馬來亞春色綠野景緻艷雅

營業中

休息中

食物質素我未知道但眼入到去既時候有個女人坐係度完全黑口黑面都唔緊要但當你叫野食 想問下個餐紙點寫 同埋個問下個菜色係有咩材料佢非常態度差咁話 自己睇。本人以禮相待 並沒爭執 直接走人！另外 店舖個味非常不好聞。

正宗巴生肉骨茶＄76：盛傳三代家傳秘方，配合排骨、冬菇、知足、豆卜、青菜、油條，入口完全不辣，古早味肉骨茶湯味濃郁，藥材味較重，若然你是藥材愛好者就一定要點這個招牌菜。枱上附有食法和味道解說，可見老闆對食客和食材的認真。沙嗲串燒配喇沙米粉＄68：沙嗲有兩串豬肉和三串雞肉，沙嗲燒得時間剛好令肉質不死實，而且肉味濃郁，沙嗲醬重花生味很香。喇沙湯底味濃，配合麵食一流。另配有少量通菜、豆卜和半個雞蛋，非常豐富！眼見其他食客點的炸蝦餅和春卷賣相很好，一定是下次惠顧必試！唯一意見是座位較逼，可考慮改善餐枱和餐桌的舒適度。

Lunch time排哂長龍既馬來西亞餐廳食左最出名既咖沙同肉骨茶❗️炸魚餅併魚片摻摻（米粉+油麵)💰$66好大碗 配料還有通菜、芽菜和半邊蛋 麵可以轉成泡飯叻沙湯底出色 有椰香 少少辣好惹味 油麵好有口感 煮得啱啱好吾會太淋👍🏻米粉索哂d湯夠哂入味養生之選 肉骨茶💰$76用砂煲上 藥材味肉骨茶 有杞子 吾辣 略甜左少少 但好足料 4-5件排骨 煮得好淋好入味 仲有豆卜生茶冬菇 加埋幾舊油炸鬼仲有一碗蔥油飯👍🏻夠香仲有幾舊油炸鬼配料 加落去多左層口感！

星期一早上11:30用OpenRice去落單等外賣，系統講明12:00有得攞。12:00去到時，商家根本冇檢查有乜嘢單入過，仲要同我坳話12:45至有得攞，後來先發現嗰張系另外一張單，我张单的而且確係12:00。然後就比店家黑我面，話而家去煮，等到12:20都未有。途中有問進度，繼續黑我面。最後攞到食物，個小食拼盤小到不得了，一個人食都嫌少，竟然收$62! 加个油菜$22，八十幾蚊只夠一人食飽，有图有真相。

其實餐廳位置都好格攝下，如果講緊鰂魚涌甚至太古城中心番工既人，行到黎都唔算近，因為都就行到去香港大酒店果度。餐廳唔大、位唔算多，但食既人多。所以同其他餐廳一樣，唔早到就一定要排。我同朋友都食叻沙，一個跟沙嗲一個揀左巴東牛肉。見隔離食肉骨茶有跟油炸鬼，而叻沙可以揀一半米粉一半係類似油麵既麵。叻沙既味道偏向淡口，入口唔會好咸或者好甜咁。叻沙好香，唔止椰漿仲有唔同既香料味。飲啖湯，食得出真係落左唔少料。雖然佢唔算辣，但真係唔食得辣既人，都係食肉骨茶穩陣。因為佢唔會好咸，更加可以飲多幾啖湯。同時地，佢跟叻沙既送就會味道足d，即使係想食得咸少少既人，都唔會成個餐都淡。沙嗲味道唔錯，肉都唔會鞋，而且都好香。巴東牛肉就幾足料，牛肉量唔少，而且煮得都夠林，都好香香料味。而且佢面頭仲有其他調味料，我食到有魷魚乾，令成碗叻沙既海鮮味提升左，連埋d送，成個配搭確實唔錯。同埋都覺得佢就算有落，都唔似落得多味精，雖然我覺得佢似冇落。跟餐既呢杯凍既冬瓜茶，實在太緊要，因為鋪頭唔大，坐得有d逼，同時食叻沙又熱，冷氣又唔夠，唔少人都食到滴汗。但講食物，呢個價錢，食到我唔知係咪正宗既馬拉叻沙，實在唔錯。我就成碗叻沙食哂

這間餐廳的名字真的去了好幾次也沒有記得住。不過這家馬來菜濃郁的味道總是讓人念念不忘，久不久也會去吃過惹味午餐。 看到有留言說店主態度不佳，趕着翻桌，倒是有點無語。。 。說真的，鰂魚涌餐廳中午時段總是人頭湧湧，過了12：15pm基本上很多餐廳都快要坐滿。大多數餐廳見你還沒有人齊基本上就不會讓你進去。。。而且非連鎖小店都面積很小很小，租金又貴。。何況這家非常受歡迎的店只有一個店主同時在收錢和落單和淸潔和安排座位。。還要派送食物。。如果你的朋友還沒有來，而你卻佔着空位，不是給其他排隊輪候客人和店主帶來問題嗎。。沙嗲喇沙每一次都喜歡點這個沙嗲。 四條雞肉和兩條豬肉，非常惹味。雞肉也很鮮嫩，完全沒有燒焦。上面配上的花生醬汁味道剛剛好。他們的蝦味湯底也非常濃郁，不會辣。豆卜浸在湯裏又軟又吸收了湯的日月精華，但如果分量更多就好了。 個人喜歡吃米粉，分量剛剛好。可是這家店的人氣十足，慢了就只能在外面排隊了。

鰂魚涌區近嘉里中心附近的內巷有一間很特別的馬來西亞菜座位只有很少 午飯時候 基本上都需要排隊點菜的方式是先選主食 後點麵款 每人自己填一張點菜單 有點像日式拉麵店 這是我第二次來光顧 上次來的時候選了串燒配滲滲 很不錯它滲滲的意思是油麵混合米粉 很有趣但相信不是每一個人也很喜歡我今次則點了咖哩雞配油麵 送洛海紅莓茶一杯 免費來講不能要求太多 凍的也不加再加錢我自己不太會分辨是否正宗 但整個味道對我來說是很惹味 也會令我一直想吃完整碗的感覺加10元配油炸鬼是必須的 因為放在湯裡面 送麵一起吃 可真是一流這間店最令我想法是深水埗和荃灣都有的蘇媽因為這裡也有肉骨菜可以點 兩間店吃的食物也很類似但這一間的食物類形則集中一點 流量也更快 沒辦法 這店只有約20個座位 而且食物特色之處 也吸引很多人選擇過來吃的確十分推介！希望會在九龍區開分店 或是擴大鋪面就好了

之前帶同事去食,同事阿媽係馬來西亞人,所以佢都係半個馬來西亞華僑,食完佢都讚好正宗,仲影相俾佢阿媽睇間野喺條橫街度都幾難發現,每次lunch都好多人,好似附近返工啲人都衝左過去,唔知係咪今日熱,今日冇咁多人排隊,快就到我了✌🏼餐牌主要有喇沙🍜同肉骨茶🐷,Lunch時段冬瓜茶同洛神紅莓茶🥤都免費跟飲,好夠味,唔係多水only今日太熱🥵嘅關係,所以我嗌左叻沙🍜,聽朋友講正宗嘅叻沙係油面加米粉撈埋一齊,呢間野都有做到,只不過我唔食油面嘅,個湯底好正好足料其實之前都試過佢哋個🐷肉骨茶,真係好正宗,好足料,好有藥材味如果鍾意食馬來西亞野嘅人一定要食呢間👍

今次在工作日去吃午飯的餐廳名字很長！「 馬來亞春色綠野景緻艷雅 」 - 主打馬來西亞菜，即使開在鰂魚涌的小巷中，午飯時間還是有長長的人龍...大約要等最少15分鐘才能入座，座位方面也是搭枱的形式吧餐單是一張落單紙～好像最出名的是肉骨茶，其次就是叻沙此外還有一些小食 (*´Q`*) 個人對串燒很有興趣！朋友和我點的都是叻沙 - 炸魚餅併魚片配米粉 ($66)很大的一碗！！配料還有通菜、芽菜和半邊的蛋。不喜歡麵或是粉的也可以轉成泡飯～或者加錢則可轉成馬拉蔥油飯。不過我們選擇了+$10 油炸鬼！這個浸了湯後超惹味的耶我點的則是 - 參峇魷魚配油麵+米粉 ($68)大概是因為“參峇魷魚”的關係，我那碗湯底比朋友的稍微深色點～湯底微辣得來惹味十足！魷魚的口感很彈牙，除了魷魚片還有魷魚鬚。油麵增加了口感上的層次，再加上吸收湯的米粉確實不錯另外還有送冷熱同價的冬瓜茶或洛神紅莓茶。我的是前者，先飲會覺得很甜～但喝了湯後才飲就剛剛好囉最後亦點了 - 沙嗲3串豬+3串雞 ($52)雖然外表看起來很燶很乾似的。但吃落發現是很嫩口，而且那沙嗲很香~雖不及叻沙惹味XD

估唔到係呢個鰂魚涌同北角之間有間不太起眼嘅馬來西亞餐廳—馬來亞春色綠野景緻艷雅 🇲🇾係平日中午嘅時候都見有唔少嘅打工仔排緊隊準備入去食個lunch，我同幾位同事今日大概十二點九見到唔算太多人排隊所以亦打算今日黎一試呢度最出名嘅肉骨茶！等左唔夠五分鐘，店員就安排左一張四人枱比我哋，menu 可以選擇嘅唔算太多，但勝在夠清晰！正宗巴生肉骨茶HKD76 連飲品 凍洛神紅苺茶味道：🌕🌕🌕🌖🌑呢度嘅肉骨茶係用砂煲裝住，風味十足！個人認為都幾足料，排骨都有四至五舊，加上一舊冬菇，三至四塊豆卜，一大塊支竹，仲有生菜同埋明目嘅杞子！再配上幾舊細塊油炸鬼加上一碗蔥油飯！其實都幾飽肚。個lunch set再包埋一杯飲品，非常抵食。以後食lunch又多個選擇喇😋

之前都聽過鰂魚涌有間馬來西亞餐廳好出名，咁岩今日Team lunch，馬來西亞既同事就帶我地去《馬來亞春色綠野景緻豔雅》試下d正宗嘅馬拉餐。間餐廳嘅location喺北角同鰂魚涌中間，係一條小巷入面，都比較隱蔽，唔小心就會miss左個門口。小店都比較繁忙，我哋一行六個人都要分開兩張枱坐。餐廳冷氣好足，就算食熱野都唔怕。點完餐好快送到。藥材味肉骨茶用砂煲上，溫度啱啱好即刻食得。驟眼望落去都已經覺得好足料，有冬菇枝竹同杞子做配料。啲肉食落去都好稔，有少少入口即溶既感覺。d湯唔會冇味之餘亦唔會太重藥材味，味道剛剛好。油飯就中規中矩。$76既肉骨茶套餐仲包埋一杯洛神花茶/冬瓜茶，性價比都幾高。相信之後都會繼續幫襯!

食左串燒喇沙，正常嘅。出事嘅係飲品，我地點左三杯凍拉茶，黎左熱嘅，於是我地同職員講，佢就拎走左，隔左15分鐘，擺左三杯冇冰有層水喺上面嘅「凍」拉茶喺度，好明顯係將頭先杯熱飲倒落啲冰度⋯⋯飲落，好淡、無茶味，完全唔掂。請留意，飲品唔係跟餐嘅，係$20一杯，三杯$60。於是我同個職員講，佢好Hea咁話會留意吓，然後走咗。正常程序，一係waive左飲品錢，一係沖個杯俾我地。佢完全冇⋯係照收我錢，杯野我同我朋友淨係飲咗一啖🔥🤬😡不會再去了

喺malay食過好好味肉骨茶之後。一直都未喺香港搵到好味嘅肉骨茶。個人非常鍾意走藥材味路線嘅肉骨茶。所以之前見到介紹呢間餐廳已經一心要黎試下。晏晝黎到。見餐廳細細。入面得兩個人好努力咁處理外賣。即使有位。都等左一陣佢地先得閒安排座位。雖然佢地都冇乜無表情。但態度良好。點完餐好快上菜。肉骨茶用砂煲上。但就唔係熱辣辣。湯藥材味十足。就咁飲又得。送飯又得。排骨份量足。肉夠淋。不過明顯係雪藏貨冇咩肉味。最正係啲支竹同豆卜。吸哂啲湯超正。仲有半舊勁厚身冬菇。又係吸哂啲湯。油炸鬼仲脆冇油味。浸湯好食。不過得兩舊。蔥油飯望落深色。但一啲都唔咸。只有蔥油味。仲送左杯冬瓜茶。唔太甜。夠消暑。最後成煲野食哂。湯又飲哂。值得支持嘅小店。

附近上班沒有太多選擇，難得今日自己食飯就試新野諗左好耐揀肉骨茶定喇沙，最後都係試左肉骨茶飲品選擇左凍冬瓜茶，但可惜既係飲品完全唔凍，係暖既狀態，要減分肉骨茶湯味十分濃，要肉都有3大塊，不過肉味不重，湯內還有冬菇豆卜等等，整體黎講肉骨茶的味道我幾鍾意既至於蔥油飯，食不出特別之處，飯有少少硬小店位置不多，十二點半時已經滿座，環境尚算整齊，只是員工不多，比較繁忙下次會嘗試下喇沙，畢竟附近能食肉骨茶及喇沙的餐廳不多

中午行經鰂魚涌一段的英皇道，突然飄來一陣香味。在附近的小巷内終於找到了這“馬來亞春色”。餐廳位處於的不是大街但也不難找到。室內座位不多但正是小店的可愛處。店内座無虛席，剛好有食客用餐完畢示意可坐到他們的位置。這種和睦的氣氛，可能也是在街坊小店才能找到了。後來才知道這店經常需要等位、今日不用排隊已屬萬幸。同夫人分別簡單點了巴東牛喇沙及正宗巴生肉骨茶，喇沙湯底味濃而不膩特顯了椰汁香味但又不會太甜。 藥材味濃厚的肉骨茶，材料充足再配一碗蔥油飯。個人較喜歡肉骨茶的味道， 但只從夫人的慷概分享下淺嘗了小口。下次定當再仔細一試這正宗巴生肉骨茶。