養心殿台式養生鍋 (已結業)

係西貢行完山，體力消耗不少，晚餐好想打邊爐但又唔想任點任食咁過份，諗起呢間多款特色養生湯底， 以多種藥材餚製，唔係點叫養生?! 特設有雙拼湯底，以較高價錢湯底收費，同一時間可以試到2款湯底，照顧到唔食得辣嘅友人!一邊為寧神養心鍋 ($168), 以川芎, 白芷, 天麻, 當歸, 鮮鷄, 豬肉及鮮魚淆成，滾起時已聞到好香藥材味!  半邊魚頭先煎香再放落湯，包唔會有腥味，先飲頭啖湯，飲落充滿藥材香味，但又唔會過濃，食粒圓肉又腍又甜。味道鮮甜好味， 好難忍口唔飲一碗囉!  竹絲鷄半邊肉烚完都可以食埋，咪做大嘥鬼!麻辣鍋以多種香料及藥材，麻香倍感惹味，加入鴨血， 可自選辣度 (小辣級)， 仲加送多一份鴨血比你，份量都唔少架!  呢度嘅食鴨血口感嫩滑，唔會一夾就散開，夾埋芫茜蔥加點香味，配麻辣湯底真係正到無朋友!  火鍋配料好快就送上枱 :手切牛肉 ($238/細)，應該係我最愛嘅牛頸脊，肉色靚仔，切成蝴蝶片基本上夾起左右拖幾拖就食得，入口爆汁，肉味香濃，帶點脂肪飲肉質偏滑!丸類及餃類有半份叫 : 墨魚丸 ($40)及自家製韮菜餃 ($42)，每樣4粒/隻墨魚丸偏細粒，稍欠彈口，都係手打好味D!

養心殿呢兩年開左超過十間店，系風頭一時無倆既台式火鍋店，基本上好多朋友都曾經食過/ 想試下。每間店既裝修風格都系一樣，傳統深木色中式家具，而呢間位於將軍澳Holidy Inn既分店都唔例外。養生鍋 拼 寧神養心鍋 (188) - 雙拼不另收費，所以揀兩個相同湯底就最抵。養生鍋以多款藥材、人蔘、火腿、老雞及豬肉等煮成，所以藥材及人蔘味道較重，好矜貴既感覺；而寧神養心鍋就系以鮮魚加入豬肉、鮮雞、豬肉、川芎、白芷、天麻等料精餚而成，湯底既鮮且甜，非常推介！而且呢度既湯系無限添加，仲可以當埋老火湯甘飲，一舉兩得。手切牛肉 (細@238) - 牛肉鮮紅色，賣相好吸引，筋肉比例恰當，有肉香之餘，又不失油花香，細份都夠四人食。酒香白肉 (58) - 呢個價錢都可以有大大份既五花腩片食，薄切腩片經酒醃製，酒香非常香濃突出，但又唔會太嗆，好好食。手工蝦丸 (半份@40) - 手打蝦丸夠爽口彈牙，而且蝦味都算濃郁。

今天第一次幫襯將軍澳的養心宴，一直知道這間火鍋店價錢比較昂貴，用料會比較好，也聽聞味道相當不錯，所以今天結婚周年同老婆一齊去試試。今日我們叫了一個白肉酸菜湯底，味道相當醒胃，各種火鍋食材都好新鮮，特別喜歡他們的響鈴，豆味濃郁與眾不同，係其他火鍋店無法品嚐，而手切牛肉也嫩滑香甜。 但係可惜的是，以這個中高檔次的價錢來講，座位方面真的相當擠迫，而我這個高人來講沒有背板的椅子對我來講要坐兩個鐘是相當辛苦，另外服務水準也相當差，要叫一個服務員過來幫手都相當唔容易。整體來講，服務水平和餐廳環境，我都覺得日牛俾佢優勝。

7點幾去到，好多野食無晒....... 都算，入座後，叫一個staff ，扮睇我唔到，叫杯水都難........ 落單慢同亂。最後重計多左錢，好彩有Check 單。唔會再黎食喇！

趁天氣乍暖還寒、決定再跟家人去吃火鍋。將軍澳養心殿地方較其他分店闊落、枱與枱之間有一定空間。我們點了美人鍋、以烏雞、杞子、火腿肴製而成、加入桃膠、份外滋補。手切牛肉、鮮嫩爽滑。黑毛豬梅花肉 肉質嫩滑、涮一會就食得。手工丸拼盤有各種特色丸- 當中比較喜歡墨魚丸和梅菜豬肉丸。台灣翠絲水連一捲捲的、爽脆鮮嫩。雜錦蔬菜盤的蔬菜挺新鮮、種類幾多。叫多一個米粉、吸收了湯底精華份外味美。晚上七時前結帳還有半價、好抵！

想打邊爐一樣健康，就想起養心殿台式養生鍋，早前吃過，印象不錯。養心殿注重養生，養生鍋湯底落足料熬製，靚湯底鮮甜原味，可以在打邊爐之前，先品嘗飲用，先養生，再火鍋。火鍋配料、肉類及海鮮十分新鮮不在話下，手工丸類更加是彈牙美味。正是口碑不俗，最近養心殿台式養生鍋愈做愈有，分店愈開愈多。今日小弟去到將軍澳，發現都有一間，位置在唐德街智選假日酒店2樓。養心殿佈置都一脈相承，古式古香的裝潢，舒舒適適的環境，闊闊落落的地方。正值午市時段，不想吃太飽，故不吃養生火鍋，改吃午市套餐，今天就不養生。共有多款午市台式套餐選擇，足足有13款，認真花多眼亂。套餐附送原盅台式燉湯，配菜及冷熱飲料一杯(可選汽水、杞子菊花露或烏梅汁)。價錢由$58至$78不等，經濟抵食。叫了照燒牛柳粒和鹽酥柯仔肉燥飯套餐。套餐用木扥盤奉上，擺放整整齊齊。配菜有素翅、藕苗、筍乾和海帶。配菜雖是小角色，都製作認真，味道不錯。主菜照燒牛柳粒唔算大粒，肉質鬆化不韌，肉汁充沛，口感不錯，以鮮味秀珍菇及生菜墊底，伴以濃稠燒汁，吃起很惹味，很下飯。原盅台式燉湯是烏雞杞子湯，湯熱燙燙，湯底還有黨參，味甘可口。鹽酥柯仔肉燥飯套餐，鹽酥柯仔一大碟，肉

下午下雨，懶得走太遠覓食，在家附近吃個午餐。這家台式火鍋店位於酒店樓上，餐廳主要靠自然光引入光線，天氣欠佳，餐廳內很幽暗。午市套餐免加一，除了打邊爐，還可以點午餐。燥肉飯、牛肉麵等選擇，每個套餐奉送一盅燉湯。🔸杞子菊花露入口有菊花的香味，很清甜解熱。🔸前菜酸酸甜甜很開胃，很符合我的口味。🔸原盅台式燉湯湯頭清澈，入口清淡，還有烏雞雞件，頗有誠意。⭐️招牌極品台北牛肉麵$78湯頭很清，牛展酥軟，肉味頗香。配上麵條，麵條比較軟，如果韌一點更好，就像在家中自己烹飪的牛肉麵。⭐️藥膳排骨$78聞起來已經有一陣藥材的味道，喝一口湯，滿滿是藥材香，味道甘甜。由於排骨已經溶化在湯品之中，所以排骨入口味道很淡很淡，基本上就是喝湯。

家姐終於放完產假，可以約她聚一聚，同行還有弟婦，三個女人一個墟😂 為了放便，我們選了將軍澳找吃的，弟婦介紹了這家台式火鍋店，她最喜歡吃火鍋了。裏面的裝潢很中國風，燈光悠和，未至於很黑。首先點個湯底，我們選了鴛鴦鍋，一邊是麻辣，一邊是美人鍋比較清的。我不太吃辣，所以沒吃麻辣那邊。放材料之前先試試清湯，味道很濃郁，用了烏雞，杞子，南棗等等的材料淆成，還有桃膠，含豐富骨膠原蛋白，對皮膚很好的，要多吃😂我們點了小吃《鹽酥蚵仔》，一顆一顆的，外面酥酥脆脆，裏面好像蚵仔煎一樣，挺有趣。至於火鍋材料，我們點了《蝦丸》半份有四顆，口感彈牙。《自家製極品水餃》半份有4顆，餡料足，每隻都脹卜卜的。《老油條》名字很可愛，其實就是廣東的炸油條，本來都已經很脆，不過放過鍋之後將湯的精華都吸收了。《鴨血》晚飯送了一鍋子鴨血，份量不少，像豬血一樣，但我不太吃內臟所以沒吃。《蟹棒》是真的蟹棒不是彷蟹棒來的，味道鮮甜。《寬粉條》透明狀像水晶粉的，煙靭滑滑的。《台灣翠絲水蓮》弟婦之前吃過極力推介，一條條像滕一樣，但吃起來爽爽甜甜，挺好吃的。《有機玉米》玉米很甜好吃。《萵荀》這個我非常喜歡，平時吃火鍋必點的，清甜爽口。吃火

又嚟將軍澳探小鬼，有人自動請纓，說要帶我去「文曲里公園」行下。其實這個公園我亦是第一次到訪，入面地方雖然不算很大，但設計極富中國古代色彩。園內景色甚為優美，而且還有少量遊玩及康樂設施供應，可以讓人放鬆身心，絕對是假日逃避鬧市的淨土。逗留了大半天，大家都有點餓，想找個地方吃午飯。記得友人之前曾向我提過，Popcorn 附近開左間「養心殿台式養生鍋」，店裡的午市套餐，價錢非常經濟，幾十蚊已經有交易，而且仲要免加一，十分抵食，反正由公園行過去都只是廿分鐘路程，就一於過去碰下運氣，順便當做運動。餐廳位於九龍東智選假日酒店 2 樓，地方頗大，佔據全層。店內環境不俗，用上不少木系建材作設計，裝潢既古雅又別緻，加上以通花的屏風作間隔，能保持私隱之餘，亦不會增添局促感。 安頓後先細看店員送上的午市菜牌，選項共有 13 款，以台式套餐為主，定價十分親民，由 $58 - $78 不等，仲要免收加一服務費，而且每個餐還會附送是日原盅台式燉湯、配菜及冷/熱飲料一杯。我愛吃魚，第一時間點了客香煎比目魚，而小鬼就揀左客汁煮安格斯肥牛配白飯。先嚟兩杯跟餐飲品，大家都睇中左這杯自家製沖繩黑糖烏梅汁，烏梅汁用台式方法製

「養心殿」也來過不少次，凡說起火鍋的好處，我總會推薦養心殿，最大的原因必然是無限添加的鮮甜湯底，可謂令人津津樂道。將軍澳店貫徹其傳統中式深木系裝修，藏身Popcorn智選假日酒店，正常應該較少walk-in客，所以成功與否，只看其品牌名氣。寧神養心鍋 ＆ 養生鍋 ($188): 雙拼只以較高價錢湯底收費，所以正常也會選兩款，嘗不同口味，而無限添加的更是應的濃湯，例如魚湯及雞湯，而不是單一清湯！寧神養心鍋是以魚湯作湯底，湯料有川芎、白芷、天麻、當歸、雞、魚頭及豬肉，奶白色的魚湯鮮甜好喝，非常出色；而養生鍋的人蔘味較重，很有人蔘雞湯的影子，鍋內有大量厚切鴨血，口感與味道均與豬血相約，毫無腥味！手切牛肉 (細) ($238): 牛肉色澤紅潤，筋肉比例適中，而牛味卻是出奇地香濃突出。輕灼夠數秒即能享用，即使是細份其實足夠4人享用，屬必點之選。厚脂黑毛豬梅花肉 ($168): 厚脂黑毛豬梅花肉 ($168): 豚肉色澤也相當討好，一絲絲的脂肪非常鮮明，吃起來油感豐富，口感香滑，豚肉味也適中。餃子拼盤 ($128/12粒): 一客共有六款，分別是自家製鮮蝦雲吞、極品水餃、魚皮餃、韮菜餃、麻辣牛肉餃

將軍澳店採用一大排落地玻璃，感覺比其他分店更開揚。靠室內的位置也具備私隱度，每桌之間以中式屏風相隔。美人鍋以含豐富膠原蛋白的桃膠、滋陰補虛烏雞、杞子、南棗和金華火腿熬製，用料豐富，未放火鍋料前先呷一碗，十足老火湯滋味，不負美人鍋之名。手切牛肉色澤紅潤，肉味頗濃、帶少許奧筋黑毛豬梅花肉滑溜帶油香小羔羊肉片沒半點羶味，肉質嫩滑餃子拼盤有六款餃，其中以韮菜餃最鮮美多汁。整體餃皮不算厚身翠絲水蓮由飛機直送，爽口手工丸類拼盤包括較特色的黑松露蝦丸，有少許流心效果。讚好Facebook 可免費獲贈鹹檸七/酸梅湯

凍凍地咁最啱就係打邊爐 但係岀親街外打邊爐 打打下就成鍋油食到中段已經唔知自己食梗咩但係試左依間邊爐就一試翻唔到轉頭首先最值得食當然就係個湯底 因為依到湯底同街外好唔同 多料得黎一啲都唔heavy好多湯底好容易打到好油 但依到湯底唔油之餘 一路打仲可以食翻入面啲湯料另外佢打邊爐啲料好多都係自制 所以同係街外打邊爐好唔同我最鐘意就係佢個響鈴！自炸口感同味道都升左1個層次價錢方面 如果正價就會有小小貴 但佢經常都會做折整體而言 食物質素高 值得再食

早前試過養心殿台式火鍋的午市套餐，但一直都未試過此店的台式火鍋，今晚特意來到將軍澳Popcorn商場假日酒店二樓的分店。看過餐牌後㨂了一個寧神養心鍋，湯底材料豐富，包括原隻烏雞、大魚頭、川芎、白芷、天麻、當歸、豬肉和鮮魚，湯一滾將煱蓋打開，熱棘棘香噴噴的寧神養心湯呈現眼前，即時喝了一碗，鮮甜美味可口。除了靚湯，火鍋食材我點了霜降肉眼肥牛，牛肉嫩滑，肥廋適中，海鮮拼盤有蝦、帶子和鮑魚，雜錦蔬菜盤有生菜、粟米、秋葵和多種菇類，材料十分新鮮，埋單價錢不算便宜，但物有所值，享受了一頓美味的火鍋晚餐。

今日心情好 約埋屋企人 請屋企人食返餐媽媽比較傳統 直接選左台式嘢連湯底亦可飲既 （養心殿）呢間餐廳特色係鍋底以特色既中藥材 可以有滋陰養顏同埋食落夠健康選左個美人鍋 裹面含有大量膠原蛋白 原隻鳥雞 南棗 紀子....等等水滾後 可以先品嚐一下原本湯底先 再去慢慢落材料 先食住個招牌鹵味拼盤佢既牛肚 彈牙 仲有d 豬腸 入味之餘仲好有咬口 必點之一 之後，叫左碟極上雪花肥牛 紋理超多 顏色鮮紅 卷起左 其實都好大塊 啖啖牛肉味 配上湯底 真係好味道 亦可以點上自己秘制好嘅醬汁 另一碟 ， 豬粉腸 外貌雖然唔好睇 但如果鐘意享受口腹之慾咁就一定要叫 亦有美顔之功效 蟹棒 呢度蟹棒 可以講同外面既蟹棒 不一樣 想食到真正蟹棒 就黎呢度點吧 響鈴姐姐一上響鈴 就知到是剛剛炸起的 每一個既形狀亦不同 香脆 軟口 食落都可以填飽肚 水蓮餃/韭菜餃食落口真係皮薄多汁 最後亦要配一個生菜盤 彌補我食左太多肉類😂只需要贊好Facebook 就會free 一樣飲品

打邊爐一年內只會食一至兩次，因為很怕食完後上火熱氣。養心殿的名字上年已經聽過，以台式養生鍋聞名。友人極力推薦嘗試養心殿，謂打邊爐同時養生，不會上火熱氣。養心殿分店越開越多，意屬屋企隔離的將軍澳店，既近人流亦較旺區少。將軍澳分店位於酒店二樓，感覺上較高級乾淨。晚上七點前結帳有半價優惠，如果可以早點用餐的萬勿錯過。寧神養心鍋湯底選擇意屬寧神養心鍋，用川芎、白芷、天麻、當歸、鮮雞、豬肉及鮮魚餚製而成，湯色奶白濃郁，湯料有一個大魚頭切開兩半，以及半隻烏雞，單吃湯料足以半飽。平日如果煲上此類藥材湯實在不捨得作打邊爐用，所以今次特別選上寧神養心鍋。打邊爐前先喝一碗濃湯，湯味微微帶苦，但不會但影響之後打邊爐材料的味道。自家製極品水餃水餃外型飽滿，入面有一隻鮮蝦、瘦肉及木耳，口感很紮實健康。手工丸類拼盤 丸類口感偏向腍身，肉汁豐富。黑松露蝦丸及梅菜豬肉丸味道比較特別，黑松露蝦丸帶有幽幽香味，而梅菜豬肉丸真的很像食梅菜扣肉一樣，鹹香惹味。鴨血香港很少見到鴨血，相比豬紅，鴨血久煮不硬，口感相對細嫩爽滑，猶如布甸一樣。新鮮銀耳 銀耳原個上枱，用剪刀自助剪開。想不到原來銀耳很吸湯，味道細軟爽滑。原個銀耳份量也