韓雅林 (已易手) 新餐廳

The BBQ food is really good, high quality traditional Korean food. However, the 年糕 is bad. I hate the sauce which is very sticky (like ketchup)~In fact, the service is not that bad. The staff are very nice and have quick response.

曾經我是這餐廳的忠實fans，但最近相隔了一個月再一次去的時候，真的失望透了。大概七時半入座，因為人客比較多的關係，坐下後並沒有人理會我們，直至朋友揚手叫侍應，才有人給予理會。我們六人點了四款食物，女部長沒有禮貌地說我們點的東西會不足夠，但我們雖說是六個人，但當中有兩位是小朋友，我本人覺得已經很足夠了。上菜的速度很快，食物味道亦保持著一向的水準。可惜不快的事情發於生於我們飽餐後！小朋友因進食得比較慢的關係，大人們都已經食好，而兩位媽媽還忙著餵給小朋友食，但當時女侍應見大人們已經食好就急忙地拾東西，並未有發覺得我們還未完成餐點，還不斷詢問可以上甜品嗎，我們得承認當時門口的確有人客正在等位，但也不應該急忙收拾大客還未食好的餐點吧！還好小朋友已經飽了，我們亦不作追求。當我們正在吃甜品的同時，女部長竟然在我們還未打算結賬時已經擅自給我們結賬了。在剛開業時我已經是捧場客，服務跟食物都很有水準，但可能此店已經開始多人客光顧，所以服務態度已經大不如前了。我想這可能是我最後一次光顧了！

星期五和親愛的同事共晉晚餐曾經想話去漢和/漢陽苑食..因為可以任飲任食ma但見到呢間野ok..而大家又出左糧..豪一豪佢law七點幾去到..可能比較上早.都仲未見到人咁坐低左叫野食..炒年膏,烤肉唔少得la食左唔夠一個鐘.個姐姐就催我地埋單我地都未食完d野..同佢講我地食完就會埋.....佢隔左一陣就無啦啦攝張單過黎....我食左咁多間餐廳...冇一間係你未叫埋單佢就上左張單俾你law即係趕人走la~~~一個鐘都未夠wor~咩事阿?!下次去番漢和/漢陽苑算喇~人地收100蚊又多野食..冇service都okay依間真係...多人d都唔好幫襯

6月20日我約左朋友食呢間野，一行五人全部女仔，約左19：00，首先一位朋友走去拿位先，佢一坐低門口那位著韓服的姐姐已經好唔客氣咁問佢"你d朋友會幾時到？我地晚飯時段食完就要埋單，唔可以坐得太耐！"(當時朋友話門口係無人等位的)我朋友已經"O"左咀！跟住我同兩位朋友大約19:10到，d侍應一見到我地坐低就勁問我地叫唔叫野食！咁好la！我見仲有一位朋友未到，叫定野食都差唔多！我地五個女仔，其中有兩個係勁細食，一個比較大食！so 我地叫左三樣野，燒烤拼盤(有四種肉，豬 牛 雞 羊)，海鮮辣炒年糕，傳統石頭鍋飯！叫完之後個著西裝ge侍應姐姐立刻講 "你地叫左三樣野ja wor！"又"O"咀law！食物都ok好味，個年糕都好好味！但係我地食到差不多後，d侍應已經勁問我地仲有無叫，無的話就上甜品，當時我地在燒烤爐上仲有好多野係未食的，咁我當然話未得住等我地食完先！如是者，佢地問左我地三次。第一次係個著西裝男部長佢好好禮貌，知我地未食完問完就行開！第二次係果個著韓服的姐姐，勁唔客氣咁問我地，我地話未食完佢就黑哂面咁走開！第三次係個著西裝廣東話唔係好正ge女部長，個韓服姐姐走開左唔夠兩分鐘佢又走來問

媽咪至愛,全因它的石頭鍋飯.午餐種類很多,通常點的是石頭鍋飯, 鐵板烤肉( 牛, 豬, 雞),我至愛的刀削麵.三人行先上六小碟, 本人愛芽菜,泡菜不算辣.刀削麵 - 有蜆, 薯仔絲,青瓜絲, 入口清清地,啱我石頭鍋飯 - 一上枱就會問你要唔要辣醬幫你撈埋,辣醬唔辣,有菜同肉絲, 另有海鮮石頭鍋飯鐵板烤肉( 牛, 豬, 雞) - 好似快餐店用嘅鐵板, 已燒好,豬肉較入味食完已經飽十成,仲有雪糕同西瓜,十分滿足.

星期日跟朋友吃飯，大家都不想吃日本菜，so 挑了韓国餐廳Reception小姐身穿韓國服，挺漂亮。叫了前菜六碟：我鍾意薯仔，甜甜的汁，好開胃。1。雪梨生牛肉：很有特色，甜甜的，牛肉吃下去又不会有太生的感覺，很清新的一道菜。2。韓式炒年糕：少辣，但还可以接受，年糕好煙韌，味道好好。份量亦很多。3。泡菜煎餅： 不辣，但不太出色。飲品:生姜tea，不太特别。甜品, 生果幾塊及綠茶雪糕。会再来！

我家一向食莊園那晚想試其他,上來一看這間不錯就來了各方面都不錯,唯一的不滿是份量有點少,以這個價(平均100蚊一碟)說叫的炒年糕也沒有味道(已經+辣)食到阿媽同佢阿妹都麻麻地開心....真有點不好意思

欣賞這裏貼近正宗、無燒烤味、有特色的韓燒。已有2年多沒有幫襯，難得朋友想食韓燒，這裡當然是必選。6個食物焚化爐，吃了:1. 燒牛肋骨 ($140): 牛肉醃得入味又不失牛味, 燒多久都是軟軟的, 肉汁已夠味不用醮醬料，一貫好水準2. 燒牛舌 ($100): 刀功一流，每片同一厚度，隨便在鐡板上放一下，醮少少麻油鹽，質感爽口牛味更濃3. 燒魷魚 ($120): 魷魚爽口，鋪滿了甜甜微辛的醃料，佯飯吃已經半飽4. 泡菜蔥餅: 少少辣，少少酸，味道一般5. 韓式年糕炒牛肉 (少辣): 建議要中辣，少辣味道淡淡的，長條形年糕煙韌，與配料味道很夾6. 韓式炒粉絲: 最愛它的洋蔥，超甜，炒得夠乾身其他:1. 前菜八碟, 與我在韓國吃的相若，泡菜和魚仔最好味2. 紅棗茶: 香濃的紅棗蓉3. 朱古力雪糕4. 服務親切，主動幫手燒同換鐡板、換碟，不斷添茶5. 燒肉類都會跟一個白飯，要白飯在落單時講清楚

勁開心！因為…mua個妝令我禁不住驚嘆咩叫錦上添花~女人錢就係咁俾人賺。>.<"""於是一齊共晉晚餐，其實一直對韓餐可有可無，不算太熱衷，反正去開sogo順路就沒所謂。兩人叫了人蔘雞湯($100)和蠔仔石頭飯($150)前菜共有六款：1.kimchi頗鹹，好味過南山谷嗰d，但因為個人喜好少食韓菜故難於與其他作比較。2.小魚乾ok，只係少鹹，用來佐飯可接受。3.這係將人蔘斷切，味道甘苦，但口感又濕濕咁，不懂予評。4.芽菜仔和豆苗，味道沒咩特別，像一般港人家常便飯餸菜的味道。5.我不懂正式名稱，但似用韭菜撈蛋漿的蛋餅。6.很稔的薯仔，伴上少少甜的汁。人蔘雞湯每人約兩碗，份量與相中一樣。抱歉就是沒影一影原裝燉盅，因為侍應很彈弓手咁極速幫我們bud好分贓~XD每人雞肉份量約半隻雞再一開二，即係整隻雞每人佔四分一份量。雞肉質感鞋，但就連皮煮一齊上枱，所以湯中雞油浮面。(這我亦係很罪疚感的，因為下午的肥牛腩已令我食了不少的白脂肪團，夜晚就飲雞油湯~oh！慶幸我還有quota增肥。)人蔘湯唔算味精重，算係很清，湯底一定比清湯腩的出色兼真正的鮮甜。同埋湯料都算足，睇到有蔘粒、紅棗。蠔仔

很久之前來過, 忘不了那些牛肋骨的味道, 還有生牛肉.前幾天有機會再去(一兩個人去是沒意思的, 因為想食的菜式太多), 牛肋骨保恃水準, 而生牛肉的梨味適中, 不會奪去牛肉的鮮味.今次第一次試牛雜鍋, 鍋內的湯味道太好, 牛雜尚未食完, 湯已被喝光. 若大家接受吃內臟, 這個定要試試. 但點菜時服務員介紹,不吃牛/內臟可試海鮮鍋, 湯底是一樣的.不過價錢不便宜, 所以不能多幫襯, 可惜!!

今次同媽媽一齊黎~~要左個栗子炆牛肋骨同石頭飯~~~栗子雖然得1粒仔~就$6x~如果冇栗子只係$5x~不過炆得好好味~好林~好入味~~仲要多碗飯添呀!!!!!下次要試下個人參雞~~好想快d再去~~甜品有士多啤梨ice-cream~媽媽就要左紅棗茶~唔係沖果d~係煲出黎嫁~連媽媽都讚~~哈哈哈~~~真係好好~一定會再黎~

天氣仍凍, 老公提議食韓式火鍋, 之前已試過這裡的食物, 覺得不錯, 六點九都有位!本來我選擇較為清淡的牛筋紹菜湯同石頭飯, 但老公想再熱, 揀個香辣牛什鍋(要求小辣), $260, 先來六小碟(二人六碟, 八人八碟) - 泡菜, 豆芽菠菜, 乾魚仔...做得唔太出色! 然後有個較高級的女侍應遞來一碟類似甜品的賀年糕品(我們吃完鍋後品嚐, 極難食, 兩隻餃子是豆沙餡, 皮厚, 冰冷, 另一件見老公夾了少少吃已出現怪樣...掂都無掂)! 再說回火鍋...黎到時未滾開...約十分鐘後...侍應幫我們調低至中火, 火鍋內有牛腸(乾淨), 肚(蜂巢), 腩(齋瘦, 但腍)...面頭浮起少少...但愈食愈多...都食唔哂, 三隻餃子...菜多...我覺得好好食, 韓國年糕好煙韌, 附有一碟韓式烏冬也一樣好吃, 其他什菜還有紹菜, 茼蒿, 雞骴菇, 金菇, 洋蔥...湯底微辣, 最後也吃不完! 甜品要了碎朱古力雪糕(老公認為不錯), 紅棗茶, 極甜, 水果是西瓜(唔甜) 及蜜瓜(好甜), 整頓飯侍應不斷添上熱茶, 爐火也不斷留意著及調整, 依我觀察, 上至經理, 下至普通侍應做的工作也是一樣, 非

食左燒牛肋骨, 成$300架! 我覺得佢特登將d醬整甜d, d人咪鐘意食囉! 其實真係唔值呢個錢!有d "un" 添!無下次了!

星期六呢頭真係旺場, 係樓下打晒蛇餅先上到來, 因遲到關係朋友已一早在座前菜- 十碟, 魚仔, 泡菜最好味牛肉拼盤- 唔係好分到邊隻打邊隻, 肉質幾滑鹽燒牛肋骨- 牛味重, 肉好嫩滑多汁牛舌- 點附上既鹽來食幾鹹香石頭飯- 侍應忙到放底就走無幫手撈勻, 唔緊要就自己黎, 撈開好多飯焦, 不過個味都幾淡, 加埋辣醬食個味會好D辣海鮮豆腐鍋- 魚, 蝦, 蟹, 蜆等, 材料都幾豐富, 味道鹹鹹鮮鮮咁幾唔錯人參雞湯- 朋友嫌個湯太油同淡, 但試飲左幾啖我反而覺得清得來滲有參同雞鮮味, 我反而幾欣賞, 侍應用剪刀剪開雞分來食, 見到湯中有糯米既野, 畢來食...好味, 糯米吸晒湯中既精華, 朋友唔食就走寶真露- 朋友嫌太甜, 不過食韓燒真露真係唔少得紅棗菜- 飯後送既, 熱辣辣, 紅棗味好濃好香侍應忙到團團轉, 不過每次落單都好快手, 無漏單, 又有笑容, 新開張時食過服務已經唔錯, 到依家依然保持到真係抵贊

the service in this restaurant is very good.....always keep smile on their facethe food is good..the rock rice is perfect...even we leave it for a long time, it still hot...but a little bit expensive