馬來亞春色綠野景緻艷雅

營業中

休息中

同事介紹過我黎食肉骨茶，試過一次確實唔錯。今日可以早啲出去lunch，經過見到未有人排隊，決定再試。今日揀左叻沙配「參參」加沙嗲串燒。叻沙湯底唔算太辣，配料有通菜，芽菜同蛋，加上「參參」，即油麵加米粉，令到每一啖既口感相當豐富！很不錯！至於串燒都唔遜色！2串豬，3串雞，無過火，唔燶唔韌。沙嗲醬上有少許花生粒，有誠意！套餐仲跟杯飲品，唔係普通檸水奶茶咖啡，而係冬瓜茶或者洛神紅莓茶，好養生既感覺。上次試左洛神紅莓茶，今日試冬瓜茶，兩款都OK，唔太甜，味道天然。$66有齊色，香，味！必定再encore！地方唔大，坐位不多，唔想排隊就要早少少到。