馬德里餐廳

營業中

休息中

陪朋友去完深水埗買嘢, 唔知食咩好, 見到呢間餐廳 ...唔....試下啦! 焗田螺 - 一般啦! 蒜茸焗蠔 - 可能又係季節問題d蠔唔太肥美, 蒜茸焗得太乾, 但係味道又唔錯喎. 鰻魚石鍋飯 - 分量少, 不過唔差. 咖喱牛腩農夫飽 - 個沙律做得好好唔係用罐頭什果, 用新鮮嘅蔬菜做, 咖喱牛腩味道都唔錯. 羊扒個賣相已經吸引, 食落唔羶, 個意粉重做得好好味添.

跟男友及友人逛深水保買完腳架後，大家都有點餓了。剛好下午茶時間，經過馬德里見門面不錯，就在此落腳了。4個人點了:特餐(我) - 蘑菇火腿奄列: 好一般，沒什麼味很淡; 沙o爹牛肉公仔面: 牛肉少得可憐，整個面淡而無味，一點也不好吃....看來我是點錯餐了。忌廉蘑菇火腿意粉(男友) - 不過不失，但未到好吃的水平蕃茄豬扒長通粉(友人) - 友人說賣相比預期好，味道也不錯豬扒炒公仔面(友人) - 很油，但炒物難免多油，不過友人說味道還不錯的。最攪笑/離譜的地方是我點了檸樂做餐飲，上枱時篤檸檬已心知不妙...冇汽的?!?飲一啖後更加確認..是冇汽的....於是叫佢換過杯，點知轉個頭佢就問我可唔可以換第二樣....你的汽水都沒有汽，難道我不轉？話雖如此，下一次總會再給它一次機會的。

星期日出開深水埗，見到呢間馬德里都叫骨子啦，又大又細，一於走入去幫襯﹗4個人叫左4個下午茶餐，如下：1. 瑞士雞翼撈公仔麵 - 唔知佢用邊隻麵，又幾好食WOR，可能係印尼麵啩，瑞士雞翼？都係即卥水雞翼啦，細隻，未發育，冇乜趙頭﹗反而個公仔麵就好好味了，彈牙同爽口……哈哈，公仔麵都有呢D效果，真係化腐朽為神奇﹗2. 瑞士雞翼（AGAIN）薯條 - 雞翼唔講了﹗薯條係成舊薯仔批出黎炸個D，熱辣辣，新鮮，同上面一樣，妹仔大過主人婆FEEL﹗3. 炒蛋厚多士 - D蛋炒出黎，係我最鐘意個隻，半生熟，仲有少少半液體，不過就多油左少少，成塊厚多士，D油都浸到落去麵包的1/4，並實都幾誇張﹗4. 豬扖包 - 個麵包都已經正，鬆、脆、香，塊豬扖一樣，好入味，好鬆化，唔會痴牙，算係咁，20零蚊個餐，你想點？

讀書幫襯到宜家~覺得佢差，但又幾經常幫襯... 好矛盾!幫襯的原因只有兩個：焗飯&環境Sham Shui Po 區，環境最好的.. 如果想同朋友傾下計飲杯 o野...呢一間係首選焗飯係 "真焗"~ 唔係用火槍噴... 燒焦D芝士 "扮焗"~!大約食佢既焗飯... 10次7次都滿意~ 差的地方... 當然係服務 la!!! 個個侍應都好似唔憂無生意咁... 仲有好快~~ 好快離開你的線線範圍~ 從來都無賓至如歸的感覺... 如果唔係個環境，我以為我去 o左飯堂食超平工廠飯~ 食物質素...早餐普普通通~ Lunch 更普通...我點解要比接近$40蚊食呢D 食物？晚飯... 試過一次.. Sorry~唔合格D紅湯白湯可唔可以認真少少煮，唔好咁咸...佢又難得Keep住個 "水準"~ 幫襯咁耐.... 咸味不變~ 我懷疑水吧的人每沖一次飲品，都要運功~試過好多次，餐廳人客唔多，水吧停哂手，但我及旁邊幾張檯D 飲品都未到。Lunch 繁忙時間反而好少少 好心換左D 好舊好花的餐具 la~ 仲有仲有... 侍應唔好用手指touch D 匙根 & 叉... 好唔衛生，仲要響客面前做呢個動作。老實

環境好，在深水步區算幾好。其實想食其他地道野但好多人又冇位環境又差。結果都係去餐廳食坐得舒服，環境好，可以傾計。都係一般晚餐，有個焗蠔唔錯。又唔收加一。

前晚太累，沒食什麼就睡了。隔天起床，餓得要命，就到附近食早餐。叫了火腿通粉+牛油多士+炒蛋套餐和牛奶麥皮+火腿煎蛋+牛油多士套餐。食物是和茶餐廳質素差不多，但也不是味精湯底，而多士就烘得香很熱，吞下數塊也沒問題，不過牛奶麥皮味道太淡，不合我的口味。而餐飲就叫了熱華田和熱奶茶，暖暖的很正。不過份量可能太少了吧，食完之後我也不飽。

在深水埗區晚餐消費近百元一位, 竟是如此"高"的質素, 實在後悔不回佐敦吃飯!這晚逛完黃金商場, 有點累, 走出街上見到這家門面不錯的餐廳, 看看餐牌, 雖然價錢似乎跟深水埗區的其他食市有相當的距離。入到店內, 很快有人帶位, 可惜, 坐下後沒有人拿餐牌來, 明明在派餐牌給吉枱, 卻不給我這個顧客, 結果當然是要開口問。餐牌的組合有點怪異, 難道是理解錯誤? 我還以為這裡是西餐廳, 為什麼又有台式又有韓式? 結果選了晚餐A - 西冷扒配炸蝦。侍應還問要幾成熟, 不過態度是冷冷的。落單不久送來湯, 這個情況有點奇, 為什麼不是頭盆先? 當我在懷疑的時候, 頭盆來了, 噢!是罐頭螺肉+孖薯粉的所謂焗田螺, 讓我預感主菜不祥。正當想像主菜的不祥, 它來了! 似乎這家是快餐店, 全數在餐桌上了。心裡很不愉快!主菜如所料, 比連鎖快餐店的質素還要差, 這樣的所謂西冷扒還問幾成熟, 炸蝦是軟的, 西冷的汁是冷的, 付了鈔, 苦了舌頭!很後悔不買書而吃了這頓飯, 早知買下那本電腦書吃碗魚蛋粉可能更愉快!

尋晚食左個dinner set, 意大利蕃茄海鮮飯,要左紅湯+沙律個湯同沙律就唔使講,普普通通,不過不失,個飯真係令我好surprise,好夠cheese味,出面食個咁既價$$都無咁高水準....之前其實都食過d意粉,佢地真係份量足,料足,掂!!d waiter都好好人,不斷幫我加水

星期1晚,阿B 帶我黎食呢間馬德里餐廳,佢話前一晚食過幾好食....今晚我地叫左1. 黑椒牛扒餐(碟上)2. 茄茸海鮮意大利飯除左叫餐之外,O係餐牌叫野食都會送餐茶,湯 & 餐包落完單,等左一陣,見到阿B 好搞笑咁望住餐廳個天花板出風口.我都唔執輸望埋一份.D 裝修都真係幾"那西".....>.<......仲好搞笑....用一塊大既白色布,鈎住個吹風口....令人唔覺得佢果度無左度牆.....黎左湯...一紅一白....都OK既.....過左一陣....黎左個牛扒....都OK....同平日D 餐廳一樣,叫7成熟...都會有9成.....之後真係等左好耐....阿B就黎食完...我個飯先到.....望到D 米就知道係泰國米.....唔係意大利米.....不過都幾好食....因為佢落左好多青椒.....第一啖食落去既感覺好似食緊超級至尊批....唔鍾意食芝士既人都應該會接受到呢個飯.有芝士....但味道唔算好濃.總括黎講都幾好味道!!!

尋晚同bf去食dinner,叫左1. 黑椒牛柳粒黃薑飯 ($62): 好大碟,唔錯,個飯好爽口,d牛柳都幾淋2. xx忌廉菇+蜆肉意粉 ($59): 呢個好正,個sauce好好味,又大碟,好食過1.連奄尖bf都話好食侍應d service都ok,幾有禮貌,未至於差wor~,最主要係呢間餐廳唔使加一,而家食dinner邊間餐廳係唔使加一丫,算係咁!下次會食番意粉!

今晚同愛bab o係福榮街搵野食, 行到盡頭見到e間野, 好似幾吸引就入去啦。愛bab點左個雞扒魚柳, 我點左鳳尾蝦扁意粉,魚柳2大條, 但無魚味; 雞塊好細塊, 而且好o鞋,薯菜d薯角1d都唔熱, d菜仲真係凍。而我個扁意粉, 意粉味道唔錯, 不過d"鳳尾蝦"(個樣似係吉列炸蝦), 食落口唔脆, 仲係無味, 如果咪埋眼食1定唔知自己食緊咩。飲品我地(每個餐+ $10)點左 蜜瓜雪香珍珠同胚芽好立克珍珠,我本身唔喜歡飲蜜瓜, 試1啖左, 客觀覺得個味好似"蜜瓜豆奶";我杯好立克就得個甜字,而我同愛bab都不約而同食到有d未煲熟個心係硬到幾乎咬唔開o既珍珠...認同其他食家o既係:前菜o既薯蓉焗田螺幾好味道;份量10足, 因為食到個意粉時, 我食左1/3 已經好飽飽了。至於服務, 本來覺得唔錯架, 有效率又好禮貌, 即使我食唔晒意粉問佢要外賣盒拎走佢都有拎俾我,點知到埋單$141, 我俾左$200, 部長找$$返來, 我右手拎完面頭d 零錢, 左手再拎埋d紙幣, 先發現最底仲有個$2,不過我成手$$都無手拎... 就俾佢"局"我俾左$2 tips...唔係唔想俾.. 但可唔可以做到客人心

環境清潔整齊, 幾好食物質數幾好以呢個價錢真係好過好多同級的餐廳朋友食牛扒併生蠔生蠔好新鮮, 又夠蠔味我食魚柳併雞扒個白汁做得好出色份量十足, 食到打包haha!唯一不足係等好耐先有主菜食仲有個侍應的眼神好惡恨

lunch time約咗朋友係呢區食飯傾計, 因為呢度係呢區一間比較四正既茶餐廳, 就揾咗佢... 返到嚟等見到原來咁多喊面... 但根據我的經驗又唔係真係咁差啫...係就係價錢比較貴, set lunch 要$36以上, 中環價錢wo! 餐牌有幾多嘢食揀, 但嗰set既份量就少咗d, 味道普通啦! 都ok既.. 就係勝在好坐d. 伙計都足夠, 幾快手, 服務都算係咁啦!

前日行過深水埗既腦場, 就搵係附近做野, 咁啱又放工既朋友食飯見間野唔錯, 加上可能我係中環返工啦, 所以我覺得免飯黎都叫平 一入去就有人帶位, 睇佢地間鋪, 應該仲未裝修完, 但環境都幾好我都唔記得叫左肉眼扒, 4 成熟的, 配薯菜同黑椒汁先黎一客薯蓉, 唔差喎, 幾香下, 再黎個忌廉湯, 呢個就稀左 d 啦到正菜啦, d 肉眼扒唔錯, 口感幾好d 侍應落單都唔該前唔該後, 走個時係咁講多謝晒點解 d 人話佢地服務差呢 ? 唔通我靚仔所以好 d XD埋單 $150, 我真係覺得幾抵食喎, 係中環食咁上下既野起碼都 2,3 百冇走雞

心血來潮想食牛扒，便到了附近的馬德里試試。二人點了焗蠔牛扒餐及肉眼扒餐，配焗田螺薯蓉前菜。先講講前菜︰田螺肉軟硬適中，但要讚的是薯蓉﹗吃入口已有一股很香的蒜蓉味從薯蓉散發出來，吃到停不了口，可惜分量不多，數啖便一掃而空。肉眼扒隨即奉上。牛扒切得簿，而肉眼扒肉質不老，意粉也算入味，整體來說不錯。聽說焗蠔牛扒餐也中規中矩，只嫌蠔的份量少得可憐，沒什口感。服務方面也不俗，入座時侍應們告知焗蠔餐較需時，及後亦經常收拾碗碟，不明為何之前有位食家對服務劣評如潮，連侍應們每月賺取僅僅六千元的薪金都睇不開，可想像食肆生意確實難做。