影片
更多
2018-08-04
59 瀏覽
之前一直想試呢間cafe,難得佢由灣仔搬左去尖沙咀，星期五晚約埋朋友一齊去試。店鋪裝修走民青風，亦配合郵意主題，到處貼滿postcard,我同朋友當然唔會放過打卡嘅機會。餐廳以自助形式運作，大家叫完野食野飲就可以隨便揀位坐，店員會俾一個電子提示器，有得攞就會響。座位方面亦有不同選擇，包括普通嘅位或地下sofa。餐廳最低消費係每人一杯飲品，我同朋友叫左曖昧（strawberry and blueberry yogurt smoothie)、伊甸園（apple and mango yogurt smoothie)、咖啡。至於食物就叫左卡邦尼意粉、白酒辣蒜蛤蜊意粉、煙三文魚火箭菜薄餅，甜品就分別有豆腐蜂蜜芝士蛋糕同檸檬威士忌糖漬凍餅。首先有得攞嘅係飲品同意粉，cafe飲品嘅質素好重要，兩杯smoothie顏色吸引，可惜味道偏淡，但飲得出係用希臘yogurt整，適合想飲無糖飲品嘅朋友。至於友人嘅咖啡拉花圖案係心形，味道唔錯，cafe黎講算不過不失。至於意粉就好一般，分量少而且調味麻麻地，唔知係未放耐左，感覺仲有d凍。之後試嘅係煙三文魚火箭菜薄餅，pizza攞到返位仲係熱辣辣，焗嘅時間掌握得好，
餐廳以自助形式運作，大家叫完野食野飲就可以隨便揀位坐，店員會俾一個電子提示器，有得攞就會響。座位方面亦有不同選擇，包括普通嘅位或地下sofa。
餐廳最低消費係每人一杯飲品，我同朋友叫左曖昧（strawberry and blueberry yogurt smoothie)、伊甸園（apple and mango yogurt smoothie)、咖啡。至於食物就叫左卡邦尼意粉、白酒辣蒜蛤蜊意粉、煙三文魚火箭菜薄餅，甜品就分別有豆腐蜂蜜芝士蛋糕同檸檬威士忌糖漬凍餅。
首先有得攞嘅係飲品同意粉，cafe飲品嘅質素好重要，兩杯smoothie顏色吸引，可惜味道偏淡，但飲得出係用希臘yogurt整，適合想飲無糖飲品嘅朋友。至於友人嘅咖啡拉花圖案係心形，味道唔錯，cafe黎講算不過不失。至於意粉就好一般，分量少而且調味麻麻地，唔知係未放耐左，感覺仲有d凍。
之後試嘅係煙三文魚火箭菜薄餅，pizza攞到返位仲係熱辣辣，焗嘅時間掌握得好，所以好脆口。而且蕃茄汁好味，加上主角煙三文魚，整體配合得天衣無縫，值得一讚！
最後試嘅係豆腐蜂蜜芝士蛋糕同檸檬威士忌糖漬凍餅，兩樣甜品都整得幾好，餅身嘅質感啱啱好，唔會太軟或太硬，餅底亦ok,同餅身算夾，兩者口感唔會差太遠，成件餅一刀切落去亦唔會好易散。個人比較鐘意豆腐蜂蜜芝士蛋糕，因為有濃濃嘅豆腐味，芝士味唔會太重而搶去豆腐味，兩者平衡，會令人想一食再食。至於檸檬威士忌糖漬凍餅都有香濃嘅檸檬味，好醒胃。
第一次黎呢間自助cafe,環境裝修有心思，而且無限時，可以同朋友坐低慢慢邊食邊傾，適合想輕鬆享受食物嘅朋友，我同朋友當晚都係餐廳chill左近四個鐘。最後朋友仲俾不同款式嘅Postcard吸引，買左黎寄，餐廳亦好細心咁提供代寄服務，抵讚
張貼
