香港華商銀行公會

營業中

休息中

中環一帶有很多會所食肆，華商銀行公會係其中一間。價錢唔算貴，食物質素都OK。杏汁白肺湯：好香杏汁味，OK。粵式大千蝦球：招牌菜之一，蝦球大隻爽口，醬汁惹味，唔錯。啫啫蝦醬生菜煲：出品熱辣辣，蝦醬香味撲鼻，另一惹味之選。脆皮金沙雞：皮薄唔肥，有雞味，不過肉質只屬一般滑。香芹煎銀雪魚：銀雪魚煎得太乾身，賣相唔吸引，so-so喇！錦江豆腐煲：都幾足料，OK。蛋白賽螃蟹：口感一般滑，唔算油膩，OK。蒜蓉炒白菜：無乜蒜蓉香味，似清炒白菜多D。焗西米連蓉布丁：熱辣辣，香噴噴，幾好食。蛋撻仔：迷理size，撻皮鬆化但唔算好香，蛋的份量很少。

CS group 又聚頭啦, 今次扮野尊又去潛水...在銅鑼灣日本菜跟中環中菜系列中, 點選了後者.在中環吃樓上舖的中菜有不少有好評的地方, 嶺南, 蘇浙, 華商等等. 自己吃過了校友會, 寧波等, 也滿有驚喜的.最近 ET post 的album 華商的 feedback 倒是不錯, 八點正就來華商銀行公會一試其巧手菜式.大千蝦球, 汁醬醮滿大蝦, 蝦勁大隻肉爽~!香芒子薑咕嚕肉, 有子薑青紅椒, 雖然是肉片級數, 但咕嚕肉炸又得脆又香口, 汁醬份量適中, 送飯佳品.生菜蝦醬煲, 生菜售罄變作通菜蝦醬煲, 通菜過大, 生菜應該好一些, 熱騰騰的一煲份量跟新鮮度卻是十足的.脆炸田雞, 大大件很多肉, 送酒良品. 我倒喜歡那薄薄略炸的薑片, 薑片雖炸但仍有點點餘韻在口中徘徊.五代同堂炒飯, 清淡的一味, 蝦乾蒜頭蔥段炒過的, 四個人也幾夠吃的.一如其他樓上中菜, 要入會的. 幾味小菜跟一個炒飯已經很滿足, 傾不夠還走到銅鑼灣繼續聊天. 要挑剔的就是十時準時收工, 我們仍未談個夠, 還走到銅鑼灣繼續聊天.這頓生日飯很滿意, 謝謝各位~!

銀行公會的酒樓一直是我的心水食肆，食物有水準價錢相比中環區的算是平價位．以為裝修後定必比以前來得高檔，看來只是較以往光猛了, 枱與枱之間反而變得寬敞．預定了的荔蓉香酥鴨有別一般吃過的，脆漿較厚身包住一層溶化了的艼頭鴨肉，中間夾了香菇，友人不太欣賞只因傳統的艼角是鬆化入口，這個是略為乾身但可喜是吃下沒有太膩的感覺．令我有食指大動的是那蛋黃蝦，沒有佈滿滷蛋黃的蝦很鮮爽脆, 這個汁既有油香味又有點兒像上湯芝士汁般很濃滑，此刻想起的是伊麵或米粉必比西芹放底來得精彩．看似沒有什麼吸引的蝴蝶骨肉質很鬆化是不錯的一道送酒菜色． 較遜色是香芹煎銀雪魚，是一道炸魚沒有烹調技巧可言，荷蘭豆是略生有點青澀味． 有點失望而回是以往吃過的鐵板燒鱔己沒有了，而小巧的紫姜皮蛋酥今天是大了一個圈換來的卻是小得過份的皮蛋, 但那酥皮仍是好吃得沒話說．嗜甜小姐們還點了焗白連蓉布丁和椰汁紅豆糕也是算是不俗的點品．如欲看更多相請到以下網誌http://hk.myblog.yahoo.com/

極小局一聚. 地點由Y師傅揀,果然非同凡響. 每一道菜都十分滿意. 仲有好多菜式想試,一於要搞多個小局. 五香龍鬚 - 五香椒鹽味夠. 魷魚鬚用細魷魚,所以唔靭夠軟熟. 炸漿夠薄,而且放耐依然脆口.素釀乳鴒 - 去骨乳鴒釀有素菜粒. 最鍾意荀粒爽甜,乳鴒肉香骨軟. 第一味已經印象十分好.大千蝦球 - 大家估計係用蟹膏做獻汁. 蝦球新鮮爽口又彈牙,加上美味蟹膏實在唔錯. 難怪呢味又係招牌之一.脆炸田雞 - 一上檯我已經問一片片係咩東東. 你點都估唔到原來係炸薑!!! 薑片味甜,極薄,再炸,口感如薯片般脆,十分有趣又好食. 田雞屬巨型裝,肉多但依然嫩滑又有田雞味. 極之好食!!!! 相信係我食過最好食嘅田雞菜式.醬茄炆魽魚 - 相對呢味比較失色. 可能魽魚太大,肉身比較鞋. 不過魚肉鮮甜. 茄子亦炆得入味. 已經算唔錯.香芒子薑咕嚕肉 - 到九點廚房收先落單. 放上檯個樣十分唔得. 起初冇抱太大期望. 但原來肉片外脆內腍,肉質唔靭,用半肥瘦肉片實在唔錯. 甜酸味配合得宜. 子薑爽脆,芒果鮮甜,最佳配搭.脆皮金沙雞 - 雞皮又薄又脆,皮下冇厚厚雞膏,合我口味. 雞有雞味,而且連胸肉都唔鞋,

We had a dinner gathering there for a dozen people and we had a pleasant journey for the great services and attention of the staff there. It was quiet during the weekend/public holiday night. The food selection there was great. This was another good place for dinner gathering

跟舊同事去中環飲茶，度度都咁貴，多人又要迫，又要等，除左呢度…　呢度係只要你打左電話訂檯，就一定會有位俾你，唔駛再等。位置極佳，就係娛樂行附近，Jimmy's Kitchen 樓上。最緊要係，呢度飲茶係唔駛茶芥的，野食大致上都好好味，價錢比其他酒樓平，四至五人叫點心加一兩碟炒野，計返每人都係八十幾蚊。唯一唔好處係Members only，而且入會唔係俾錢就入到咁簡單，要交上卡片，證明是華商銀行的職員才會發證。另外呢度唔收現金，只收卡。 蝦餃 - 蝦好新鮮同爽身，皮薄餡靚。 春卷 - 春卷皮煎得啱啱好，唔太燶，春卷餡料好好味，連唔太鐘意食春卷的我都要食多條。 小籠包 - 餡料唔夠熟，咬落個心仲有d涷，有點失色。 炸鯪魚球 - 一碟有五粒，上菜時已經全部剪開一半，方便大家夾。呢d係我食過最好味的炸鯪魚球，佢炸得香之餘唔會多油，鯪魚肉多得黎又唔會腥，入口軟綿綿之餘仲有少少刃度。讚！ 糯米飽 - 出面層皮好薄，入面的糯米好鬆軟，比糯米捲更易入口。 蛋撻仔 - 一碟有六件，無乜特別的點心，蛋撻皮好厚，中間的部分無蛋味，一試無防但唔需要再試。 焗西米布丁 - 西米大大粒，焗到表面有少少燶但無損布丁

某同事為會員，為省時，已預先點了餸菜春卷 – 尚可蝦餃 – 蝦肉爽，不錯腐皮卷 – 外皮金黃，蝦肉爽，荸薺粒增添口感，很可口义燒包燒賣 – 豬肉爽、冬菇、蝦小籠包 – 皮薄，不俗金沙雞 – 雖炸過，但不過火，皮不是紙薄般的脆，肉出奇的滑，也很入味荷葉飯 – 以荷葉盛著，有冬菇、蝦粒等，雖吃不出荷葉香味，飯本身也頗香口蝦醬唐生菜煲 – 蝦醬過多至超鹹斑塊炒西芹、黃椒 – 斑塊嫩滑，好吃迷你蛋撻 – 大小若五元硬幣，很可愛，焗至微焦紅薑皮蛋酥 – 酥皮香脆，但皮蛋被紅薑的甜味覆蓋，喧賓奪主是日糖水 – 南瓜紅棗，很甜環境: 裝潢後光線充足，唯檯與檯之空間非常小，坐位十分狹窄

拉大隊到這兒吃午餐。我們廿位，點了大量港式點心（蝦餃、燒賣、叉燒包、春卷…），統統都好味。另點了招牌貨，大千蝦球、干燒伊麵、鯪魚球、炸子雞，亦是統統好味道！那炸子雞外脆內juicy，讚！埋單$14xx，廿人吃得捧腹而回。

今日farewell一位同事, 其他同事就book咗華商銀行會, 入到去其實都几嘈, 好多人! 但有book 位, 同事又已經訂好了出名的”金沙雞”一隻, “糯米飯”同”沙薑雞腳”.我地今日準備食點心, 所以無叫佢嗰d午市套餐, 其實套餐每位都只係$55, 有湯,有飯,有小菜同糖水, 好底!! 今日我地就叫咗:1.虾餃(2籠) –好大隻吔! 不過我無食, 但睇個樣都好靚!2.菠菜帶子餃(2籠) –好味喎! 除咗個皮好容易爛3.燒賣–我都無食, 相信唔錯啦!4.义燒飽(2籠) –都無食吔! 但好大個, 我睇到都好多义燒.5.虾醬鮮鮋 –好味!有金菇在碟底.6.炸鯪魚球–嘩!嘩!嘩! 我見過最大粒的鯪魚球, 一碟6個,每個都大過乒乓波!我地一開二兩個人share一個, 魚肉几爽几彈牙!7.海鮮炸春卷–我想應該係普通春卷, 無食, 但我知有虾, 因為我有個同事唔食得虾, 佢咬咗一嗒之後就大叫, 哈哈!8.糯米飽–雖然無個生炒糯米飯咁好食, 但都好好味!9.馬拉糕–好有馬拉糕味, 我都唔知點形容…..10.椰汁紅豆糕–豆就少d, 但椰汁味好重, 唔鐘意椰汁味的人唔好叫點解我好多樣點心都無食?因

一年總有幾次來這裡飯局，平日中午十分旺場，晚上人流稀疏。避免人多擠迫，除夕夜選在這裡慶祝。是夜除了有兩個包房外，大廳只有三、四客，十分清靜。一家6口點了5人份量每位$90的商務套餐，再另要了半隻金沙雞及石頭鍋大鱔煲。套餐包括有瑤柱鮑魚絲銀耳粟米羹-用了細細砂鍋，賣相頗為精緻。香芒子薑咕嚕肉及生菜煲是每次必食的，每次也能保持水準。咕嚕肉的甜酸汁及炸豬肉均合我要求，只是咕嚕肉是肉片。而老豆對生菜煲也讚好。合桃蝦球-蝦球經過泡油後非常爽口，每隻也沾了惹味的沙律醬。伴碟的西蘭花也嫩綠爽脆。芥蘭桂魚片-所謂桂魚片，但每片也是厚切，吃落也有口感，肉質結實。福建炒飯-這個飯不只5人份量，我們6人也恰好。就算福建炒飯比較多茨汁，飯身亦保持乾身，粒粒爽口。另加的金沙雞及石頭鍋大鱔煲，大家對大鱔煲均為稱讚，上時”滋”聲四起，鍋裡是熱騰騰，肉質相當肥美，炆得入味非常。飯後還有紅豆榚及生果拼盤作甜品。各人對此店十分好評，就其是媽媽，滿意其服務外，環境清靜坐得闊落。

中秋過節到這裏吃過晚飯, 地方只是像一般中菜格局, 客人多是上了年紀的男士為主1斑2食, 先來個斑片炒芥蘭, 芥蘭切了頭尾並以炒花方法上枱, 芥蘭十分嫩滑; 爽口好味道~班片好正, 魚皮厚身又有膠質, 入口滑滑的, 肉地很厚而且又不算太鞋, 煮得恰到好處陳皮蒸斑塊的陳皮絲色澤雖深了點, 但是味道香濃, 一上枱己嗅到陣陣陳皮香, 由於是大班2味, 這客以骨腩為主, 蒸得過了時, 魚肉帶點鞋口, 但尚可接受, 油可以下少一點炸子雞炸過了火喉, 雖然真正是當紅的脆皮，但肉質有點un及鞋口, 但雞的份量相當大~~ 甜品來一客紅豆沙, 非常甜亦充足豆沙, 不錯不錯. 大千蝦球相信是招牌貨, 很多人都有叫的, 蝦的確是新鮮又大隻, 咸咸辣辣的, 開胃可口, 難怪這麼多人叫了環境就没有特別，十足家庭聚會場地feel, 伙記叔叔們相信在這兒都工作了很久, 因為他們跟客人都十分熟落, ok啦…..

Farewell和我同一天進公司的同事。大家共事同一部門，一同training，對她總有一份親切感。無奈她耐不住繁重的工作，辭職求去，也無可奈何吧。這裡的午市頗嘈雜，絕不宜談心。點心味道一般，要命的是service慢得可憐，正所謂你急佢唔急，印象大打折扣。

唔係第一次呢間食lunch，但次次都梗要等一大輪先齊。今次同幾個舊同事去食，約1:05pm到，1:10pm落order，要個蝦糕雜菜煲，約5分鐘後再落第二次order。點知等到1:50pm，仲未見到個雜菜煲，同時間又聽見隔離有同一個問題。忽然間見到伙記從廚房送出四、五個雜菜煲，但無一個係我，要等多5分鐘先送到，但我lunch time只到2:00pm，只好將菜倒落肚，跟住就要急急腳走先。好好一餐飯，點解要食到趕頭趕命呀?

約咗舊同事飲茶一點鐘黄金時間,我己經早Ｄ攞位,早Ｄ畫點心啦,點知就出事,一點正等到一點半嚟咗一碟排骨,一碟好好味嘅雞腳,炒飯都食完,叫侍應跟下,佢答你好轉頭無咗件事,完全無回覆,跟住我忍唔住叫幫我落單果個哥哥仔幫我追單,果陣以經一點九,佢行嚟個樣好無奈,個答案係你叫嘅點心巳經賣晒,吓唔係講笑呀.....6個人食一碟飯,一碟排骨,一碟雞腳,跟住個哥哥侍應話看看還有什麼未賣晒,無辦法照殺,個個都未飽仲要夠鐘返工.......好彩個侍應哥哥好識做送番碟紅豆糕補數

聖誕食過一次幾好, 今日年廿六原班人馬再去食團年午飯, 已經一早訂左位訂埋套餐, 結果, 坐足四十分鐘一d野都冇得食!!! 你話死唔死???左催右催都話黎緊, 左望右望隔離同我地一樣好多都響度齋等, 廚房平均十五分鐘出兩碟; 個鐘越走越快, 個心越等越急, 最後得一位好心的年青的侍應告訴我們: 「個廚房都出唔切, 你地要等都係白等。」由頭到尾, 冇交待、冇道歉。我地起身時個經理竟然若無其事咁去招呼門口等緊d客入去坐, 一樣冇話俾人知今日上菜會超慢。我同事見咁, 忍唔住去鬧門口個經理, 個經理dub低頭當聽唔見, 你話死未???都未試過叫套餐會慢過叫散餐, 個餐我地一早訂好過播, 又唔係去度先至叫, 你整唔切就早響啦, 真係個市咁好唔憂冇生意做牙? 一定一定冇下次, 再好食抵食都冇下次!