風尚台灣小吃 (已結業)

超難食餐廳！！！！老細一係冇試菜，一係冇味蕾叫左2個主食，1個雞扒麪，1個豬排肉燥飯，後者加左15蚊要套餐。主食，1麪1飯，有一個共享評價，超級咸。＜豬排肉燥飯肉份量夠，飯量夠，豬排極咸，炸乾曬，肉燥合格不過唔個做咩加香菜落去。＜雞扒麪，餐單無講炸，炸雞扒上ok的，但炸到乾，重要好L咸係咩事，麪偏少，麪湯底難食到無法形容，每口感覺都係熱水加麻油，邊個教你落麻油=麪湯底＜飯好食過麪，麪唔知自己食緊咩感覺，好好好難食炸野完全有理由相信番炸15蚊套餐有貢丸湯加野飲一杯野飲叫左凍水蜜桃綠茶，不評價，因為預左甜，加上天氣熱，野食難食，好難食，所以正評野飲貢丸湯，1粒貢丸ok的，低級來貨貢丸都ok的，但個湯又係水加麻油，加兩條香菜就係湯咩，油到不能入口，係不可能入口，極差野食講完，環境1。有陣佛香油味，好濃，全程冇停過，簡單而言，影響食慾。2。地下極極極極痴腳，屎啦屎啦聲同野進食感覺一樣3。冇人食，放曬留坐係4人枱，自我安慰咩＜＜＜第3點用黎笑下全部野135蚊，同區計大家差唔多，所以唔好食呢間，好難食。。。極難食。。。

看完早場，路過風尚台灣小吃，中伏。今天71，應該會有遊行。未試過，所以無所謂入店試試台灣食品，今天冇套餐，但單點完全吾點。炸鹽酥雞肉燥飯$56丶招牌炒新竹米粉$62、咸死冇蚵仔冇蛋香味的蚵仔煎$56；鹽酥雞大件而實，基本上所有菜式都是＂咸＂字一個。椰香奶茶冇椰香味、奶香咖啡冇咖啡味，食點完全撤底失望😞令人失望的一間小店，早知去附近的＂台灣郎＂，絕對肯定好味過這間港式台灣小吃，吾會是旦再來幫襯小店。

2019年6月9號，香港發咩事你懂的，所以週街都唔係太多餐廳有開門🤫難得搵到呢間台灣野有開門，仲要唔多人，即刻衝入去🏃🏻‍♂️！叫左「鹽酥雞翼🐔」同「蚵仔煎🍳」，雞翼就比我想像中咸左d😅，不過真係好香口，而且足料，一碟有7隻雞翼，性價比嚟講算高👍🏻蚵仔煎就無乜驚喜，主要都係太濃味😅同埋太油見到有幾個食評都話服務態度麻麻地👎🏻，呢點我有一半認同啦，樓面得一個人，要帶客、落單、上菜、執台、收銀，全部都係一腳踢😅

唸住遊行前食飽個肚，點知入左呢間好似唔想做生意食店，叫吐士話冇，叫愛玉又話冇，之後唯有叫沙冰，仲要落左單都唔知有冇同你落，問左你幾次叫咩，只係問左句你有冇幫我落，已經黑面答等等，咁我問如果你冇落單我唔要啦，佢就仲黑多2黑塊面話我落緊單，唔想整亂哂 d 野，咁你問我咁多次做咩？仲要係度單單打打同 其他d 伙記講，落單唔好理人叫你，有 d 客以為自己俾幾十蚊大哂，好似係你自己覺得自己大哂，好啦，忍你食完就走，費時你加料係我 d 野食度，最後一句，你間野 d 野唔知咩黎，百香果沙冰冇百香果味，香腸乾到亞媽都唔認得，d 質素咁，下次再去天后睇怕呢間野都唔會再存在

本身諗住去灣仔食「明星」牛肉麵，但人在天后已經又熱又餓，所以等唔切去灣仔，見到有台灣餐廳就拿拿臨坐低照食啦。紅燒牛肉麵有4至5舊牛肉、半隻滷蛋，牛肉入口都唔算太難咬，但味道超咸！👎🏻👎🏻👎🏻另外叫左小食—椒鹽雞翼，一樣都係味道超咸，食左一隻已經食唔落去👎🏻👎🏻👎🏻仲有台灣小食—蚵仔煎，一貫作風都係超咸，一啲都唔似台灣既味道☹️👎🏻下次一定唔會再食。

今日lunch黎左風尚解決, 哩間餐廳鋪面不大, 一入門口就係水吧, 水吧隔離就放左長方形2人枱, 2人枱與水吧之間只有1個身位行入去4至6人枱, 所以如果坐門口位都應該有少少唔方便。另外環境衛生望落都ok, 只係裝修比較舊, 但唔知點解一入去就聞到陣霉味, 特別係門口行入去個個位, 我估係由個水吧傳出黎既, 哩個位真係要改善下, 因為一入去真係會令人卻步好彩被安排係入面坐, 無咁迫, 一坐低就有人放低menu。正常既午餐價錢, 有珍珠奶茶/泡沫咖啡送但留意係要加一既。揀左麻辣牛肉麵, 湯底ok, 但你如果要食正宗似台灣牛肉麵既就唔洗諗。 牛肉夠腍夠味份量亦足夠, 蛋同麵就一般無乜特別。飲品揀左泡沫咖啡, 係白咖啡既味道, 個泡沫可以無視左佢因為同無係無分別。埋單加埋一62蚊, 哩個價錢食lunch係哩區黎講都好多其他選擇, 不過有興趣可以一試。

今晩一個人行去天后搵食，見到呢間台灣鋪門口好光猛，膽粗粗入咗去。一坐低一個中年男店員放低menu態度算0k親切，話今日返咗炒蜆叫我可以試下，但我蜆麻麻所以無叫。睇咗陣menu, 都好多野想試， 最後叫咗呵仔煎同三杯雞好似幾特式，店員再推介紅燒牛肉麵不過介咗牛肉好耐婉拒咗。呵仔即是蠔仔，份量比較多，入口鬆化唔太油，蛋香亦可以。不過我比較鍾意個三杯雞煲，佢上枱時仲係啫啫聲熱辣辣出哂煙咁，d雞幾滑有大約10件入面有d冬菇同唔知乜野菇，加埋(九層塔？)炒出嚟效果又好鬼香喎，下次帶屋企人過來可以encore!

係附近同小朋友補完集，來到呢間小店食座底問佢地有乜好介紹，店員話牛肉麵，如食得辣可試麻辣牛肉麵都出名喎。仔仔唔食辣所以叫了紅燒，再叫了珍珠奶茶走冰，5分鐘後上菜時間算正常。牛肉麵湯是深色的跟上次去台灣食差不多但好似帶有少少藥材味，我個人覺得有驚喜，湯頭算濃。麵條似上海式拉麵闊身的，幾彈牙但本人喜歡淋少少的麺所以ok啦。至於珍珠則普普通通，返而奶茶香加滑口感不錯。好少寫食評可能寫得不好，但見佢個牛肉湯真係幾得所以推薦下，之後無咁忙會再分享多d其他食店！最後提一提呢間店有收加一，找數八十幾蚊連凍珍珠奶茶算可以接受。

過年前行完花市晚上搵野食，見呢間唔駛排就入左黎。2個人叫左：1. 鹽酥雞肉躁飯，轉餐加左貢丸湯同熱杏仁奶茶2. 紅燒牛肉麵 （menu 註明不含味精）3. 蚵仔煎最正常既係鹽酥雞肉躁飯，不期望係有台灣味，但最少味道正常。貢丸湯有一粒貢丸，個湯十分油，完全唔預人會飲。紅燒牛肉麵終極失望，麵條偏幼身，配白菜一條。個湯完全唔係紅燒牛肉麵應有既湯，比清湯混濁啲但又無味。如果不含味精係咁既味，我情願佢落味精囉....蚵仔煎無左橙色個 Pat 醬，口感較乾，蚵仔份量少，只係圍邊有，中間一粒都無。杏仁奶茶就係杏霜味，預料之中。附近有大把選擇，唔會再黎了。

上星期五同老公黎食午餐。叫了牛肉面同肉燥飯。分量十分小！飯是裝在一格格的碟上，吾知重以為去左監倉定系飛機。而且飯煮糊了所以事實上味道同外貌應該系重差過飛機餐！非常難食。

一家三口好肚餓 ，落車見到最近嘅鋪頭就衝入去食 ，真係好後悔，食完先至發現原來open rice已經有好多差評。叫咗一個牛肉捲， 一生人冇食過咁難食嘅牛肉捲， 皮唔脆， 餡料好少， 只有生菜和牛肉， 仲要生菜出曬水， 搞到成個牛肉捲好冧，唔新鮮。 醬汁唔好食。 係咁肚餓嘅情況之下都覺得難食，就真係好難食。肉燥飯冇特別唔見得出色， 一個咁普通嘅菜式都可以做得咁差，份量少。鹽酥雞， 好油利，唔夠香口。呢間舖頭比較污糟， 地下好滑。全條街最難吃的，影衰條街。價錢性價比差。

去完工展會順便係天后食埋晚餐先返去，見到有間台灣餐廳幾有興趣，點知今舖真係中左伏。小舖坐得逼，不過其實預左，野食ok就得，但伙計態度好似唔想做生意咁，一黎就好寸同我地講唔可以加單，睇好晒先好嗌，同埋叫比幾杯叫左好多次都唔記得，我地之後自己去斟又用d好嚴厲既眼神望住我地。大餅牛肉卷$52份量唔算多，其實就係手抓餅加牛肉，比較油。台南什菜煲$78就係生菜加菇，份量少又非常貴，無乜味。招牌新竹米粉$62份量夠，但好多肥豬肉，我本身麻麻，但個新竹米粉幼細彈牙，幾好食。招牌燒雞炒飯$62係燒雞粒唔係燒雞，好少雞不過個飯炒得乾身，酸酸地辣辣地幾易入口。麻辣牛肉麵$58麵都彈牙，但湯比較鹹。野食麻麻啦，加埋佢d態度就應該唔會再黎。

去完工展會，華姐牛腩冇位！咁就入咗呢一間台灣嘢食！叫咗碗紅燒牛肉麵，啲牛肉又羶又硬，湯又稀，從來都未食過咁難食嘅紅燒牛肉麵！入到去，周圍啲枱都未執，侍應服務態度又差，都唔明點解未執！第一次寫食評，就係因為佢太難食我們還叫了一個蚵仔煎，粉漿多個蛋，啲粉漿仲要未熟，好得人驚！中晒伏！我們二人，吃完後，都有想吐的感覺！

叫咗個雞肉炒飯同三杯雞套餐，三杯雞同炒飯個味道就不錯，但係飯煲得太過濕。一碗飯有兩個口感，有一粒粒同漿仔，炒飯變左濕炒飯。呢樣係最失敗既地方！順帶一提田既係老板待客態度唔錯

一個$78炒飯。沒落鹽有蛋殼已經沒投訴要更換，最好笑問個店員有沒有醬油，她話得老抽，沒問題。遞上來我問系埋甜的她話老抽，一試，x！甜的 ！我話她知甜的哦，她話他們沒老抽 …。食剩一半走人。啃5落。埋單收我加一 …blacklist for ever.