影片
營業時間
今日營業
11:30 - 21:00
星期一至日
11:30 - 21:00
公眾假期
11:30 - 21:00
公眾假期前夕
11:30 - 21:00
以上資料只供參考, 請與餐廳確認詳情
今日同同事去屯門見客，順道去位於屯門屯門鄉事會路112-140號Go Go Mall 1樓S69號舖的<馬拉公公>食午餐，food court 形式經營，先購票再自己搵位，環境乾淨企理，坐得舒服。我哋食咗：🥢檳城肉骨茶飯配白飯$56，（跟餐） 凍怡保白咖啡 $10： 好正宗的檳城肉骨茶，除咗排骨軟淋入味，配菜有熟蛋和油條，都好入味，送飯一流。凍白咖啡香滑好飲。🥢蒜香雞扒午餐肉煎蛋飯配馬拉黑醬汁$44，（跟餐）桔仔話梅冰 $12： 蒜香雞扒煎得香脆可口，雞肉嫩滑，煎蛋好味，午餐肉香脆。桔仔話梅冰解渴好味。
繼續閱讀
叫左肉骨茶同班蘭多士，兩樣加埋80左右，其實唔係貴，但真係唔值，因為太難食！個肉骨茶除左幾舊排骨，油炸鬼＆蛋！個湯係豉油味，無乜藥材味，得個咸字！自己買嘅肉骨茶湯包啲味都濃左佢班蘭多士整得好燶，無咩特別！唔會再去食
繼續閱讀
同朋友約好咗去睇戲，但係又未夠鐘，所以我哋就去咗附近嘅商場度搵嘢食🤩行下望吓，最終我哋揀咗呢間望落去好似好正宗嘅馬拉野✌🏻我哋食咗：⬇️⬇️✨檳城肉骨茶飯✨$56呢碗肉骨茶湯頭濃郁，充滿住濃濃嘅中藥香氣同肉味，味道香醇，超有特色。入面除咗有好多肉骨，仲有埋油炸鬼同雞蛋，夠晒足料，送飯真香！跟餐✨柚子蜜✨+ $10✨香辣蝦麵醬炒麵✨$50選配左四隻南乳雞翼同油麵南乳雞翼鹹鹹香香勁入味，炸得乾身唔油膩，香口到一個點‼️正‼️跟餐✨斑蘭味鮮牛油咖央多士 ✨ $22烘得好夠脆既多士入面滿滿都系斑蘭醬同牛油，入口超甜香，小妹表示好滿意👍🏻跟餐✨怡保白咖啡✨ $10口感細膩順滑，比黑啡味道更加柔和，奶味頗重兼帶有微微焦糖香，比普通咖啡更加易入口！🛑馬拉公公📍屯門屯門鄉事會路112-140號Go Go Mall1樓S69號舖 港鐵屯門站F2 出口,步行約5分鐘#hkfoodie #香港美食#香港好去處#美食地圖 #食好西#美食推介 #foodie #吃貨 #美食推介 #馬拉西亞菜#屯門美食 #屯門午餐推介#馬拉公公#hk #hkfood
繼續閱讀
次次來襯Gogomall 覓食, 必然首選馬拉公公。無他，皆因佢嘅美食色香味俱全，仲要好有性價比今次叫咗香茅豬扒煎蛋飯配椰香白咖哩汁$44，再加兩隻南乳雞翼$16，餐飲美祿$10。另外又叫咗個椰香白咖哩湯摻摻配豬頸肉$50，餐飲桔仔話梅冰$12。香茅豬扒煎蛋飯配椰香白咖哩汁份量都唔少，一如既往，個汁好惹味，豬扒又香又腍，一舊接一舊，好快ko 晒。南乳雞翼炸到好香脆，我囝連骨都lun 埋椰香白咖哩湯摻摻配豬頸肉睇見個擺盆都覺得原來摻摻即係油麵加米粉？我從來都唔知道啲豬頸肉好腍好入味，個湯底好濃郁，豆卜索埋個湯底，好好食食完啲辣野飲埋杯桔仔話梅冰真係超級解渴見到啲人話佢個咖央好好食，等我下次來Gogomall 再試下
繼續閱讀
開係屯門雅都商場入邊嘅美食廣場嘅馬拉公公，靠近地鐵站，檳城白咖喱吉列豬扒麵香味濃郁，今年有啲似油面同埋米粉兩種口感搭配嘅感覺，煙靭但係唔硬，個豬扒上邊都會有少少粉末，調味咸度啱啱好，醒胃，個面入邊左芽菜，有啲似喇沙湯底，食到尾都唔會覺得好膩，一份嘅份量都幾大食。
繼續閱讀