香港大牌檔 (已結業)

呢2日本人徹夜難眠.我都不知點解?到呢間店前我剛剛去完一個地方落單,好肚餓一入去.男經理同女店員,激烈的爭吵..什至我想叫女店員落單換來怒目而視...落單後二人仍是爭吵.我在等食物期間無野做..望住二人爭吵..後來經理主動停上爭吵女店員十分幸運,上司肯同佢爭吵就等如無放棄佢...我眼見佢的態度好差....什至值得炒講返食評,我去的時侯上層無開,坐下層係全無特色...當經理見我拿出相機,就好有禮,俾張椅我放東西仲親自斟水...32元...雞脾.薯角.如果坐下層我係覺得貴的...薯角炸得唔脆...只像吃薯溶一般,反而炸雞脾.好食.皮脆.肉嫩·肉質好滑.有肉汁.而雪雞脾做到咁的效果.抵讚而凍檸茶.茶味足...少甜........經理的服務態度同食物是值得笑瞼

七月下旬．有雨近排沒有什麼胃口，不用練習的日子，吃少一點也可以，但要跑，不能不吃，也要迫自己多吃一點炭水化合物，才夠體力。下大雨，來了這裡，想坐得舒服一點。早上這裡只開樓上，坐在靠窗的卡位，都不錯。要了蕃茄燕麥粥、炒蛋白及蛋士的早餐，少不了的當然是一杯熱咖啡。燕麥粥不是好吃的東西，但下了蕃茄湯，味道又不錯。不過吃起來，沒有什麼「燕麥」的口感，可能味道與口感，也不能二者兼有。不過想吃得健康一點的，吃這個也可以。炒蛋白鬆軟，還加入了菜粒同炒的，不過就炒得油了一點，吃了一半已想放下。加上多士，是十二成飽的早餐了。咖啡是即磨的，香濃，不過我還是想喝大排檔咖啡喎。舒舒服服的坐了一會才離去，埋單24元，是不錯的早餐時光。

清理舊食評中。這天OT過後，想來想去，也不想吃吃過的東西。行著行著，就到左謝斐道，也看見了香港大牌檔。門面光鮮，怎看也不似我印象中的大牌檔，應該也是grimmick吧，看過價錢牌，不算貴，就進去看看吧。進去後，侍應著我坐下層。回來後，看食評才知道原來上面有一隻「垃圾蟲」。有番咁上下年紀既，都應該知道咩係「垃圾蟲」，幾年既「清潔龍」是第二代來的。點了一個大牌檔炒米粉，價錢是翠華價，即係包埋環境錢，所以我返到黎好後悔無上去探下「垃圾蟲」。大牌檔炒米粉好大碟，難得既係炒得唔油但又可以條條米粉都平均地沾上豉油。配料大蝦蛋花味道不錯，再將肉鬆放面，就是這碟大牌檔炒米粉。我覺得今次是超出我預期的，如果只計這碟，味道我是會俾五分的。慶幸我今天有食運，也期待下次再來見垃圾蟲。其實，「大牌檔」的正寫是「大牌檔」而不是「大排檔」，還好這家店沒寫錯呢。維記參考：http://zh.wikipedia.org/zh-tw/%E5%A4%A7%E7%89%8C%E6%AA%94

呢間香港大排檔係我最近經常會同同事-阿admin妹妹黎食lunch 既地方....一來真係比較易搵位..就算一點呢D 煩忙時間, 我地都未試過要等, 唔係無生意..不過真係咁岩都有張2人枱係度..環境: 睇過前面既食評就知, 呢間店打扮成舊式既茶餐廳模樣, 確實係幾好FEEL食過D咩呢咁1) 常餐去茶餐廳一定會叫既常餐, 我叫既係五香肉丁丁 + 煎雙太陽蛋蛋+ 多士+凍奶茶COMMENT : 幾唔錯, 丁麵唔會煮得太軟身搞到無咬口; 好夠五香肉丁, 唔會好似有D店得放幾粒就算; 太陽蛋煎得岩岩好, 不過多士可以香口D 會更加好; 奶茶都OK, 唔會太重奶味2) 沙爹肥牛炆米好好味呀....沙爹味道唔會太濃, 肥牛好lum, 唔黐牙, 米粉好入味, 呢個我個人好喜歡3) 栗米班腩飯呢個我覺得很普通, 因為好明顯係雪藏魚塊, 所以有D失望, 個汁都還可以接受, 起碼唔會好似槳糊咁4)美式套餐叫呢個set , 完全係好奇心驅使下做既錯誤決定, 真係唔ok, 睇落好似好好味, 其實所有食物既味道都好一般, 特別係個pancake, 味道已經怪怪的, 質地好粉, 完全係失敗之作...下次一定唔會

首先要講這店在google map 找時是找不到的,因當時還沒開(張)講番正題,那日我和我朋友手持不多錢,但卻在銅鑼灣這個食野非常貴的地方,好不容易才找到這間香港大牌檔.第一眼的感覺已經好好,裝修非常舒服,上層還有經典的垃圾虫~~我和我的朋友點了兩個下午茶套餐($35 一個主棻+一杯飲品)平啊~~~大牌檔炒米粉+奶茶:非常非常值得一讚,完全超出我預計.首先這碟米粉十分夠鑊氣,米粉夠dry,加上一點都不油.這碟米粉有大牌檔的味道,食落味精都不重.最後加上魚鬆,畫龍點睛之舉三文治拼盤(大約名字)+奶荼這是由三個經典三文治組成,火腿芝士,鴨胸生菜,還有一個忘記了haha~這個三文治又是一個推介,鴨胸生菜三文治很難忘.這不但味美,而且一點都不肥,三個三文治都是迷你size,女士最愛如沒錢,真的很推介這間大眾餐聽給大家,又平又好食.我和那朋友正計劃多去一次,因那種美味很難忘

是日為PUBLIC HOLIDAY，早一點吃晚餐朋友介紹來香港大牌檔，去了二樓坐，有卡位嘛MENU上的食物真的很"LOCAL"，又唔想食肉醬意粉、粟米班腩那些東西…最後要了兩碟大牌檔炒米，呢個幾好味，個汁正，濕濕地。鍾意Ｄ叉燒粒同肉鬆不過有野要彈！個龍鳳檸樂$18，片檸檬薄得太離譜，我覺得只係飲緊可樂！好多位，好似包場咁…地點比較入之餘食物我覺得好一般，唔係好值。

上次試過覺得大排檔的小菜都幾得今晚約了友人M 再番兜, 友人M 今晚想甜品作主菜, 所以我們兩人只點了兩味 大排檔焗豬扒飯 : 炒飯底有點點蛋絲而且夠干身, 蕃茄汁甜酸味適中, 料有青紅椒, 波蘿, 豬扒已窩心地切好, 豬扒是大大件的, 確係豬有豬味啊 真令我呢個飯人欲罷不能啊 白菜仔炒魚崧 : 欠缺的正是所謂的鑊氣, 唔講呢樣, 其實味道係唔錯架下油不多, 白菜仔也爽脆 ~~~ 咸魚白菜也好好味 ~~ 再進發對面馬路搵甜品食

五月十一日，南華主場迎戰巴林球隊阿爾利化，力爭打入亞協盃八強階段，作為擁南躉，即使只得一支公，也絕對要入大球場為愛隊打氣。英國紅魔鬼有曼聯酒吧，本地班霸南華當然也要有自己的地盤，由班主羅傑承先生經營的香港大牌檔正好成為球迷的聚腳點。由於憑賽事門票可享八五折優惠，大約六點半，紅衫軍已擠滿了樓高四層的大牌檔，現場一片紅海，未入大球場已可感受到強烈的大賽氣氛。乾炒牛河 ($39) 以鑊仔熱騰騰的送上，面頭灑上不少芝麻粒，未開動已聞到其香。牛河炒得蠻有鑊氣，河粉色水深，夾起勝在夠挺而乾身，入口不會軟腍腍，亦不會油淋淋，火喉恰到好處，牛肉經油泡後質感腍滑，唯一挑剔是配料如銀芽、洋蔥等炒得不太透徹，唔夠入味，像和河粉分開來炒似的，即所謂「同床異夢」的感覺。另外要了杯凍奶茶，定價十九元，水準只是普普通通，茶底味道並不濃郁，以此價錢，選擇其他特飲來得更化算。雖然南華最後以一比三不敵對手，未能再晉一級，但從賽事中我們看到南華球員的拚勁及進步，再加上現場多達二萬二千球迷的落力打氣，寄望下屆爭取亞協盃冠軍，誰敢說不可能？

16-5-2010「為藝術犧牲」的一天, 落堂後先食個豐富一點的早餐打打底再到灣仔報到. 想去的米線店已關門大吉 , 兜兜轉轉結果去了路過 N 次都未入過去的呢間「疑似冰室」. 是日唔想食得太濃味, 唔食沙爹牛麵了, 叫了蕃茄湯牛肉通粉 + 熱奶茶 (total $32).熱奶茶夠晒熱, 色水不錯, 但飲落奶味茶味差不多 7:3, 落糖與否飲落都太「奶」了, 唔太喜歡.茄牛通的湯底賣相認真麻麻, 飲落有幾突出的茄膏 + 雞湯 (?) 味, 味道有點似略溝稀了的茶餐廳「紅湯」, 唔難飲但絕對算唔上好飲; 通粉煮得幾爽彈, 雖然其實有點「快熟通心粉」feel 牛肉就無乜肉味, 不過都唔算太「梳打」, 算啦.1 樓衛生不錯, 環境裝修「復古」/「疑似冰室」得很, 仲有《難為正邪定分界》及《半斤八兩》background music 聽, 哈哈 而招呼就係「連鎖店」feel 的「闊佬懶理」, 一貫「較新式」茶記的風格.放低 $32, 叫做試過, 不過感覺如「喜喜」(http://www.openrice.com/restaurant/commentdetail.htm?commen

岩岩同兩位相好食完甜品，十分回味上一餐晚餐。不得不讚揚無得頂的晚餐。事緣今日相約兩位相好共進晚餐，於是問個女有何推介。就係咁到左香港大牌檔一試無妨。我們一行三人坐樓上一樓。上到樓上見到好懷舊的垃圾蟲，令我回想年青時的片段，好有心思。環境十分懷舊，正合心意。經過店員推介，先叫一碟大牌檔炒米粉，味道好特別，但有陣燶味。再黎窩泰式魚翅，98元食得過。主菜，店員推介美極煎中蝦，非常入味，胃口都大增。結果再叫左碟咖哩羊肉飯，可能係相好食得辣，嫌唔多香辣，我就覺得岩岩好。小食陳皮骨，十分香口惹味。飲品方面，兩位相好叫左青檸梳打，不過覺得味道淡，於是詢問店員杯飲品是否真的淡味，不過店員服務細心都有問我地需唔需要換過杯，非常好招乎！可能菜餚較濃味，兩位相好飲起杯青檸梳打會感覺淡味。而我就點了凍奶茶，入口香滑濃郁。整個飯局，簡直無得頂，特別於入座坐下個刻，由於下雨天，到埗時成身都濕漉漉，一坐低就有店員遞紙巾俾自己印乾個身，個刻簡直覺得香港大牌檔真係非一般，環境一流,，食物超值，服務細心，無得頂！

其實昨日27號經己到此店用餐，今日再食多次。因為27號個日真係食得好舒服，食得好開心，尤其店員既服務簡直係細心。不得不帶友人親臨。一入門口今日感覺十分大分別，比起昨日明顯既清靜得多。同友人選擇上樓上雅座，夠特別！我同友人選了大牌檔紅豆冰及招牌奶茶，大牌檔碗仔翅 - 用料十足、大牌檔炒米粉- 吃起來米粉不會很乾，加上配料都新鮮，尤其是肉絲，味道帶點辣，仲有豬肉鬆配搭，真的很好食，很特別、咖哩羊肉飯- 唔夠香味，羊肉唔夠口感。唯美中不足既係招乎，好唔明白，明顯清靜左，但店員既服務比起尋日既全院滿座時既招乎可以差天共地，問左2次要杯水都可以等左成個字先有，仲要係滾水，點飲呀！於是要求換暖水，點知有個金髮應該係經理既人同拎緊杯水俾我地既店員傾計，呢杯水我飲唔落。唔通係因為男店員同女店員既分別？因為我今日只見店員全是男。最唔明白，身為一間餐廳既經理，無理由不會不明白何謂招乎，衛生，以客為先。

今日同愛人去睇南華對VB去之前, 就去了香港大牌檔食個下午茶愛人點左煎雙旦, 多士, 腸仔 出前一丁 + 凍奶茶小弟點左沙嗲牛肉通粉 + 凍奶茶愛人的腸仔想不到是較高級的脆皮版本小弟的都不錯, 牛味足夠, 湯香甜, 大碗.兩人食左$70. 都唔係好貴環境好好, 舒適, 員工有禮才是最重要!!!27/4 南華勝VB 3:1 一個字-----------------------強!

四月十七日 (星期六)週末,如常地去做gym,老公仔因要回公司繼續工作,所以到就近的香港大牌檔吃過快lunch這餐廳是羅傑承開的,旨在帶給食客一種懷古的風味我選了午餐的其中一款有五香肉丁米粉,炒蛋和牛油方包,另配飲品而老公仔則點了馬來西亞咖喱海鮮飯五香肉丁米粉,差不多每一間都是一樣午餐中最特別的一定是炒蛋,很香濃嫩滑,值得一讚方包加上牛油,亦是我的最愛老公仔的咖喱海鮮飯亦很不錯香滑的咖喱汁,帶點微辣海鮮種類多,但略縑整體份量較少同場碰見鄧聲興(至少90%相似)名人來名人開的餐廳,見怪不怪...

情懷碗仔翅$16油菜$16肉絲兩面黃$39合共$71.00呢輪興懷舊，好多舖頭都特登裝修到70年代咁，見到隻垃圾蟲，木櫈木枱，百葉簾，都幾有心思個翅嘅湯底好夠味，不過啲肉絲撕得唔夠細，食得唔暢快，kick住kick住咁兩面黃炸得好脆，個肉絲料好淡好淡，敗筆

我從magazine 推介知道香港大排檔的存在火腿旦三文治味道不錯美式早餐份量很多 一個人一定食唔哂但味道一般 而且pancake的味道十分奇怪 好大陣粉味 成個早餐都十分油膩