風尚台灣小吃 (已結業)

天后都有幾多餐廳選擇，行過見到風尚入面既裝潢都幾乾淨企理同光線充足，於是就入去試一下。兩個人總共叫左一個套餐另加一個麵。鹽酥雞肉燥飯，加左15蚊轉套餐，即係多左碗貢丸湯同台灣飲品。鹽酥雞入口感比較一般，咬落感覺炸粉偏多，雞肉較少。而貢丸湯亦比較像一般的味精湯底。另外係紅燒牛肉麵，個紅燒牛肉做得幾腍幾入味，湯底和麵亦不錯。

今日去天后同個朋友去維園游水，跟住為左有醫肚，所以就係附近搵左呢間餐廳醫肚喇朱古力厚片吐司 $28面包熱辣辣，上面層醬料唔會太甜，夾埋面包食感覺超正青蘋果多多 $20多多大大杯，夠晒冰凍，又唔太甜，超級冰爽台式香腸 $46香腸份量都算多，入口唔會辣，超級有惹味炒新竹米粉 $58炒米粉入口夠晒熱辣辣，而且都幾入味，份量又夠足蚵仔煎 $48餐廳係即製嘅，入口脆卜卜，蚵仔份量又夠多，而且又唔算貴大餅牛肉卷 $46牛肉份量都算多，又夠晒頂肚，不過如果醬小一啲就更好了下次黎維園游水再黎先得。。。

 這家位於天后的一家台式小店，印象是一家老店，每次也會諗可以生存咁耐必有過人之處，所以今次在附近拎開野又無下場，一於入去試試看。店子沒有華麗裝潢，應該多年來也沒有特別修葺，有丁點舊舊的，店子長長，有一排卡座和一排單邊二人座。 是夜太約8點入內，店中有6成滿，食到半路店子已全滿。由於太口渴關係，一坐底已經叫番杯凍飲，好快手，轉頭這杯青蘋果綠茶珍珠放在檯頭。過往光顧台式小店也只是吐司小吃，這店居然有小菜/小炒 ， 喜出望外 !九層塔炒蜆 , 蜆的數量不少 , 蜆肉夠鮮甜再配埋九層塔等香料同炒, 頗惹味 ! 由於之前太口渴, 我杯青蘋果綠茶好快已經被我消滅 , 要再來另一杯 !  果肉粒有很多 !!!!!看看這肉燥A菜 , 肉燥份量可不少, 完全沒有敷衍 !  第一次見肉燥A菜既肉燥有咁多, 用來撈飯勁正 ! 三杯雞就食多, 麻辣三杯雞倒是第一次見, STAFF由廚房捧出已香氣四溢 , 熱辣辣好夠鑊氣 !  撈飯之選 !

跟朋友在天后逛一逛街，累了便來到這家主打台式美味的餐廳吃飯。其實那天晚上特別想吃台菜，而且很有胃口，點選的食物不少。值得一提的事，這家餐廳提的台式菜式比外面的餐廳多，可以讓嘴饞多吃幾個不同的台式菜式。吃了幾道菜，有幾道菜特別想推薦給愛吃台式美食的你。這個是四式酥炸拼盤，包括是甜不辣，魷魚鬚，貢丸和鹽酥鷄。我個人覺得這個拼盤是整頓晚飯最值得點的，尤其是鷄肉非常的嫰滑，外面又很鬆脆，再配甜辣醬絕對一流。其次的魷魚鬚的鹽度剛剛好，不會太咸。能夠同時吃到四款酥炸小吃再配個白飯，是何等的享受呀？！ 蒜香柚子蜜糖雞翼也非常好吃，8隻的份量剛好合適兩個人一齊分享。雞翼的甜味不會甜過頭，同時可以吃到一點點的蒜子，再一次混上白飯，更加美味。而且賣相看起來也非常吸引。這個號稱是無味精的紅燒牛肉麵，味道真的是比較淡，正好中和了上面兩個濃度比較高的菜式。牛肉沒有想象般難嘴嚼，鬆軟的牛肉也很容易吞進肚子裡，只是如果麵可以晚一點才放上去會比較好，因為麵條已經有點軟掉了，湯底的味道可以再濃烈一點。最後是蚵仔煎，這是菜的份量很多，兩個人一齊吃也不容易吃光。而蚵仔覆蓋整隻煎蛋，再混合了醬油，味道不錯。其實最值得稱讚的是

令人懷念的台灣味道距離上一次去台灣已經差不多一年多，特別喜歡台灣嘅小食。今次想懷念一下台灣的味道，便選了天后這一間風尚小吃餐廳。進入店鋪的一刻便看見一支支不同顏色，用玻璃樽裝著的糖漿，應該就是用來調製台式飲品的關鍵！所以一坐低就急不及待嘅點了兩杯台式飲品。一杯蜜糖奶茶，淡淡的茶香中有一絲香甜嘅蜂蜜味道，到喉嚨的時候感覺潤喉舒服。今次點了幾味台灣的著名小吃，第一樣係手𢱑餅。手𢱑餅吃起來外面脆脆的，裏面柔軟，再加上獨有的醬汁，令味道增色不少。到台灣不能不試的，當然係蠔仔餅喇！第一眼看見它，感覺和台灣街頭的不同，看落去似是硬身的。但一起筷後，香氣撲鼻，夾出來是柔軟香脆的蠔仔，蠔仔分量十足，加上口感煙un，味道一流，比台灣吃嘅，更合香港人的口味。滷水雞翼，吃落夠淋，滷水嘅火喉十足，一定經過長時間的烹煮。飛魚卵香腸，講到黑橋牌的香腸，味道有幾款，我獨愛飛魚卵香腸，一粒粒的飛魚卵夾在香腸中，咬落脆卜卜，口感獨特，再加上香腸是即叫即烤的，熱辣辣的，再加上燒烤的香味，簡直一流^_^最後便是強烈推薦的奶酥土司，韓國的吐司現在大行其道，但也不可以忘記台灣的啊~。吐司即叫即做，面層焗得香脆，像是放了些特製的

閒時與友人相約天后飯聚，這次便決定嘗試一下這間比較具特色的臺食。餐廳的menu,選擇和菜式除了傳統的臺食外其他選擇還算比較多樣。冰火豆腐，簡單來說，就是凍豆腐再淋上臺式肉燥而成的一道菜式，名字很有賣點，雖然做法普通，但因為第一次嘗試，口感較為特別。臺式蚵仔煎，個人覺得和坊間的做法大致相同，特色在於配上餐廳的特色醬汁，比較惹味。炒蜆，蜆肉炒得很入味，送飯一流臺式小吃拼盤，味道尚可，品種亦較為多樣。四色腸，餐廳的招牌菜之一，賣相很吸引，味道方面亦分為四種不同的味道，令口感方面很有層次感。但本人覺得略為不足的是，味道比較淡。牛肉卷，餐廳的另一道招牌菜，但當日牛肉烤得比較老和比較乾，卷皮亦比較厚，導致口感變得粗糙。茄子斑腩煲。整體而言，燜得非常入味，搭配方面亦較為出色 送飯必備小菜綜合來說 是次晚餐 總值 四粒星

今日去天后搵個朋友去維園打下波咁，打完本身諗住翻去旺角食野，但見真係有啲肚餓，所以就係附近搵左呢間餐廳開飯喇 奶酥厚片吐司 $28 吐司熱辣辣，上面果層醬唔會太甜，夾埋吐司一齊食就岩岩好喇 荔枝紅茶 $20 紅茶大大杯，又唔會太甜，夠晒冰凍，對打完波嘅我黎講真係認真爽。。。 九層塔炒蜆 $80 蜆份量都算多，入口唔見有沙，炒得都算惹味 招牌燒雞炒飯 $58 炒飯入口夠晒熱辣辣，而且都幾入味，飯粒又粒粒分明. 蒜子蜜汁排骨 $74 酸酸甜甜嘅醬汁配上排骨真係配搭得唔錯，而且夠晒醒胃 冰火豆腐 $38 冰凍嘅豆腐遇到熱辣辣嘅肉碎，呢段冷熱嘅對抗明顯係肉碎嬴左，因為豆腐唔夠凍，不過呢個小食都幾特別，因為估唔到呢間小店都有食。 不過估唔到呢間小店係食物味道定種類都俾到啲小驚喜我，下次搵個松會都會再黎。。。

同朋友去食台灣野,近近地地鐵站都幾方便,間舖頭唔算太過大間,舍感覺都幾家庭式入面o的位唔算太多,不過都有梳化坐下一開始就叫o左杯茉香奶茶先,不過茶味唔多夠,淡o左少少姐...但o的珍珠都幾好食成日係香港食蚵仔煎,其實都係比煎蠔餅我,但依到就唔同啦!入面係透透地明o個種,個口感同煎蠔餅完全唔同!!而且又多蚵仔!!好台灣呀!睇到冰火豆腐個名都幾得意,所以叫o左份食下原來o係熱熱地o既肉藻加凍豆腐肉藻幾香,但豆腐唔夠凍,再凍o的個感覺重好鹵水拼盤入面有牛展,雞翼,鹵蛋同豆腐樣樣都好入味我就最鐘意佢地個牛展,雖然薄薄地,但個味好香估唔到依到個九層塔炒蜆會咁中隻,粒蜆好大粒,都幾惹味又唔會有沙,好食之後重叫o左兩樣好中式o既餸,第一樣係蒜子蜜汁排骨,味道甜甜地,排骨又唔會好老用o黎送飯一流重有樣就係茄子斑腩煲,唔知點解朋友會叫依樣,覺得好有屋企食飯o既感覺,唔係話好特別但幾好食不過大餅牛肉卷就一般般啦牛肉整得老o左個汁味道一般,成個感覺有o的怪 最後重有個招牌燒雞炒飯,炒得都幾好,唔會好油入面又有好多雞粒,可能因為有o的雞油,所以個飯特別香 因為依到無甜品食,所以叫o左份朱古力厚片吐司當甜品個包

去開天后是但搵左間野食下，之後食完一上到黎見到有唔少劣評，都想幫呢間餐廳澄清一下芋香珍珠由於本小姐唔係好飲得凍野 所以要求走冰，黎到果然一粒冰都無，只有微凍既感覺，岩晒我，走完冰之後都一點也不過甜，好細心 珍珠亦煮得夠時間，in un度剛好滷水拼盤有4樣野，雞翼、蛋、牛展、豆腐，滷得十分入味！食得出一定用左唔少時間去滷，絕對唔係交行貨，每樣野有4件，份量亦不少紅燒牛肉麵湯底係無味精既，飲落幾甜，麵質不錯，唯獨牛肉可以改善一下用靚d既牛，無乜牛肉味肉燥A菜A菜即係油麥菜，台灣菜必點之菜，上面既肉燥份量十分多，一d都唔慳料，鹹度剛好，油麥菜亦夠新鮮爽口呢間台灣菜食完之後我覺得並唔係大家講得咁差，老板係我揀野食既時候都有用心的介紹，可見佢對客人既重視只係某d野有進步既空間，試問人誰完美？ 希望呢篇食評可以幫佢平反一下

今日晏晝去左維景花園探朋友，夜晚老公黎接我，我地周圍行睇下食咩好，咁岩見到間舖仔細細既台式餐廳，就入去試下~先叫兩杯野解下渴先，我叫左杯原味多多，個名夠Qute，甜甜地，個味似益力多，但係無咁酸，個味岩我口味。老公嗰杯係青蘋果多多，益力多溝青蘋果，個味好特別，青蘋果味重唔會比益力多搶晒。四式卥水拼盤: 所謂四式即係有四個餸，包括牛展，雞翼，雞蛋，豆腐。我中意啲牛展，炆得好林同埋一啲都唔韌，雞翼，豆腐等都充滿卥水味，煮到入晒味。卥水味都恰到好處，唔會太咸，起碼食完唔使即刻飲水先！蚵仔煎: 相比台灣，呢個蚵仔煎比較似煎蠔餅，雞蛋不太夠，粉亦比較重，但係蠔仔幾多幾足料，面仲有啲蚵仔煎醬幾惹味，而且無燶，$48黎講我覺得值回票價。招牌三杯雞煲: 所謂三杯雞，就是用三杯醬料煮成，我食到好香既米酒同麻油味，個汁煮得十分出色，雞件啖啖肉，唔會煮得太長時間令雞件韌，仲好嫩。叫左一個飯一個麵，紅燒牛肉湯麵，牛肉唔韌，Size有d似豬軟骨OR牛腩，飽滿多肉，麵是粗麵，都幾爽口彈牙。另外我叫左個現炸雞排肉燥飯，有6件雞排，係台式既鹽酥雞，鹽酥咸咸地真係好香口惹味，飯大大碗(我食唔晒tim)，肉燥份量一般，但

朋友上次去台灣遇啱喉嚨痛，無乜點食台灣小吃，今晚要食返夠本喎。其實台灣最出名係邊樣？睇落樣樣都好想試，揀黎揀去，最後居然全部都揀哂鹽酥口味的，真係好搞笑。先點左杯飲品，青蘋果多多同抹香綠茶。多多真係勁香青蘋果味，好似香水咁，仲好甜添。綠茶個杯較清淡，不甜，好解喝。先黎個台灣牛肉麵，賣相不錯啊，而且份量亦很多。手工麵條彈牙，吸滿湯汁好正。牛肉軟腍入味，湯底咸中帶甜，整體不錯。再點左鹽酥排骨鹵肉飯，嘩，好大碗，仲要勁多排骨，望到已經好滿足。排骨鬆化香脆，鹵肉半肥瘦調味亦不錯，啖啖食好正。蚵仔煎好多蚵仔餅身軟腍腍，啖啖都係餡料，勁香口，係個底略油左啲。鹽酥雞，又係一大盤，酥炸啖啖肉，肉質同排骨不同，但兩樣都好正。仲點左鹽酥菇，咬落香脆又多汁，台灣小食真係停唔到口。哈哈，店員問我地點全部野都一樣口味好嗎！？真係好鍾意食炸野囉，尤其係鹽酥類嘅，炸得香脆不在話下，上面啲調味粉好正，點少少酸甜汁好味到暈，熱氣怕咩呀～

今日約佐一大班朋友放工上屋企打機, 有幾個因為要OT, 所以要晏D先join到, 咁我地就搵住d小食食住先, 邊食邊等, 行行下就見到呢個小小既台式小店啦, 一於試下。餐廳不算大, 大約只有7-8張枱, 而感覺佢地係好family business既感覺, 只有一個人在店招呼客人, 再加2-3個廚房師傅。打開餐牌, 感覺有點花多眼亂, 因為佢地有好多不同既野食可以俾客人選擇, 而因為我地唔係好肚餓既關係, 就點佐幾樣比較特式既食物。首先黎到既係四式台灣腸, 待應 (老闆？) 好用心咁同我地介紹每隻唔同顏色既腸係咩口味, 平時只會o係高級餐廳享受到既服務, 這裡也有, 值得一讚(左起: 飛魚子, 墨魚, 櫻花蝦, 黑鮪魚)佢地應該係用bbq爐燒既, 所以煮得好香口, 好好味, 個人最鐘意飛魚子, 因為好有趙頭, 飛魚子夠爽口, 而最估唔到既係櫻花蝦原來係有wasabi味既, 感覺幾新鮮, 幾得意, 而食下食下先見到原來佢地既台灣腸係用黑橋牌既, 不錯！第二樣黎既係滷水拼盤, 包括蛋, 牛展, 豆腐, 同埋雞翼每一樣小食都煮得好好, 雞蛋完全入哂滷水汁, 有鐵蛋既效果, 豆腐同雞翼都係,

今日lunch 有朋友仔來搵我食飯，行遠Ｄ去左天后，由於好掛住台北，所以試左呢間台灣料理！鴨胸肉燥飯$52 肉燥好夠濃味，又足料，且不只有肉燥，還有很多不同的調味配料，很有心思，好好送飯呀（小心食多左飯會肥）！加埋鴨胸就無咁單調！黑橋牌香腸$22黑橋牌是台灣著名品牌，香腸也很有名，我好耐無食過啦，竟然比我係度食到！咬下脆脆的，很juicy, 很多肉汁,好正呀！！！焦糖碳燒奶茶＄２０奶茶一定選我最愛的焦糖！　配搭比例恰到好處！值得提的是，每張台都有紙巾提供! 是日台灣料理午餐報告完畢！

今日同大家介紹嘅就係風尚台灣小吃😆喱間位於天后離地鐵站唔遠既食店, 雖然個名叫做小吃, 但係晚餐菜單超級豐富, 除左小吃之外仲有好多主菜去食飽個肚呀！本身去喱家食晚飯都只係諗住填飽個肚, 但係啲野食出乎意料之意地好食呀, 而且真係食到台式風味, 好值得去食！ Overall: (8/10)·4色香腸4色香腸真係不得了呀! 叫一碟腸可以食到4種味道, 一次滿足你4個願望~ 絕對要叫!! 就算去到台灣食腸都冇咁多味呀~四種味道分別係: 飛魚卵（真係有一粒一粒魚卵係入邊）, 傳統豬肉, 櫻花蝦, 墨魚. 而個人覺得櫻花蝦最好味😋😋·牛肉卷牛肉卷非常足料, 一咬啖啖都係牛肉, 送到上枱未食已經嗅到陣香味. 而個皮好黏韌, 好好口感呀!而且入邊生菜分量岩岩好, 食完唔會覺得膩, 不過得2舊唔係幾夠喉（可能我同朋友都太餓拉😂）🖒🖒·紅燒牛肉麵紅燒牛肉既味道好好, 而且啲肉質都好好, 啲肉係實既但係唔靭好易咬, 好好食! 反而湯頭就未夠濃, 但係唔鐘意濃湯既朋友應該岩岩好😉·柯仔餅喱個柯仔餅超正呀!特別係有醬油既位置, 個味道同柯仔餅超夾! 食有醬油係面既位會覺得好鮮同勁開胃😍😍 而且好多蠔仔好足料

今日趕時間 求其喺附近食 結果 食完再睇埋其他食評 就知道中伏呢杯所謂荔枝綠茶 無茶味 荔枝也只係香料 只係荔枝啫哩嘅液體版....隻鹵蛋唔錯 麵幾爽 鹽酥雞都鬆脆... 但係落得太多油 小妹自認大食 但食咗唔夠一半 個胃已經頂唔順最好笑係 小妹人都未走 店員收碟嗰陣就收埋檯面杯水.........