風尚台灣小吃 (已結業)

今日lunch黎左風尚解決, 哩間餐廳鋪面不大, 一入門口就係水吧, 水吧隔離就放左長方形2人枱, 2人枱與水吧之間只有1個身位行入去4至6人枱, 所以如果坐門口位都應該有少少唔方便。另外環境衛生望落都ok, 只係裝修比較舊, 但唔知點解一入去就聞到陣霉味, 特別係門口行入去個個位, 我估係由個水吧傳出黎既, 哩個位真係要改善下, 因為一入去真係會令人卻步好彩被安排係入面坐, 無咁迫, 一坐低就有人放低menu。正常既午餐價錢, 有珍珠奶茶/泡沫咖啡送但留意係要加一既。揀左麻辣牛肉麵, 湯底ok, 但你如果要食正宗似台灣牛肉麵既就唔洗諗。 牛肉夠腍夠味份量亦足夠, 蛋同麵就一般無乜特別。飲品揀左泡沫咖啡, 係白咖啡既味道, 個泡沫可以無視左佢因為同無係無分別。埋單加埋一62蚊, 哩個價錢食lunch係哩區黎講都好多其他選擇, 不過有興趣可以一試。