香港大牌檔 (已結業)

今天去完大球場睇波,一心走過來食鐵板餐,但後來發現有個二人中菜套餐有多種小菜可以選擇其中三種,所以試下....我選的是:1.霸王雞(不過不失,淡了一點)2.星洲牛腩(寫明只是6件,但件件都好大件,用蕃茄甘筍來煮甜辣味剛剛好,仲要用煲仔上熱騰騰,好好味)3.椒絲腐乳生菜(份量多,味道不算太濃,OK)另跟兩湯,兩飯,再加多兩杯懷舊紅豆冰食過幾次到今次的水準還是好好,值得一讚是員工表現細心!

Milk tea was too bitter: no taste of milk, not sweet at all even after adding extra syrup. Food was ok, service was not bad. But w/o good milk tea or any good drink, would not come again.

難得放假返港緊係要品嚐一下地道美食啦!上次行過已經想食無奈lunch真係有d貴.今次咁岩撞正下午茶時段就一於試下啦.入到去第一個感覺係環境好好.待應安排左我地去二樓既卡位坐.下午茶張menu唔算太多野揀所以好快就揀左干抄牛河同焗牛腩飯.當時餐廳唔算多人所以d食物都唔算特別耐先到.先黎左杯奶茶.香滑又夠奶味.充份體驗出"絲物奶茶走絲物"既精髓然後黎左號稱"男人浪漫"既干抄牛河.個抄河冇令我失望!唔算好油又夠穫氣食完真係令人眼前一亮!最後嚐試埋個焗咖啡牛腩.隨腩附送埋根令人覺得有d bonus既感覺xd食飽就緊係拍拍屁股走啦.以$35既價錢就品嚐到呢間野真係便宜左我啦.只怪佢lunch貴令到我下午茶先會黎食haha行出門口離開都仲好有滿足感.衷心希望南華下場羸波xd

早了出門口，到了隧道口亦因為104不用排隊可以即上車的就決定跳上，在另一方的隧道口下了巴士，地點就是信和中心。由紅隧口的巴士站過天橋時發現一個用老夫子作招徠，一家叫香港大牌檔的茶餐廳的大型廣告海布。雖然擺明了是一間氹遊客入去消費的茶餐廳，但既然這海布寫得咁吸引，我也決定找這家小店出來，試試看。行入了海景大廈找不到，再行返出謝斐道時才知曉是一間街鋪，一入門口，舊的香港照片，鐵皮信箱，懷舊的擺設，一種學哂G.O.D.的復刻格調，又的確會令人，尤其是遊客，覺得得意。 食品，就是普通茶餐廳的食品，可是，價錢方面就 "拿利" 左少少。一份叫做幾豐富下的港式公仔麵套餐，有麵有蛋有多士有奶茶，$30仲可以接受得到，但是日的早餐卻要用上$46，就有點兒覺得我是俾鐵食佢裝修同租金。幸好，味道是可以的，我叫了一個五香肉丁餐肉麵，配煎蛋火腿多士連奶茶。基本上就是一個四併的公仔麵，火腿，煎蛋，當然是放入湯麵內，浸一浸更加之美味。而湯麵，用料就是出前一丁，五香肉丁也是粒粒肉，香口，連埋正宗的出前一丁湯底，用這味道浸淫過的

來到這餐廳坐下的一刻, 才想起自己原來是第2次來到。第一次, 是在openrice看到後慕名而來, 結果到了門口卻發現好像貨不對辨, 難道去錯了餐廳嗎 不是懷舊餐廳嗎這次我明白了, 原來要上2樓。舊式冰室裝潢, 幾十年前的擺設很有意思! 除了觀感, 還有味覺的感受, 很濃烈的臘鴨味, 是懷舊風嗎(應該不是吧, 相信是因為晚餐有臘鴨飯的關係才會這樣)顧著四周拍攝最後居然忘了拍食物, 不過食物其實很普通, 是一般餐廳的樣子, 和味道。我們叫了個2人餐, 3碟小菜2湯2飯, 生炒骨, 叉燒炒蛋和雞, 味道有點像家的感覺, 清清淡淡的, 不過不失。湯說是不加味精但喝起來感覺挺濃的, 不像無添加呢...總的來說, 這餐廳是不妨一試的, 主打還是懷舊風格的環境, 食物沒有吸引得要來第2次的衝動, 下單的哥哥樣子不太友善但其他店員的服務還是不錯的, 看到盛骨頭的碟子滿了, 很快而且主動的就過來幫我們換新的, 這點還是不錯的

With so many review in newspaper and magazine, I would expect the quality of food in 香港大牌檔 to be better than usual 茶餐廳Unfortunately, it is not the case1. 焗豬扒飯- same as "Yat gor' 豬扒飯 in Cafe de corol2. 咖喱- typical 茶餐廳 咖喱, but very '濟"- very sweet, not spicy at all3. Milk tea- not enough 茶味For the price, it is about 30-40% higher than 茶餐廳 of similar quality, also, soup is not included in the lunch setDiappointed

一個美國信貸降級，股市大瀉，令到近年港人大魚大肉的日子也受影響，各式本土茶餐廳自然迫爆。。。這間所謂「大牌檔」其實是一間「仿古」的「冰室」，到處都是懷舊擺設。像是大家見到的這隻「垃圾蟲」，有咁上下年紀的人仕都應該有印象 (現在的清潔大使是「寶寶龍」，再不是隻「垃圾蟲」 ! )是日一行四位飲食爛腳，叫了個二人套餐再散叫兩碟菜。例湯乃「花生雞腳湯」，聲稱無下味精，淺嚐也沒有什麼所謂。「沙薑雞」先上的是散叫的沙薑雞，是 門口海報的大力推介。味道算是一般， 雞肉涼了，還好尚算入味，點沙薑汁也很好下飯。「栗米班腩」這個是雪藏魚柳，無期望之下亦沒有失望。粟米汁反而頗惹味，不會似槳糊，撈飯也不錯。「炒豬頸肉」西芹粒與豬頸肉誰也不搶了誰的風頭，豬頸肉很腍滑，芹粒爽脆無渣；經 xo 醬一炒，鑊氣就是它們的代名詞。「椒絲腐乳通菜」這個沒有甚麼好評論，是新鮮即炒起鑊的那種，合格。「籠仔蝦荷葉飯」這散叫的絕對是全晚的亮點！看見整個賣相脹卜卜又很翠綠，已很令人期待。飯是炒飯底，放滿蒜蓉開邊蝦同蒸，蝦肉新鮮彈牙，飯底索盡蝦汁精華，非常出色的一道飯！推薦。飲品方面，本少爺反老還童，沒有點大牌檔奶茶，反而要了杯「兒童

1樓既內部裝修幾得意, 好似望到D窗咁, 不過其實係D佈景黎.***眼燈幾靚喎~其實可以選, 不過我選左多士.我選左西湯, 味道一般.件牛型鐵板好CUTE呀!聽人講, 以前D人真係咁做法.味道方面, 好似好普通~蒸籠海鮮飯.D蝦都幾大隻.幾得意既一個飯..

工作餘下太多時間,就想抓個地方HEA下要係銅鑼灣搵食,實在太難,難在點樣選擇,忽然想試D比較中價既茶餐廳,又想靜D唔太多人(你要明白,中午4點到處是人,條街又熱既時候,)就想到這裡,叫了個常餐,涷奶茶,很好,夠涷夠濃就夠了反正涷飲唔太高要求,牛肉出前一丁,牛肉應該不是梳打牛,麵對辦的,其他的都可以,其實,食物可以已經夠了,可能我就係貪呢道道比較靜一點,(下層,就只有兩枱連我)食野心情好緊要,服務還算有禮,坐得舒服,慢慢HEA住食,呢道就可以了.

早已聽聞這間復古茶餐廳，今次友人聚會相約於此，正好讓我見識一下它的本領。店子在人來人往的銅鑼灣，原先擔心周未日子要大排長龍，怎料出乎意料之外，下午茶時段竟然有大量空位，或因它位處較僻的內巷罷。然而對我們幾隻嘩鬼來說，卻樂見如斯環境，因為不怕被人趕走，可以盡情地談天說地。這間餐廳以香港六、七十年代為主題，一入店舖已見到人力車擺設，很有懷舊的感覺。沿樓梯拾級而上，發現走廊掛著幾個古老信箱，最後還看到很大隻清潔龍，頓時勾起兒時回憶。即使是地面的階磚、屏風的設計、牆上的畫報，都刻意仿照舊式餐廳，很欣賞設計者這份心思。下午茶餐由$25起，我們點了「全包宴」─ 牛油厚多士、煉奶厚多士、西多士，另各自配飲品。前兩者令人有點失望，因為多士只是微暖，亦不夠香脆，麵包亦比想像中薄。友人點的西多士則較出色，首先不覺太過油膩，而且能做到外脆內軟的效果，配合牛油和糖漿，味道不錯。由於還有下場的關係，今餐只能輕嚐。據說這裏的小炒好吃，有機會再試。

睇開陳貝兒既blog，知佢成日都黎呢度食焗豬排飯，呢度仲要sell懷舊冰室feel，自己都鐘意vintage所以就黎左呢度喇！餐廳環境真係幾懷舊既，六、七十年代既香港做主題樓梯個度仲有隻垃圾蟲，好得意！即刻諗起twins套賀歲片叫左個美式brunch有hotcake, 腸仔, 炒蛋, 薯餅, 火腿, 厚多士同煙肉um..油左少少啦講真但係炒蛋嫩滑同有蛋香薯餅都幾脆厚多士好重牛油味仲叫左阿華田紅豆冰甜道恰到好處，紅豆不太軟亦不太硬

之前有同事推介呢度嘅鐵板晚餐，咁啱心血來潮想鋸扒，於是特登同男朋友嚟試下。一聽到「香港大牌檔」呢個名，已經覺得好有懷舊味道，原來入面嘅擺設都以六、七十年代嘅香港做主題，好有趣。行上二樓嗰陣，見到牆上面有好多明星名人嘅簽名，竟然畀我搵到我偶像陳肇麒個簽名呀！食鐵板餐，最緊要夠熱，呢度就完全合格喇。平時食羊扒，通常都係配芥末汁，但原來配香蒜汁都好夾喎。羊扒煎得幾香口，但又唔會太燶，好嫩滑，冇筋，而且肉汁豐富，名副其實皮脆肉嫩呀！羊肉食落冇羶味，仲醃得幾入味，食到陣陣香草清香，肉多骨少，唔錯喔！文也石斑都okay，食唔到雪味，反而有少少牛油香味。其他配角薯仔同雜菜都幾新鮮，整體嚟講，都幾滿意，同事果然冇介紹錯。男朋友就叫咗個炭燒牛肉配美國雞扒鐵板餐，味道都唔錯，不過我哋掛住食，唔記得咗影相o忝……

上次試過大牌檔焗豬扒飯，非常美味，今次路過餐廳門口，見到自選雙拼鐵板晚餐個餐牌，好似好正咁，所以又入去幫襯。等咗一陣就有位，仲可以坐卡位o忝，good！鐵板餐嘅主菜選擇超多，出晒名係「牛魔王」嘅我，結果就揀咗紐西蘭薄牛扒同埋牛油扒大蝦。首先上枱嘅係羅宋湯，味道OK，而牛油方包亦唔會好似某啲餐廳咁又凍又硬，唔錯！飲完個湯冇幾耐，主角鐵板餐終於出場喇！即刻淋上香蒜汁，香噴噴，新鮮滾熱辣，真係流晒口水……試一試件牛扒先，煎得幾香口，最緊要係冇雪味，肉味幾濃，肉質又夠嫰滑，完全冇筋，入口juicy，食得出係優質靚貨，超正！而且熱辣辣，又夠晒大件，啱晒我呢啲食肉獸。至於隻大蝦都好得，爽口彈牙，夠新鮮，仲充滿牛油香味，令人食過返尋味。最後嚟杯紅豆冰，紅豆份量勁多，甜度亦恰到好處，夏天飲就最啱，夠晒消暑。另外，上菜速度適中，唔會過慢，亦唔會一次過嚟晒所有食物，而侍應嘅服務態度亦都值得一讚。

上星期首次光顧香港大牌檔，它雖然位處銅鑼灣鬧市，但地點旺中帶靜，讓我可以在繁忙工作過後，悠閒地享用美食。由於早已飢腸轆轆，因此我點了一客$88的自選雙拼鐵板晚餐，主菜則選了帆立貝及炭燒牛肉，再配薯菜及紅酒汁，另外再加$18享用是日餐湯及飲品。南瓜粟米湯的味道非常濃郁，南瓜的香甜清新深得我心，再配上烘得香脆的牛油多士，確實相得益彰。帆立貝充滿鮮味，入口鮮甜，而且香味撲鼻；而炭燒牛肉的外皮帶有炭燒焦香，肉質亦十分嫩滑，再加上紅酒汁令肉味更為突出，讚！！在一般餐廳比較少見，由阿華田及好立克混合而成，不會太甜，味道蠻特別，喚起了我的童年回憶。總的來說，食物質素不俗，物有所值，而且不設加一服務費，頗為划算，我打算下次再來試試其他晚餐呢！

4點多鐘放工又等開工的下午茶時間在銅鑼灣遊蕩,未食午飯,正在煩惱吃正餐還是下午茶餐時便想起她的西多士。一直被讚揚為其中一個最好吃的西多士,我便隻身去試試她的出品。熱熱的西多上檯,上面的牛油開始溶化,用刀子塗抹牛油,再在上面刺出洞洞讓牛油滲入麵包內,再倒上糖漿便開動了。外皮炸得偏硬,花生醬餡塗得不均勻,時有時冇,整體來說是偏乾的,如果可以炸到外脆,內面仍保留小許蛋漿便perfect了。不是想像中的西多yaaaa樓下態度差,樓上服務好,讓人尋回舊式大排檔侍應的嘴臉,同時又提醒你這是復古的新式餐廳要講求服務質素,好呀,夠多元化,似足香港