香蕉仔 (已結業)

🍌招牌香蕉煎餅$ 30舖頭4:00開門，我5:00去到大概等半個鐘就有得食😋呢度嘅煎餅$30起，價錢上覺得有少少貴🤑班戟皮即點即製非常新鮮，做法同我之前喺泰國街邊嘅差唔多，不過呢個食落冇咁油膩🥸外層煎得香脆，餅皮嘅中間係滿滿香蕉，香蕉同牛油混和嘅柔軟口感😗面頭就有朱古力🍫同煉奶醬🥛，一個人食曬真係好邪惡😈

講唔停想試呢啲泰式香蕉煎餅好耐🍌 而上個禮拜講唔停入開元朗 又撞正香蕉仔重開🤩 所以就捉埋朋友去咗試吓啦😝不過有可能係星期日嘅關係 都排咗成45分鐘先食到🥺Nutella榛子香蕉煎餅 $30阿華田香蕉煎餅 $30招牌香蕉煎餅 $25煉奶香蕉煎餅 $25講唔停一共試咗四款口味😍 覺得呢四款嘅味道都大同小異 主要都係食到香蕉味🤣幾款嘅朱古力味都有少少被蓋過🙈 最推薦係Nutella同阿華田嗰兩款！❤️欣賞佢新鮮煎起熱辣辣 四邊都好脆身🤩而且唔會太甜🤤整體黎講 講唔停覺得係幾好食嘅👍🏻 不過就未必會再排9個字🙈 建議大家可以趁佢開門嘅時候就去排隊🤔唔洗排咁耐嘅話的確幾值得試🥰

星期日下午4:30去買 大約要等一個鐘 店員會比張寫有時間嘅紙仔你 到時大家準時返黎就食到新鮮出爐嘅香蕉煎餅😛😋等緊嘅時候大家可以去附近掃下街近嘅有：- 軟飯王嘅炒飯（不過佢6:00先開 而且早啲去社交平台 book定會好啲）- 賀苗記嘅生煎包同鍋貼（都好搶手 有人一次過買9件😨 賣完一底就要再等半個鐘）行遠少少有：- 蕃茄師兄- 小息時間（香港小食）- 多寶雞蛋仔 （香港小食）————————————————————————🐕阿華田香蕉煎餅 🐕⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯店家建議要趁熱食 冷咗就唔好食㗎啦滿滿嘅阿華田醬塗上熱辣辣嘅煎餅食落非常酥脆 好似啲煎腐皮卷咁熱溶香蕉片主要集中係中間 阿華田冇nutella咁濃味亦都冇咁甜表面仲有啲阿華田脆脆添！————————————————————————

早幾日係社交平台已經見到好多朋友Post相打咭 一見到朱古力就流哂口水 慕名山長水遠入到元朗試 本身都好驚要排好耐隊 下午5點買 派左張飛仔 嗌我15Mins後返黎就有 行左陣返到去岩岩好 唔算等得辛苦又食到熱辣辣嘅 鋪頭都見到佢掛住好多牌仔寫住「要即刻食」、「凍左唔好食」嘅溫馨提示 而且店員都勁有禮貌 整體上都係覺得正嘅 淡淡都會食到香蕉肉 夾埋榛子醬真係冇得輸 唯一美中不足嘅就係佢冇堂食 大熱天時企喺條街度真係有啲濕濟🌞

元朗好出名嘅泰式煎餅。記得以前去泰國旅行，路邊一定有啲攤檔賣泰式煎餅。呢間係改良咗嘅，我睇到佢係搓咗塊餅，拎去炸完再煎，雖然係油膩啲，但係香口同埋脆好多。叫咗一個鹹、一個甜，鹹嗰個係肉鬆沙律醬煎餅，味道都幾特別嘅。甜嘅係榛子醬香蕉煎餅，入面都幾足料，有好多香蕉，不過唔鍾意食甜野嘅人千祈唔好嗌，因為味道真係偏甜嘅。拎咗一張飛等咗35分鐘，就可以返去拎個煎餅，都好準時有得拎。可以一試！跟住另外一次叫咗一個朱古力香蕉煎餅，味道冇咁甜嘅，佢話用咗台灣朱古力，果次係星期六，等咗45分鐘先有得拎。

👱🏻‍♀️有一次同🏋🏻行過元朗木頭車想搵下有冇d小食過下口癮🤣見到有檔整緊🏋🏻最愛既🍌煎餅打算買既時候小店店員話要等一個鐘😱嚇死左👱🏻‍♀️🏋🏻今日去完天空之城😌做完gym打算黎碰下運氣🧐竟然❗️等20分鐘就有得食🥺就等我試下佢有咩魔力🔮要等咁耐1️⃣Nutella香蕉🍌煎餅 $35🏋🏻係泰國幾中意買街邊既🍌煎餅一來價錢好平二來泰國d香蕉幾甜但係香港好難買到同唔普及🥲今次終於可以係咁短時間排到香蕉仔🥺🥺緊係試佢最推薦最多人嗌既Nutella口味😋見到靚仔哥哥一手搓餅皮一手係到煎餅皮落🍌手勢非常純熟💪🏻差d以為自己去左泰國🇹🇭街頭😂另一個靚女店員就係到切香蕉好大方咁淋Nutella醬同煉奶🤩雖然35蚊有d貴但係❗️俾我地返左去泰國旅行既感覺😍記得新鮮整起最好食🧏🏻‍♀️返到屋企淋左就無咁有風味😉👱🏻‍♀️唔中意食朱古力🍫所以食左2 3舊就投降🏳交曬俾🏋🏻KO其實個煎餅真心幾好味香蕉夠甜夠香 塊餅皮煎得夠脆👍🏻Nutella醬亦好夠♥️成個配搭無得輸🤩不過一個人食的話好快會覺得漏同肥🤣😂😂❣️極力推介2至3個人分享一個做飯後甜點一流🤪❣️🔆溫馨提示👱🏻‍♀️係元朗食晚飯前落定order俾定💵 同靚女店員講低想幾點

.📍香蕉仔📍香港元朗大坡頭徑14-24號福星樓地下6號舖這家的香蕉餅全是現點現做的，拿到的時候絕對是燙手又燙口的，吃第一口的時候差點沒被燙飛，點了個阿華田香蕉餅(35hkd)，酥皮夾層裏全是香蕉餡，阿華田醬跟煉乳也是給好給滿，而且看著店家一個一個的煎很療癒，不過真的超級邪惡，所以一定要跟朋友分食把脂肪分一半😂

🍌🍌🍌榛子醬香蕉煎餅 跟店員預計時間返去拎 熱辣辣有得食見住店員搽榛子醬 厚到好邪惡煎餅邊位好脆 可以食邊先冇咁熱中間熱辣辣 夾埋香蕉🍌 好香加埋面頭既榛子醬 雖然一個人食會好飽但都係想一人獨佔🤣-💭買完店員會有飛仔比你 寫左大概幾點返嚟拎行陣準時返去就有得拎嫁啦~下次經過會再去食 試另一款😋

Original $30講真我真係好鐘意食香蕉煎餅 個時去泰國日日都食返一個先心足 好耐之前見到香港有都好想試 直到見到最近香蕉仔開返就即刻去咗try try🤪 平日下晏去到要等大概20分鐘 但拎上手個下已經知道係值得😚 首先佢好香香蕉味🍌 熱辣辣 面頭仲要有無限煉奶同朱古力醬 真係口水都流埋出黎🤤 食落個皮好脆而入面既香蕉就煎到半溶 成個味道同泰國食既一樣 超級推介🥰評分: 10/10🌟Nutella $35香蕉煎餅面頭搽咗一陣厚厚既Nutella再加煉奶 邪惡度係100😈 不過都值得俾quota佢既 因為Nutella實在太香太濃 食落有少少搶咗本身香蕉既香味 但將Nutella + Original兩舊一齊食就會平衡返 又有香蕉既香味同Nutella既榛子味 呢個組合係滿分💛 但就咁食就太rich了🥺評分: 9/10🌟———————————————————————香蕉仔 (元朗)元朗大坡頭徑14-24號福星樓地下6號舖

難得入元朗搵食。順道試埋呢間傳說中既 香蕉仔 先。我地食完壽司都只係三點鬆d...行到過黎先知呢間野開四點， 咁係附近兜下先啦。 三點九行返過黎已係排第三個喇。。。呢度落完單會畀張飛仔你返黎羅。每人限買兩份！ 我地第三份4:10 先有得羅。叫左招牌香蕉煎餅 $30 我地唔執輸一份share 食， 再另外各自買多份走。朋友買返去畀屋企人食。 為左佢 飛的返屋企🥰🥰係落左台灣朱古力醬同煉奶。。。新鮮即食邊位好鬆脆香口。落埋d 咁邪惡既醬又冇想像中咁甜， 減少罪惡感！

朋友唔講唔知原來呢到有個宵夜嘅好地方😳呢到係租左一間舖，入面有唔同檔嘅野食，都有好多選擇！🤯因為舖頭得2個人做，而且真係好受歡迎，所以佢係以walk-in 拎飛嘅方式，再揀翻你邊個時間翻黎拎野食，咁就唔洗去到呆等咁耐啦！😈加上佢係即叫即整，所以大家要早少少去拎翻啲野食丫😌為左保持水準，佢都建議大家即刻食，唔好等啦！==============================🍌 香蕉仔 @bananaboyhk📍 元朗大坡頭徑14-24號福星樓地下6號舖（輕鐵豐年路站，步行約5分鐘）⏰ 星期一至日 16:00 - 00:00（星期三休息）==============================1️⃣ 【招牌香蕉煎餅】 $30原來香蕉煎餅真係有香蕉味😳😂佢外皮好似酥皮咁，但又會有脆嘅口感，食到入面好香嘅香蕉味🍌上面加左朱古力醬同煉奶，但好好味🥲（🔥 怒食指數：8.5/10）2️⃣ 【榛子醬香蕉煎餅】$35望住佢一大pat Nutella搽上去，上面再加煉奶，真係好邪惡！😈對於開始食得無咁甜嘅人黎講，呢個就可能甜左啲🤫（🔥 怒食指數：8/10）3️⃣【阿華田香蕉煎餅】$35上面係阿華田醬再加啲脆脆係

📍香蕉仔 (元朗) 最近成日都喺IG見到有人食呢間既香蕉煎餅，😍 琴日就決定要去朝聖！落左單之後店主會同我地講幾點有得拎，我地就等左大概半個幾鐘左右，所以如果想食既話真係要早少少去落單先呀！𝑰𝑻𝑬𝑴𝑺 𝑶𝑹𝑫𝑬𝑹𝑬𝑫:▪️ 榛子醬香蕉煎餅🍌 ($35) 賣相相當吸引呀！🥰 新鮮整好既香蕉煎餅熱辣辣，正好令面層既榛子醬有少少溶溶地咁，食落去好夾！而煎餅既外層好脆好脆，入面仲滿佈左香蕉蓉，成個煎餅食落去層次非常豐富！💕下次再去元朗食野既話一定會再order!! 𝑨𝑫𝑫𝑹𝑬𝑺𝑺:📍元朗大坡頭徑14-24號福星樓地下6號舖Shop 6, G/F, Fuk Sing Building, 14-24 Tai Pei Tau Path, Yuen Long

話說喺香蕉仔未得之前我已經試過排咗兩個鐘去買嚟食，講真喺香港我都未試過派多個一個鐘去食一間餐廳😂不過上次食完之後叫埋個泰式奶茶覺得都幾好食，所以今次佢強勢回歸，知道佢用另一個形式去排隊就再慕名而來啦由於人太多嘅關係所以冇影到相，我叫咗阿華田味，佢哋而家改變一個形式就係買完俾個飛仔你，嗰個鐘數先行返返嚟，咁就唔使等咁耐啦，個人認為這個行為非常貼心！可以食完個晚餐之後返嚟先再食，不過由於知道越夜越多人嘅關係我嗰日4:00已經去到啦😂等咗半個鐘就有得食啦，開心老闆同助手非常之有禮貌本人非常之鍾意有禮貌嘅店主同店員，亦都會因為依樣野打多咗我會回頭嘅機率😂可能見識過香港好多店舖都非常之冇禮貌嘅關係吧！除咗香蕉煎餅之外我都叫咗個芒果糯米飯，店主同助手都非常之貼心咁叫我嚟拎煎餅先至拎糯米飯😂講返個煎餅先，熱辣辣入面嘅香蕉溶溶地，好食！加上阿華田粉，同香脆嘅外皮！絕對明白點解咁多人排隊同支持佢哋由於返到屋企好快已經比家人食緊芒果糯米飯所以唔記得咗影相😂個芒果非常之甜，下次再去買嘅時候應該都會再買埋芒果糯米飯，希望佢下次有埋泰式奶茶啦因為佢個泰式奶茶都好好飲😂

去到元朗必食❣️每人限買兩份等咗40分鐘都值‼️今日去咗元朗一日遊，梗係食盡元朗嘅美食！之前成日都聽到呢一間好出名又好似重新裝修咗，於是就去試一試！榛子醬香蕉煎餅🥞今次試咗呢一款口味真係有一層厚厚嘅榛子醬😍面頭仲有煉奶，中間仲有🍌真係即叫即整，煎餅好脆口！其實我已經係4點05分一開門就嚟！但係都已經要等40分鐘先到我😝不過好欣賞呢間#黃店 嘅安排去到嘅時候，店員會比一張輪候時間嘅紙你只要按特定嘅時間返去，就可以拎到熱辣辣嘅煎餅！

📍香蕉仔🍌很開心的是見到他們受歡迎的程度是要先排隊買，拿票 大概等一個多小時再來拿💛- 榛子醬香蕉煎餅 $35真的有像在泰國吃到的味道，好吃的煎餅一定要把外層半煎炸到酥脆🤤再加上甜甜的榛子醬和煉奶 賣相已經十分邪惡。外脆內軟的香蕉和雞蛋 真是是讓人一口接着一口的吃😋店家提示要趁熱吃喔 涼了就會影響到口感💡