馬德里餐廳

營業中

休息中

朝早早餐侍應會當你透明,埋单時多謝一聲都不會講...野食普通..服務衰過舊式茶記

我每天都會嚟食早餐，你們的早餐太咸，我試過有兩天吃公仔麵加2元要出前一丁，居然係咸到苦，仲有D沙嗲牛都好咸，其實香港人依家要健康，所以要減少D咸同減少D甜，你哋D奶荼都好甜同好多奶，其實你地不如試吓少D糖同少D咸！仲有你地早排加價，加得太多，要加兩元，平均要二十三至二十四個早餐，係深水埗區可以食個午餐有湯又有飯再加凍飲(金輪快餐都幾好食)！ 你地可唔可以整一個自選早餐，例如餐肉煎蛋，火退煎蛋，而家有一個流傳醫院減肥餐，有好多人都知早餐食兩片煙肉，兩隻蛋，再加一杯西柚汁(半個西柚份量)半個西柚都可，你一樣可買二十元。 希望你地會改善下，其實都好厭倦，你一開張我就幫親你地食早餐，真係真係好想繼續幫親你，你俾多D選擇我地。

日文班深水十二食肆巡禮之一, 位置靚, 位於電腦商場後街, 門面燈光火著, 所以都吸引到呢頭行街區外客. 當晚未到8 點已經full house.裝修四正, 米白色主調, 但咁大間孖鋪餐廳, 無禁煙區, 前後卡位, 大海位, 當日咁'好彩' 遇到咁多廣大煙民, 對呢度印象其實可以即俾喊樣. 但比分顧全面, 餐牌菜式, 種類凡多, 唔難有突出者, 當晚焗田螺, 羅宋湯, 大蝦帶子, 交足貨有水平.其實認真地改善空氣質素, 定必會重臨.

馬德里最初開的時候去過一次，對佢印象十分差。不過都已經事隔數年。幾年後，見佢多番好多客，睇食評又見有唔少笑面，同個frd相量過決定俾多次機會佢，希望會有大進步。兩條友去食，一人叫一個餐，大家都係要雞扒拼青衣柳，朋友要羅宋湯我就要忌廉湯，頭盤則分別要沙律和田螺，飲品我照例要凍檸檬茶。湯和田螺份量都唔細，不過水準就很一般。湯淡到好似飲水咁，加多多胡椒粉都冇用；田螺亦超"韌"，又冇味。餐飽我冇食，朋友就話一般而已。主菜方面，確實係好大碟，有三塊雞扒和一塊魚柳，仲有幾多份量既飯。味道是比上次來食的好，但也不是特出，只屬中等。本來都勉強可以俾個ok佢，但服務就扣晒分。好似埋單咁，個待應拿單來話$122，其實我和朋友都已經拿緊錢出來，可能是慢了些少，個待應就好似好唔耐煩咁又重覆$122，驚死我唔俾錢咁，又黑面。我個frd於是一毫子貼士都冇俾佢。跟住個待應即刻好大力咁拍埋本簿，一句多謝都冇。對呢個態度，我係絕對唔能夠忍受。

上個星期, around 24/5/2006, 去食晚餐, 叫左個七成熟西冷牛扖餐, 當我開餐時, 塊扖好韌, 好難切, 於是乎, 我切開側邊比較薄o個part, 之後, 嘩....好紅好紅, 可能得四五成熟, 之後再切中間比較厚o既部份, 經過九牛二虎之力切開後, 簡直得人驚, 中間原來係一成都未熟呀, 係血紅的!! 可能塊扖外面係煎過黎, 外表睇黎係冇問題, 但內在係完全兩回事! 個廚師真係唔掂! 冇幾耐, 我杯凍檸水送上, haha, 個侍應發緊夢, 佢\把手上o既凍飲每杯插左兩個spoon, 但冇飲管, 真係...最後叫老闆cancel左張order了事.....呢間野d伙計and水準真係好有問題, black list左lar.

25/4(二) 11am返工前同男友去SSP買相機,買機前到此店食BRUNCH,見佢門面都算四正乾淨,價錢合理,一於入去試試!環境真系相當不俗,面積大,光猛,乾淨,卡位濶落坐得舒服,確實有點喜出望外!每人各點一份早餐$22:火腿白菌奄列+厚多士+熱咖啡少奶,男友則點了雞扒太陽蛋薯餅+牛油方包+熱奶茶2款早餐的份量頗大,賣相似歐陸式早餐,味道亦十分對板!尤其要讚既系杯香濃既熱咖啡!唯一不足之處系服務,侍應與經理高談闊論,但招呼吾系差!有機會會系其他時間再黎試試!recommended!!

同傻鬼打波輸左要請佢食下午茶. 2個人行來行去, 見餐廳ok咪試下啦. 差不多3時都有行多人, 仲要排隊等坐架. 等左5-8分鐘就有位. 2個人叫左個炒旦厚多士及芝士肉醬厚多士, 凍檸茶及芒果珍珠綠茶.個炒旦真係唔錯, 仲有d蛋汁架, 不過件多士就唔係咁得啦. 件肉醬多士仲有幾條薯條, 不過我地2個都唔係太喜歡個肉醬多士好似配在一起有d怪怪.飲品都無咩特別啦.在此區二十多元既下午茶餐就真係幾貴, 不過都算唔錯啦.

Lunch有幾多選擇，卡位幾好坐呀。星期日o既下午係幾Full。味道亦唔錯，o野飲好大杯，食物亦熱辣辣，好大碟，但個羅宋湯好酸呀。個人覺得焗o野好食過一般碟頭，未試過日式定食同手打烏冬，唔知好無味呢？而家憑墊檯紙右下角o既意見書，可以有機會得到$20餐券，每星期抽10位喎!

行完黃金, 想揾野食... 經過幾間都唔0岩口味..最後揀左馬德里, 貪佢多選擇. 叫左個蝦多士加熱華田. 朋友就叫左豬扒飽. 個蝦多士賣相幾靚, 咬落幾脆. 不過就無乜蝦味, 但又唔油膩. 朋友既豬扒飽比較細份, 但據說味道也是不錯的服務就不過不失, 茶餐廳既Style 兩個人食左$50, 下午茶餐黎講, 甘既質素, 幾好啦

夜晚睇完電腦節，10點鐘,都坐滿晒!最初覺得幾貴(相比其他同區食店)叫o左個set dinner$50-$60相當唔錯.有頭盤(田螺+薯蓉/沙律)餐湯,麵包,餐飲唔少得.主菜係大蝦+牛柳50幾蚊食到大蝦已經幾抵,估唔到牛柳相當美味,不同其他餐廳,牛柳好似煎過,帶有香味,一流!

想不到，在深水步有這類比較好環境的餐廳！給人感覺很舒服！在下午茶時間，點了葡式豬扒包．．．包包細，豬扒很豬肉乾ｆｅｅｌ，算有肉汁，份量細了少少，朋友仔點了法式西多士．．．就很普通，顏色比其他茶餐廳製的淺色一點。

lunch好多人叫左一客焗豬排飯豬排太乾,個汁冇芝士飲品叫左咖啡都幾難飲太孫太苦又唔夠奶味三十幾蚊唔低食係坐得舒服D

都唔錯, 未試過真係要試下,套餐有湯, 蝸牛或沙律,主菜, 飲品....價錢都係比茶餐廳貴2x幾塊, 都算抵!

落黃金睇電腦0野前想隊杯啡，見佢門面都幾好又有吉檯，咁就行0左入去......嗌0左個「營養餐」；何謂「營養餐」？實在本人都唔知...字面上佢係咁講0既：厚多士、香滑炒蛋、三色湯通粉、餐茶（我揀0左凍啡）。等0左都幾耐......點知一係無，一係就一次過拎晒埋0黎∼∼成檯都係0野，我緊係「上」0左個湯通先，因本人腸胃唔係幾好，一食Ｄ唔凍唔熱0既0野就即刻會肚痛；好彩個通粉d湯係勁熱果隻，味道都幾好，要讚0既係通粉好彈好爽；原來「三色」意思係講緊Ｄ配料：分別係火腿絲、椰菜絲同粟米粒，3樣配料再加通粉確係幾清新，椰菜粟米爽甜，無平時Ｄ腿通咁「寡」。厚多士、香滑炒蛋都係「講得出，做得到！」厚多士0岩0岩烘好就拎出0黎，炒蛋勁滑但又唔係好多油，好明顯成份餐都想sell營養同健康。相對0黎講，杯啡就瞬息0左，唔係唔好飲，只係無令人為0左杯啡而返黎再幫襯0既感覺。

食過幾次，裝修唔錯，坐得亦舒服，野食就一DD，最好食牛柳，好嫩好多汁。係深水涉西餐廳黎講佢算最好。