馬來亞春色綠野景緻艷雅

營業中

休息中

今晚想食東南亞菜，本來想去試泰國菜，最終為左方便來了鰂魚涌試馬來西亞菜。店名頗有玩味，比它的名而吸引住。餐廳有兩間分店，另一間在柴灣。鰂魚涌鋪地點有少許隱蔽，但不算難找。服務人手不足，進店無人理會，隨便找位置坐，餐牌簡單，圈上要的便可。點了肉骨茶，咖哩雞喇沙，加多加多沙律。先上肉骨茶，呷一口湯，藥材味頗重，帶少許酸味。肉稔帶少肥膏。蘸了店家的甜鼓油加蒜蓉，十分惹味。接著係喇沙，湯底濃而不辣（可叫店家要辣醬）淡淡椰香，咖哩，各種香料慢慢滲入味蕾。每種味道調配得宜，不會喧賓奪主爭先恐後。油麵米粉處理剛剛好，不稔不硬。整個喇沙比在馬來西亞吃的還要好！這裏的喇沙應是暫時試過最好的。最後來的加多加多沙律沒甚特別，當然喇，比起肉骨茶及喇沙這沙律當然不能為我們帶來什麼驚喜了。人手不足確是這小店的缺憾，沒辦法了，東西好吃就是了。不去計較服務才是，否則無法嘗到這出類拔萃的喇沙。有時間要再黎encore

Great food and helpful staff. I got the Bak Kut Teh and the portion was good and goes well with the garlic rice.

到過新加坡同馬來西亞,兩地的肉骨茶味道十分不同. 個人喜歡馬來西亞style 見到雜誌介紹即管lunch 試一試. 裝修有點特別不會太迫如果唔係要寫食評我係唔會發現個店名甘長. 鰂魚涌一向都是搵食的好地方果然無令我失望 ,鋪枱紙有介紹食法十分細心. 肉骨茶味濃帶甘,肉好冧一咬就離骨,油飯香但不會搶去主角的風頭,最鍾意個甜豉油真係好match. 雖然價錢有點貴不過一分錢一分貨,下次要試埋個叻沙.

《肉骨茶》湯較甜，藥材味偏重，完全唔辣。材料方面，排骨夠腍，豆卜支竹冬菇都幾入味。******************************《沙嗲串燒叻沙麵》湯底重蝦味。沙嗲豬雞肉串燒偏甜，味道一般。《洛神紅苺茶》像即沖飲品，不值得試。********************肥太攻略*********************「只有肉骨茶值得吃！」******************************

友人喜歡食肉骨茶，諗起之前睇到介紹過呢間名字很特別的餐廳，於是來試試。店舖細座位較迫，人手不足，有吉枱也沒有叫門外排隊的人內進，於是我和友人自行入內找位坐。每人點了一個招牌正宗巴生肉骨茶，一份小食拼盤，兩飲品。見店內介紹肉骨茶是三代家傳秘方，的確好味，不是其他餐廳可吃到的美道，而且味噌少，馬拉葱油飯一點也不油。友人只嫌湯不夠熱，美道一流。小食拼盤新鮮夠熱，點了的洛神紅莓茶很有自家味道。食品質素一流，只可惜小店的一般問題是人手不足，想快d有得食要自己衝出去交點菜紙俾姐姐，埋單亦企左一陣姐姐先得閒收錢。

今日同蝦子餅去食，叫左肉骨茶同海鮮叻沙。肉骨茶藥材味濃，唔係新加坡重胡椒味嗰種，啱曬我！👍🏼 有試少少叻沙湯底，都覺得味道不錯，下次會試下叻沙，沙嗲同埋其他小食！

有日番工因太無聊所以瀏覽google map😂研究公司附近有咩有趣建築物時發現這個馬來亞春色景緻艷雅既然係咁，就唔好枉費我呢個google map 嘅提示，行到摩打腳都要去試試你店面好細，堂食位置唔多，等位都等咗5個字先有機會一親香澤叫了串燒喇沙摻摻，跟據友人指出摻摻係米粉加油面，鍾意摻摻因爲口感唔會太單一一次可有油面同米粉，唔駛再叫多碗湯底夠濃香，食落有蝦米豆卜吸曬湯汁，勁正串燒分上，有5條之多，非常抵食下次可以再encore💪🏿

同事介紹過我黎食肉骨茶，試過一次確實唔錯。今日可以早啲出去lunch，經過見到未有人排隊，決定再試。今日揀左叻沙配「參參」加沙嗲串燒。叻沙湯底唔算太辣，配料有通菜，芽菜同蛋，加上「參參」，即油麵加米粉，令到每一啖既口感相當豐富！很不錯！至於串燒都唔遜色！2串豬，3串雞，無過火，唔燶唔韌。沙嗲醬上有少許花生粒，有誠意！套餐仲跟杯飲品，唔係普通檸水奶茶咖啡，而係冬瓜茶或者洛神紅莓茶，好養生既感覺。上次試左洛神紅莓茶，今日試冬瓜茶，兩款都OK，唔太甜，味道天然。$66有齊色，香，味！必定再encore！地方唔大，坐位不多，唔想排隊就要早少少到。

海鮮喇沙摻摻- 湯是暖的，香辣油膩度均屬一般- 魚蛋及魚片味鮮，蝦彈牙，蛋全熟- 芽菜爽脆，通菜過腍- 摻摻中的油麵略過腍，量比米粉多，不夠平衡- 店員提議把自家魚仔炒辣醬混入湯中，混入後完全「融和」了，湯底與加辣前的味道毫無分別*店名有趣

之前聽朋友講肉骨茶分兩大派：福建 Vs 潮洲餐廳聲稱他們的肉骨茶是三代家傳的福建派，我唔係好識分，飲落有淡淡的藥材味，完全無胡椒味，有三條肉骨，炸過既支竹，生菜&豆卜，配上蔥油飯$76肉骨茶午餐可免費配冬瓜茶/洛神花紅莓茶，朋友話冬瓜茶過甜，而我的洛神花茶唔夠酸

想食好耐,原本想去柴灣個間食,一睇之下發現柴灣只開兩小時,下午茶先食飯既我冇辦法只好來呢間位於鰂魚涌既舖。枱面張紙有教你點食,不過自己喜歡就得。特別一提,佢啲辣椒粒好重味。自行決定加唔加。肉骨茶冇我好憎既味,我唔識講咩味,但呢間冇,好岩我口味。食到尾愈黎愈重藥材味,正呀原來仲有野飲,紅莓茶/冬瓜茶。我選擇左後者甜甜地,好香我唔識點先正宗。但好好食!有機會我一定要番黎試埋啲叻沙,應該有驚喜!!店面細人手小。要有耐心

最近睇到網上推介有海南雞食嘅餐廳，又見到餐廳名就諗起電影《精裝追女仔》嘅片段，於是星期六去試試😆餐廳喺內街，但都好容易搵到一心諗住食海南雞（因為上網睇左柴灣分店有海南雞食）點知....原來呢到係無海南雞😩於是點左店員推介嘅嘅肉骨茶&叻沙肉骨茶好快上枱，好香，好飲，店員仲好細心教我地點樣食叻沙味道有啲淡，但咖哩雞非常入味配料有通菜、芽菜、豆卜等飲品可免費選熱/凍冬瓜茶或洛神花紅莓茶，今次試左洛神花，清清甜甜，唔錯另外叫左一個煎魚餅，質地似扎肉，唔會好乾