馬來亞春色綠野景緻艷雅

營業中

休息中

👤人數：2💰埋單：174🍽口味：偏濃味🍽菜數量：2🍽菜份量：標準價錢偏貴少少。第一次認識這間店是被名字所吸引，一見到個名就會情不自禁哼歌，我諗，呢個都係店主原意。一個男生一個女生嗌咗兩份嘢食，一個肉骨茶，一個海鮮叻沙，都夠飽。🍜個叻沙好好味阿，唔算好辣，椰汁味重，好濃，好足料，推薦！🥘肉骨茶個人就覺得偏甜，但藥膳味道都好重，豬骨俾得好多，性價比係幾高嘅，唔需要再另外嗌油炸鬼，已經都有。配送嘅蜜茶都好味，清清甜甜，整體感覺唔錯，會再幫襯。

一聽到個餐廳名，即刻諗起有嗰首歌🎤🎵嚟到鰂魚涌，朋友推介我試下依間馬拉菜小店。本身打算試下肉骨茶，但係天氣太熱了，所以都係揀海鮮叻沙摻摻😋呢間餐廳比較細，坐得比較逼夾。我今次係午飯時間來幫襯都比較多人！不過上菜好快！所以大家都會食完就走，唔會坐得耐。💚海鮮叻沙摻摻 $78大約落單等咗5-6分鐘就已經有得食！賣相好吸引🥰海鮮叻沙配料超級豐富，有鮮蝦、烚蛋、魚蛋、魚片頭、魚片、豆卜、通菜同芽菜。湯底帶點椰香微辣。我今次揀摻摻，即係兩溝‼️油麵同米粉吸收咗湯底非常惹味！午餐仲有是日飲品送！我個次係菊花露!唔錯清清地唔會太甜😋總括嚟講，呢間小店質素幾高！下次要試吓肉骨茶先😋會再encore‼️

嚟呢間馬來西亞餐廳 一定要食叻沙🍴🇲🇾好濃郁 鮮味十足 少少辣🌶️仲有少少椰香味🥥油麵好彈牙 仲有埋索湯嘅米粉 口感豐富😆巴東牛肉炆到好腍 好入味🐮成碗配料好多 份量十足 抵食呀🤑

自從冇去旅行之後🧳真係好想飲番正宗嘅馬來西亞肉骨茶🇲🇾呢間嘅藥材味好出 仲好甘香💕配料都好豐富 豬骨好軟腍又入味✨仲有冬菇、枝竹同豆卜 索晒湯😚最正係佢係配蔥油飯 好香口😋

估唔到咁好食係鰂魚涌返左工咁耐都無試過依間馬來亞春色綠野景緻艷雅叫左沙嗲喇沙油麵米粉真係無得輸 湯底濃唔會油沙嗲雞唔痴牙仲好滑最重要食完1d都唔口渴仲有杯冬瓜茶係鰂魚涌區佢算係一間平而性價比高嘅餐廳由於lunch time要等位建議大家12點要到 一定05分過後多數都唔會有位而且一定要齊人先可以入座坐嘅大多係圓櫈舒服就算不上但冷氣都叫足夠同埋逼得黎都算乾淨因為食完都好回味所以必會再去試埋其他嘅食物再分享下

馬來亞春色綠野景緻艷雅評分：🌕🌕🌕🌗🌑今日同事話星期一不如出去食嘢，咁梗係好啦！咁我哋揀咗一間公司附近嘅馬來西亞菜，個名好特別，馬來亞春色綠野景緻艷雅！我記憶中好似係歌詞⋯咁我點咗一個肉骨茶套餐，套餐除咗主食， 仲附送左一杯凍嘅冬瓜茶，好消署！主菜有馬來亞油飯，同埋一大盅肉骨茶，一盅肉骨茶大約五至六件排骨，淨係食肉都好飽！另外仲配咗少少油炸鬼，好傳統呀！湯底貫徹馬來西亞肉骨茶傳統， 比較重中藥味，當補補身都好呀！食咗咁多嘢 埋單$70內，都算係一個唔錯嘅選擇！

這家餐廳名字真的十分經典，每次跟同事提起這間馬來西亞餐廳也只能道出頭幾個字。😂肉骨茶和喇沙麵是這家餐廳的特色食品，當然今次也要下單啦。肉骨茶配以蔥油飯，大大碗實在十分抵食。我個人原本對肉骨茶的藥材味有點抗拒，但這家餐廳的肉骨茶卻做得頗為好吃，肉類也十分入味，而且有大量配菜例如枝竹、豆卜、冬菇、菜、油條，感覺到它製作用心而且非常正宗，對於疫情期間不能外出旅遊實在是良好的替代之選。而喇沙麵可以配以不同的菜式，我們本次便挑選了巴東牛肉。湯底的確是十分濃郁，椰香味濃厚也有點咖喱的感覺，麵底我們選了油面，的確也是十分惹味。隨餐也附送了免費的飲品，冬瓜茶可選冷飲或熱飲，解渴之餘也十分美味，實在是加分之選。整體而言，這間餐廳價錢不貴但食物方面做得不錯，推薦！

見到呢間叻沙中午都好多人排隊食，68-78一個餐包埋嘢飲都ok，入去食完覺得幾好食，超級飽肚😋🍴 巴東牛肉 参峇魷魚 油麵 米粉 $78 (8/10)好大碗，餸同麵嘅份量好多，有半隻蛋，芽菜，通菜，三舊豆卜，4-5舊魷魚同牛肉。叻沙好香濃，有少少椰香，一啲都唔辣，唔鹹，好重海鮮味，似用咗好多海鮮殼去煲咁，好香好好飲。油麵幼身少少，軟硬適中，彈牙嘅，米粉勁吸汁，比較淋身，牛肉煮到好淋，比較爛嘅狀態，唔洗咬就已經散咗，唔會痴牙，好似勁淋嘅牛腩咁，一樣勁吸汁！魷魚比較細條，爽口嘅，最鍾意係個豆卜吸曬味又淋，勁好食！食完勁飽勁滿足🍴 沙爹 3串豬＋3串雞 $62 (6/10)差啲分唔到邊啲係豬同雞，一樣用香料醃製，沙爹醬偏甜都香口，肉燒得香口嘅，但雞肉同豬肉嘅肉質比較紮實同乾身，真心乾同少少鞋口。豬肉比雞肉爽口少少，雞食到一絲絲肉質，串燒勁細串，一隻女仔手指長度都冇，得三小粒🫠$62六串都比較貴，$10得三粒肉粒，比大粒冇咁嬲，唔推薦叫串燒。🍴 黑糖冬瓜茶 跟餐送是日飲品 (7/10)甜甜哋，都重黑糖味，正常！推薦指數: 8/10真心推薦食叻沙，好香濃好食又飽肚，串燒就一般了，CP做唔高。會再

去鰂魚涌必食既餐廳，佢星期日吾開。平日夜晚又吾開。可見係幾甘專一，所有野食，賣完，收工。呢個係肉骨茶，同行朋友食喇沙，但我睇落覺得一般。BTW呢到冷氣真係好凍，記住帶外套

馬來亞春色綠野景緻艷雅🤣淨係餐廳名都特別過人。呢度淨係做肉骨茶同埋叻沙，叻沙有多款配料可以選擇，仲可以揀要油麵、米粉或者摻摻。仲有一人一杯冬瓜茶飲添😋 1️⃣海鮮叻沙麵（$68） 海鮮配料包括大蝦、蟹柳、魚片、魚蛋，另外叻沙本身有跟通菜、芽菜、豆卜同埋半隻蛋，配料好豐富🤤另外要加佢地既自家製魚仔炒辣醬！加左之後個湯底會惹味好多～湯底極濃，唔算好重椰奶味，比較重香料味，好濃稠好好味！   2⃣️沙爹叻沙麵（$68） 沙爹有豬、雞串燒各兩串。特別鍾意佢地既沙爹醬～好好食～叻沙其他配料同上一碗一樣☺成碗食完都好飽下。  3⃣️冬瓜茶（跟餐） 甜甜地幾解渴，不過就有啲偏甜。  好味：7.2/10 環境：6.7/10 性價比：7.5/10  馬來亞春色綠野景緻艷雅 Malayan Restaurant 📍地址：鰂魚涌英皇道881號麗華樓地下  #鰂魚涌美食 #食好西 #吃貨人生 #鰂魚涌 #喇沙 #馬來亞春色綠野景緻艷雅 #馬來亞 #malayanrestaurant #malayanrestauranthk #海鮮叻沙麵 #沙爹叻沙麵 #冬瓜茶 #摻摻 #摻摻麵 #油麵摻米粉 #沙爹叻沙摻摻 #馬來亞叻沙

睇完米紙嘅介紹先知原來鰂魚涌有咁多間叻沙，本身都好鍾意食叻沙，所以搵日晏晝嚟食。可能因為疫情多數人WFH，lunch time嚟到都唔使等位。餐廳招牌菜係肉骨茶同叻沙，叻沙選擇都幾多，有海鮮、魷魚、咖喱雞、巴東牛肉、沙嗲串燒同三寶。我哋兩個人嗌咗海鮮叻沙、巴東牛肉叻沙同一個馬拉飯。跟餐送嘅是日飲品係冬瓜茶好好飲海鮮叻沙配料豐富，有鮮蝦、烚蛋、魚蛋、魚片頭、魚片、豆卜、通菜同芽菜。金黃色叻沙湯底濃厚充滿椰香，微辣帶點咖喱香味。麵條有油麵同米粉，亦可以揀摻摻，即係兩溝。油麵同米粉吸收咗香濃湯底，好惹味巴東牛肉叻沙同樣充滿椰香而且咖喱香味濃郁，牛腩煮得夠腍又入味馬拉飯帶點蒜香，雖然深色但比想像中淡味。用嚟撈叻沙湯幾好味總括嚟講食物質素高，叻沙用料新鮮又足料，而且份量唔少食得夠飽。下次會再嚟試下肉骨茶。

馬來亞春色綠野景緻艷雅 地址：鰂魚涌英皇道881號麗華樓地下鰂魚涌咁商業化嘅地方竟然有一間正宗馬來西亞菜🇲🇾，而且日日都受歡迎有好多人排隊，今日一於去試下先。正宗巴生肉骨茶 🍖$76作為三代家傳秘方嘅肉骨茶，味道真係好濃郁，肉骨茶啖啖都帶有藥材香味偏甜，成碗湯飲完都唔會口渴🤤。肉骨茶配料真係好十足，有一字骨、排骨、冬菇、枝竹等等等，全部都好入味，食得出佢哋嘅飯乾身得來好有咬口，而且好有香蔥油味🍚同少少甜豉油味😋，正！🤩#nicefoodie鰂魚涌

馬來亞春色綠野景緻艷雅～🎼唔好以為唱緊歌，其實係店名黎架🤣呢間店馬拉菜好正宗，因為成日都好多人🥲所以小仙子同小🐷決定叫外賣，今次先品味喇沙🤣點左沙嗲串燒喇沙麵同海鮮喇沙麵+米粉🤤一打開已經陣陣濃烈既喇沙味😛喇沙湯底椰汁味好香濃，沙嗲串燒有豬同雞各2串，串燒燒得好香好入味👍🏻沙嗲好重口味😂仲有花生碎架🤤而海鮮喇沙麵有蝦、蟹柳、魚蛋、魚片😅材料比較普通! 選左油麵+米粉，真係好掛湯👍🏻其實呢間都出名肉骨茶架! 因為上次已經試過，味道偏甜，藥材味唔太出😅如果大家有興趣可以試試😌

地點非常方便, 鰂魚涌地鐵站附近, 地點不起眼, 內裏環境非常一般.叫了一個招牌肉骨茶, $76蚊及巴東牛肉喇沙. 招牌肉骨茶有兩種不同豬肉, 一般豬肉及兩件豬軟骨, 味道非常正宗, 加上生蒜及正中馬來亞蔥油飯, 令人回味無窮, 香港無出其右, 唯有此間有正宗肉骨茶. 地方一般地點不起眼, 環境及裝修有點殘破.另外一提, 它跟餐附送的冬瓜茶, 冷熱. 不是很甜, 味道剛好👍上菜非常之快.我建議, 如果店主見到此評語, 應該作簡單清潔及裝修, 座椅也應有輕微軟墊, 比用硬板更為理想. 令人坐得更為舒適. 這樣有助生意提升！

天氣開始轉涼，得返15°c，好想食啲熱野，突然間醒起有間用煲仔上嘅肉骨茶🍲，即刻要去搵一搵佢😬.餐廳🍴位置唔太顯眼，去過就會知邊度，店名又比較特別，有年資嘅人應該諗起隻歌🎵。肉骨茶係主打食物，仲有喇沙都係唔錯嘅😬———————————————————————————🥢正宗巴生肉骨茶💬三代家傳秘方，味道濃郁，啖啖都有回甘嘅感覺，🐽一字骨、排骨、豆卜、🍄冬菇、枝竹、菜，點可以唔滿足，夠晒飽肚又暖胃，咁啱無晒白飯🍚，轉咗米麵摻摻一樣好味😋.🥢咖喱雞🐔配魷魚🦑喇沙🍜💬賣相已夠吸引，湯底都一樣濃郁，有椰香，餸料都好足，好豐富，仲有其他可以選配，不錯👍🏻