馬德里餐廳

營業中

休息中

9:30pm入座態度差 要求調位 黑面地下dirty叫碟上又鐵板上 5成熟 變100%熟碟扒跟飯 一放低係台 有一半飯跌左落地 拾返果時佢仲話我痴線咁既價錢 食物像飲品唔得 難食 服務差希望改善無圖無真相

有些餐廳，過門而不入；有些卻想去的，但又就不到時間，深水埗的馬德里餐廳是後者，於是趁因公事來到深水埗，就不如順道入去食一個午餐。一個午餐時段，顧客是多的，餐牌上一個星期七天，有不同的午餐，唯有依從當天的來選擇。羅宋湯是在下的首選，雖是菜多，也有一般的酸甜味道，但還是一般吧，不是那麼的好。焗意式茄蓉牛肉飯。茄蓉覆蓋整個碟子，但看來焗得過了火位，茄蓉上還有燶位。當入口的時候，茄蓉還是有酸酸的味道，但當吃到牛肉的時候，卻又變得較硬，沒有想像中的腍，也比較乾的。而炒飯亦同樣是較乾，與平常吃開的，硬了一點吧。熱奶茶竟然用上了茶記的鋼杯，在這裡有點令在下失望，感覺上就像去了茶記般的。而這一杯茶味道不算差，但較為普通吧。雖然只是一個午餐，但是卻較想像中普通了一點。

原先想去食oliva,點算無左，唯有食馬德里，叫左一份卡邦尼，一份瑞士雞亦，台式肉腸，同焗豬扒飯，好，首先係羅宋湯，水汪汪，󰀃淡茂茂，居然有忌廉󰀃湯味，好奇怪，算，瑞士雞󰀃亦，又係無味，肉質鞋，都算，卡邦尼意粉還可以，不過無󰀃汁，乾真真，最恐佈係個焗飯，從來末食過咁難食既豬扒，我好好奇，豬扒咁簡單，低B都󰀃識整，點解，點解可以咁難食，我呆左30秒，用左10分鐘去研究點樣可以形容依塊極品，豬扒有8%係燶黑既，然後聴下塊豬扒既聲，用叉敲塊扒，咯咯聲，我好質疑，如果老人家食依塊豬扒，會唔會噎x,硬到傻，用叉叉落去要叉4下先叉到，真係要出力架，塊豬扒咁薄(1.2cm)都可以硬，好野，簡直係廚神，飯係󰀃凍凍地既，汁又係󰀃淡茂茂，我唔明，咁都可以收$238，依間野咁垃圾都可以生存咁耐，好奇怪

食物太重味嘞。黑椒汁和湯太咸！紅豆冰甜到起痰，又冇紅豆！唯一較好的是環境尚算寬敞。服務一般。如果唔upgrade食物嘅話(例如唔加小食，唔要特飲) 價錢都偏貴。當然，食物質素改善的話，另計。

本人在此店叫咩無咩 唯有選擇高价錢既餐，但完全冇想過如此惡劣。黑椒牛柳絲意粉，喊到想死，個廚完全冇味覺，叫待應換但最后都係溝淡左俾噃嗰碟，咩服務？另外咖喱吉烈豬扒飯，重恐佈,豬扒係豬肉乾,咖喱飯啲咖喱汁得兩湯匙左右！咁究竟呢種係咩飯, 簡直不知所謂. 呃人錢餐廳. 真的好希望個廚比小小心机去做的食物! 如果唔係不如轉行! 真係十分失望!!!

石頭窩飯 = D飯硬過石頭白湯 = 成碗豆粉水吟、一D味都無！食成差不多二百蚊，找4蚊！湯:  去完洗手返位見到原來走廊放了座無㩒蓋一紅一白湯的熱爐，就是我台上兩碗，白的湯是豆粉水，紅的無試，我⋯頭盤：話包頭盤每款都要錢，$8起咁即是不包頭盤啦，主菜:   石頭飯無醬撈，乜醬都好啦！每粒飯都乾到清楚可見，'不'起來鬆散，上面配豬肉鬆，又鬆又乾，我無辦法擺入口。總結：是晚食了焗肉醬意粉和喇沙醬肉鬆雞粒石頭煱飯共兩個餐，在深水埗區比成兩百蚊已包加一，係仲要比加一，食物味道好差！環境不乾淨！太離譜！！

今晚應小孩之提議到這裡食晚飯。在餐廳外已看到餐牌，也被價錢嚇了一跳，但既然來了，便試一下。 我們每人點了套餐包括餐湯、主食及餐茶。餐湯有羅宋湯或磨菇湯，味道都Ok，但羅宋湯只是湯加一塊番茄及一塊紅蘿蔔。主食是肉醬意粉及辣肉腸意粉，肉醬意粉太鹹，辣肉腸意粉的辣肉腸其中有幾塊有種很怪味道，上面的蔬菜不新鮮(有黄有壞的)。最後埋單連加一，每人要$95, 完全不值，而且很失望。

經過福榮街，見到有間扒房，百零蚊價錢，當然沒有太大祈望。晚餐約了友人一位，座位不是太狹窄。order了西冷肉眼扒餐，叫了7成熟，最後給了9成熟肉眼扒過份充滿”口感”，就像吃口香糖一樣，難以吞下（扒裏超過50%都是這樣）原本百幾蚊扒餐當然不會太大要求，但最基本牛扒要”淋”，容易入口，很基本！可惜百幾蚊牛扒，給了我大快活貨色有人可能認為百幾蚊牛扒不應有要求，但是真正好吃的百幾蚊價錢扒房，可以是有不錯的味道！令食客認為值得，好食，有該價錢水準！薯蓉田螺，ok，但不太熱*服務態度略差一個仔問我想幾成熟時候，用一些焦不起你的眼神問你（認為我不懂）當天我是穿得casual一點，但你有何資格看不起人？還有，因為我坐的位置後面小枱是放餐具櫃桶，待應可以貪方便，懶走過來，把毛巾從我頭上拋過真好！這間扒房有雜技”欣賞”！

來這裏多叫A餐炒蛋+牛角包+焗豆 ($28)! 不錯的!今天想找多些健康些的早餐!想起不如吃三文治餐! 其實蔬菜選擇不多,只有蕃茄, 於是點了蕃茄吞拿魚麥包配熱檸水 ($28)吞拿魚我想應是吞拿魚醬, 因較多醬, 而魚肉已溶於醬中,蕃茄都算多的, 而且用中間較軟身, 熟的位置, 味道不錯!不知香港能否轉變多些有營早餐, 不是只能選麥皮餐, 或三文治。

餐廳環境可以 坐位都好舒適 服務態度都唔錯.點左個 黑椒汁牛扒腸仔飯 有個忌廉餐湯 大大碗 個湯夠忌廉味 重有幾多蘑菇Tim個飯個樣都幾靚幾大碟 腸仔係熱九腸 煎過 個皮係脆皮 幾香口 正牛扒煎得OK啦 大概7,8成熟 幾淋 但無咩D牛味 不過就幾大塊黑椒汁唔太咸 有小小辣 夾埋牛排一齊食 OK啦!飲品點左杯 拿獎 金奶茶 其實一般啦 有D茶味 幾滑 冰太多 好快淡左啦.

星期日晚上9點度一入去已經冇咩人。首先男朋友叫咗個豬手跟飯，我諗咗陣先叫龍蝦汁海鮮天使麵。寫菜個職員怪怪地一輪咀咁，不停問餐茶飲咩 。男朋友見到隻豬手咁細隻已經話唔得，我睇埋個天使麵就10個差。食到10點D職員好勤力咁行埋嚟收野走~ 咁O既質素我唔會再食呢間!

深水埗是我很少踏足的一個地方，我很難預計到元旦的晚餐竟然在深水埗吃。人生路不熟，只是隨意找一家，最後遇上了馬德里餐廳。突然想起它的水吧曾在金鴛鴦王大賽奪得冠軍，於是決定今晚的晚餐在此解決了。澳門焗豬扒飯豬扒是厚切的，不過炸粉同樣很厚，肉汁不多。飯底正常。龍脷柳雞扒配薯菜龍脷柳和雞扒味道還可以，至少魚有魚味，雞有雞味。唯沙律菜不太新鮮，薯角已變腍不脆了。鴛鴦沖得不錯。在深水埗來說，它的定價算是高，以這個價錢，應有更好的選擇吧！

返完(N 更)，8:30am 成個人殭晒，成條喪屍咁! 自己一個又唔想去茶樓飲茶，唔飲唐茶就去飲西茶啦；間間茶記都迫滿晒人，一條友一邊扯煙一路逐間昅下睇有無位去比我吔早餐。貢呀貢終於貢到一間仍然係有位嘅茶記，昅下個招牌，原來係叫 「馬德里餐廳」，餐廳就餐廳啦，餓到死人啦，是Q旦啦，早餐渡渡差唔多。仍然有吉位，未爆滿人喎 餐廳都係好d嘅! 叫得做餐廳果然有返d裝修喎，又吊燈，氣氛都平靜d嘅!仲有意見諮詢書tim! 真巴閉!我要嘅係 三十二蚊嘅美式早餐；吉列魚柳，配煎雙蛋+茄汁荳+牛油厚多士。要奶茶。原本係滿心歡喜以為有正嘢食，份餐嚟到先知大鑊 真係 "魚蝦蟹" 乜都齊!有圖為証，蛋煎到乾憎憎，係硬嘅! 塊吉列魚柳又係乾憎憎嘅，又無魚味又紙咁薄! 塊所謂嘅牛油厚多士仲乾個我褲袋裏面個"荷包"囉!!! 唔谷氣就假呀!杯奶茶就中規中矩啦，茶味一般，唔算香醇，唔夠滑，好一般。三十二蚊一個早餐，煮d咁嘅質素嘅食物出嚟俾客食，仲衰過d地踎茶記囉!! 值嗎? 我唔覺囉! 仲會嚟食嗎? 唔會囉!!

  　今天晚上有活動，是以先吃點輕食才參加。我以前便已光顧過馬德里，對它常餐，火腿奄列牛角包配沙嗲牛肉公仔麵印象深刻，尤其是奄列和牛角包，尤其記得它的奄列很厚，多料厚實，非常飽滿，而牛角包也夠大，但那個餐很大，吃完了會很飽，所以今次去，希望能吃到奄列和牛角包吧。　　接近六點的時間，食客不是很多，我選了一個靠窗的位置，可以看到外邊的街景，希望可以安靜地看點書，但坐下來才發現選錯了地方，因為坐位很窄很淺，都放不了整個屁股，坐下去好像常有一種快跌下去的感覺，還是坐卡位的感覺要舒服些；而附近的食客談話的聲音十分大。　　我點了芝士火腿牛角包配熱奶茶，上菜的時候有點驚喜，因為有些炸薯角作為點綴，而且還熱的，很香脆，可惜炸得太久，有點炸，太鹹了。還有青瓜和蕃茄片，我後來才想到應該夾在牛角包裏。　　牛角包本身的質感不太棉密比較鬆，咬下去便扁了，但因為火腿夠熱，芝士呈半溶的狀態，火腿與芝士交溶的感覺實在太棒了，但因為牛角包比較薄身，吃下去像吃風一樣，一咬便吃到芝士，所以感覺偏鹹了。　　至於奶茶方面，稍夠濃滑，茶味略嫌不足。　　今次的願望就滿足了，總的來說，不過不失。

人地話唔好讚太多係真嘅！上次食完滿足一餐後，滿心祈待下一次•••點知放工後约咗老公去深水埗試新開糖水鋪，但未夠時間自己去食野先入左一間叫"馬德里"餐廳，8:30左右唔洗等直接有位；餐牌都好豐富~湯~ 忌廉湯•••但一D都唔濃郁 跟湯奶粉味餅乾條好奇怪地有一邊崩左°°°前菜~+$要左兩隻焗蠔都ok la 冇惺味係迷你左少少主菜~焗蟹蓋+豬扒跟意大利飯••••好乾的意大利飯，最祈待焗蟹 (´×ω×`)唔知點解有些酸酸地••以為加左D酸 忌廉••再試多啖°°°我放棄了，因為我醒起現在夏天唔好駁••剩下隻半蟹蓋，只有怨自己唔應該咁大膽喺呢度叫海鮮！。。。費事换la飲品本來想試吓D特飲••但冷氣較大愈坐愈凍°°°最後叫左熱擰茶p.s.= =野飲錯哂！杯飲品隔離枱問都唔問放落嚟 (　￢_￢)重要我叫飲品果陣又以為我已点過••好亂都有好地方~D食物好快有唔洗点等，杯檸茶夠熱唔澀