食得妙

營業中

休息中

開了OpenRice Account多年，因知道自己的文筆不太好，加上懶惰，所以遲遲沒有寫過食評；但今次真是不吐不快。早幾天和老公去了九龍城的食得妙，這間標榜冇味精，以高級食材製作的食肆，口碑不錯，所以今次專程和老公揸車去試吓。我們叫了招牌的「貴妃醬炒蟶子王」，蟶子鮮甜爽滑，貴妃醬味道濃郁，配埋煎米粉底，不錯。第二道餸是「砵酒焗生蠔」，賣相竟然和蟶子皇一模一樣，味道也接近，完全沒有砵酒的感覺。味道普通，但也不至太難食！第三道餸叫了「原盅濃湯雞燉翅」，$480一盅寫明是四人份量，好似幾吸引，諗住食唔晒便打包。點知啲魚翅小到得兩湯匙，兩個碗各自分了一湯匙，然後加入雞湯。魚翅和雞湯都完全冇味，只係飲到濃烈的酒味，最奇怪的是，湯渣明明有雞和少少雲南火腿，點解而家剩返酒味？有向侍應投訴，他只說會向廚房反映，臉上完全冇表情！我和老公各自飲了一啖湯後，感到食慾減至零；對這間食肆完全失望，急急腳埋單離去。呢餐飯$1128，絕對有被騙的感覺！

高質粵菜超級高質雞翼，炸到超級香，又不會焦，熱辣辣，啖啖肉。未試過d雞翼咁正。沙薑雞，超級滑，件件都好味。好有沙薑香。呢個清淡啲，但十分足料有別於街邊的煎釀三寶。舊餡高質，無街邊咁油，絕不overcooked 豆腐海鮮煲，另一天物！d海鮮絕無欺場，蝦、帶子、魷魚新鮮大粒！d西蘭花都煮得超級好味！！！又一天物！杏仁茶，內有蛋白花！總體不會太甜，又超級香，明顯不是hea買野返來沖，而是比心機整，係其他地方完全未食過咁好味嘅杏仁茶。

其實呢間想試好耐，可惜平日望入去餐廳，見只得幾張枱，而且價錢比較貴，食海鮮小菜為主。而且家人唔鐘意出街都係食中菜，話屋企都煮到(需要我唔覺得係⋯)，所以呢間十年以上嘅店，係我以前住九龍城嘅日子係冇幫襯過。當晩同幾個相識有10年嘅舊同事食飯，叫咗6個餸，每碟份量其實唔多，而且有啲過鹹，應該要嚟送白飯，唔適宜就咁食。當日需然係平日晚上，都算多人，大部分都係一家大小，叫海鮮食，我哋平食就叫小菜算了。其實水準唔差，有夠擭氣，可惜係鹹咗啲。

因為朋友介紹所以就屋企人生日來試吓。今日叫咗椒鹽焗秋葵，招牌炒蟶子加米粉，蒜蓉牛油炸斑塊，咕嚕肉，梅菜蒸菜心，大蟹肉蒸飯，柑桔蜜汁煎蝦餅。先講秋葵覺得超好食，唔知點解可以焗得咁好食😋 再來招牌聖子炒米粉底，啲米粉超級香脆，聖子都好食 梅菜蒸菜心就正常，冇乜特別。大蟹肉蒸飯都好食，係入邊嗰啲蒜蓉令到個飯整體過分地鹹，可加留意。煎蝦餅就感覺普通，未必覺得需要再試， 蒜蓉牛油斑塊整體覺得麵粉太多，魚肉好小，不值得一試。另外蛋白杏仁茶都比較失望 冇乜蛋白而且整體杏仁味亦都好稀疏。 桂花糕反而都不過不失，幾好。 六個人吃的晚飯1900元，挺不錯整體呢個私房菜嘅菜式都特別，可以再返嚟試其他菜式。

經過九龍城想stop by食個lunch咁啱想食中菜and見到價錢合理就入去入到去就已經感受到服務很妙一黎就問我地飲咩茶(好似茶樓咁)而且送上一煲湯，以為好抵服務好好(待續...)。點左個乾炒牛河和揚州炒飯，各$56。食物太妙 所以食到一半先記得比手機食。呢兩道菜其實本身就好好味作為lunch真係十分唔錯再加上咁妙嘅餐廳環境 成個用餐感覺就更妙不過結帳時驚喜嘅感覺更加妙原來呢間餐廳會計人頭茶位($8)同加一服務費我估佢應該有係某處地方有寫但肯定唔算明顯於是我本身expect total $112 就變左$141。呢一點大家之後可以注意下: )

今日我同朋友去咗一個九龍城嘅食得妙餐廳 。 呢間餐廳係做私房菜嘅 ， 人少少得兩三張枱 。 我哋因為人少 ， 所以淨係叫咗三個餸 。如果平時冇疫症嘅話，應該會成班朋友一齊會叫好多個餸一齊share嘅 。第一個餸係大澳風味雞翼 ， 我覺得有啲貴，味道都幾唔錯嘅。 如果你冇食過大澳嘅風味可以一試。南乳豬手要特別推介，因為佢好大份味道又好又抵食，好有香港抗疫嘅精神。至於炒飯都炒得唔錯，好香，我哋叫咗帶子瑤柱炒飯。呢度週不時會有啲明星嚟食飯嘅， 我哋都撞到一位有本港電視台atv嘅過氣明星。 見到佢而家肥嘟嘟嘅身體真係唏噓。喺地安安靜靜咁食飯， 無帶黑超，睇來間餐廳都係佢哋經常去嘅地方。 大家如果來香港嘅話可以留意下。老闆都好好人服務周到， 經常問我哋有冇需要，有冇需要加餸菜。 希望疫情過去之後，生意會滾滾來。

嗜辣的小妹每次到訪九龍城都以泰菜、清真菜為主。疫情期間不想下廚便尋找一下家常菜。找到一間老字號<<食得妙>>的中菜館，原來這裡真的藏了很多隱世高手呢！下午5時致電落單，6時便準時提取，有效率。而職員仍然活力充沛，落單快而準又有禮貌。給贊特級話梅豬手 HKD 88 急不可待的要開動了！主角豬手入口後肉質好有彈性，充滿著骨膠原！師傅使用了多種材料、時間製成，感到相當有層次。也因火喉控制得宜就連骨很容易跟骨分離。小妹爸牙齒不太好也吃得津津有味，連最愛的魚也放棄了 哈哈另外入味主角話梅相當有份量，果然是特級Size呢！職員還分享了，有個街坊（伯伯）為了吃豬手但同時又趕時間回家，決定自行家裡番熱🤣 果然為了吃，可以去得很盡呢😂這道菜極度推薦！！鮮鳳梨咭魯肉 HKD 112這道菜很多地方都有供應，可是大多是取其名但質素參差不齊。要弄一道美味確是不易，還要令人流下深刻印象更是難上加難了。這裡馳名的咭魯肉，炸得金黃色非常脆嫩吸引！入口後更溶化了，肉質不但好Juicy 而且沒骨的！酸甜度適中，不會偏去一方。是個醒神開胃菜，當天家人更為了他而添飯 哈哈價錢較為昂貴但全都是心

九龍城食得妙，小菜炒粉麵飯都有。以前多數坐在樓下，可以一邊食一邊睇電視，感覺就像在家吃飯，電視餸飯。今回上二樓，被安排在一大房內，剛巧只得此枱客，似包了房，自由自在發言。每枱都會送上一碗例牌節瓜肉片湯，淸清淡淡。點了鎮江醋肉排、咸魚雞粒炒飯、梅菜芥蘭苗。鎮江肉排很入味，肉件大細厚度適中，肉質很柔軟，醬味很濃，你挾我挾所餘無幾。適逢有另一飯腳加入，藉此再加一碟鎮江肉排及西蘭花鮮魷。第二碟肉排仍然很惹味，食不停口。芥蘭苗很爽口，梅菜很甜，配搭巧妙。咸魚雞粒炒飯也很有水準，飯粒不黏不黐不硬，很有嚼口感。今天這裡生意特別好，但上菜速度未有阻延，女侍應仍然保持很禮貌的服務態度，很不錯的地方。

冬至前夕，約了一大班朋友上屋企打邊爐，去九龍城街市買火鍋料之前，先要醫肚。附近食肆大部份都是泰國菜館及火鍋店，很多只做晚市生意，碰巧見到這一間「食得妙」明明是海鮮中菜小館，竟然兼營午市，而且非常抵食，決定一試。餐廳共有兩層，每層面積細小，只可勉強佈置兩至三張八人枱及幾張四人枱；但裝修尚算整齊企理，較一般街坊小菜館講究。靠近門口也有一組海鮮魚缸，內有少量星斑、花蟹及賴尿蝦。午飯時段除了抵食的午市客飯之外，原來還有多款炒粉麵飯、及午市特價小菜可供選擇，而且同樣抵食；與晚市的貴價海鮮比較，實在有點難以將兩者聯想起來。香煎芙蓉蛋飯（$52）的芙蓉蛋剛好覆蓋整碟白飯，豉油則淋在白飯表面，既可以避免煎蛋太鹹、又可以避免白飯淡而無味。雖然餡料都是最普通的急凍火腿絲、雪藏蝦仁、銀芽及蔥段；但芙蓉煎蛋厚薄適中，表面香口熟透、中心則是半生熟，可以品嚐到香滑的蛋漿 ⋯⋯ 做到了煎芙蓉蛋飯的所有要求，是一碟好味道的街坊價錢午市碟頭飯，性價比滿分。「食得妙」主力晚市小菜及海鮮，廚師當然有一定實力，所以午市客飯同樣有水準。更難得相應調低價格，以配合附近街坊居民的需求，只是碰巧今天星期六，才要收茶錢及加一服務費，如

一早寫定菜 去到上菜半個鐘先上第一味餸 慢到死 自帶大閘蟹 每隻要計錢無問題 但拎去既剪刀即刻收起沖公 比左好多薑同紫蘇葉同3包薑茶包比佢 但拎來既薑茶是沖薑茶包而已 個d薑呢？咁都懶定貪呀⋯⋯菜份量又細 話最出名既雞翼一圍12人得十隻 仲要一隻無味一隻有味 叫佢加多兩隻話夠啦夠啦 怕你地食唔落又話咕嚕肉最出名 上碟肉份量嚇死人 不停話食材好靚 真係唔覺真係無下次 中伏中到呢 支竹班腩 支竹多到班腩得幾舊 真係無下次 一圍汽水又無包 價錢四千幾 真係唔多值

家住黃大仙，附近食肆已食得七七八八，打算向附近區搵食，參考 OpenRice 搵到哩間，以下食物均被網民的圖片吸引、前去一試：蝦醬燒雞半隻（$248）：首先價格比之前 $188，略貴了，雞 size 比較細，勝在皮脆肉嫩，但無雞味、無蝦醬味鮑汁柚皮唐生菜煲（$168）：我本身勁鍾意食柚皮，滿有期望，可惜，有點強差人意，厚就幾厚，但太稔、冇口感，最敗筆，有雪味、浪費了～ 幸好鮑汁 Ok、菜新鮮是日燉湯（鮮淮山螺片花膠 $138 細）：目測湯淡色，飲落有驚喜，夠味道有鮮味，這個價錢，我覺得抵飲～蛋白杏仁茶（$30）：哩個亦係抵吃，份量比外面的多，食到係有誠意的～ 椰汁西米露（$28）：哩個千企唔好叫，後悔莫及～其實，啲餸都算合理價，但就小食（$10/位）、茶位（$12）、白飯（$14），則收費少少不合理，還要收加一服務，則＂太殷勤＂、人盯人，吃得不太自在，對於私房菜，始終熟客、豪客、大夥兒、會比較受歡迎一點，埋單 $768，二人確有點貴、味道服務也不太值這個價，如免收加一，感覺會良好一點～

有朋友介紹“食得好”不錯，於是開年飯便到此-試。店舖地方不大，有两層，地下一層只有五張枱，多数是熟客。店員有禮貌，招乎不錯。菜乾豬肺湯，湯好甜，豬肺好滑咕嚕肉98元，內脆外酸，酸度適中，豬肉好有咬口，正。瑤柱肉鬆蒸水蛋88元，瑤柱絲和肉碎不多，主要是食厨師蒸蛋的技術，水和蛋的比例一定要好好才能蒸出如此靚蛋。豉油皇海蝦，蝦都幾大隻，好好肉杉斑，清甜有鮮味。大澳脆香雞翼84元，即是用蝦醬煎的雞翼， 一上枱已好有蝦醬味豉油王煎豬扒86元，原來簡單的鼓油煎豬扒都咁好味。鹽焗奄仔蟹， 比起平時食的奄仔蟹大，勁多蟹膏，正老婆仔炒飯92元， 有瑤柱粒、脆瓜粒、帶子粒和蛋白，味道不錯。鹽焗雞，雞勁滑，因太飽，差不多全隻要打包。

玩了一整天，晚上要吃得好一點和舒服一點。我們點了的：1）木瓜花膠燉豬𦟌。味道濃郁，真材實料，正！2）貴妃醬蟶子皇加煎米粉底這是特別做的，餐牌的沒有米粉底。蟶子味道非常鮮，米粉微微的脆，貴妃醬有點黑胡椒也有點豆豉味但不會太咸搶了蟶子的味，正！3）柚子汁煎蝦餅蝦膠非常新鮮彈口，非一般食店可食到，正！4）蝦子柚皮扒時蔬這也是餐牌沒有的。我對店員說想吃蝦子柚皮，再叫多味菜就太多吃不下，她就給我弄了此菜，真窩心。這菜也不錯，如果蝦子再多一點就更好。最後，甜品是送的，士多啤梨桂花糕。未試過兩者的配合，但出乎意料的好味，士多啤梨和桂花沒有互相搶味，正！總結，食物，服務滿分之作，當然一分價錢一分貨，但絶對令人感動之食店，值得再次光臨。

有一次，同事帶我到吃得妙，點四人餐。雖然店鋪細細，但製作很好，材料新鮮，尤其老火湯和杏汁燉蛋，正！還以為只有小菜小炒。今天跟Honey經過，見餐牌上有碟頭飯、炒麵炒米…價錢不貴，跟茶餐廳差不多，只是，收$7茶錢，星期一至五不收加一。好！就試試碟頭飯。店鋪不大，但潔淨舒適。例湯是西洋菜瘦肉湯。湯看似清清的，但，嚐嚐，湯頭清甜，西洋菜嫩綠爽甜，還有一小塊豆腐。好飲，只嫌太細碗👉👈我選｢麻甩佬｣碟頭飯：豆腐斑腩飯豆腐很嫩，經炸過，也不老，滑得很！斑腩啖啖肉，炸脆粉不厚。汁夠味而不太鹹，還有幾片草菇。好好味🙋Honey點星洲炒米。同樣好好味🙌聽到從廚房傳來陣陣隆隆聲，待星洲炒米上桌，果然夠鑊氣！夠鑊氣，但不油膩。材料豐富，也新鮮：蝦仁並非細細粒的雪藏蝦仁，而是大大粒鮮蝦切細了。還有叉燒、韭王、銀芽…雖然只是碟頭飯，但好好味！好滿足！

放監後的第一餐選擇在附近九龍城搵食，離法國醫院15分鐘路程就有一間叫「食得妙」的餐廳，該處地方不算大，人客也較少，但店員服務質素很不錯。雖然是中式小廚的門面，但內裡裝潢卻比較西式，除了水晶吊燈，亦用了紫色和紫紅色。前菜按人頭收費每位$10，顏色雖然不艷麗，但師傅用了叉燒粒、小豆卜、四季豆、花生和椒絲，感覺又爽又香口，也可以頂頂肚。蘇格蘭蟶子皇是店方的招牌菜，六寸長8兩重已經夠兩位食用。煮的方法有很多，炒、灼、蒸、煮任君選擇，其中一道絕活是店方自製的貴妃醬，味道有點像輕量版的豆䜴醬，雖然同樣有豆豉紅椒，但入口甜甜的帶點微辣，清淡得來不會搶去蟶子本身的鮮味，蟶子入口肉質也夠爽。唯一比較不明所以的是，我們明明聽見是$12/兩，但埋單時變成是$22/兩，不知是自己聽錯還是店員搞錯。今晚最能俘虜我的是這個柑桔蜜香煎蝦餅，雖然只有四塊，但直徑也有三寸多，視覺上竟然跟白飯碗一樣大小。入口有種脆脆的口感，以為是蘸了蛋漿後香煎的緣故，原來並沒有。蝦餅咬下去索索有聲，柑桔的香氣撲鼻，未食已經嗅得到甜甜酸酸的味道，柑桔醬中看到有類似柚皮的渣，証明用料十足。這兒的蝦醬燒雞，最少要叫半隻起，渾身脆皮通紅的顏色非