香蕉仔 (已結業)

嚟到元朗一定要食呢間香蕉仔🍌❤️雖然係等咗耐啲，等左半個鐘，但係都非常值得一試。我就叫左佢哋嘅招牌 榛子醬香蕉剪餅($35)🍌🤤味道方面，即整即食，老闆強調最好趁熱食，熱辣辣，出面嗰層煎餅脆口，入面香蕉軟滑香甜，朱古力加香蕉真係係冇得輸‼️就算加埋榛子醬同埋煉奶，都唔會過分甜☺️份量方面，好大份，可以兩個人分享一份💕美味程度(5/5):👅👅👅👅👅CP值(5/5)：⭐️⭐️⭐️⭐️⭐️回頭指數(5/5):⭐️⭐️⭐️⭐️⭐️📍香蕉仔（元朗）-元朗大坡頭徑14-24號福星樓地下6號舖

食完魚一飽到一個點但冇甜品一餐都係唔完整所以帶左媽媽去試香蕉仔今次食榛子醬味話說星期六人流真係唔係講笑買完要等1個鐘先有得拎仲要係準時先有 早5分鐘到都未到你張飛架我地就準時去到即刻拎到手🤤熱辣辣加埋厚厚既榛子醬甜甜既香蕉餡 牛油煎既香香酥皮飽都忍唔住食曬🥰

📍香蕉仔 @ 元朗​ღ 榛子醬香蕉 $35​而家去食唔洗再排2個鐘喇～先講低要咩 佢就會同你講大概幾耐之後返嚟攞🥰因為唔洗係出面呆等 我就決定要去試下喇！就係呢晚食完 我之後對煎過嘅香蕉無咁抗拒😂基本上Nutella配香蕉呢個配搭係唔會出錯(//∇//)再加上用油嚟煎嘅餅皮 真係又薄又脆！好香！雖然泰國食嘅價錢係35泰銖😂但無辦法喇🥺喺香港就食住香蕉仔先喇～都係同泰國嘅一樣！回頭指數😼3.5/5（係脂肪嘅味道(●´ω｀●)

住在元朗的街坊聽到香蕉仔一定不會陌生，這間泰式香蕉煎餅的小店，無論街坊甚至到區外人都會慕名而來，雖然開張已經有一段時間，但現在依然要需要等侯1小時才吃到😆.Nutella 榛子醬香蕉煎餅 榛子醬塗得滿滿的煎餅，不但餅邊脆口，配上煎餅中的香甜香蕉，令口感層次提升不少，真的很滿足😋.記緊店舖16:00才開始營業，而且售完即止🤓想吃的朋友們記住要預留時間，真是人多起來要等差不多一小時多😌最後取後要即刻吃，涼了會影響煎餅口感😉

食過兩三次香蕉仔喇每次食都係熱辣辣整起Staff們仲會提你一定要趁熱食啊凍左就冇咁好食~所以每次拎到都會企係岀面食埋先走😛嗌親都係兩溝 或者榛子醬香蕉煎餅因為係泰國都係食呢2隻味多🤤掛住泰國街頭小食一定要黎食！充滿牛油香既油酥皮 夠脆口包住滿滿香甜香蕉餡💛 每一啖都好幸福fat fat 帶外區朋友黎食 個個都大讚🙌🏻🥳係外區入黎元朗國必食名物🤓同一個舖位仲有幾間賣唔同野食既黃店～每間都好好食架 值得一試！

「宵夜燒到過埋夜」入面，佢地三個去咗元朗掃街呀😍😍又吸引到我地啦🙌🏻我地特別預佢四點鐘開門就去，希望少d人，結果係成功！！🥳同埋用攞籌方法，咁大家就唔需要喺咁熱既天氣下排隊等啦，個籌預一個鐘頭後有，可以去行陣街先😗時間都預得準既，不過老細都建議早5-10分鐘到等佢地整好可以即刻食🙌🏻🙌🏻榛子醬香蕉剪餅🍫🍌味道方面，朱古力加香蕉係冇得輸👍🏼熱辣辣食到個皮好薄好鬆脆😆唔算太甜📍香蕉仔 (元朗)元朗大坡頭徑14-24號福星樓地下6號舖

實在太掛住泰國 好想去旅行呀所以放假專登去左元朗國就試一試哩間香蕉朱古力醬煎餅即叫即整 買完等大約半個鐘先有得食熱辣辣煎餅好香好脆而香蕉朱古力呢個配搭係我嘅最愛 係泰國嘅味道呀～

呢段時間無得去旅行 無得去泰國唯有用呢個辦法頂住檔先令人回味嘅泰國街頭小食🇹🇭🇹🇭*❣️榛子醬香蕉煎餅 $35即叫即做 熱辣辣🔥🔥等10-15分鐘左右 其實佢地都整得好快手下一食落口 啖啖香口嘅香蕉味🍌啲醬都俾得多下 件件都佈滿nutella薄薄地 所以唔會覺得漏食多幾次都無問題😋同泰國食嘅煎餅就有少少出入🫓再淋身啲 無咁脆口就會更似不過可能呢個就係佢地嘅特色🧐🗣因為店員會溫馨提示你一句：返到去盡快食啦 如果會變淋嫁

已經第2次幫襯！上次試咗nutella味，今次想試返原味煉奶味，因為當年第一次喺泰國食到banana roti就係食煉奶味！☺️店員好好人，因為本來order咗$30嘅煉奶味roti，點知老公問朱古力味會唔會安全啲？最後我見同價錢，所以我問店員可唔可以一半煉奶一半朱古力醬😍最後店員就整咗個half half俾我🥰🥰🥰但我始終最鍾意煉奶味🤩老實說，個人認為佢嘅roti太脆口，有少少似油炸roti，如果無咁脆口會更正更加似泰國食到嘅roti！不過其實元朗呢間都已經好好味，所以值得無限encore！留意返👀上次佢一開鋪無耐，平日5點幾左右我哋就去試，所以唔洗排隊！今次食完晚飯9點幾去食，平均都要等20-40分鐘😆所以想做飯後甜品，記得預時間！

呢間小店逢星期三會休息，所以難得去到元朗國就點都要食！我對香蕉朱古力嘅組合係毫無招架力😍雖然要等半粒鐘，但我哋講定一個時間，食完晚餐再去攞餅就啱晒！.1️⃣Nutella榛子醬香蕉煎餅（$35）睇個賣相就知道有幾靚仔幾吸引！熱辣辣煎起畀你，每一舊都有香蕉片，唔會話邊邊嗰幾舊就齋啃餅皮，足料！加埋煉奶更加有奶甜味🥛食到最後會幾漏，建議兩個人分享。.2️⃣煉乳香蕉煎餅（$30）呢款個人覺得單調咗少少，因為少咗榛子醬嘅邪惡，硬係差咁啲嘢。所以建議嗌返1️⃣

🥡招牌香蕉蕉餅 $30熱辣辣即食真係同泰國食到嘅冇分別，加咗朱古力醬同煉奶，邊位非常脆，食到一層層，夾心包住嘅香蕉好足料，好味～🥡榛子醬香蕉煎餅 $35Nutella 加香蕉，相信大部分人都會鐘意。呢個上面搽左厚厚嘅Nutella，每啖都唔會錯過。上面仲有煉奶，不過加埋就有啲太甜啦～🍜小貼士1. 每人都係按照飛仔上面嘅時間返去拎，記得唔好遲，冧咗唔好食架！2. 店員仲話可以揀後啲嘅時返去攞，晚飯前去買，飯後去攞就岩啦！

晚上八點去買，排隊排了接近一個半小時才拿到，好在買完之後店員會告知可以領取的時間，按時回來拿就可以了👍🏻雖然顧客很多，但店員態度依舊很友善很有耐性，值得一讚。第一次購買選擇了最不會出錯的招牌香蕉煎餅（$30），餅皮薄脆不油膩，香蕉非常香甜，出爐後店員還會在表面擠上朱古力和煉奶醬，甜度恰到好處😋記得一定要趁熱吃！Ps: 雖然味道不錯，但實在太多人了，如果只是恰巧經過感覺不必特意排隊了😢評分🌕🌕🌕🌕🌖

招牌香蕉煎餅 同 榛子香蕉煎餅呢間其實都唔洗多介紹 佢地出名嘅就係泰式嘅香蕉煎餅 熱辣辣 香噴噴 外脆內綿嘅煎餅 會食到停唔到口 不停一啖啖咁食哂🤤但我等咗個半鐘 我4點半去到買 6點先有得攞 值唔值得就真係見仁見志啦

間唔中就會見到有人介紹呢間香蕉仔，不過都聽聞要等好耐而有啲卻步，今次專程喺大概15:40去到等開門，第一個落order😎 order完睇住佢整，大約10分鐘左右就整好2個～佢哋總共有7個口味嘅煎餅，5款甜、2款鹹，我哋就鹹甜各買咗1份～佢哋嘅煎餅好厚身，但入面係酥脆口感，而且食落都唔會好油膩😋•🥢 阿華田香蕉煎餅 $35香蕉煎餅有啲厚度，入面有好多香蕉肉，香蕉味好濃郁🍌，煎餅本身都脆脆地，加咗阿華醬會無咁脆，但有阿華田脆脆補返👍🏻 阿華田醬好多，但唔會搶咗香蕉嘅味道🍌 仲有啲煉奶，不過本身香蕉同阿華田醬已經幾甜，煉奶就無咁出，都係裝飾下😎•🥢 芝士粟米煎蛋餅 $30呢款係香蕉煎餅嘅變奏版，入面無香蕉嘅，但都照用咗酥脆嘅煎餅做外皮，入面包咗超多芝士🧀同好甜嘅粟米粒🌽🤤，煎好之後喺面頭加上啲千島醬，令到成個煎餅食落去無咁乾，而且同芝士都好夾😋 一拮起就見到啲芝士拉絲，食落真係大滿足🤩 唔鍾意食香蕉嘅朋友仔真係可以試下呢款👍🏼

香蕉煎餅🍌🥞係泰國🇹🇭必食嘅街頭小食。首先放牛油🧈係鐵板，再倒上蛋漿將餅皮煎到酥脆，放入一片片香蕉🍌，最後淋上煉奶和朱古力醬，即叫即製熱辣辣，每一啖都食到香蕉🍌甜甜地又唔會太膩🤤🤤店內除了有朱古力味，榛子醬味，阿華田味等甜味煎餅🥞外，還有多款鹹味煎餅🥞如芝士肉鬆和芝士粟米等，不妨一試。