風尚台灣小吃 (已結業)

行完工展會出來後，在天后四處走走，看看有什麼特色食店醫下肚，行了不久便見到一間台灣食店，便入去試試，裝修較簡單，以黑白色為主，而坐位算舒服，因有一排梳化在一邊，可能仍未到晚飯時段所以人不多， 看餐牌後叫了兩個下午茶餐，一個是奶醬多，另外一個是雞扒麵， 奶醬多非常特色，甜味似雞尾包，雞扒炸得鬆脆而不硬，而麵較淡味但算彈牙，飲品叫了一杯熱咖啡和一杯熱檸茶， 兩杯飲品也普通冇乜特別，總括而言以小吃較出色，另外店員有禮貌似典型台灣食店的服務態度。

三位公主游完水！一定好肚餓！在泳池附近搵咗呢間台菜餐廳！門面唔大，地方平實，唔使等位直入一張6人枱！星期六都有下午茶餐！叫了4個餐分享！加個小食！食物陸續上菜！奶酥厚片土司（$30）烘得好靚！奶酥厚身，味道甜膩，好似墨西哥包面頭嘅脆面感覺！厚多外脆內軟！好味！貢丸湯麵（$34）肥髀食，分咗啲湯麵比我，麵餅應該一早分好分量，只係落熱湯，因為上枱時個麵餅好實，要摷散先食，麵扁身麵，麵質煙韌，湯底唔算味精！好味！炸雞翼（$34）一碟4隻，炸得香脆唔乾，醃得鹹香！好味！炸雞扒湯麵（$38）鹽酥雞扒炸得香脆，肉質唔乾，鹹香好味！湯麵煙韌好味！燒黑橋牌香腸（$22）只叫一條，已切片，外皮燒得幾香，脆口好味，肉質有肉汁，幾油香！好味到肥髀要encore凍招牌珍珠奶茶（跟餐）唔知點解幾杯份量相差好大！媽咪讚茶味濃香唔澀！熱柑桔檸檬紅茶（跟餐加$8）金屬杯，柑桔檸檬香！味道唔假！夠熱好味！食物好味！店員好忙！保持有禮！收碟上菜都會問一聲！走時又會講再見！幾親切！呢間大家都喜歡！可以encore廁所好窄

今日黎天后揾個朋友，一上openrice就見到呢邊有食台式野嘅舖頭，於是就簡去左果度開飯喇。一坐低當然見到呢個有好多人食緊野喇，真係令人有期待嘅感覺。朱古力吐司吐司有口感而且朱古力味又夠香濃，唔需要任何嘅配料都已經好令人滿足。炒蜆入口令人感覺好夠鮮味，又唔會太辣不過入口有小小沙。香腸拼盤台式香腸入口夠彈牙，肉又夠晒結實，餐廳肯定係用靚嘅料煮嘅

同我同行既朋友佢嗰篇食評批左，我呢篇點解唔批既？（不是試食 不是試食 不是試食！）親愛的話今晚嚟呢間食台灣野，係我第一次食台式晚飯：必叫 - 肉燥飯 $34好多肉燥，我鍾意佢脂肪唔多，無甘油膩。肉燥味道夠，飯上亦有黃瓜碎，拌飯食唔錯，但我係飯汁怪，如果肉燥多d汁就更好～滷豬耳 $38 醃得好入味，仲要夠稔，送啤酒食一流（雖然餐廳有台灣啤酒供應 $20/支，但今晚無飲）！招牌三杯雞 $74雞肉醃得入味，肉質唔算鞋，整體惹味，如果配飯或者麵真係一流。金桔檸檬玉露 $22 - 飲品中有玉露，當埋甜品食，有咬口，叫左小甜。芋香雪香 $22 - 即芋香奶茶上面灑上脆片，即時再香口左。呢間加埋一都係街坊價，抵食既。

有單有據架呢間台灣小店附天后地鐵出口對面，行1分鐘都唔使。平時同同事嚟食lunch多，晚飯小菜真係未試過，甘岩阿媽提起好耐無食台灣野，我就諗起呢間（因為呢區好少台灣食店）～ 爸媽揀左呢幾樣，其餘就男友拍板：皮蛋拌豆腐 $38味道淡既小食當然第一道食起～豆腐夠凍且滑，一夾即散～豆腐/皮蛋連汁食唔錯～蚵仔煎 $48蚵仔煎=鴨仔煎蠔仔～～～～賣相唔錯，又大份，夾開仲有好多肥美既蚵仔，但整體比較淡，所以蚵仔煎上既甜甜地既醬汁好重要～四式台灣香腸 $66見圖已經吸引，一共有4款黑橋牌台灣腸：飛魚卵香腸、櫻花蝦香腸、墨魚香腸、黑鮪魚香腸。上枱時廚師已經幫我地切好，食得好方便～ 每款都好香，味道獨特，好容易就分別出香腸係邊款～每條香腸都都細。所以$66/4條都好抵～九層塔炒蜆 $80好大碟，唔會得d殻，每隻都有肥肥地既蜆肉，炒得幾香，完全嘗到九層塔既香味。肉燥A菜 $62A菜即係油麥菜，台式叫法。成碟菜舖滿肉燥，好直情可以用匙食。菜好清甜，煮得唔老。每條菜都可以連肉燥食，好滿足。又係送飯/麵之選。大餅牛肉卷 $46呢款想試好耐，但怕油膩，今次試左發現完全唔油膩，煎到乾身表面微脆有咬口，包住燒牛肉，味

一間喺天后食台灣菜既小店陳設同一般台灣店無異 長或方形木枱Menu既台灣食物眾多芋香雪香22 蚊好香既芋味奶味 而上面鋪滿左麥皮增加口感， 鍾意芋味既朋友可點蜂蜜綠奶茶 20 蚊用蜂蜜綠茶沖成既奶茶 , 除左有一般綠茶味之外 仲有奶茶既滑同香 好飲碳燒奶茶22 蚊正常既凍奶茶味道但奶味偏高 飲落個鼻仲會聞到啖啖燒焦味 幾特別鹽酥雞肉燥飯 52 蚊好邪惡既鹽酥雞， 炸得十分香脆 , 同台灣一樣雞落得幾多香料比較重口味， 而雞肉夠滑同熱辣辣！下面既肉燥飯當然有豬肉碎既肉燥 仲有葱花酸菜等 撈埋軟身既白飯 一齊食 口感十分好！台灣香腸炒飯 61 蚊好似普通用蛋芹菜 葱炒成既炒飯 味道中規中舉 上面加左幾片甜身既台灣腸 口感煙韌， 以炒飯黎講合格la四式鹵水拼盤 74 蚊鹵水拼盤有麵跟 牛展 雞翼 同蛋全部醃得十分入味 尤其係雞翼 雞翼十分肥味 雞肉嫰滑 鹵水汁完全滲哂入去雞肉入面， 而牛展都正爽口彈牙！大餅牛肉卷 46 蚊十分特別既菜式 類似京菜既葱爆牛肉甘 不過牛肉就脂肪比例少d比較有咬口 , 再用類似酥皮湯既皮包住 , 好似食緊京菜甘 ,.尤於醬汁十分入味 所以食落去好juicy同有層次

跟友人同行於午市前來小店一試，店內約能容納20餘人左右，席上客人都滿滿的我們點了幾款店推介的小食，先來紅燒牛肉麵，其湯底頗為濃郁，稍嫌肉質若能再林一點會更好雞翼都比較大隻，有肉感，吃下時仍能鎖著肉汁，而且淋上蜜糖，增加了其的味道值😊 雞皮亦甚為香脆。 推介！

今日同同事到天后食lunch, 離地鐵站口不足2分鐘有間台式料理，於是就決定入進：四色酥炸拼盤 $78這拼盤主要是鹽酥雞、炸貢丸、魷魚酥及炸魚腐... 份量比想像中多和有幾片炸了的九層塔作拌菜炸魚腐的味道像炸魚蛋，但口感比較煙韌，而魷魚酥的粉稍為多了點，不夠脆口。總括這道小食味道不俗，唯略硬一點，如較鬆脆效果會更佳。點了芋椰奶茶加珍珠，味道不錯，很香濃的芋香及椰子香味，也許點了小甜的關係，覺得甜度剛好，而珍珠的質感也剛剛好，有點喜出望外的特飲。另一杯是凍百香果多多，味道是淡一點的益力多，不會像益力多般甜。我們亦點了店推介的蒜子蜜汁雞翼 $74最初以為是煎雞翼加點蒜頭粒，來到時很驚喜，原來是淋上了厚厚蜜糖的雞翼，一共有8隻，很脆口。 雞翼肉質較多及厚，很肥美 雞翼內存著肉汁，果然為推介的食品，值得一試！ 奶酥厚片吐司 $28一塊厚厚的吐司上塗了層奶油，烘成金黃色，切開時不會有很多碎掉落，而且奶酥不會粘著刀，不會太粘或是太乾，剛好的溫度。香濃的奶酥味道夾雜著一點牛油香，甜度適中，軟硬度剛好，吃下面包邊也不會感硬，不俗！

好想去台灣好想看台灣好想去台灣啊！因為呢排公司太繁忙嘅關係已經取消左好幾個旅行！冇得去台灣唯有去食台灣小吃止渴啊！再次令到呢一間風尚台式小吃！因為這裡的小吃真的很好吃！蠔餅十分好吃，用上大量薯粉以及美味嘅珍珠蠔，煎得外脆內軟，蠔仔鮮甜美味！每次到來一定必點！點少得嘅係黑橋牌嘅烤香腸，呢度嘅烤香腸係創意海鮮香腸，點左飛魚卵香腸同墨魚香腸！大概是不會輸的啊！配啤酒一流！這裏還有供應台灣啤酒！酷愛啤酒嘅朋友們不能錯過這種地道台式風味呀！手扒餅即叫即抓, 香脆熱辣辣真的很有西門町的影子! 不會太油啊！不想天天吃飯，叫個手抓餅也不錯啊！多點了一個鹽酥雞，超好吃，帶點鹹香，内裡多汁，熱而且切件炸！每件質素都很平均，不會一件多炸粉一件只有肉！比對面的豪大大更出色！值得一吃！份量也很多！兩個人吃四個小吃已經飽得很，欣賞這裡即使滿坐出菜速度也很快！如此地道的台風，加上簡單環境舒適，暫時舒緩了我的想台病！

I realised that there are a lot of Taiwanese restaurant in Tin Hau area so why not try them one by one? Having checked a few reviews on openrice, I have decided to go for some of their signature dishes. Pan fried oyster omelette ($48)Taiwanese style oyster omelette is completely different from Hong Kong style. It was more soft doughy instead of the HK deep fried rock hard crispy type. Taiwanese one is moist, juicy, and topped with sweet hoisin sauce and some spring onion. Small pieces of flavour

電氣街好多選擇，但好多都貴野。 行街行到出晒汗，想簡簡單單食下小食，飲杯野，就入左呢間台灣小食店雖然已經2點又係星期日，但店內都有唔小食客。坐底立即order 2杯野飲先。 熱既杏仁奶茶同埋凍既芋香奶茶。相比之下杏仁奶茶比較甜，但好香杏仁炭燒味比較特別d. 兩杯野飲都大大杯，天時暑熱岩晒，我地仲要食勁多炸野，杯野飲都撐到好耐鹽酥菇新鮮炸起，粉唔多，上面有少少淮鹽，好鬆脆。 菇有冬菇同雞脾菇， 炸完都仲好juicy, 外脆內滑又多汁。酥炸拼盤入面有4款，分別係甜不辣，貢丸，魷魚，鹽酥雞。亦係即叫即做。 其實食炸野最怕有油溢味，但食完呢2盤炸野我都食唔到。魷魚反而似平時茶樓食到既炸魷魚酥，fusion 左本土味。 甜不辣同鹽酥雞就保持返台灣特色，d 雞炸左之後仲係滑唔會鞋。台色蛋餅最掛住既就係台灣早餐蛋餅。點解香港無早餐店賣蛋餅？！估唔到呢度食到。 外層餅皮烘到乾身好脆，卷住雞蛋，生菜同小小豬肉碎。食落好清新，一d 都唔漏。餅皮真係好香！台式香腸有原味，墨魚，櫻花蝦等選擇。 我地揀左墨魚味。香腸外皮烘到好脆，一咬落去都有肉汁流出。 平時食既腸仔都係咸味，但台灣香腸味道偏甜，而且係sell

週日和細周生上完興趣班，就近到對面餐廳享用午餐。風尚台灣小吃是一間台食小店，餐廳內部呈窄長型，裝潢簡單，舒適度一般喇！食品方面，選擇都算豐富，由地道小吃，小炒麵食，以至滷水煲仔菜皆有，當然不少得一眾台式特飲。台灣夜市出名，小吃更是其中主力。這客四式台灣香腸，一碟有齊原味、飛魚卵、墨魚及櫻花蝦四款享受。原味口味帶甜；飛魚卵口感卜脆；墨魚上色鹹香；櫻花蝦略帶芥末味最為惹味。招牌三杯雞煲是餐廳推介，味道調較不算突出，雞肉嫩度亦只屬一般。筆者喜愛油墨菜，亦愛台式肉燥，順理成章與肉燥 A 菜一拍即合。A 菜選材綠爽清甜。筆者太太覺得肉燥用料略肥，筆者則認為味道調較剛好。紅燒牛肉麵湯汁標榜無味精，味道濃得來略帶甜味。牛肉份量充足，質感腍身入味都幾好食。加上煙韌的麵條，識食的細周生也嚷著添多一小碗。荔枝是時令水果，愛其清甜多汁。荔枝玉露亦得其真味，果香充實。在飲品底部有粒粒荔枝爽，既飲得又食得。相對而言，百香果綠茶味道較清淡輕盈，亦屬夏日解渴佳品。

要是由天后地鐵站沿電氣道走，不難發現多間台式小店，由飲品連鎖店、炸雞店至蛋餅店都有。「風尚」是最早期於天后開業的台式食店，門口雖不太起眼，但食物質素實屬不錯，家住附近的我，久不久就會來吃。食物挺多元化的，單是小食系列已有接近三十款，還有台式小炒 (肉/海鮮/菜類)、湯麵、炒飯炒麵及飲品等。炸花枝丸 $38一客五粒，外皮炸得微脆，不會過於乾身，肉質保持煙韌彈牙，配以甜酸醬，味道更見惹味。招牌炒新竹米粉 $58米粉幼身兼雪白透明，質感柔韌，伴以配料肉燥、芽菜、冬菇絲及椰菜等，稍拌一下，底部挺油的，但味道簡單好吃。紅燒牛肉麵 $52湯底味濃而不油膩，多喝幾口也沒有問題。牛腩選用半筋半肉的，煮得入味仍能保持咬口。麵條粗身但較軟腍，也許我吃過米粉才品嚐，浸湯的時間影響了麵質。珍珠奶茶 $20茶味偏淡幸而口感幼滑，甜度適中，不會過甜。珍珠則煙韌有嚼勁，小小顆數量多，稍為用力一啜都吸到珍珠。

炎炎夏日，最好到有空調的地方（室內活動）。今天和豆丁到中央圖書館增長見聞！到圖書館前，先食飽飽。在天后MTR附近，整條街道餐廳林立，總有一家合意的。走著走著，看到有几位家長帶著子女們離開這家餐廳。隱約聽到他們是要到圖書館。如果其他家長們都來光顧，應該是較實惠的餐廳。一於在這裡用膳吧！　　原來內裡還有几個家庭在用餐！！　看來今天選對了餐廳。　就座後，看著餐牌，又要計劃＜今餐食咩好＞。　豆丁喜歡香腸，看到牆上海報就嚷著要這款。就照豆丁選擇吧！　其他的食物，就由我決定了！ 四式台灣香腸（4條）　　台式香腸　最正常的台灣香腸的味道 櫻花蝦香腸　除了腸衣較深色之外，內裡的顏色與台式香腸很接近。再看清楚，真的有蝦仔／蝦毛。但嚐到微微的芥末味，可能是錯覺吧！ 飛魚卵香腸　黃色的魚籽，鹹鮮味很突出。 墨魚香腸　黑漆漆，最容易認出的香腸。內有細碎的墨魚，還有黑椒粒。在４款台腸中，味道最濃。 奶酥厚片吐司　　　圖片有手指公，應該是餐廳招牌美食吧！吐司面層的奶酥，類似香港的鮮奶球表面脆脆，但偏向是粉狀，似很多奶粉聚在一起！　很濃的奶香，整體不算太甜。但豆丁表示，把吐司反轉來品嚐（奶酥向下），會感到苦味。自己

台灣向來是香港人的旅遊熱點，而台灣美食更是不少港人的至愛。筆者當然也不例外，月初才剛和家人去台灣走了一轉，這天又突然心思思，想吃點地道的台灣小食。其實在香港吃台灣菜的餐廳不多，最近友人推介我試試位於天后的《風尚台灣小吃》，據說餐廳除了有我愛吃的紅燒牛肉麵外，還主打正宗台式小食，而招牌小吃就有鹽酥雞、蚵仔煎、抓餅、黑橋牌香腸等等，齋聽個菜名就已經足夠惹人垂涎，所以趁這天假期，就決定和老公兩口子來一探究竟。原來店子離港鐵天后站 A2 出口只是兩分鐘路程，交通挺方便。推門內進，店裡地方不大，店面呈長方形，設計以黑白兩色為主調。放眼四看，右手邊排滿了多張靠牆的二人餐桌，而左手邊近門口處則是水吧位，直入是一列長長的梳化座，裝潢望落去雖然比較簡約平實，而且空間感欠奉，但感覺舒適企理。安坐後，店員隨即送上餐牌和開水，翻開餐牌一看，食物分類包括有台式小吃、煲仔菜、台式小炒、麵食、炒飯、炒麵、肉燥飯或撈麵及厚片吐司，另外還有一系列台式飲品，當中包括有奶茶、咖啡、雪香、鮮果玉露、紅茶、綠茶、沙冰及多多系列等，而且全部定價都很合理，數十元就有交易，至於是否抵食，當然要吃過才可以下判斷。先點飲品，老公揀了較有