香港魚蛋皇

營業中

休息中

幾日前,放學時陪ling落左灣仔逛逛!!行到去4,5點個陣..有d肚餓!!!就是但入左間茶餐廳食碗麵!!!我叫左...雲舌麵 + 凍檸茶碗麵睇落唔係太大碗,但d雲吞就幾新鮮!!因為一咬落d雲吞度,入面d蝦幾爽!!!唔錯!!!!而且凍檸茶...味道調教得岩岩好!!!但...唯一唔多好既!!!就係佢地d服務態度

六月四日 (星期三)本來今日諗住食 "吉野家", 但尋晚飲大咗, 搞到今日口淡淡都係過隔籬 "香港魚蛋皇" 買碗粉食, 貪有啖湯飲吓叫咗個 牛腩河 + 紫菜 外賣牛腩好味又夠焾, 腩邊肥膏夠滑但又唔覺得太肥膩下次要試吓呢間啲墨丸、魚旦

日期：2007年12月10日我叫左個酸辣魚片米線：辣到我死咁滯，我加左成杯水入去都好難入口．我搵唔番幾年前係”寶發”食既果種味道，唔太酸唔太辣既味道．男友要個雲吞牛腩麵：大大隻蝦，牛腩都幾焾身，唔錯．豆漿又燶，又多渣，極其難飲．

現在的魚蛋粉店，總愛稱王稱霸，似乎有點自大。有種錯覺，名店在店名上往往係低調，牌匾也是小小的。可能是新開的店名氣不如，就要靠稱王稱霸，大大的招牌，多多的饍稿來充支撐。浮誇又未必一定啎好食的......今次好快就點了墨魚丸麵多蔥，聽聞是海螺豬骨湯底，螺味啎出，豬骨味也很淡，不易嘗得出；生麵少腍未夠爽，主角墨魚丸一洗整碗麵的頹氣，啎係爽，有少少墨魚的粘性，但十分彈牙，荸薺彌補了爽口的感覺，好好的配搭。另外辣椒油一舀出來即陣陣香味傳來，非常惹味，今時今日的魚蛋粉舖，不管是選用還是自製，好難得辣椒油也如斯細心講究。

23/11(四) 6:15pm難得是晚不用上堂,心癢癢想吃魚蛋粉,放工後到了此家潮州籍學員推介的潮式粉麵店試試.時間尚早,店內亦坐了數臺食客,環境跟一般粉麵店大同小異,尚算光猛四正.目標明確,快速瞄過餐牌後點了四寶河$21,灼芥蘭$6.四寶河--先呷頭啖湯,此店以響螺魚骨湯底打正其號,湯底果真鮮甜無香!繼而夾起外表晶瑩的河粉,河粉質地薄滑,口感一流!至於魚扎則比下去,沒甚魚味,幸好木耳冬菇蘿蔔絲屬新鮮爽脆.魚皮餃方面不算超有嚼勁,而且肉餡帶粉身.而貢丸及豬肉丸食味平平;最後一寶--魚蛋相當富魚香,同時口感頗爽;總算彌補前三寶的不足罷!灼芥蘭--老規矩要了走油加腩汁,芥蘭爽脆鮮甜,份量不吝嗇,$6絕對交足貨!優質服務是另一大驚喜,侍應們替客人落單後連聲多謝,而且有求必應,與食客侃侃而談,結帳時眾侍應的齊聲多謝不禁讓我對此類粉麵店刮目相看!$27,物超所值!

今日中午黎灣仔考試局,經過呢間諗住食魚蛋粉,叫左一碗魚蛋魚麵,手打魚蛋軟軟地,但咬落好有魚香,好味!而魚麵亦都唔錯,佢地特登煮到麵中間有一絲透明,係為左增加煙韌感同口感.但午市沒有麵餐,加杯凍檸茶,合共要$37,有點貴..

在宿醉下跟朋友打網球，打完得番小半條人命，年紀大真係唔好再搵d咁野搞。落到灣仔，要找點東西吃，見這裡燈光火著，潮式粉麵都好似不錯，就來吃碗魚麵。要了紫菜四寶魚麵，要多蔥，再加杯凍咖啡。四寶魚麵不算大碗，魚麵也較幼的。這裡的湯式，自稱是豬骨響螺湯底，喝落不算很甜美，但味精也少；魚麵口感不夠彈牙，都有魚味，不過以潮式粉麵舖來計，只算是及格的水準；四寶全與「魚」有關，計有魚皮餃、魚札、魚蛋及墨魚丸。當中以墨丸最好，好有墨魚味及加了馬蹄粒去增強口感。魚札也不錯，魚肉卷著紅蘿蔔、木耳及肉碎，味道亦好。魚皮餃中規中距，最差的是掛頭牌的魚蛋，鬆泡泡又沒有魚味。碗麵加飲品四十大元，不便宜。臨走聞到牛雜都幾香，來吃這個都應不錯。