香港郵意 (已結業)

香港郵意是一間以明信片作主題的 Cafe，主力宣傳Postcrossing文化，還有明信片寄賣呢～咖啡廳佔地很大，牆上貼滿世界各地的名信片，設計各有特色這裡採用自助服務形式，自己選擇座位和點餐取餐，重點是入座不限時～很適合和三五知己來聊天聚會呢！這裡的 Smoothie 名字都很文青，這杯小確幸即是草莓香蕉奶昔🍓 果香超級濃郁，而且入口奶滑非常，好喝喔小吃點了一個香腸派對，還佐了配菜薯蓉和連枝蕃茄，蠻豐富的這個拼盤有多款香腸口味，香煎過的香腸外皮勁脆～主菜到了，這道是白酒辣蒜蛤蜊意粉白酒加蜆肉是完美的配搭！意粉帶濃濃酒香和微辣，很惹味蜆肉也煮得很入味，鹹香十足第二道是卡邦尼意粉，上面洋洋灑灑的有很多芝士碎和蘑菇火腿混合。意粉很有口感，不會煮得過淋～

呢一日係尖沙咀睇完場 順便係附近食個飯 睇完場都攰攰地 係附近食算行入首都廣場俾個香港郵意個牌吸引左於是就上左去食呢度係自助方式 自己搵位 拎野食 再汁枱裝修好小清新 好文青feel 靜靜係度做下野傾下計都唔錯野食選擇都多最後揀左香草什菌意粉All day breakfast 苿莉玫瑰花茶牛奶朱古力仲有賣post card ge 地方All day breakfast 炒蛋滑 牛角包鬆脆 煙肉煎到好甘香 豬肉腸好juicy 菜又夠新鮮香草什菌意粉都幾creamy 唔錯牛奶朱古力好滑好濃苿莉玫瑰花茶好香 好舒服

非常差嘅經驗，由頭到尾，收銀同櫃枱後面嘅經理，態度都好差，成個過程好似來受氣咁，佢地咁嘅溝通同待客，直情可以話喺趕客。食物方面還可以，叫咗all day breakfast，意粉，smoothie，piccolo同蜜糖豆腐芝士蛋糕，total $256。最差喺豆腐芝士蛋糕，裡面雪到有冰粒，而只喺上面加咗舊蜜糖整嘅嘢就叫做蜜糖芝士蛋糕，有點取考，賣緊$58，絕對唔值。Lady M千層芝士蛋糕都喺賣緊$68，話哂都喺IFC，喺呢個劏場賣咁嘅價，仲要咁嘅質素同咁惡劣嘅服務，你話啦？！唔使講咁多，一定冇下次！

今日帶住年青同事上泰拳班， 又要依肚又怕肥， 佢就話帶我去年青人嘅新蒲點， 實行多菜少肉。地點喺尖沙咀首都廣場， 上到去感覺好似去咗台灣咁， 行咗半個圈我諗超過有50張枱，場地超級大， 裝修好有文青嘅感覺， 座位有榻榻米亦有枱椅式， 感覺好輕鬆。場景佈置都好特別， 有一個地方係可以寄明信片， 影相呃like都唔錯。呢度係自助式嘅服務, order完之後要自己出去取餐, 食完之後就自己收拾好， 作為媽媽嘅我都覺得幾好呀， 教小朋友自己的事自己做當食物準備好就會震動，叫我哋出去取餐處取餐。我就叫咗個Egg Benedict, 差唔多半碟都係菜， 仲有極新鮮嘅番茄仔伴碟， 煙三文魚蛋下面係煙肉， 加埋杯草莓香蕉冰， 我覺得都幾健康呀同事就叫咗個all day breakfast， 佢個牛角包脆到索索聲， 我忍唔住叫佢搣咗半個俾我試下 條法蘭克褔腸咁大條，share下都唔果份……( 所以我肥係有原因嘅)食完後， 諗到下次公司gathering， 可以試下喺度包場， 輕鬆寫意又自在。

鋪頭位於2樓，一入門就會看見買食物及飲料的櫃台。全鋪是自助式服務，除了點餐，取餐，拿餐具，找坐位都是客人自行招呼自己，若已訂坐請自行到櫃台“報告”經open rice訂坐，但要注意場地雖然算大但平日晚飯時間都會有機會滿坐，預約了都不一定有坐位。若要用電腦的朋友，請留意附近坐位是否有電掣可用。鋪內的陳設都是木色，裝修走文青路線。但我覺得有點華而不實，枱腳的支撐不是筆直而是由下而上向內傾，本身每邊可坐兩人但這樣的設計會令兩人感到迫窄。有些坐位是採用日式風格，客人坐在地上但必須脫鞋。我就剛巧坐日式位附近，鞋的異味令我食慾大減。食物方面都是只有一般的西式選擇。雖然是café 但飲料的選擇比旺角那些cafe少，質素亦偏底。我當日點了一杯green tea latte, 發覺出餐時已經是涼了，杯底還有很多沒有溶的沉澱物，朋友們都表示飲品很難飲。出餐速度亦奇慢，我們落單等了近半小時才出餐，明明這是快餐店的運作方式。每份餐的價格偏貴，性價比很低。店員的服務態度不算差，但手腳就真的比較慢。晚上人手很少，坐遠處的客人買其他食物帶來吃都不會被發現。總括而言，這餐廳除了吃的，什麼都還可以。

這是一家好特別的café店家以明信片為主題熱愛旅遊的我當然趨之若騖場內更有一個紅色的英國郵筒當進入餐廳時你可隨意找座位沒有招呼也沒有人干預你要坐多久只要是坐下消費就可坐多久都可以條件是聲量不擾人及離開時執拾餐具我們二人要了全日早餐和卡邦尼意粉及咖啡全日早餐附有半件英式鬆餅有別菜單上的牛角包其他配料有香腸煙肉尤以蕃茄仔超大粒新鮮及有甜味吃得出是上價貨卡邦尼意粉是水準之作味道調理得剛剛好見到櫃枱內的精緻甜點相當吸引奈何今天的腸胃已沒有位置了下次再來嚐嚐吧

同朋友仔行完街街，買左好多野想搵個地方休息下呢個商場翻新前都會黎行下嘅不過翻新後，成為劏鋪場後，只係黎過借一次廁所😂今次搵間cafe坐下點知原來呢度一層已經改成一個超大cafe又大又寬敞超多枱櫈，勁cosy呢度係自助形式，不限時任坐只要買杯野飲，攤喺度都得😜😜仲有好多公仔俾你抱抱影相買左一人一件cake，一人一個花茶想試嘅豆腐cake賣晒🤷🏻‍♀️檸檬威士忌糖漬凍餅Tiramisu無影👅藍莓水果茶玫瑰花茶檸檬凍餅酒味不突出，但檸檬味夠，酸中帶甜，不錯！Tiramisu 的咖啡酒也不突出，但忌廉也很綿滑，朋友比較喜歡這款玫瑰花茶和藍莓茶也相當大壺，即使無得添水，也夠飲多幾次呢度全自助形式，但難得地方都好整潔有賴其他食客自重下次再來，希望也可以保持得到！

今日想同同學仔傾下功課，搵到呢間樓上café, 地方好寬敞，到處都貼有postcard,有D位可以坐係地下，仲放埋CUSHION，都幾悠閒寫意。呢度係self-service 既，所以自己先點餐，再取餐，食完記得要收拾好啊！ 可以企係出面睇餐牌。亦可以攞埋位慢慢睇，呢度食物價錢都好大眾化，又唔限時，可以慢慢食慢慢坐。叫左個All day breakfast, 好有份量，蕃茄又紅又大粒，沙律菜都好新鮮。底下仲有煙肉。黑糖鮮奶有拉花，唔太甜，飲到黑糖味又飲到奶香。Tiramisu蛋糕，做得唔錯，蛋糕夠軟，夠Tiramisu。

因為土地問題，放假喺香港想搵個地方舒舒服服咁hea，其實都唔容易......近來發現尖沙咀首都廣場有間以明信片為主題的特色cafe，最大的特色係唔限時－－任坐！輕易解決「放假冇地方hea」的問題！雖說標明「沒有服務」，其實員工的態度也很有禮貌，只是客人要自行收拾餐盤和餐具，也不是什麼問題～班尼迪蛋$128下單時已講明要等半個鐘，但我好想食班尼迪蛋，所以都唔介意等一陣，看到蛋汁流出來的感覺很治癒～沙律菜大約是沾了黑醋，酸酸的很開胃，煙肉也很香口。黑松露汁雜菌意粉$68想飽肚當然要點返個意粉啦。醬汁很CREAMY，同雜菌好夾，而意粉份量也不少，抵食！芒果少女$58見到個名咁少女心就想試下～其實是芒果加草莓的沙冰，相較而言草莓味道更重，雖然味道略淡，但酸酸甜甜，冰涼解渴，不錯！放假想同朋友搵個地方坐成日，絕對可以試下來呢度，真係幾舒服～

每當我去旅行，明信片係我必買之物。喜歡它易於收藏，又可以翻起旅行的回憶。近曰翻閱雜誌，看見報導有一間面積達4000尺以名信片為主題的餐廳在尖沙咀開幕。而且店內還售賣來自世界各地的明信片，唔知有無我上次太急趕，在十六湖買唔到的那些名信片呢？原來這兒是賣比較特色的手作名信片，頗為特別。這餐廳環境寛濶，裝修幾有特色，是文青風格,而且不限用餐時間，都好適合Hea 下，實在難得。而點餐是自助形式，先去點餐，然後取傳呼器回座位等候。餐點的選擇方面，主要以輕食為主，一如其他cafe, 有all day breakfast, 意粉，pizza ，甜品同salad. 除此之外，還有各款咖啡和特飲。而價格也十分相宜，salad $67-108, pizza $128-$138, 意粉也只不過是$58-$128。好chill的音樂在空間中迴蕩，各人自得其樂，感覺悠然而得。帶子蘆筍海膽汁意粉$128估唔到這意粉有三粒珍寶帶子！帶子大大粒，口感十足，煎得軟嫰又入味，正！意粉是扁意粉，每條意粉也沾有醬汁，口感濕潤又夠熱，完全充滿了蘆筍和香草的香味，味道清爽又好吃！龍蝦肉番茄醬意粉$98這龍蝦肉意粉真好吃！龍蝦啖啖

餐廳環境清幽，裝飾得好細緻，無論係一個人黎嘆番杯咖啡，寫番張postcard，睇番本小說，定係三五成群黎聚腳，傾下閒計，打下卡，依度都係唔錯嘅選擇~我地先點餐，然後搵位，有卡位、長枱、榻榻米，再等電子器響，就可以出去拎野食，非常流暢。香草汁菠菜雜菌意粉($58)同埋黑松露汁雜菌意粉($68)，用紙兜裝住，睇落好細碟，食落又估唔到份量咁多。意粉硬度剛好，配上香草汁同埋黑松露汁就更加creamy。雜菌煮得非常香口，又唔會有太油嘅感覺。朱古力心太軟配雪糕($68)，果然冇辜負我對佢嘅期望，係即叫即焗嘅。心太軟非常鬆軟，切開後朱古力醬就流哂出黎，朱古力味濃郁，配上雪糕簡直係冰火交融~Tiramisu($38)，做法正宗，帶有濃濃既咖啡味，cream入口即溶，中間脆脆地增加咗唔少口感。Cappuccino($38)，拉花細心，奶沫好厚，咖啡味非常明顯，牛奶、咖啡溝埋奶泡整個感覺充斥住味蕾，唔洗落糖都有甜味~

今晚想同朋友仔傾下野，於是就嚟咗呢度食飯，貪佢呢度唔限時間，任坐唔嬲！不過可能個個都知道呢樣野，所以weekday夜晚嚟到，都好多人！今次試咗呢度嘅Pizza、意粉同埋All day breakfast食物大約等20分鐘左右。食物餐具都係自己出去的，食完自己收拾，要有手尾個Parma Ham pizza 都幾多料，不過醬汁多咗少少，中間位置比較濕，整體味道都唔錯！龍蝦意粉份量好多，茄汁嘅味道調得剛好，酸酸地好開胃！扁意粉好掛汁，每條都有味道All day breakfast 賣相一流，材料非常豐富個牛角包真係好味，滑蛋又香又滑，仲有大量蔬菜和菇，好味又健康！呢度仲有檔仔賣嘢，坐到悶可以周圍行下，真係一個同friend子hea的好地方

今日同好耐無見嘅好友食lunch加傾計，梗係要搵個好地方慢慢坐啦！尼間香港郵意就啱曬我地心水喇！地方闊落，裝潢簡約得來又有特色仲有postcard郵箱供旅客寄給親朋好友，幾有卓頭，亦非常貼心餐牌簡約清晰，食物款式有all day breakfast ，沙律，意粉，特色飲品，甜品等等......選擇不少全店實行自助形式，在收銀處點餐後店員會給你一個取餐鐘，當鐘響起時需自行到取餐處攞食物同餐具，特別又好玩，我鍾意朋友叫左個all day breakfast，賣相好吸引，非常豐富，有沙律🥗菜、煙肉、腸仔、白菇、炒蛋、車厘茄、牛角包🥐等等.......睇見都想食我叫左個龍蝦茄汁意粉，分量好多，調味恰當，麵質旦牙，仲好足料，見到大大舊龍蝦，非常鮮甜，yummy yummy意粉夠乾身，爽滑旦牙心太軟配士多啤梨蛋糕，賣相一般，但味道一流，心太軟做得非常出色，外脆內軟，中間流心，火候控制得剛剛好，抵讚拿鐵☕️咖啡，拉花好靚，味道香濃幼滑鮮奶抹茶🍵，好香奶味，淡淡綠茶香，幾清新提提大家，食完記得自行收拾餐具🍴到收集區啊！

地方大、方便、較安靜，適合傾計、開會等等。但真心，食物質素很一般，外賞唔錯，味道卻得50分吧。叫左幾杯野飲，焦糖無焦糖，花茶又得果酸字。沙律很少沙律醬，很dry；意粉睇落好好食，但食落卻淡而無味，同埋很油；Pizza都係，超級油，食兩啖就唔想食。6個人一人一杯野飲同一個主食，都近用了$1000。另外，明白係自助Cafe，無職員Serve，但我發現每位職員都很黑口黑面，我問個簡單問題，職員直頭連答都唔想答你，唔單只係我，而係個個食客問野都係咁，唔想應你，咁既服務態度實在少見。

吃一點順便Hea一會，在尖沙咀我推介香港郵意，這裡位置非常多，寧靜，做功課又或是做project最好。假日更有pop up市集，小物讓人目不暇給（尤其是喜歡逛市集的我，笑）不過座位會因此而變得緊張。小小的cafe，多是年輕男女，食物和飲品都走輕食路線。自助型式，點餐後付款再等指示自取食物，記得吃罷要清潔好地方啊！煙三文魚火箭菜沙律，單看相片就知道超級大份，小店沒有麵包糠或是煙肉碎，換了作粟米片（笑）口感仍然做到卜卜脆，挺聰明的代替品（味道出奇地配！）火箭菜新鮮度一般，不過剛剛經過世紀十號風球山竹，值得原諒的。豆腐蛋糕，真的有濃濃的豆腐味！上面是蜂巢蜜糖，兩者是一是很夾我只能說一般。因為蜂巢很硬，要先吃，豆腐有點出水，所以中間的海綿蛋糕和餅底都軟了，有點小失望。超推介抹茶拿鐵！抹茶味超～～～～濃，回甘十足，美好的一天實在不能沒有一杯好latte，這一杯我會說make my day（笑）吃一點再hea一會，這個下午茶挺滿足的！在尖沙咀區有這個環境，價錢合理，實在很難得！