香香宮煮 (金輝大廈)

營業中

休息中

尖沙咀地鐵站一出，成日見到呢一條街有間打邊爐好趣致嘅店名，應該好多人都聽過呢一間香香宮煮，除咗佢比較皇宮風格嘅裝修之外，菜單、上菜用碟都十分特別🥰我地食個early dinner，慢慢食都唔怕🤤湯底名都好趣致，我揀左椰子雞湯底，本身已經好濃郁嘅雞湯底，加上椰子嘅清甜味道，好啱夏天食😳不過湯底黎講價錢都有返咁上下，但足料高質！牛肉拼盤(小) $398滑捋捋2拼 蟹籽蝦滑 $78響鈴雙拼 $78蔬菜拼盤 $98自家製竹蓆茅根 $68牛肉用料講究，擺盤精緻，一次過試5-6種部位，無論雪花牛定封門柳都非常夾個湯底🤣自家製雲吞類同蝦滑類都食得出係真材實料，一份2條滑，爽口彈牙，啖啖蝦肉，今晚抵食之選👍🏻即炸響鈴有2款，鹹蛋黃味同原味，好食邪惡，但我認為就唔適合攞嚟打邊爐，而係新鮮即食！走之前當然要去影埋個皇座，十分搶眼🥰

高質既火鍋🍲係食幾多次都唔會厭㗎😝價錢係貴咗少少，但真係一分錢一分貨!食過就會知道😏用料上乘新鮮，環境打卡一流，獨立大卡位，坐得舒適自在😌🌟建寧公主•特色卜卜蜆鍋 $198🌟想講呢個卜卜蜆真係物超所值，侍應姐姐好貼心咁另外比一個碗我哋裝蜆殼，啲殼係多到放唔曬😳食極都仲有，而且蜆肉十分新鮮鮮甜，唔洗落汁醬，淨係食鮮味都足夠了，同埋完全係零沙粒，處理得好乾淨💯🌟香香宮煮肉丸拼盤•十粒 $128🌟肉丸係必點系列之一，如果閣下係好鐘意食丸類，同出面食既丸類係好唔同，呢度粒粒都真材實料，彈牙足料，❌唔係普通麵粉為主既丸，❌放得耐會變勁大，係滾幾耐都同一size，每款各兩粒，可以一次過試曬啲款式🤤🌟牛栢葉 $118🌟每次打邊爐都必點既牛栢葉，好鐘意食🤭，今次都係唔例外，都有點😅片片都好大片，唔會一放完之後就縮水唔見咗，爽口新鮮😌🌟深海龍躉片 $128🌟呢個係壓縮驚喜🤩本身想點脆鯇腩片($88)，而朋友就話周圍都有，不如貴少少加多少少錢，試吓個龍躉片，果然無選擇錯呀!😍啖啖肉而且無骨架，肉質鮮甜嫩滑，鐘意食魚既真係要試呢個，推介💯

今晚同朋友食飯，疫情好似好返哂，咁我哋決定就趁疫情好咗個時候打邊爐，朋友介紹呢一間火煱店，咁我地咪走去試下囉，其實入面個場幾得意，好有宮宮feel係呢一間餐廳嘅賣點， 咁我哋叫咗以下:花膠雞湯鍋：呢個湯我自己就特別鍾意因為花膠對於女士嚟講都可以保養皮膚，吸收下骨膠原，而且你飲落肚時，你就知道骨膠原有幾重，因為如果冇乜骨膠原嘅話個湯底應該會幾稀，呢個湯底亦都拮拮地，所以我like 呢個湯底。 大家可以參考我啲圖就可以見到隻雞同花膠及湯底嘅質素。 手打蟹子蝦滑: 呢個蝦滑我覺得幾彈牙，而且有鮮蝦味，加埋蟹子嘅陪襯令到成個食物都有啲層次，咁鍾意食蝦滑嘅朋友可以試下。手打蟹子墨魚丸 :好大粒起碼Size有一半真係有墨魚喺入面，唔係得麵粉! 起碼成個丸都唔係齋麵粉我覺得佢都落咗幾多墨魚喺入面，所以先至咁彈同有墨魚嘅鮮味。韭菜豬肉餃:呢個豬肉餃包得大大粒幾好食，另外佢個韭菜都幾新鮮，豬肉亦都幾有鲜肉味，總之共菜同豬肉嘅分配比例我覺得恰到好處， 鍾意食餃嘅朋友一定要order。唐生菜：食咗咁多肉點都要番個菜，唐生菜都ok，因為要食啲纖維嘢。羊肉片: 呢個羊肉其實我同朋友都覺得都幾好食，因為啲羊有少少

係OpenRice訂枱見有全單68折，所以試下餐廳環境唔算新淨，被安排坐卡位點左個卜卜蜆煲，湯底味道唔錯同蜆量是多丸/餃一般$60幾至$90幾不等，4至8粒餃類同手打丸是出面好多中式任點邊爐的貨叫左碟雜錦牛肉，$398，牛肉質是唔錯午市五枱客內，食左三粒鐘都無人趕埋單先見原來有$26一位醬料費，成張單有折再正價加番一，就變番成件事唔太著數淨係醬料同加一都要幾舊水，但服務唔見得好，去到連水都無同招呼欠奉，侍應是在廚房工作多⋯呢個價錢仲有好多更好選擇⋯⋯

今日嚟試午市火鍋，因為有午市68折所以嚟幫襯。火鍋最緊要係食物要新鮮，今次食材真係超新鮮（海鮮、牛肉、雞…….）環境又夠古色古香，仲有清朝服及龍椅比你拍照留念😂滿有特色，又唔限時間，只要6:30pm前埋單便享有68折，至今個月底，呢餐非常滿意

前排同班老友記食飯咁岩有位老友記想打邊爐大家mind sync左 想食同一間今次要為大家介紹既係 - 香香宮煮佢個環境係超IG-able一入到去有張龍椅 同埋有龍袍可以比人著黎打卡(我地忍唔住偷偷地打左 XD)Overall黎講啲食物都好新鮮 同埋種類都算多最正係邊爐個湯底今次我地揀左花膠雞湯個湯底超香濃 而且個花膠都好大塊超讚Location: TST Price (10 is expensive): 6.5/10Environment (10 is chill): 8/10Yummy (10 is delicious): 7.5/10

餐廳係樓上一樓。由於冇招牌吊係大樓出間，搵餐廳嘅時候真係要碌大隻眼，唔係就搵過龍。星期六上到去嘅時候都未full, 位置都幾闊落。九宮格調味盤一開始就放咗喺枱度，俾我哋自行調味。由於個調味盤實在太大，我哋各自到咗豉油同加咗各樣配料之後，員工就拎走咗啦。不過湯底都夠晒重口味，真係冇咩需要再點豉油。個麻辣鴨血湯底非常好食，鴨血好入味，湯底麻得過癮之如，唔會得死辣。點左盤好友份量嘅肥牛。啲肥牛有厚度，唔會博切切，又有牛味成餐叫得最多嘅應該係佢嘅竹蔗茅根，四個人都嗌左成三咋。夏日炎熱真係好需要消下暑整體來講，係一個錯嘅地方，約埋三四知己，烚吓烚吓傾吓傾吓， 咁又三個鐘啦。平均每人埋單都係$300左右。

香港人真係一年四季都有邊爐，平時喺旺角食邊爐放題食得多，😍口味有啲，悶想換吓，見到佢哋主打宮廷係火鍋，因為同朋友都好好奇，所以決定一試！因為都鍾意食海鮮，所以試咗下佢哋嘅聖子，非常之高質👍好大隻，而且肉質好厚肉，打邊爐嘅時候食海鮮，非常鮮味。另外佢哋嘅雜丸都非常之唔錯，仲有手工餃子🥟薄餡靚，入邊嘅食材豐富，咬起身好多汁，好有口感！佢哋嘅響鈴，打邊爐點可以唔叫呢？浸左之後，香脆之餘，😉仲可以吸收湯汁非常之享受。

DinnerTime🥘想同friend一齊reu gathering,當然要揀一間環境開闊，食物有特色嘅店舖啦！見到呢一間尖沙咀嘅餐廳🍲佢哋嘅食物裝修已經好特別，好有還珠格格嘅風格，🥩嘢食同樣有特色，我哋試咗佢嘅肥牛，諗唔到擺盤好靚，🥰食落牛肉好新鮮，而且每一票都有均勻嘅雪花，證明用材高質，非常之有口感，牛肉味濃郁，😍唔會好老多筋，超好味~😘另外我哋都試咗下佢嘅雞塊，非常之香滑，好有雞味。

聖旨到！😛本宮帶朋友嚟朝聖～🎎《香香宮煮》出名裝修靚，好似入咗古時皇宮用餐咁，非常有特色～ 一入大門口就有張龍椅，仲有唔同嘅宮廷服飾俾食客著嚟影相，一嘗當皇帝皇后嘅滋味😂內部裝飾都係宮廷設計，房間包廂門口同埋卡座上面都有宮殿名字嘅招牌。可式今次餐廳內幾乎滿座，無緣入宮用膳🥲 呢張無食客坐嘅相片係埋單後食客都走曬先影到🥲連佢哋嘅𝗺𝗲𝗻𝘂都好正～ 上面寫住《傳哀家懿旨》，仲好似聖旨卷軸📜坐低之後店員奉上七彩調味盤同埋前菜，其中一樣前菜係鮑魚冷盤😍 撈咗少少有芥末味嘅醬汁，好好味🥰呢度有好多特色湯底，今次我哋揀咗《平陽公主·消暑冬瓜瑤柱鍋》為炎炎夏日消消暑🌞🍲平陽公主·消暑冬瓜瑤柱鍋 $𝟭𝟵𝟴上檯嘅時候真係哇一聲～ 好靚嘅湯底🥰冬瓜圍咗一個圈兜住所有材料，好似冬瓜盅咁，表面有超多素翅，金光閃閃，仲有輕煙霧一直冒出～顏值爆燈🤩 湯底入面配料有瑤柱、蝦肉、蟹棒、雞肉等等，店員俾我影咗幾張相，就細心幫手切開曬啲冬瓜。冬瓜超甜，個湯超好飲😍 而且啲料真係好多好多，我係咁飲湯同食湯料，有少少後悔叫咗咁多嘢食😂🐮花花公主牛魔王拼盤（細）$𝟯𝟵𝟴拼盤內有安格斯牛肉粒、手切匙皮、手切安格斯牛、手切本地牛肉、

香港無論係春夏秋冬，打邊爐一直都好受歡迎呢間位於尖沙咀的「香香宮煮」主打足料靚湯底+精緻高質食材以皇宮為主題更有古代皇服供應同金碧輝煌龍座比大家Cross-play一下，打下卡呃下like😂.【餐牌】.【泰式冬陰功卜卜蜆湯鍋 $198】重口味而又識食嘅你識揀一定係冬陰功卜卜蜆湯底😈佢有兩大特色：1. 濃厚冬陰功湯底以大量香料，如南薑，香茅，檸檬葉等等製成附合返香港人嘅口味冬陰功味好突出但又恰到好處酸酸辣辣嘅味道，愈煮愈濃郁即使食到滿頭大汗，都係忍吾住繼續食😂2. 湯底落料堅係足鍋中除左有大量嘅菇菌仲有如多繁星嘅鮮蜆食完嘅蜆殼，幾乎可以裝滿三大碗呢😍蜆肉鮮甜更吸收湯底精華，滑而無沙.【素菜餃 $58。鳳尾鮮蝦雲吞 $78】餃類有六粒同四粒嘅價位為左可以留更多Quota食多一款小編選左四粒款🤣素菜餃係最新推出嘅餃子餃餡係粉絲，紅蘿蔔絲同木耳絲不過建議大家食果陣最好用大匙羹兜住如果吾係好易散開🥲鳳尾鮮蝦雲吞係店內其中一款人氣產品以原隻鮮蝦包成既雲吞並留有蝦尾口感爽彈鮮嫩，夠哂「鮮」！.【手打蟹子鮮蝦丸 $68】每粒蝦丸都有肉眼可見嘅鮮蝦肉加上打至起膠嘅蝦蓉，彈性自然強勁蝦肉同蟹籽更增添吾少層

尖沙咀呢間火鍋店非常有人氣，今日收工同同事book左位一齊打邊爐。一上到去見到大大張龍椅比人打卡😆仲有服裝比人，幾有心思！嗰晚非常熱鬧，食物水準高，上菜都好快，價錢喺尖沙咀區算適中，係略嫌坐得有少少逼，其他地方都幾滿意😀😀花膠雞湯鍋好好飲，連埋花膠一齊食，漿漿地口😛飲番好幾碗湯先開始打邊爐！我哋叫咗羊肉、即炸響鈴、蟶子皇同竹蔗茅根。即炸響鈴$68，非常香脆可口，店員都提我地要盡快食，鹹香味、鮮味十足，有水準！羊肉超級抵食，一大盤都係$58，份量又多，羊肉質素都唔錯🤩我鍾意食海鮮，特別係貝類，所以叫咗蟶子皇，$188/四隻，鮮甜彈牙，涮到佢脫殻就啱啱熟。仲有半隻雞件，肉質滑身，連埋雞湯一齊食更提鮮🤩

經過香香宮煮好多次 每次都俾佢個舖名吸引 一直想試好耐 最近天氣無咁熱 終於去一試究竟呢間香香宮煮唔單止個鋪名特別 入面嘅環境都好有風格 走中國宮廷風路線 玩味十足鍋底我哋揀咗特色卜卜蜆蜆肉雖然唔算好大隻但係就好鮮甜 份量都幾多下打邊爐牛肉當然係必然之選，我哋叫咗兩款牛，分別係頂級雪花肥牛同酒香陳年花雕浸牛肉雪花肥牛賣相幾靚同埋好濃牛味酒香陳年花雕浸牛肉，雖然肉質冇雪花肥牛咁突出，但係好重花雕酒香，有少少似食緊醉雞叫左香香宮煮肉丸拼盤，可以試齊晒佢哋嘅丸，總共有5款每樣兩粒，爽滑豬肉丸好香豬肉味，手打鮮牛丸食落口口感好滑，松露芝心墨魚丸個流心好正，手打蟹子墨魚丸咬落口就好彈牙，手打蟹子鮮蝦丸好似食緊燒賣咁，全部都做得幾唔錯最後仲有甜品送 係落左Baileys嘅奶凍 為是夜打邊爐畫上完美既句號

聽過朋友介紹呢間餐廳好幾次，今日就跟朋友嚟呢度打邊爐。一去到上樓梯到入餐廳門口，都充滿宮庭嘅味道。門口嗰個牌匾係宮廷風，一入到去門口又有個龍椅同好多宮廷服，我估冇疫情關係應該可以被人着嚟影相而餐具同埋座位都係古典風，連個Menu都係呀！我哋喺懿旨度落咗單，叫左個卜卜蜆鍋。鍋底係胡椒味，有超多粒蜆，洗得好乾淨，粒粒冇沙！所有食物都好新鮮，高質！手切匙皮牛肉手切頂級安格斯牛肉脆鯇魚腩——真係食落去脆口㗎手打鮮牛丸——我以為會係打到彈牙嗰隻，不過佢個質地似牛肉球響鈴拼盤——黃金響鈴超好食手打蟹籽蝦滑——除咗打咗蝦滑出來之外，佢仲有一粒粒蝦肉韭菜豬肉餃松露芝心墨魚丸——食呢個嗰陣要小心啊如果唔係會被啲芝士焫親蜂巢冰豆腐——超入味好好食！呢度啲員工服務態度都好好！我哋仲聽到有其中一個宮殿入邊嘅客人係咁播mirror嘅歌😂一路聽住mirror嘅歌一路打邊爐🍲正！

話說賀宮煮與小芳工房玩慶生，尋尋覓覓搵到香香宮煮，見有68折卜左周日午餐。話就話座落TST，但位置有少少QK，地下冇易拉架，要係對面馬路 +頭愕愕至望到招牌門口較窄，不過一入宮門眼前一亮，金黃大龍椅，裝修呀 擺設呀都幾特別，我們入坐永和宮餐牌都卷成詔書，價格呢...都令人為之一振！2個壽星先點個卜卜蜆芹菜湯底，滾起食都食唔切，成斤重，好鮮味牛拼盤有7款不同部位，滿意 可惜牛舌冇...跟住點了 餃子拼盤、蟹子蝦滑拼墨魚滑、響鈴雙拼豆腐、水蓮，蔬菜拼盤，重有一壺薏米水食到脆鯇呢...真材實料，又新鮮,可能得一枱客廚房師父一開始切到擦膠咁厚，經要求，一舊變三片。服務算係咁吖水蓮第一次食，試過就算了呢盤蔬菜拼盤冇動過，要打包呢薏米水可以有4-5杯。本來只有凍飲，店員好好順應要求,溫了才奉上。總的來說，食物新鮮，服務超好！周日午市食足3小时(12點-3點)，感覺似包場，期間好似有一枱客入過 找數每人$550(68折後)，計番時間、食物質量，OK啦。。。如果沒折呢，就！