。一般都係男友煮嘢俾我食，但呢日佢懶得煮就話不如去買外賣返嚟食。我係一個鐘意周圍走既人，所以成日都自動請纓去做外賣仔☺️.由於前幾日男友話試左呢間好食，所以我決定要試吓。我去到發現其實都幾多選擇！但我決定要食男友話好食既白咖喱🍛我係揀白咖喱豬頸肉，男友揀白咖喱牛坑腩。.呢日去其實都幾多人，我由落完單都拎嘢大概等左20分鐘左右，佢哋話牛坑腩要等耐少少，但20分鐘都可以接受嘅。.包裝部分我覺得都包得幾好，乾乾淨淨拎到翻去都冇漏汁。嘢飲方面我叫左熱美祿，仲諗住係馬來西亞🇲🇾既美祿，但飲落去感覺係一般美祿。因為之前讀書嗰陣，有個馬來西亞室友請我飲馬來西亞既美祿，我覺得好好飲。男友嗌左凍既白咖啡，我覺得好好飲👍🏻👍🏻.總括嚟講呢間都係好好食既！下次我會想試辣死你嗎系列，而且佢有一個外賣app,可以order定再去拎真係幾方便。

相信雅都商場Go Go Mall既foodcourt已經成為左唔少屯門人既飯堂🙃我都當然唔例外...食物種類多到你有選擇困難症，價錢都好經濟👍 今次介紹主打檳城美食既馬拉公公😋白咖哩海鮮滲滲 $48滲滲係馬來西亞既特色麵食，即係油面溝米線，食落有雙重口感😍 依碗海鮮滲滲真係好足料，有蝦、魚蛋、魚腐、魚片、蛋等等😋本身見到個碗唔算大，仲怕會唔飽，點知食到一半都已經飽飽地😂好喜歡白咖哩有好濃既椰汁味，輕微辣，加埋炸蒜真係好惹味!! 咖哩雞配白飯 $45依個咖哩雞撈飯真係💯 見到層辣油以為會好辣，點知又唔會喎，仲有陣好特別既香料味🤩 椰香味好濃，中和左咖哩既辣，撈飯一流!! 最欣賞係啖啖肉既雞，全部都係雞髀肉😱 肉質鮮嫩得黎好結實💪🏻大舊到我要好小心翼翼地夾起佢影俾大家睇(揸筷子勁差😂)馬拉拉茶 (跟餐+$7)拉茶係奶茶既一種，絕對係馬來西亞特色茶飲😉原來馬拉拉茶係咁好飲，無奶茶既澀味，但又唔會好甜!! 淡淡既茶香慢慢係口中滲出，黎多杯呀唔該✌🏻☺️

放工後，來到屯門雅都商場GoGo Mall Food court，環境明亮，座位寬敞舒服。自己好鐘意食辣野， 所以來到呢間馬拉公公。點了檳城福建蝦麵$49和凍薏米水$10， 好快取餐鐘響振動後便可以取餐﹗店員多次問我食唔食得辣，看來呢碗檳城福建蝦麵辣度十足。檳城福建蝦麵:入面材料豐富，賣相不錯，包括:蝦隻、魚蛋片、腩肉、半隻蛋、芽菜、豆角等。湯頭用檳城白蝦熬製而成，所以充滿蝦鮮味，淡淡的椰香，配上辣椒等不同香料，刺激惹味，忍唔住飲左一啖又一啖湯。滲滲粗油麵同幼身米粉混合，掛湯力很強，雙重口感滋味﹗ 魚蛋蝦肉爽口彈牙，第一次食長身形豆卜，一咬爆晒濃郁湯汁。 凍薏米水$10:底部有足料薏米，解辣一流﹗

雖然自己本身住屯門，但都好少黎呢邊食嘢～聽朋友講宜家商場裝修變左food court，今日收工就同男朋友黎睇下有咩食，就決定食呢間馬拉菜🤤💕我地叫左個：酥炸魚柳配冷凍當乾咖哩配白飯🍚— $46 佢個魚柳外脆內軟，唔會炸得太老，岩岩好，佢仲配埋個汁比你😍酸酸辣辣好開胃！🤤而我就叫左：白咖喱雞絲滲滲🍜—$46佢個麵好彈牙，湯底相當濃郁😍本身見到咁細碗我咁大食會唔會唔夠食，但最後食到勁飽😂最欣賞就係佢勁足料比勁多雞絲😋超滿足呀！而飲品我地就叫左杯 桔仔話梅冰🥤—$10佢飲落咸咸地，有啲酸，越飲越開胃🤣另外叫左杯 美祿恐龍🍫—$10面頭有超多既美祿粉😍超濃既朱古力味，又唔會勁甜，濃度岩岩好😋

平日返工lunch搵嘢食次次都要諗爆頭🤧💆🏼‍♀️，放假就輕輕鬆鬆搵啲風味野食下啦，樓下商場開咗好多間格仔小食鋪位，見到呢間門面有個得意公仔就嚟買個takeaway！🚶🏼‍♀️🚶🏼‍♀️-檳城福建蝦麵（$49）用左油麵，材料有半隻蛋🥚、豆芽、豆角、豆POK、細蝦球🍤、魚蛋片同埋腩肉，濃濃微辣嘅蝦米湯底，正，碗麵份量好多，小女子都食唔晒呀！😅🍜🤰🏼-馳名檳城亞參叻沙米線（$48）有兩塊菠蘿、生菜絲、細蝦球🍤、魚蛋、魚蛋片、洋蔥、半隻蛋，配合埋米線，叫得叻沙就一定係辣㗎啦🌶，亞參呢個名詞就代表左有酸味。辣辣食辣辣🌶，好惹味啊！有我最鍾意嘅辣味，配埋紅色的辣湯底真係好完美啊。🍲🤝

有日工作完，懶得煮，就來西鐵站附近的Gogo mall搞掂，貪佢小店多，選擇多，今晚來試這間馬拉公公。 南乳雞翼黑醬油干撈麵看起來不錯吃的樣子，雞翼大小適中，看色澤就知夠味道，一吃，外皮微脆，內裡入味，是有水準的雞翼！再來麵，醬汁濃淡得宜，麵爽口，也有生菜及芽菜中和一下，不錯不錯。 咖喱什錦海鮮個蜆好吸睛！是新鮮蜆！正呀！仲有蝦及魷魚，配料有豆角、薯仔及豆卜，都幾多料！味道非常正宗的馬拉咖喱味，跟餓底在馬來西亞吃過的味道一樣！呀～太懷念馬拉的美食！ 美祿＆薏米水馬拉人鍾意美祿，見好耐無飲過就飲下，另外薏米水不會太甜，飲得舒服。