風尚台灣小吃 (已結業)

呢排都係天后工作，原來天后都有好多食市，經過風尚台灣小吃，見咁多人入去，我都忍唔住入去試一試。😂睇睇餐牌唔算太多選擇，比我感覺台灣食物出名的有鹽酥雞、紅燒牛肉麵、蚵仔煎和肉燥飯。今日我就試下紅燒牛肉麵望落色就夠，味道要食先知掂唔掂，先食滷水蛋，食落鹹鹹地唔會太淡口，牛肉炆得好腍又夠入味，麵質煙煙勒勒好彈牙，湯底濃而且帶有點八角味，是一間不錯的小店

Went to this TW place for beef noodle soup. To my surprises, it's quite busy for a monday night. Place with plain deco and small. It does help with some comfortable booths tho. Ordered the 四川？noodle soup and it arrived after 5 mins or so. The beef is tender but not very fat. The soup said to contain no msg. Overall I give 8/10 for the food but 6-7 for service, look like they lacks of waiters just like and other restaurants.

一間小店都要用心去經營.場內地方不大, 環境衛生比較差, 服務員懶散. 晩上接近9點進入時只有2枱客人, 合共6位, 但就有另外三枱還未收拾餐枱及清潔.  食物選擇了香菇肉燥擔擔麵, 內裡的半隻雞蛋好似白鴿蛋的大小, size XS,  差點看不到. 味道一般, 沒有特色, 另叫一碟鹵豆腐乾, 尚可接受.但所有材料都已經現煮好備用, 不明白還要等上10~15分鐘, 太耐了. 

呢間食店我自己已經去回訪咗兩次，甚至帶埋屋企人專程嚟食台灣菜。老實講我唔知佢究竟算唔算正宗，但我覺得佢呢到所有嘅嘢食味道都以8認真唔錯 😁 後來幾次嚟到有食柯仔煎、台灣腸、鹽酥雞。全部都冇令人失望炸鹽酥菇 ❤️ ($48)評分：7.5/10.鹽酥雞以外其實菇菇都好適合用嚟整成炸物 😁 因為本身就已經彈牙嘅關係，炸完之後感覺更彈Q 😎 呢到嘅鹽酥菇我覺得炸得一啲都唔油膩，偏向乾身 👍 炸粉亦唔會厚得過份～份量都得宜有十拎舊肉燥飯 ❤️ ($38)評分：8.5/10.👍👍👍👍👍👍👍呢個肉燥飯我私心無限推介 😋 完全係我理想中最滿意嘅肉燥汁嘅味道。😍 唔會好水但同時唔會油膩。肉燥嘅份量好多，用嘅肉同魯肉飯唔同，肥瘦冇咁明顯，但就算係瘦肉居多一樣每一啖嘅肉燥都因為沾滿醬汁軟滑易入口。😆 (煮得夠耐?) 飯嘅份量亦都唔少，見到人外賣個飯盒都幾大盒吓～其實我覺得加咗蔥又令人耳目一新多少少，仲要一併送埋滷蛋$40唔晒真係抵食到爛凍芋椰奶茶 ❤️ ($20)評分：7/10.飲品正正常常。奶茶算沖得幾好唔太甜。仲有好多款式。雖然都知道全部都系溝粉整出嚟架喇，但食台菜都係叫番杯奶茶先食得盡慶嘅

本身無用開OpenRice 但係呢間餐廳令我不得不開返個account 話說前幾日同朋友去維園打波 打波前見位置幾近咁就去食咗呢間台灣餐廳 一入去職員坐係到叫我自己揀位 唔講得有咩服務要另收加一 好啦咁我同朋友就坐低 揀左個鹽酥雞肉燥飯+貢丸湯+熱珍珠奶茶首先嚟咗個珍珠奶茶 熱珍珠奶茶唔熱 珍珠奶茶淡而無味 好似溝左好多水咁 可能就係因為咁唔熱 好快就嚟個貢丸湯 本人好鐘意飲湯 但呢碗湯真係令我畢生難忘 勁咸 咸到入唔到口 湯只有微溫 唔通連加熱都懶？呢兩樣要加錢跟餐 我真係令願唔加好啦 之後嚟個鹽酥雞肉燥飯 又係唔熱 溫度只係暖鹽酥雞咬唔開 肉燥飯嘅肉燥一啲都唔肥 好似全瘦肉咁 呢餐飯重要收加一 職員坐係一旁大聲傾計 唔明點解呢間餐廳點解會生存到咁多年

美味湯同麵但惡劣環境及服務2018/06/08天后站A出口，整條街也滿佈唔同嘅食店，係店門外見貼滿唔同嘅報紙訪問，店來內好似人流暢旺，見訪中特別👏推介紅燒牛肉麵，於是入左去坐低。一進店內冇職員帶位，我自己係二人枱坐低，但店員特地叫我轉位走到餐廳最入，全店唯一一張冇椅背嘅位置到坐😧，對坐嘅先生本來已將椅子用背包佔據，都特地抱著大袋小袋咁讓坐。店內環境如同大排檔😐，店舖窄小，只有一人可行嘅通道，桌子係收摺式😕，店內像在舉行私人聚會有四，五枱客人走黎走去自我介紹。坐下後餐牌都未睇就逼我點餐😬，等了咗幾分鐘就上菜，算是係值得欣賞。紅燒牛肉麵，可能因安排坐位及要抱著大袋小袋而產生咗偏頗嘅印象，我覺得啲肉好柴皮👎，但嘅麵同湯都唔錯，彈牙可口，粗幼剛好，湯底係幾好飲，肉味濃厚👍，但食完野令人好想快嘅走😖，坐得好唔舒服，服務又唔係特別好仲要收我加一😠，下次唔會行入去 ，我覺得門外嘅報章只係廣告😤。

啱啱去左呢間餐廳諗住食下臺灣野，入到去見吾多人，有四張二人位，一張留位，一張圓椅. 女侍應原先指我去入邊嘅二人位，先後立刻指住比較細張嘅二人圓椅位話"你坐呢度"...我見餐廳又無咩人咪問坐裡面得吾得，點知個女侍應諗都吾諗就話"吾得", 如果佢有禮貌少少我都照坐，跟住我話吾洗啦，佢就話"咁由佢啦88" =_= 我咁大個仔第一次因為侍應嘅服務態度而吾坐低食野. 今時今日咁嘅服務態度點做生意

行完維園去到有幾檯等緊，等左大概15分鐘就話入得，但坐底左佢先發覺我地差一個未齊人。我話會叫住野先佢話OK，點知轉頭有另一組人到又要踢返我地出去....如果一早講定齊人先入得都冇甘失禮...跟住等齊人再入，點知夾硬將我地3個人同另外一家4口搭埋一張6人檯，個阿媽要抱住個仔食，真係慘...睇得出佢地都好不滿。一直強調冇加單，又有最低消費每人50，驚死你食得耐阻住佢個位。食完碗麵杯飲品都未開始飲，已經又塞左6個人在旁邊將你團團圍住，又拍張單在你檯面，務求盡快將你趕走。成間餐廳基本得一個人落單收錢捧餐，其餘時間零服務都仲好意思收10%服務費。食物係正常台式食物，唔難食亦唔驚喜。杯珍奶份量少得可憐，加埋冰都係4分3滿....D租真係貴成甘? 要做甘多野將利潤最大化? 如佢覺得不理客人感受，只做新客就夠的話，祝佢好運啦~

Day off 同朋友打完波，一支公行下行下覺得肚餓，見到有間台灣嘢食就諗住入去食返餐，只係見到裏面爆曬棚一個位都冇，咁樣冇辦法就唯有外賣，返去阿媽屋企嗰度食，順便探阿媽。我買咗台式滷肉飯，呢個台式滷肉飯好細碗，我意思係真係細碗得好緊要，而我估計應該係中學女生食佐都應該唔會飽，碗飯連半隻鹵蛋，鹵蛋冇乜色水，一啲都唔入味，根本就好似冇味一樣，又奇奇怪怪有啲日本蘿蔔同埋薑咁樣，嗰啲滷肉味道好一般，食起上嚟唔算難食但就唔好味，嗰啲牛肉未夠淋未夠鬆化，實在太一般，味道唔好食就算喇，仲要細細碗，只能比ok。

本身無account食完忍唔住開account黎鬧佢同上面其他人既經歷差唔多5個人行完工展會求其搵間野食唔係好肚餓想叫三個餐一齊share個女待應即刻話：「你地叫三個餐霸六個人位」態度極差已經想走最後求其叫左五樣野全部都伏到....由其係個牛肉卷係一堆好油既皮包住舊肥牛難食到一個點野食又難食又串等執啦

Ordered the beef soup noodles. Really average and the portion is small for both beef and noodles (the bowl is only half-full). Have to share the table with another group and only spent less than 15 mins there. Have to pay service charge ($64 in total)when there’s no service at all and will not come back

原本去完工展會同奶奶老公去食風尚，未去之前我講左一大堆我之前食幾好幾好點知今次就聖誕節唔開心上次食風尚好欣赏，點知今次去，坐都無坐底三人去食飯，唔比四人枱，然後搬枱，仲要特登拆散人，分開坐！你是要個八十歲的分開坐？定系要人地两公婆分開坐呢？之後我老公話分開坐就唔食了，個侍應仲話，系人都坐一張櫈咖啦。。。上次系傷心之時去的，今次就去完傷心以后食飯唔好再去約朋友唔去同家人唔好除非你系老闆，你錢多趕客唔休做。。。否則你都闆請到你，等執粒

難得來天后吃一頓晚餐，最後選錯了餐廳。。一入店內，地方環境不太好，坐下便看看餐牌點菜，雖然種類款式較多，但最後先點了推介的紅燒牛肉麵及鹽酥鷄肉燥飯一試。當食物上餐時，連食具還未提供，一直在等侍應提供餐具，等了再等。。牛肉麵份量細少，再試鹽酥雞，肉質非常乾、非常硬。。完全不能入口，肉燥非常油，完全不敢吃，最後跟吃白飯無分別，感覺非常差當時向店主反應，但店主反應若無其事，完全沒理會。。，服務態度非常差。。

今日等朋友等到8點45分，好怕銅鑼灣食肆會關門或者last order…咁我行行下，唔覺意經過左維園去到天后。雖然我唔太熟果頭既食肆，但橫掂夜少少約左人喺大坑食雪糕、咁就喺天后搵間餐廳啦。打開手機search 兩search, 風尚台灣小吃個名就出現左，我都幾確定係我想食既野。我order左散叫menu上既三樣野：手拍青瓜、台式煎蛋餅同滷蛋。手拍青瓜切得唔均一、有圓切有直切有橫切….都唔同口感都係好事黎既。開頭睇d色水就好似好淺、以為唔夠味。點知唔洗驚，味道適中唔會太重醋味，加點麻油味道更佳！滷蛋就有少少過咸，上面有大量蔥蒜同醬汁。其實本身滷蛋就已經好夠味，而且隻醬汁只係得個咸字，唔落好過落。台式煎蛋餅就最抵讚啦，首先夠多件，之後層次好豐富，蛋餅卷亦唔會易散開。最好笑係呢個卷又係配滷蛋果種醬，但好明顯台式煎蛋餅同呢隻醬配合d…因為本身蛋餅唔太濃味，呢隻醬可以令口味更甘香，但亦唔可以點太多，否則會搶味。另外我朋友叫左一碗台式牛肉飯，價錢好合理，佢足足食左成個鐘都未食完。佢話食到好飽好飽，但係我叫佢走佢死都唔肯，係都要食多幾啖先、證明碗飯有幾好食。

工展會做完野，搵野食，兩個人，同事做埋手尾，我承認我地坐得耐，六點靚入座，八點鐘被逼埋單。我明既，天后租金貴，食完同事仲未搞掂，個侍應阿叔已叫收碟，唔緊要，跟住如是者過左十靚分鐘，侍應阿叔突然就放低張單，原來后面有人等，真係火都嚟，d野已經超咸，十分難食，都唔緊要，但係乜服務態度，你大方d同我講出面好多人，介唔介意埋埋張單讓張枱，我識做，但唔係擺張單係張枱度咁無禮貌羅，真係失禮哂台灣人既侍客之道。