香香宮煮 (金輝大廈)

營業中

休息中

前幾日搵咗間好中式嘅 ❥⧽香香宮煮 ❥⧽ 打邊爐, 餐廳感覺古色古香, 周圍都係以唔同宮殿命名, 仲有古裝比大家 cosplay 打卡影相。𓊈建寧公主特色卜卜蜆鍋 $𝟸𝟷𝟾𓊉打邊爐真係好鐘意叫卜卜蜆鍋, 因為卜卜蜆鍋好鮮甜, 呢度嘅卜卜蜆份量都幾多, 粒粒都脹卜卜, 少量有沙, 已經不停食, 但食極都仲有, 好抵食。𓊈頂級雪花牛肉 $𝟸𝟸𝟾𓊉牛肉嘅雪花紋真係令人心心眼, 薄片嘅牛肉有濃郁牛肉味, 質感結實。𓊈豬頸肉 $𝟻𝟾𓊉豬頸肉擺到好似一朵玫瑰花咁好靚呀, 肉質爽口有嚼勁。𓊈香香宮煮肉丸拼盤 $𝟷𝟺𝟾𓊉肉丸拼盤有櫻花蝦豬肉丸, 手打鮮牛丸, 松露芝心墨魚丸, 手打蟹子鮮蝦丸, 手打蟹子墨魚丸, 個人喜歡後面三款, 粒粒都大粒又彈牙, 好食! 𓊈真龍蝦豚肉餃 $𝟽𝟾𓊉龍蝦豚肉餃比較少見, 龍蝦肉爽口, 配埋豚肉, 味道幾特別。𓊈出前一丁 $𝟹𝟸𓊉最後一定要落一個出前一丁作結尾先完滿。

呢餐好刺激味蕾呀😆😋尖沙咀呢間打卡位十足的火鍋餐廳食材質素都好正，好想大大力讚佢嘅花膠雞火鍋湯底，佢係成隻雞另上，好大一盤，雞肉堅嫩滑，係新鮮雞的口感😋 落料前可以先飲呢個花膠雞湯，好鮮甜！另一個木瓜龍躉湯底都好想Encore 🤤我哋叫咗鐵扇牛魔王拼盤，有不同的牛肉部位，好味程度85分✅😋自家制響鈴係咸蛋黃味，只要下載香香宮煮手機app即可贈送一碟，特別脆香！壓軸的超大隻斑馬賴尿蝦喺餐廳送㗎，大方出手送三隻

天氣轉凍，好想食下火鍋暖身，朋友帶我黎香香宮煮，推介花膠雞湯鍋！<雍穆公主: 花膠雞湯鍋>餐廳嘅湯底名好特別，我地揀咗花膠雞湯，推介！每啖湯都好似漿糊咁，我覺得補充咗好多骨膠原🥰要讚一讚，雞係一d都唔肥，而且好嫩，另外，係有大量嘅花膠！女士們一定好中意呢個湯❤️<即炸黃金炒響鈴>非常邪惡呀！我次次打邊邊都會叫響鈴，今次呢個version不得了，係有咸蛋黃！必叫呀！<手切頂級安格斯牛肉>牛味好濃郁，肉質亦都好軟腍，都係必叫item之一。<日本稻庭烏冬>打邊邊食到最後，一定要撈埋d精華，稻庭烏冬煙煙韌韌，掛湯力一流，每啖都係濃郁雞湯，好滿足。<脆炸黑松露午餐肉>我係午餐肉控一名，估唔到原來午餐肉同黑松露係咁夾，好惹味🌟

香香宮煮再座落喺尖沙咀 同朋友行完街之後就去香香宮煮打邊爐係呢排咁凍嘅天氣真係啱晒打邊爐我哋首先叫咗一個雍穆公主花膠雞湯鍋啲雞超滑 花膠有滿滿嘅骨膠源 對於女士嚟講係不可或缺嘅補品呢到有一個好出名嘅即炸黃金炒響鈴 喺響鈴上鋪滿蛋黃 極之邪惡但極之滿足另外叫咗一個手切頂級安格斯牛肉 肉味香濃呢度亦都有另一樣名物叫做脆炸黑松露午餐肉 超香濃嘅黑松露味 再脆炸埋 真係未上枱都聞到香味今次打邊爐非常滿足喺一個嚴寒嘅天氣之下可以暖暖胃其實係一種小小嘅幸福

一連幾日長假，當然要約朋友聚聚，一大班人打邊爐就最適合不過🤣火鍋店以宮廷為主題，門口放置了龍椅及宮廷服供客人影相打卡🔸雍穆公主 花膠雞湯鍋大大舊花膠食落軟滑，足料又養顏🥰已預熱嘅雞放落去淥一陣就食得，湯底味道鮮甜🔸即炸黃金炒響鈴沾滿咸蛋黃嘅響鈴十分入味，外脆內軟，邪惡得嚟又有驚喜😍 🔸手切頂級安格斯牛肉牛肉厚薄適中，脂肪怖均勻🐮食落有點入口即溶，肉質嫩滑軟腍🔸脆炸黑松露午餐肉唔餐肉炸得脆口，加上陣陣黑松露香味🤤好食到停唔到口

天氣越嚟越凍，唔打邊爐對唔住自己啦，有一間值得推介俾大家試吓嘅打邊爐餐廳，個名好特別，叫「香香宮煮」，位置喺尖沙咀好方便。先來左九宮格，放住九款唔同嘅醬料，鍾意落咩就落咩！湯底叫咗花膠雞煲，真係落足成大隻雞，仲有我好厚嘅花膠片，煮落去超濃郁，淨係食花膠同埋雞已經勁滿足。叫咗安格斯牛，牛味濃郁。仲帶咗一款好特別嘅脆炸黑松露午餐肉，好特別出邊冇試過，食落超好味。仲有一款即炸黃金響鈴，條條即炸熱辣辣，仲包住鹹蛋黃，惹味又好食。

同屋企人食飯打邊爐係一個好選擇，呀媽鍾意睇宮廷劇，帶佢嚟呢間宮廷風嘅火鍋店，佢應該會幾鍾意鋪頭由招牌門面到內部裝修都十分古代中國風，仲擺咗張龍椅喺度，隔離有啲宮廷服可以俾客人著住扮皇帝妃嬪，上演一齣宮廷劇🤣🤣🤣叫咗個雍穆公主花膠雞窩，意思應該係食完好補好養顏好似公主咁靚😽花膠都好多差唔多同雞件份量一樣，唔係得兩舊就叫自己做花膠雞窩，雞件好嫩就算雞胸位都唔鞋，花膠煲得好淋有彈性，湯味夠濃，打邊爐啱啱好手切頂級安格斯牛肉，切得幾厚唔係薄過紙嘅肥牛，油脂分布分明，有牛味得嚟有油香，好食😋我打邊爐鍾意落午餐肉，呢個脆炸黑松露午餐肉一端上枱已經聞到黑松露味，炸過夠乾身，就算再烚都唔會過淋，食落有黑松露味又唔過咸，正黃金炒響鈴，呢個好特別一定要點！平時炸響鈴已經夠邪惡，呢個落埋咸蛋黃炒過，齋食都勁好味，落湯浸兩秒吸埋湯汁又另一滋味呀媽話要點個唐生菜平衡下，個生菜都幾多又爽口，不錯呢餐飯呀媽好滿意，坐得舒服又有打卡位，食物質素又高，佢話下次一家人食飯可以再嚟

長假期最後一日約咗舊同學打邊爐，好耐冇打邊爐以前去開嘅舖頭都因為疫情閉店，好無耐今次係第二次光顧香香宮煮，一定要推介佢嘅特色卜卜蜆湯底，勁多蜆肉湯也鮮甜，三個女仔食得好暢快，最期待嘅蟶子皇同手切本地牛肉都好新鮮手切牛好有份量我哋叫細碟都差啲食唔晒手打蟹子鮮蝦丸同蟹孑墨魚丸都好有水準、勁彈牙黑松露蟹肉餃同菜苗帶子餃好足料食完真係好滿足，另外脆鯇腩片同桂花/珊瑚雙拼都值得推介不過白鱔片同新鮮海蝦就可以skip了係咪好豐富呢，以上係三個人食嘅份量，簡直大食到嚇死人，呢歺雖然唔平但以我哋叫嘅份量亦唔算貴，加上人生苦短、食一歺少一歺，又何妨偶然放肆一次呢

今日同班好耐無見既朋友食飯天氣凍冰冰 最啱緊係打邊爐啦😍😍平時食開啲任食 今次就試下啲單點架啦😋😋上菜前 侍應會放低呢個九宮格調味料比你自己調 不過醬介要收番每人$28～有8款配料可選 不過都係啲大路野 無乜特別湯底就揀左花膠雞湯鍋(半隻雞) $318但後面先發現原來我無影過個鍋…😵‍💫侍應太快手幫我地落左啲花膠落鍋 所以影唔到🥲不過目測都有成10幾舊花膠 食落唔腥佢係已經熟左 只要放番湯底浸熱就食得 但食落感覺有啲鞋🤥玉面公主四國牛肉拼盤$498拼盤一上枱好有氣勢🤣🤣但拼盤詳情係啲咩牛肉我都唔太清楚 牛肉油花分布平均 不過食落無話特別有牛味或者特別滑純粹啱打個卡呃下like咁～涼拌爽口魚皮 $48都算爽口 但唔特別 食完已經無乜印象😮‍💨松露芝心墨魚丸(8粒) $118食落爽口彈牙 好香松露味 不過唔知點解啲芝士有啲痴牙😂手打鮮牛丸(8粒) $118食落無乜牛味 唔特別蟹黃餃 (4粒) $78食落都好香蟹味 但未到好surprise到我😌手打蟹子蝦滑 $118食落爽口彈牙 有蝦味 算係丸類入面最好食果樣🤭香香宮煮雜菜拼盤 $98其實$98食菜都真係唔抵 但大家都唔想淨食

-香香宮煮🍽-尖沙咀中式宮廷裝修既火鍋店🍲除左有得食仲有得玩！可以係大廳位置著宮廷服裝坐係龍椅度影相🤣-雍穆公主湯底 $318佢所有湯底都用一個公主命名好搞笑🤣雍穆公主即係花膠雞湯鍋🍲呢個鍋不得了佢個湯底係勁濃又有d漿糊口感入面仲有大量花膠食極都有😋雞件亦都好滑就算煲左一陣都唔會好老😉-黑松露墨魚滑/瑤柱乾貝滑雙拼 $138打邊爐小編鐘意食滑多過丸因為滑口感好d😂墨魚滑食到有黑松露味而且好彈牙而瑤柱乾貝滑就好鮮甜仲咬到一梳梳貝乾😋-即炸黃金炒響鈴$88呢個邪惡到不得了但必點！普通響鈴雖然已經好好味但加埋黃金醬炒反唔到轉頭🤣再用花膠雞湯浸一浸食到咸蛋黃味又飲到雞湯甜味😋-蟹皇餃拼 $78勁足料既蟹皇餃成粒都橙色😍食得到蟹既鮮甜味🦀-真龍蝦豚肉餃 $78呢個豚肉餃係真係有龍蝦肉！龍蝦味好甜🦞😋-龍口粉絲 $38呢個花膠雞湯本身已經好入味加埋掛湯既粉絲索哂d湯汁勁正😋-皇帝菜 $48打邊爐通常都叫娃娃菜因為索哂d湯其實皇帝菜一樣好掛湯👍-🌟評分:🏅🏅🏅🏅🏅📍地址: 尖沙咀加拿芬道16號金輝大廈1樓-#foodieluveat#foodieluveat_hk#foodieluveat_尖沙咀#

味精太重，如果你想中新冠就去嗰度食啦啱晒，一個中應該全部都中，坐隔離枱零距離，迫到一個點，唔好話1.5米，15厘米都冇，抽風系統多人先開，坐低咗連出去洗手間嘅位置空間都沒有，食物質素一般以後不回去再試

香香宮煮以古代公主為主題裝修同食物款式都圍繞住公主店內有個打卡位 可以換上宮廷服飾影相坐係龍椅影相 好有特色 🍲建寧公主·特色卜卜蜆鍋 $218連鍋爐都好有宮廷味道 粉紫色超靚個鍋好足料 有超多卜卜蜆 多到由頭食到尾都仲有 蜆肉大大隻 食落鮮甜又冇沙 抵讚鍋內仲有芽菜 芹菜🔸安格斯牛柳粒 $188比想像中大份 牛肉唔會切到好細粒牛味濃郁 肉質軟腍 🔸豬頸肉 $58卷成一朵花咁好有心思豬頸肉肉質爽口彈牙🔸香香宮煮肉丸拼盤 $128共有5款丸類：櫻花蝦豬肉丸、手打鮮牛丸、松露芝心墨魚丸 、手打蟹子鮮蝦丸、手打蟹子墨魚丸 每粒都好彈牙 特別係手打蟹子鮮蝦丸 啖啖蝦肉松露芝心墨魚丸入口有松露香 咬開仲有半溶芝士🔸真龍蝦豚肉餃4粒 $78皮薄餡靚 用上燒賣皮包住咬開見到大大粒龍蝦肉 果然夠足料🔸西洋菜 $48大大份 西洋菜用嚟打邊爐寧舍爽甜

同女朋友黎到尖沙咀知道佢鍾意打卡店今日就帶佢黎到呢間裝修同菜式都好華麗既火鍋店餐牌有好多湯底選擇，有傳統亦有季節性的配料有牛雞豬海鮮，全部都好吸引一坐低就會有醬油碟，有成9款提供當中既蒜油好香好特別昭陽公主椰子雞湯雞湯非常濃郁，帶有陣陣椰子香可以係湯到撈到大量配料證明味道貨真價實一飲就會停唔到另外雞肉皮滑肉嫩，好香口好滋味手切本地牛肉牛肉size大塊，油花均勻淥10秒就食得，肉味好重加上油香，好惹味手打黑松露魚滑因為手打，所以好新鮮保留到墨魚肉粒，食落好爽口彈牙

慶祝朋友生日，給她體驗一下做公主的感覺，選了「香香宮煮」打邊爐，感受一下宮廷風味。環境裝潢古色古香， 彷宮廷裝修及情調配合餐廳主題，打卡勝地！每枱都放設基本醬料，客人可隨意配搭，混出自己最喜愛的味道！湯底揀了煳陽公主·芥菜潮汕豬骨煲$218，胡椒味濃，湯料十分豐富；大大件的豬骨，有四五件之多；芥菜鮮有用作火煱配料的，是夜又開發了飲食新版圖。😂😂湯底材料還有、粟米及蘿蔔，省回不用另外再點😂😂。粟米蘿蔔增添湯底甜味，跟豬骨的味道也十分夾。火鍋重頭戲，手切本地牛肉 $388，牛肉紋理清晰，紅白分明，雪花油脂分布平均。這客牛肉有不同部位，既有咬口的，也有較嫩滑的，兩者皆好味。牛肉賣相架勢，乾冰營造氣氛，每片牛肉都有相當厚度，不會薄如蟬翼的，十分有質感。韭菜豬肉餃四粒 $58，經典的餃子組合。韭菜獨特香味，做餃子異常好味。西洋菜$48，小妹大愛 😍😍。所謂不時不食，初冬之際正合時宜，西洋菜青翠嫩綠，灼一灼快食又得，悠長慢煮亦得，得左 😂😂😂😂。炸枝竹$46，炸過的支竹，比較耐煮。不會三、兩秒便溶化，吸了湯汁醬油，味道十分好！沒有令人失望的公主體驗，下回再多約幾個朋友，吃多幾款食材！

尖沙咀呢間火鍋店我bookmark左好耐喇最吸引我嘅除左野食之外仲有佢係走宮廷風 勁多打卡位可以換上格格同皇后裝影相打卡 過足古裝癮連小朋友size都有 勁可愛建寧公主。特色卜卜蜆鍋勁靚嘅粉紅色鍋 入面係滿晒嘅卜卜蜆同芹菜芽菜蜆肉全部都好大隻 又鮮甜冇沙蒜茸辣椒做調味 芹菜令成個鍋更香更好味花花公主牛魔王拼盤一次過可以試到7款牛第一次食牛黃喉 味道有啲似牛柏葉 勁爽口牛肉粒脂肪位夠甘香 本地手切牛有牛味又夠滑香香宮煮肉丸拼盤一次過可以試晒五款招牌丸 粒粒都勁彈牙