影片
更多
2008-06-23
38 瀏覽
6月20日我約左朋友食呢間野，一行五人全部女仔，約左19：00，首先一位朋友走去拿位先，佢一坐低門口那位著韓服的姐姐已經好唔客氣咁問佢"你d朋友會幾時到？我地晚飯時段食完就要埋單，唔可以坐得太耐！"(當時朋友話門口係無人等位的)我朋友已經"O"左咀！跟住我同兩位朋友大約19:10到，d侍應一見到我地坐低就勁問我地叫唔叫野食！咁好la！我見仲有一位朋友未到，叫定野食都差唔多！我地五個女仔，其中有兩個係勁細食，一個比較大食！so 我地叫左三樣野，燒烤拼盤(有四種肉，豬 牛 雞 羊)，海鮮辣炒年糕，傳統石頭鍋飯！叫完之後個著西裝ge侍應姐姐立刻講 "你地叫左三樣野ja wor！"又"O"咀law！食物都ok好味，個年糕都好好味！但係我地食到差不多後，d侍應已經勁問我地仲有無叫，無的話就上甜品，當時我地在燒烤爐上仲有好多野係未食的，咁我當然話未得住等我地食完先！如是者，佢地問左我地三次。第一次係個著西裝男部長佢好好禮貌，知我地未食完問完就行開！第二次係果個著韓服的姐姐，勁唔客氣咁問我地，我地話未食完佢就黑哂面咁走開！第三次係個著西裝廣東話唔係好正ge女部長，個韓服姐姐走開左唔夠兩分鐘佢又走來問
6月20日我約左朋友食呢間野，一行五人全部女仔，
約左19：00，首先一位朋友走去拿位先，佢一坐低門口那位著韓服的姐姐已經好唔客氣咁問佢"你d朋友會幾時到？我地晚飯時段食完就要埋單，唔可以坐得太耐！"(當時朋友話門口係無人等位的)我朋友已經"O"左咀！
跟住我同兩位朋友大約19:10到，d侍應一見到我地坐低就勁問我地叫唔叫野食！
咁好la！我見仲有一位朋友未到，叫定野食都差唔多！
我地五個女仔，其中有兩個係勁細食，一個比較大食！
so 我地叫左三樣野，燒烤拼盤(有四種肉，豬 牛 雞 羊)，海鮮辣炒年糕，傳統石頭鍋飯！
叫完之後個著西裝ge侍應姐姐立刻講 "你地叫左三樣野ja wor！"
又"O"咀law！
食物都ok好味，個年糕都好好味！
但係我地食到差不多後，d侍應已經勁問我地仲有無叫，無的話就上甜品，當時我地在燒烤爐上仲有好多野係未食的，咁我當然話未得住等我地食完先！
如是者，佢地問左我地三次。
第一次係個著西裝男部長佢好好禮貌，知我地未食完問完就行開！
第二次係果個著韓服的姐姐，勁唔客氣咁問我地，我地話未食完佢就黑哂面咁走開！
第三次係個著西裝廣東話唔係好正ge女部長，個韓服姐姐走開左唔夠兩分鐘佢又走來問，當時我地真係仲有野未食完！
到四次我地食完話可以上甜品，個女部長就黑哂面咁收枱面d野！
到甜品上果時，我地五個今次真係 "O"哂，隨甜品送上的係賬單law，我地都未叫埋單佢已經幫我埋左！
之前d難聽說話and黑面我地都算數，佢硬要我埋單就真係忍唔到！
我立刻同個女部長講話
"我無叫埋單！"
女部長立刻大條道理話佢地坐低已經講過食完唔可以再坐...........(講左勁多野，仲要勁唔好禮貌！
我："我野都未食完做咩要埋單ar！"(我個甜品"朱古力雪糕"正在溶化中.......)
佢又勁話要埋單先！
好！算！我俾錢！但我以後都唔會再來食！
平心而論，佢食物質素的確好ok，好好味！
但係佢咁差ge服務，真係好過份，你出面有人等都唔應該趕客，我地都係有俾錢的，and then最後我地五個女仔除左"一肚氣"之外都食得好飽，三樣食物已經好足夠！
我地埋單都差不多六佰元，都唔係便宜！
咁ge價錢俾咁差ge服務，真係唔得！
張貼