養心殿台式養生鍋 (已結業)

自從上次試過養心殿台式養生鍋後就好像著迷了，不斷介紹比朋友，而自己久唔久也會與不同的朋友一齊去打邊爐回味回味，今晚就與媽媽去養身又養心。店鋪採用宮庭式設計，古色古香。枱與枱之間闊落，而且每幾張枱就有屏風間格，感覺好有私隱，傾計大聲少少都唔驚嘈到隔離枱。寧神養心鍋拼秘制薑母鴨鍋台式火鍋的靈魂就係鍋底，今次選擇了寧神養心鍋拼秘制薑母鴨鍋。奶白色湯頭是寧神養心鍋，採用川芎、白芷、天麻、當歸、豬肉、鮮魚頭及烏雞餚制而成，餚過湯的烏雞仍然好有質感，食落依然有濃厚的雞鮮味，鮮魚頭新鮮美味，這個湯底完全是民間袪頭風平肝火的傳統食療，每喝一口都好似飲緊屋企的老火湯，唔客氣地先喝了三大碗湯先開始打邊爐。另一邊是秘制薑母鴨鍋，採用老薑、馬蹄、冬荀、當歸及紅面番鴨餚制而成，鴨份量很多，餚過湯的鴨仍然滑溜，湯底味濃厚，既暖胃又滋補。手切牛肉(細)手切牛肉份量不少，雪花紋好靚，而且有濃郁的牛味，入口濃郁滑溜，必食推介。酒香白肉白肉酒香味濃厚，是五層肉來的，入口爽口而不肥膩。自家製鮮蝦雲吞(半份)雲吞皮薄餡多，蝦肉與豬肉比例剛好，層次不錯。甜品結賬後，店員還送上免費的甜品，今次是台灣甜品紅綠豆沙芋圓，紅綠豆沙凍冰

今晚同朋友黎左個養生聚🤣 去左養生殿品嚐養生湯底火鍋。我地想試兩款湯底，所以叫鴛鴦鍋 - 麻辣鍋同酸菜白肉鍋。呢到要提提大家，佢既湯底好足料，同時有啲火鍋料係入面。例如麻辣有鴨血，酸菜白肉有寬粉等。如果湯底有既，可以唔洗order 火鍋料，等食完湯底入面嗰啲，想再encore 先叫都未遲。係呢到我要推介一下佢既黑松露丸，真係好特別，好好味；另外午餐肉都值得食，佢表層係脆嫁👍🏻。你見到我啲相入面有一張係類似炸野既厘，呢個係用黎熝面用嫁。感覺上好貼心😊 至於價錢方面就見仁見智，我覺得價錢同質素係相對既，不過不失。我地三個人食，鴛鴦鍋 + 8款火鍋料，一jug 酸梅湯，買單每人二百七十幾。大家可以參考下。仲有，如果你可以七點前結賬就半價，八點半前結賬都有優惠，不過唔記得左幾折。

我哋嘅天氣依排涼涼地，就諗起打邊爐嘅念頭。我哋就一於近近地去屋企附近嘅養生鍋。首先我哋叫咗個鴛鴦湯底先，左邊白色嘅係養生鍋，右邊嘅係美人鍋，美人鍋入面有一大隻烏雞係入邊，所以有好香嘅雞味。而養生鍋入面有人蔘，所以有好大浸人蔘味。我哋仲叫咗個大嘅手切牛肉，真係好吸引呀！顏色鮮紅不特止，牛肉淥一淥就食得，肉質仲好軟熟添我哋仲叫咗自家製極品水餃，每個水餃都差唔多好似乒乓波咁大，入面仲好足料添，除咗啲蔬菜之外，仲有蝦同豬肉！除此之外我哋仲叫咗芝麻湯圓同埋白魚蛋，魚蛋彈牙有爽口，芝麻湯圓攞嚟做飯後甜品就最好啦，湯圓入邊有香濃嘅芝麻蓉。

同朋友想搵個坐得耐ge舖頭食lunch，最後我地決定左黎呢間養心殿火鍋，我上openrice見到荃灣分店7點鐘之前離座有半價優惠，就book左。入到去舖頭唔算多人，間局都幾懷舊中國風，靜靜地唔錯。服務員態度好好，地方乾淨，只系我覺得張椅冇咁舒服，我地坐果隻系四腳木椅，冇得挨背，坐得耐都比較累。好入正題，我地叫左個鴛鴦鍋，麻辣同美人，麻辣仲送多入鴨血，正！美人有半隻烏雞仲有好多桃膠同藥材，推薦！（鴛鴦鍋收費以高價鍋為準）左手邊系麻辣，右手邊系美人，超香。麻辣唔算好辣，怕辣人如我都可以一試，湯頭超鮮甜。送ge鴨血，夾落去唔會咁易散開，口感順滑，夠厚切又大片，食落唔膩。我地唔算勁肚餓，叫左唔多野，一個細手切牛，墨魚滑，三蔬(粟米，秋葵，淮山)，原本仲叫左個豬內臟，但佢冇貨，所以淨系叫左三個配料。但系火鍋裡面好足料，兩條友食已經夠晒飽。值得推薦，下次會再試其他野！雖然價錢偏高，兩個人半價左都接近$400，偶爾一嚐都可。

同男朋友慶祝生日，黎左呢度食火鍋。講起養心殿，最近一定會諗起延攻略，而呢度嘅裝修都好有古代宮廷feel，如果d staff都着成宮女太監可能仲似。(講笑)走廊位置有地方畀人攞醬料，有豉油、香蔥、蒜蓉汁、紅辣椒、芫茜、香醋。湯底方面，可以叫兩種湯底，合併成為鴛鴦鍋，價錢方面會計貴啲嗰個。我地一邊叫咗麻辣鍋($128)，裏面有鴨血同豆腐，仲有好多款香料。我地叫左小辣，覺得都辣得有少少嗆，但嗰種麻嘅感覺又好正。另一邊叫咗寧神養生鍋($168)，裏面啲料真係好補，重點係裏面有半隻雞加半條魚，男朋友最初以為只係有煲剩嘅湯，但其實係會畀埋啲湯料你的，食完真係覺得好養生好補好補😭同埋佢嘅藥膳味令人覺得食完好健康💕麻辣鍋附送多一份鴨血，可惜男朋友唔太食，唯有我自己清盤😂餸菜方面，我地叫咗一份極上雪花肥牛($188)，一碟有十幾塊左右，都幾新鮮同肥美，好好食。呢度嘅寬粉條($38)同薯粉嘅質感好似，都係滑捋捋。唐生菜($58)餃子拼盤($118) 有六款餃子，包括豬肉餃、鮮蝦雲吞、芹菜餃、麻辣牛肉餃、魚皮餃同埋水蓮餃。其中最深刻嘅係麻辣牛肉餃真係超級辣，因為我中意食辣，個人覺得好新奇又過癮。最後會附送

生日時份剛巧天氣開始涼今年家人陪了我試了荃灣的養心殿~/湯底揀了👇🏻麻辣鍋(小辣)X養生鍋小辣起初不算很辣，辛香味較重烚下烚下辣椒開始出味，湯底就惹味得多鴨血很滑，而且千層豆腐很吸汁都很好吃；養生鍋用多種藥材淆製而成 還有魚頭和烏雞非常足料 湯也很濃很甜😋/小食方面先有香口的鹽酥雞還有入味的鹵水鴨舌作飯前小吃，一解飢餓感👍🏻/配料方面，整體上也很不錯：🌟沙班龍躉班魚片滑嫩又啖啖肉 還附上魚頭/日本牡蠣：蠔味濃郁且不腥🌟寬粉：熟透後滑嘟嘟又吸味 必吃/稻底烏龍麵：是普遍那款高質的扁身稻庭烏冬 同樣吸收哂湯汁 /手切牛肉(小)牛味不算很濃 助在脂肪平均 入口軟嫩/自家製極品水餃(半份)皮薄餡靚/🌟手工丸類拼盤(芝士牛肉丸、黑松露蝦丸、梅茶豬肉丸、墨魚丸、鵝肝墨魚丸）每粒都好彈牙 各有特色 值得一試/🌟千層凍豆腐鍋裡的都不夠吃 要encore/四人平均消費約$375，價錢合理，食物質素也佳👍🏻

聞到陣陣秋意，又可以俾個藉口小妹食火鍋，粵式火鍋食到悶悶地，今次就試個台式火煱...養心殿裝修設計好中國式，幾別緻，座位分開一格格，都幾寬敞。養心殿都有好多款湯底，今次就試吓個酸菜白肉鍋，店員端上大銅煲，熱呼呼的，仲提醒我哋要飲吓個湯先...湯底除了酸菜白肉外，仲有蕃茄、胡椒粒及粉條，個湯酸酸地之餘，鮮甜又暖胃，粉條又Q，唔錯！見咸檸7做特價，整番杯先！食材就揀咗響鈴、午餐肉、牛肉、水餃及鵝肝墨魚丸...響鈴是新鮮炸嘅，如果唔係放响湯度滾幾秒就散，而佢係完全冇問題...響鈴吸收咗湯底精華，超好味！個人覺得食火鍋嘅牛肉不能太肥，否則會搞到成個湯底肥淋淋，所以今次揀霜降肉眼肥牛，唔太肥又有肉味就啱啦！水餃擺咗成隻蝦落去，脹卜卜好足料...鵝肝墨魚丸，墨味濃郁，魚子卜卜脆，鵝肝油脂甘香，好味！但食嘅時候要小心，如果唔係好容易燙親個咀仔...午餐肉就先炸咗，外脆內軟都幾特別！餐後仲有芋圓糖水送，芋圓QQ哋，幾好味！兩口子呢餐食咗六百幾，捧住個小肚腩好滿足咁結束今次家訪！

上次沒吃到酸菜白肉，今天當然要一試。還是逃不了鴛鴦鍋的抉擇，人就是喜歡多一點選擇。點了一邊酸菜一邊麻辣。火鍋，牛肉少不了，加一點菜，今趟試一試餃子們。湯底還未來，響鈴就來了，乾吃嗎？終於湯來了，響鈴卻不太脆了，可惜！滾呀滾，等了半天，肉還未到，幸好湯料足，邊吃邊等。肉終於到了，一會兒就吃完了，就試一下這裡的餃子吧。這裡的餃子是自家製的，當中水蓮餃十分特別，我很期待。當我一咬下去的時候，竟然飄來韮菜味，我細看之下真的是呢，只好跟著服務人員反映，最後換回水蓮餃。果然，轉折才能得到的水蓮餃真不錯。儘管在重口味的湯底𥚃烹煮，也不失水蓮的清香。配上啤酒跟朋友，真是人生一樂也。

家人聚會，通常很少會火鍋長輩覺得太hea，無工夫又勞動孩子覺得時間長，食物來去差不多這讓中間的壯年人無可奈何地避開火鍋難得試過養心殿帶長老細路一試首先坐位編排每人一小間格房自成一格的感覺，再吵鬧都自在送上掛勾，各人隨身物品掛到屏風，方便利落長輩不敢試太補的藥材，年青的想試麻辣，於是半美人鍋半麻辣。一讚店家的收費安排，鴛鴦鍋只收較高價值的一鍋價錢，沒有額外或重覆收費。美人鍋的烏雞好搶眼，桃膠也不少，湯底清甜，未進食先試湯，烏雞也很嫩，長輩大讚，孩子也喜歡。麻辣鍋材料足，鍋內已有豆腐和鴨血，還另送一碟鴨血！麻辣味尚可，交足貨，但講到層次，則尚有進步空間蔬菜籃蔬果新鮮，款式也可以霜降牛肉份量不少，牛味不算濃，但質地軟，孩子和老人家也吃得開心，前後叫了2,3碟和牛相比之下較肥，牛味反而不夠濃，沒有太特別，然後大家也忘了拍照比較起牛粒（沒拍照），牛粒味濃，但帶筋，較有咬口，年青人較喜歡預先製過的寬麵，很方便，下湯一會就可以，幾位孩子都搶著吃幾種丸都尚可以，黑松露蝦丸十分香濃，不怕膽固醇的話鵝肝丸也不錯，芝士牛丸不可煮太久，否則芝士都會溶了長輩喜歡各種雲呑餃子，蝦都又大又爽，韮菜香脆酸梅湯一瓶6

養心殿食過好多次 但就未試過秘製姜母鍋今日收工心血來潮想食 就同同事去咗荃灣分店樓下排隊好快 5分鐘到上到去 可能未到8pm 人不多 一如以往揀咗鴛鴦鍋 一邊麻辣 一邊秘製薑母秘製薑母連同一個醬 但個人認為有d怪 無食到用翻普通醬料已經好夠影得唔係幾好叫咗個鹽酥雞 新鮮炸起 冇油益味 仲有手切牛肉 每片都切得好薄 一片一口還有半份鮮蝦雲吞蟹子墨魚滑 都係次次叫 蟹子非常多 墨魚彈牙打邊爐除左肉 仲叫咗生菜 台灣A菜 同芋絲 總括都好新鮮 值得一提 八點半前離座有八折

今天乘着天氣有一些秋意漸濃，我們一家便去了吃火鍋，過一個暖和的晚上。這裏最出名的是有不同款式的湯底，而且每種湯底也各具特色。而且還有不同的小食，肉類及海鮮等等...我們叫了養生鍋及美人鍋，左邊白色的是養生鍋，煲內還有不少人參及藥材等等，所以有很香的人蔘味，右邊的是美人鍋，煲內還有一大隻烏雞，所以有很香的雞味。這是鹽酥柯仔，炸得很香脆，外脆內軟，而且味道還很鮮。這是鹽酥雞粒，這個也是炸得很香脆，但是裏面的雞肉很結實，鬆脆可口。我們還叫了杞子菊花桂圓露，味道清甜，能夠消除吃火鍋的熱氣。

同朋友去聚餐，第一次去食，見到佢做緊7折，但要8:30前離座，咁所以我哋就book咗6:30，一上到去環境好舒服，唔會逼迫夾夾，同埋啲員工服務都ok,咁我哋點咗美人鍋同酸菜白肉鍋，美人窩裏面有一隻烏雞材料好足，不過都係鍾意酸菜鍋，佢個即炸響鈴好好食，不過如果有沙律醬點仲正， 原先 點咗牛胸爽但最終冇貨有啲失望，之後點咗肉眼肥牛都好好食，另外點咗個白酒白肉，另外佢個炸芋頭超大件，好抵食新鮮即炸，另外佢個麻辣牛肉餃都好味，值得一試，可以再去

成日都話去試養心鍋，今日終於試到啦😁。經OpenRice 訂位16:30入座19:00前離座可享半價。一入去就聞到好大陣好似藥材的味🙄。入面間隔比較私隱，幾好，但啲櫈就冇得挨，擺野都好唔方便。我地叫左養心鍋，等左足足45分鐘先有鍋上😓，由唔肚餓等到肚餓😭。想叫黑柏葉，豬天梯同牛胸爽等都冇晒😓，唯有叫第二啲。總體而言，湯底幾好飲，由於等到肚餓既關係，我地一開波就試左湯😋。潮洲魚旦幾爽。手切牛冇咩味，冇咩特別。其他都算幾好。

Fresh ingredients. Prime cut beef was also very good. Hotpot base is not very spicy at all... we had the medium spicy base and could have probably gone for most spicy option instead. The sour cabbage base was the second soup base we got. Also very mild but good for actually drinking as soup! I like this place; just don’t expect any mala hotpot here!

早排養心殿咁hit，終於都忍唔住試左～湯底真係足料到可以當湯飲，叫左駌鴦鍋，一次過試兩隻味🙉.美人鍋聽個名都知養顏，原來係原隻竹絲雞（即烏雞）再加一堆藥材，包括食極都有既桃膠，女士最愛既紅棗等等，湯底偏清甜.麻辣鍋集齊大量辣椒、指天椒等極辣材料，辣味愈食愈極，但唔會麻到食唔落去，再加埋d索哂精華既油豆腐，岩哂一眾無辣不歡既人士🌞.特別推介：QQ麵、炸蠔仔、生蠔.但整體而言係湯底最加分，其他食材偏細份，味道正正常常，唔算十分出眾，以份量黎計價錢唔算平💁🏼係新鮮同湯底搭夠