馬來亞春色綠野景緻艷雅

營業中

休息中

🍜 海鮮喇沙鴛鴦麵 HK$68喇沙椰汁味幾濃，濃得嚟唔會好甜，而且好香。所謂海鮮有蝦、蟹柳、魚蛋、魚片，材料方面就好似hea咗少少。.🏺 正宗巴生肉骨茶 HK$76入面有排骨、支竹、冬菇、豆卜等，你可以當飲緊藥膳，飲完感覺好養生 🤭 湯汁攞嚟撈飯幾match。.🍛 沙嗲串燒魷魚蔥油飯 HK$88三串雞兩串豬，再配埋魷魚，感覺好豐富。佢哋嘅沙嗲醬偏甜，串燒醃得有少少咸，魷魚都幾多。.💛 炸榴槤炸彈 HK$34咁多樣嘢最鍾意就係個榴槤球， 即叫即整超熱，榴槤味道好重。如果身邊嘅人唔鍾意，應該會覺得成個空間都好臭 🤣

鰂魚涌小店特別多，本來食過一間好出名又有得免費飲肉骨茶嘅食店。佢個碗眼見湯底濃厚嘅蝦湯，一食下原來得個樣之後，本對喇沙愛好嘅我都為之一縮，唔敢再等別食（因為湯底都會令人肥㗎嘛，咁樣好唔抵）這間係好無意中找到嘅店，本來係諗唔到食咩，又想食湯粉之類加上果日12:10無咩人排隊就去試下啦。今次我唔會因爲佢個湯底而相信佢，不過佢叫菜紙上有寫辣辣醬再叫要比錢，咁我又有信心佢咁寫就算個湯唔得我都有辣醬湯底。點知一啖飲佢個湯，好鬼濃好正呀。最好係2溝粉麵，米粉及取湯精華，麵又有咬口，而且配菜也不少，我叫嘅係雞都好入味，試通人地嘅牛同串燒都係咁正⋯我會掛住你，心思思都想去食

肉骨茶(不辣)，有藥材味，雖然不是很藥材味，也很好味，也不算貴，巴東牛肉馬拉蔥油飯(參峇魷魚)，都幾辣下，不吃得辣，就不要吃了但油飯就好似不似油飯，但也很香口，6串串燒，3串豬，3串雞，值得推介小食併盤有泰式香辣米腸，吉列炸蝦餅，炸魚餅及越南豬肉春卷，也不錯，只是覺得太細件吉仔酸梅很小地方有得飲，只可惜不是新鮮吉仔製做，也算飲到馬來西亞的特飲總括來講味道也不錯，價錢也不算貴，4個人晚餐，每人都不需要$100

試呢間係因為佢有喇沙，再加埋咁特別既名，難得有同事陪食，why not?佢地好有堅持要人齊先可以坐，都明既... 小店... 但見我地食完，就收碗話有人等緊，就有尐好唔舒服，因為後面有枱亦唔見有人等...我覺得唔算太好食，喇沙係要有椰香，小辣，咖哩等... 但呢個食到既香只係一般蒜等香料既香味，無椰香味，個所謂既"自家製魚仔炒辣醬"都唔辣唔香，我覺得似一段潮州辣椒油，加左係香少少，但做唔到又香又辣囉...我都撩左同事仔既"馬拉蔥油飯"... er... 我覺得只係似有味飯而唔係又香又惹味既蔥油...

這裡標榜正宗馬來西亚肉骨茶，尚冇喇沙，沙爹等馬來食品。肉骨茶不算便宜，76元，用料很足，是否正宗，我非馬來人，不敢妄語，但湯味濃，肉骨多，但肉骨應是急凍货式，欠肉味。其他飯尚可以。最令人垢病服務，光顧當晚，店內只有一位女士，大抵太忙，面色難看，下單是她，收拾是她，送餐也是她，洗碗還是她，洗碗一對膠手套，送餐也不脫下，食客目睹全程，有何感覺？劉華話斋，今時今日咁嘅服務態度，無言。

食到真正肉骨茶嘅味道，但個老細嘅態度真係好需要改善下，晏晝同同事食飯都知鰂魚涌要排要等位，但老細嘅態度都可以好少少，已經唔係諗住食完可以坐一陣先起身，係明明食物都未嚟到，但就不斷趕住要我一位大肚嘅同事快啲嚟度，都明老細想做下單生意想翻檯，咁祝佢翻到檯嘅，但我就唔會係一個返頭客。但以事論事，平心而論，呢個肉骨茶嘅味道唔會好似涼茶咁苦同埋辣口，啲肉煲得都非常冧，再加上油炸鬼浸埋落湯度食特別好味， 70幾蚊黎講，喺鰂魚涌呢個價格偏貴嘅地方水準算好唔錯。

肉骨茶正已經唔係第一次食佢！每次都keep 到水準不過今次可能係因為夜晚黎，所以冇晒油炸鬼，轉左做炸花生！但佢個醬油配蒜蓉真係一流仲點左杯白咖啡，唔會太甜，都幾好飲唯一唔好係等左都幾耐！我今晚黎到時有另外兩檯人，一檯有6個另一檯有3個！但因為得一個人顧店，所以冇辦法佢鋪頭亦有寫明因人手唔夠，要保持質素，係會耐小小！

這是一間很有馬拉新加坡風味的小店。之前有幾次晚上經過也吃不到，因為太多人。今次有幸試到佢出哂名既肉骨茶；而且剛過午飯時間，所以唔洗等位。考慮食咩既時候已經比呢個細心講解既餐牌吸引，好啦就決定吃這個寶寶身子！湯底好濃而且好咁甜，一點苦和辛辣也沒有；雖然用豬肉長時間餚製，但也沒很油，肥膏也不多；全湯亦充滿著香菇味，也有少量配料：支足、豆卜、菜。講下油飯，是我至愛！吃下去沒有很油的感覺，只有淡淡的醬油味；配埋甜醬油和油炸鬼，很有馬拉味兒！

前兩日需要到鰂魚涌開會，順便可到附近小店食晏。 上網搵食，一見呢間小店名字已經覺得好正，預先致電，不設訂位，於是碰碰運氣，店內大約有20多個座位。 幸好，還有一張6人枱。 本身喜歡食肉骨茶，決定一試小店吸引處在於洋溢著人情味，枱紙印有肉骨茶的食法，少少心思已值得加分肉骨茶分量頗足，放上枱面已散發淡淡藥材味，備有葱油飯，黑豉油，蒜泥。 這店的肉骨茶是馬來式肉骨茶，由黑豉油配藥材，味道易入口，藥材不算太濃。 排骨煮得相當入味，軟 不鞋，豆卜同油炸鬼浸透後，簡單一個字，"正"。 飯香而不膩，一啖油飯，一啖湯，真係唔停得口。午市套餐連一杯特定飲品，選擇了凍洛神花茶，食過濃味的肉骨茶後，再來一啖凍茶，真是絕配，清涼舒暢。後記自身熱愛新加坡食品，肉骨茶亦偏愛胡椒味重的新加坡風味，水準高的在香港比較難找到。 喜歡馬來風味的食客，這店絕對值得一試。 店內還為食客提供圍巾，避免食湯汁弄髒衣服，相當細心👍👍

發現鰂魚涌都有好多鋪頭係有得食藥材味嘅肉骨茶。今日就特登嚟到呢一間喺好隱蔽嘅餐廳（佢個名實在太難記啦，我淨係會叫佢做”好隱蔽嗰間肉骨茶餐廳”)一入到去餐廳掛咗一個好大嘅國旗，旁邊亦都有兩隻老虎坐陣，都幾有氣勢架。我衝着肉骨茶而嚟㗎嘛，咁我梗係揀咗肉骨茶食啦！呢一碗肉骨茶嘅藥材味唔算十分之濃，其實反而適合我，我反而怕佢太重藥材味。湯入面嘅配料有肉有冬菇有杞子等等。湯入面肉做到入口即溶而且好入味，相信係用咗唔少嘅時間去炆同埋去煮製，睇得出呢間小店的確有放心機去煮。個餐跟個油飯，個飯較為淋身，雖然睇落去好似好深色咁， 但其實個飯嘅味道唔係特別濃。當然啦食肉骨茶梗係要點醬，我建議大家可以將佢比嘅蒜蓉放曬落去個湯入面，個湯會更加野味更加好食！

馬來亞春色綠野景緻艷雅，到底我要打幾多次先記到呢間鋪個名，恐怕有點難，哈哈！第一次來食，當然要試下佢嘅招牌菜，正宗巴東肉骨茶，我見大部份人都係選擇佢。自從新加坡返來，一直都想食返當地嘅味道，所以一見到都想試下。係圖就知道其實都算豐富，當然個動重點係要試下個肉骨茶味道。相比新加坡或馬來西亞食嘅，呢間唔算好濃味，不過可接受。至於佢嘅肉，唔算”鞋”，煮嘅時間剛剛好，再配上葱油飯，一啖肉骨菜，一啖飯，其實係幾正。至於價錢，其實都唔算好貴。PS: Lunch時間來可能要等耐d，同埋有d逼。

On a burning hot Saturday afternoon, me and my other half were out hunting for food that could temporarily fulfil our crave for some distinct yet familiar taste. We settled for this Malaysian restaurant in a small alley at Quarry Bay. Going in not knowing what a treat we were going to be feasted on. The restaurant main hit is the bak kut teh, of course we are going to order that. But we had our eyes on their laksa as well, because a good bowl of laksa is very hard to come by with so many amateur

今日中午去左呢間馬來菜食店, 店名好得意, 叫做 馬來亞春色綠野景緻艷雅, 要唱歌唱出黎先讀到個名, 哈哈!食左呢個名為正宗巴生肉骨茶! 除左用沙煲上既肉骨茶外, 仲附上一碗馬拉葱油飯; 對我黎講份量好似多左d咁, 但由於太好味啦!!!! 最後竟然一點都無剩, 食晒~肉骨茶藥材味道濃郁, 唔辣, 感覺鮮甜開胃! 唔怪之得我吃食完肉骨茶既肉; 飲埋d湯之後, 都仲可以將成碗蔥油飯吞晒落肚, 好味道!提外話, 午餐時段比較多人排隊等吃, 盡量12點3前到達會較好!

我同友人去尼間店時，友人忍唔住笑左，我問佢笑咩，佢話個店名好搞鬼，以前粵語殘片既一首歌詞，仲唱埋畀我地，我唔同年代，無代入感😂😂。店鋪位於條內街，唔難搵，地鐵站行過去7-10分鐘。一入店無咩客人，可能時間尚早，6點左右，牆上印哂必食推介，就係肉骨茶同喇沙。店不大，店員一個，似乎都係佢入廚房裝肉骨茶。我地就叫左肉骨茶、海鮮喇沙油麵、泰式米腸同椰皇啫哩。肉骨茶份量剛剛好，配碗油飯好好食，湯底濃，肉香好食，尼個肉骨茶好重藥材味，唔會好重胡椒味，果然係店鋪主打，價錢算抵食👍🏼👍🏼海鮮喇湯油麵，最正係個油麵，出面食通常係喇沙米粉或麵線，尼個油麵令我諗起福建既油麵，睇下餐枱張介紹紙，尼間店係馬拉福建人開既，果然😂😂至於個小食泰式米腸，入面係米粉，有點似福建豬肉腸，不過有泰式香料，個皮仲係又脆又薄，好好食。食左3樣野已飽了，不過天氣熱口渴都係要叫番杯野，我地叫左杯柑仔水，似台式夜市飲到既，好清爽幾好飲。甜品叫左椰重啫哩，諗住試下，出乎意料好得，個椰皇堅甜，店舖講明無額外加糖，好好飲，個啫哩滑捋捋配埋香爽椰肉好夾👍🏼👍🏼👍🏼外賣個椰皇啫哩番家都好，夏天夠消暑。

約了在太古坊工作的朋友午飯，她知我喜歡食肉骨茶，介紹這間店名很鬼馬的馬來西亞食店。她叫我先去揾位，但因為地方有限，要人齊才可進入，繁忙時間，絕對明白。食品種類不多，相信這就是貴精不貴多的最佳例子。一心來食肉骨茶的我不作他選，就點了肉骨茶，套餐有蔥油飯一碗、肉骨茶一煲連飲品。肉骨茶的湯底不辣的，不是胡椒湯那種，而是藥材味較濃，帶點甜味的那種，勁多料，多件大大塊的排骨，主要是肥瘦得宜的一字骨，而且支竹、冬菇也不少。飲品方面，我們點了凍冬瓜茶和凍洛神花茶。總括來說，這是一間用心製作的小店、年青的店員（或店主）態度友善，唯一美中不足的是冷氣不夠。