香蕉仔 (已結業)

入得元朗當然要掃盡佢，下站就嚟到好hit嘅泰式煎餅鋪😚佢每日都係開四點，賣晒就閂門，而且每人限購兩份，大家想食就要早啲去喇🤫小編今次星期日去，3:30開始有人排，可想而知呢間小店幾大魔力😨買完店家就會比張飛仔話你知幾點返去拎，記得準時，淋咗就唔好食🥲我哋今次3:40去到排第五，4:15就有得拎，算幾好彩，因為拎餅嗰陣已經聽到後面個客要等一個鐘😇🫓招牌香蕉煎餅($30)有煉奶、花生醬、nutella、阿華田等各款口味選擇(仲有鹹嘅，不過就冇香蕉🤭)，第一次去就叫個原味試吓先👑一拎到手就忍唔住打卡，簡直同泰國夜市嘅一模一樣🌴另外小店好貼心，將煎餅切到細細粒，一口size非常方便掃街🥰一路等一路望住老細撻麵團然後再喺塊鐵板度煎，真係好期待🤩由於係即叫即整，所以大家小心焫親🥵味道方面，外皮夠薄夠酥脆，中間夾住香甜嘅香蕉蓉，加上煉奶同朱古力醬🍼🍫雖然好邪惡，但無阻我地秒清，有啲後悔冇叫多份添🙁(想試埋nutella☹️)小編特別鍾意食邊位嗰幾嚿，因為特別脆🤣‼️🌟8.5/10

🔻4:30去到，以為買完即刻有得食，原來要拎籌，但會同你講明拎餅既時間，到時直接返嚟拎就可以啦😊煎餅多款選擇，我就揀咗榛子醬香蕉煎餅🥞榛子醬香蕉煎餅💲35🌟推薦指數：★★★★☆榛子醬加香蕉加煉奶，熱辣辣，入口外脆內軟，新鮮食真係唔同啲😆 好香香蕉味，亦都唔會太甜👍🏻👍🏻👍🏻如果真係要挑剔嘅，就係如果可以多啲香蕉🍌就好啦🤤🤤🤤🤤

🍌招牌香蕉煎餅💰$30😈呢個香蕉仔真係排30分鐘都值得排佢頭頭最高峰真係大排長龍仲要排成個鐘😳天氣熱真係頂唔順不過我今日夜晚入去就叫完野食就拎左飛仔大約等25分鐘就有🤤一拎上手我九秒九影完就去試食佢好香我地叫左招牌香蕉煎餅一食佢個煎真係好脆好似係泰國食緊咁而中間就有香蕉蓉真係外脆內軟我地一致眼神認證💛上面仲有少少鍊奶同埋朱古力醬都好Match我地都好推薦大家去食

最近講起元朗食咩好，大家都會mention呢間香蕉仔，真係唔係講笑咁受歡迎。但佢每日下晝4點先開，賣晒就會閂，每人淨係限買兩份，真係唔係咁易食到㗎！！🙈✧ 𝑵𝒖𝒕𝒆𝒍𝒍𝒂榛子醬香蕉煎餅 $𝟛𝟝望住佢個皮落咗勁多油去炸到金黃色，食落去超級酥脆，真係好邪惡🥺💕 夾喺中間嘅香蕉熱到溶溶地，同啲煎餅同榛子醬merge埋一齊真係好食到停唔到口一啖接一啖，勁快就食晒！呢個餅真係唔建議外賣食，一定會焗淋塊餅徙晒，正確做法就係一拎到就係門口即刻食呀！！估唔到依家唔洗去泰國都食到咁好食嘅香蕉煎餅，真係太開心喇😸✨

元朗名物香蕉仔🤤重開之後經過各大報章既報道令到佢原本長長既人龍更加長！貼心既老闆為左顧客著想決定派飛仔🥰顧客可以先去拎飛仔同時落order. 老闆會俾個時間你叫你返去拎。咁樣啲客人就唔使傻傻咁企成個鐘又可以減少人群聚集👍🏻叫左一咸一甜黎安慰下一日既辛勞. 45分鐘後拎得. 我決定食埋個飯返去再拎。🍌招牌香蕉煎餅返黎時煎餅已經整好. 店員會等我黎時先淋啲醬上面. 盡力維持脆卜卜既口感. 非常貼心💛可能因為我遲咗5分鐘拎. 已經淋左少少。但適量既朱古力醬+練奶再配上啖啖既香蕉餡真係好好味。唔會過甜. 皮亦好薄。好快就俾我食哂啦😝🧀 芝士肉鬆煎蛋餅啖啖都食到蛋同芝士. 肉鬆既份量都唔少。店員將沙律醬放左係旁邊. 等你想食幾多沾幾多。不過略嫌乾身左少少. 比起招餅煎餅失色。如果要好似以前咁企係道排隊等個幾鐘就不了. 不過老闆呢個拎飛仔既方法令我想買佢既興趣大增。得閒就去拎張飛再慢慢食個飯、得下街先返去當甜品食 🙈

ᵂᵉˡᶜᵒᵐᵉ ᵗᵒ ᵗʰᵉ ᵏⁱⁿᵍᵈᵒᵐ ᵒᶠ ᵇᵃⁿᵃⁿᵃ🍌食蕉唔一定要連皮既！位於元朗國既香蕉仔，賣香蕉煎餅賣到衝出國際，吸引左唔少其他地區嚟一睹其真面目！最多人推介既榛子醬香蕉煎餅（$35)膚色黝黑，同時又帶白滑乳汁🤤，啲蕉餡係鐵鏟同鐵板之間嘅逼供煎出芳香，甜得來層次感十足，外皮仲要係微微帶有鬆脆，食落去真係聽到咔嚓一聲！tbh我覺得依度既煎餅仲好食過泰國嗰d lolTips Time📈 : (1) 香蕉仔係朗屏站附近既夜宵集中地「木頭車」最近大門一檔，係被鄉黑包圍既陰影下簡直就好似限聚令中隱隱發光既螢火蟲，真係食飽經過都想嗌返件試下😀(2) 我地嗰日夜晚十點去到，都要等八個字先拎到pancake🤒 所以大家記得預多少少時間嗌，等嗰陣可以嗌埋隔離檔既軟飯王，which probably 係全香港最好味既炒飯（有機會再同你地介紹🤪）(3) 真。良心食店，芒果酸會主動棟個牌同客講，無得頂！

係旮旯食完甜品，剛剛好香蕉仔4點就開門啦😎不過我就因為前面行程晏左就遲左去，要等45分鐘呢🥲比完錢拎張飛仔就可以係附近閒逛下，到左指定時間番去拎👍🏼唔洗企定定等好貼心❤️🔆阿華田香蕉煎餅$35係ig見到佢嘅外表就覺得好吸引，但無諗過佢係一種咩構造嘅食物🧐煎餅入面夾住溶化左嘅香蕉🍌原來都會食得出好重蕉味😛上面大方地搽上阿華田醬同煉奶😚煎餅切成一格格好方便我地分食😆一個人食感覺有點膩，同朋友share就岩岩好

🍴榛子醬香蕉煎餅 HKD 35皇牌推薦💛即叫即製熱辣辣 先將餅皮煎到卜卜脆 再放入香蕉夾心 最後淋上滿滿嘅煉奶同榛子醬🤯話唔吸引就呃人嘅🙈煎餅邊邊位鬆脆又香口 加上超級甜嘅香蕉同榛子醬 真係食極都停唔到口 好有正宗泰國夜市嘅味道🥰

香蕉仔重開之後都真係好多人專登去食，之前聽講要排隊排勁耐。今次去開元朗，緊係點都要試一試啦😚呢度既香蕉煎餅都有好多唔同既口味，全部都即叫即煎，所以都要等多陣。去到既時候已經好幾個人係我前面，不過鋪頭安排得好好👍落完單之後佢比左個籌號我地，叫我地20分鐘後翻黎攞，唔洗呆呆地企係度等。 1⃣️榛子醬香蕉煎餅（$35） 因為啱啱整好，熱辣辣，而且煎得好脆，面頭既nutella搽得好多，再加上煉奶，邪惡度爆燈😈但係真係好好食，個底好脆，有牛油香，加埋中間啲香蕉蓉軟軟甜甜咁，面頭既醬又夠多夠香，食落真係每一啖都好正，肥啲都值得！  

係計劃元朗一日遊開始朋友就不斷重覆一定要試超受歡迎香蕉仔齊齊回味泰國街邊小食，難得有3個人同行就唔洗驚太大份食唔晒啦。我地大概3-4點到達，竟然無人排緊隊，我地選擇困難左5分鐘左右撰左榛子醬香蕉煎餅就開始大排長龍。店員提醒左大約要20分鐘時間準備，我地就係慢慢係附近行下街先，見到佢附近有間叫譽面既炸雞球面好似好正下次又試下先。一到手朋友太興奮將熱速速既既蕉餅即刻放入口之後辣親，大家記得放涼一陣先好入口，味道方面唔係無咩大驚喜nutella加甜味煎餅加香蕉餡，不過係地區遊加入泰國遊回遊的確令人更加有去左旅行既感覺。

•久仰大名香蕉仔🍌香蕉煎餅🫓💛💛💛💛💛·～～～～～～～～～·1️⃣棒子醬香蕉煎餅($35)＊久仰大名香蕉煎餅，即叫即做，熱辣辣既香蕉煎餅，齋睇樣都好吸引，打卡都抵晒😍😍😍＊但味道黎講真係要講吓，煎餅入面滿佈香蕉，做到外脆內軟嘅效果，呢部分做得幾好👍🏽👍🏽😌＊但另一方面，榛子醬嘅份量都算多，但食落味道唔係話好甜好出，面頭有一唧到煉奶喺棒子醬上邊，但小編認為可以再多啲煉奶，多啲煉奶先可以帶出嗰個埋棒子醬個味道，因為榛子醬係偏「杰」嘅，要加多啲煉奶先會令到成個煎餅有溶嘅感覺！！！🙈🙈🙈🙈🙈＊啲人講到話味道好似泰國咁，但小編認為一啲都唔似😂🙈真心既😂😂😂但遠水路嚟到呢度又要等40分鐘，仲要之前試過食過兩次閉門羹，今次當係滿足左個慾望😂😂(score: 3/5)··其他：＊鋪面無咩人等緊咁，但其實嗌完俾錢要預時間等40分鐘左右，店員會俾飛尾，紙上有時間寫住幾點番黎攞·-評分👑賣相：✨✨✨✨味道：👅👅👅價錢：💰💰💰推介：⭐️⭐️⭐️(5分滿分)~~~~~~~~~~

早幾日天氣好唔穩定一時落雨一時好天咁今日終於出太陽可以去遠啲一直想試元朗既香蕉仔好耐搵左地膽朋友帶路衝出港島🤣香蕉仔每日下晝四點先開店主每日開鋪前都會準備當日要用既麵糰保證新鮮 (賣哂就收檔架啦所以早去有著數)今日試左阿華田香蕉煎餅 ($35)去到開鋪半個鐘到已經有人排隊落單之後等20分鐘就有即叫即整拎上手仲熱辣辣唔會死甜好好味食下食下就食左半份🙈下次要再encore試埋佢個nutella香蕉煎餅

🔺朱古力香蕉煎餅(💰30)𝕽𝖆𝖙𝖎𝖓𝖌: 4/5上年結業時未有時間試🥺依家終於試到香蕉仔了😳🍌覺得新方法幾好～落左單行一陣，夠鐘先去拎✌🏻一定要襯熱食先好食😚酥皮既表面脆包住左香蕉肉🍌沾埋煉奶同朱古力醬真係邪惡又吸引！⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬💰人均消費: $30🚩 香蕉仔元朗大坡頭徑14-24號福星樓地下6號舖

☞ 呢間最近喺元朗非常hit嘅小店，主打嘅係泰國街頭常見嘅香蕉煎餅😋去到唔見人龍已經覺得好怪，埋去落單先知原來要等一個鐘後返嚟拎！😱😱不過好彩附近都有商場可以行吓，唔使企定定等😂如果要我企定定等一個鐘我應該會燥底😂🙈.🍴Nutella 榛子醬香蕉煎餅（$35）/等咗一個鐘，終於拎得喇😋熱辣辣嘅煎餅配海量嘅Nutella醬，超級邪惡😍/ 煎餅係好似酥皮嘅口感，而唔係pancake咁，自己個人覺得都幾好味，雖然無得同泰國嗰啲比，但都可接受。但等一個鐘就唔係好值🥲可能遲啲個熱潮過咗，到時唔使等咁耐嘅話都會再試～.

榛子醬香蕉煎餅Price：$35📌呢間真係人氣煎餅，佢地4點鐘先開門，唔好太早去到摸門釘啦🤣所有Order即叫即做，要排成粒鐘先食到，我地8點半去到要等到9點半先得，想食就早啲去喇☺️拎上手煎餅既牛油味同榛子醬味好香，上面仲有煉奶添，但食落去又唔會甜得好緊要👍🏻側邊嘅煎餅邊位煎到好脆口🤩中間嘅煎餅就好多香蕉蓉，中和返榛子醬，會無咁甜唔會好漏，仲好外脆內軟添🥰煎餅已經切好哂細份好易分開，咁就唔會咬到好狼狽啦🤪