韓舍 (已結業)

好久沒吃韓國燒烤, 這次讓朋友發辦選餐廳, 選著的竟是自助韓燒, 想著已有很久沒去吃過自助餐, 而且朋友大讚這家韓燒選擇多. 7點上門外, 排隊的已有數人, 幸好一早有訂座. 環境跟以前常吃的便宜韓燒自助餐相比, 燈光光猛, 環境整潔許多, 座位則一式一樣, 2人以至6人也是坐一樣的枱. 這裡電烤爐的上方已有小型的吸油煙機, 雖然走時難免一身油煙味, 但不致燒時煙霧瀰漫.晚市燒烤連加一大約$200, 價格不貴, 合理. 飲品的收費也合理, 但場地是免費任吃, 點飲品的人相對不多. 第一轉先吃些冷盤前菜, 種類繁多, 除沙律菜, 壽司等常見之物, 亦有一個小專櫃放了刺身, 每次限取8件. 三文魚頗新鮮. 沙律菜的配搭不算少, 菜亦新鮮爽脆.吃過不少前菜後, 熱盤的選擇亦不少, 其中的風沙雞棒不錯, 添了2轉. 冷盤及前菜均吃了差不多的份量, 正準備吃燒肉, 沾醬的款式繁多. 雞豬牛羊等必備肉類一應俱全, 難得的是蔬菜種類不少, 正合我不太喜歡全晚吃肉的習慣. 雞脾菇, 翠玉瓜, 紫洋蔥, 三色椒等, 用來燒烤特別合適. 甜品區設有綿花糖機, 也看到在場不少的女仕拿著綿花糖在吃, 綽頭不錯

旺角創興成橦都系野食 今次選左韓舍 上到去好多人等緊 我地二個人 話等一個中先有拎完飛 唯有落去行街 再上來食一入到去 即刻拎野食!!Sushi有好多選擇 size 細細舊 可以食多幾款仲有凍魚生飯 小食 推介枝豆!!食左好多仲有魚生區 每次可以拎八片!!我淨系食三文魚 師傅都切得好厚 都系新鮮的!甜品又系勁多款 西式日式都有花多眼亂啊😻個度仲有熟食區 推介麻辣派對同水蟹粥 好滋味日式焗蠔都系超正 encore左幾次超多芝士醬我自制小丸子 加左好多八爪魚 好滿足^_^炸物方面 芝心香芋圓好好味呢度多肉類 但我反而無乜點燒 朋友燒得好開心我食左雞亦同豬艾覺得好的系個花茶 系俾我任加玫瑰花玩左炒雪糕 但失敗收場呢度refill食物速度快 食物質素ok!唯一敗筆系個中央抽煙系統 系入面有煙 抽風改善下就perfect

與友人放工相後相約在旺角逛街，由於友人心情欠佳大口就捨命陪女子到韓舍食放題…我地book咗入到去8:45前入座($188)，環境算是寬敞，有卡位坐。韓舍以「酒店式自助餐」做賣點，食物類型當然有基本熱湯，西中式熱食，炸物小食、刺身沙律、當然還有主食各類韓式燒肉等等(先介紹主食) 刺身，壽司海鮮肉類種類豐富，按喜好自己選擇份量 ，有齊牛，豬，雞款任君選擇! 旁邊更有多款醬汁供大家自取 (當然有大口最愛燒肉汁) 蔬菜類，魚區 翠肉瓜好新鮮不斷狂點；另外，菠蘿亦都好鮮甜多汁。後半part更為精彩，大量DIY小食甜品等緊我地!自製章魚小丸子DIY炒年糕炒雪糕棉花糖機 嘗試多次後，終於成功!!!!!!! 爆谷機我跟友人都忍不住好似小朋友一樣係咁自已整好好玩~ 但當然志在參與吧，如不，肚子那有位置吃更多美食? 是次放題主打除了介紹DIY小食，緊隨此後當然來到甜品環節綠茶pancake綠茶糯米糍焦糖燉蛋與葡撻酒品方面，韓舍更設有自隊區，讓一眾酒鬼享受微醺之樂。唔飲酒嘅大家可以選擇其他飲品如乳酸，汽水、好立克等等~ 韓舍食物種類多，質素合格有餘，物有所值。二百大元飲飽吃醉，友人甚為滿意，彷彿怒氣全消，韓

DIY甜品好好玩呀😆咁嘅韓燒自助餐 港🐷都係第一次食☺️同埋lunch去食都幾抵😋----------燒烤方面 都有成廿款可以揀 但港🐷覺得其他食物款式仲多😂基本肉類同蔬菜都有 港🐷推介大家試下韓式辣雞 味道唔錯嫁😗-如果揀免燒烤 價錢仲平☺️ 可以食其他食物 例如炸物、湯同壽司 但魚生就要晚市先供應😢-另外最最最特別嘅莫過於有得整DIY甜品🤓 包括棉花糖 格仔餅 雪條 微波爐cupcake 連雪糕 都可以自己唧😆雖然食物款式唔算太多 但都叫做係有得食又有得玩😆-午市由11am-3:30pm 價錢方面1️⃣ 午市免燒烤放題平日：小童/學生:$40 成人:$50假日：小童:$48 成人:$68*學生需穿校服2️⃣ 午市燒烤放題平日：小童:$58 成人:$108假日：小童:$68 成人:$118**燒烤冇學生價嫁(另收加一)

睇openrice見到韓舍韓燒的評價唔錯，所以就book 左8:00 PM 去食，估唔到星期三晚去到都人山人海，仲要因為之前的 booking 遲左到，結果延遲到8:45 PM先入坐。好彩係等的時候外面有棉花糖機，可以邊玩邊食邊等。因為等得太餓，一入到去先攞馬上有得食的，壽司同刺身款式唔多，質素都係一般，但都算正正常常。炸物 都係麻麻地，反而熟食唔錯，可能太遲入坐，其中的蟹粥其實只係白粥。除此以外，其他食物都補充得好快，唔會怕攞唔到。終於到主菜韓燒啦~都係正常款式，不過個爐火力唔算大，都要等一陣子先食得，同埋要主動Ｄ叫人換鐵板。係等的時候當然要玩下章魚丸機同炒雪糕機，不過整得好食係唔容易的，但玩完有得食都係好過癮。最後甜品同飲品都有好多款式，總有一款啱口味。同埋而家 openrice 有個2月生日之星免費，所以都平過預期。整體而言，咁既價錢食到咁多款式同質素都唔錯的食物都算合理，最重要係都有不少可以玩到。

一個星期前，walk in等左個半鐘都冇枱，心諗係咪真係咁好食，立心要book枱食一次，一星期後一行7人去食，比左張行到最入嘅靠窗卡位我地。食物總類係多過其他韓燒餐廳，但好多係熟食。燒嘅肉就同其他餐廳差唔多，都係嗰幾款咁啦。但我地行一次出去攞食物要行好遠，食物碟又細，卡位入面嘅人又出唔到去拎，好唔方便。另外成間野抽風好差。一入到去，成間舖都好大煙，我地個爐個抽風直頭係冇嘅一樣，朋友比煙攻到眼淚水都出埋。全間舖啲侍應嘅態度都勁串勁差。換完燒烤板侍應幫我地較到個爐火最細，塊板10分鐘都唔熱，同侍應反映，就話個火開得太大會好多煙；另一個侍應就話個火開最細梗係唔熱。同侍應反映抽唔到煙，佢隊隻手埋黎話抽得好好，但跟本我地有眼睇，啲煙跟本抽唔到入去。限時兩小時，換左五塊爐板實際可能只係食左一個鐘，其餘時間都行左去攞食物，等爐板熱，等食物熟。連叫你夠鐘走人嘅態度都差過人。第一次寫食評，差到我忍唔住要寫第一次食評。

一行4人見綱上介紹好味唸住試下啦，真係唔駛$都唔會再去！自助韓燒午餐$108/1位2小時任食：燒烤食物款小、味道普通、食後喉龍及口極乾（要飲番4-5杯水先好D）熟食都係好差亦冇乜款：炸薯條，炸魚骨，蒸點心，馬拉糕，藥膳雞腳....等食物都放到凍哂汽水機內汽水提了職員很多次沒有了但到最後都沒有加過最離譜經過雪櫃放蛋糕的地方時，本想夾來食物，突然見入面一個男職員用冇帶手套既手撥開件蛋糕再將令一件放入口食呢間店衛生極之有問題，一定唔會再食

與舊同事聚舊，在旺角上樓現在有很多餐廳。其中一間又有刺身，又有燒烤的，都幾抵食。有三文魚，希靈魚，鯛魚，馬刀貝⋯⋯如果沒有特別要求，他們會每樣切三兩片，但我看見有人有要求的他們會切大大舊的三文魚。最少叫了兩round。 有無限添加的清酒助慶，會開心D的。前菜豆腐及日式沙律 天婦羅蕃薯，茄子，及瓜，那梅花是用麵條炸的，很美觀。 主菜燒烤有很多肉㨂，是不同部份及不同味道的。有咖喱，蜜糖，燒汁，各式其式。 串燒冬菇，菠蘿是我們最喜歡的！墨魚，牛仔骨，牛肉粒，牛扒。 甜品是這裡我最喜歡的，很splendid的存貨選擇甜品桌：有兩個大雪櫃的mini cakes及啫喱杯。 童年回憶之遊樂場棉花糖，Sweet Sweet 愉快的自助餐，每人約200，沒有人催我們。不錯！

見啲食評好似ok咁就諗住試下啦，點知中伏。一入去勁大陣油煙味，令到隻眼好唔舒服。肉類非常麻麻，無乜味，好腍。雞翼都ok啦，腌料味。最好食係多春魚，實無死。壽司刺身果啲更加唔好有期待，唔新鮮熟食方面就...唉都唔知講咩好啦，要幾難食有幾難食甜品就一般般， 燉蛋可以嘅，豆腐花陣味非常奇怪。如果去嘅話都係食瓜瓜菜菜好啦，啲菇都幾juicy嘅。呢舊野一啲都抽唔到油煙味道古怪嘅三文魚湯唔好食嘅甜品難食嘅豆腐花

早已聽聞韓舍以「酒店式自助餐」做賣點, 價錢相比酒店為平, 今晚收工就同成班同事相約去左呢間試試, 我地食最後一round 21:30。一打開門, 店外已經坐滿人等位, 估計是walkin客人, 幸好我地有預早book位, 所以輪候入座既時間都比較短, 可以依時21:30入座~ 店內位與位之間都幾寬敞, 而且更有卡位, 坐得幾舒服, 不過抽煙方面比較差, 座位入少少既area有如仙景般夢幻…話明「酒店式自助餐」, 野食當然自己出去拎啦, 好處既係唔怕漏單情況出現~ 一坐低, 急不及待出去睇有咩食先, 款式又真係幾多, 雖然話呢度係”韓”舍, 原來黎到發現除左韓燒款式多之外, 就連其他熟食、刺身、甜品款式都多羅羅….而最與別不同既一定係一連串既 “玩味”野食, 假如自己唔識整既話, 旁邊仲有個list一步步教你點整ga!1) 自製棉花糖 – 出面絕少可以自己整棉花糖, 難得呢度有得整, 當然要大顯身手!2) 自己支軟雪糕 – 軟雪糕非常之滑!! 淡淡奶味, 正!3) 炒雪糕 – 宜家最hits既炒雪糕, 出面炒雪糕都要around $40左右, 呢度有得自己任整, 又可以親自落手, 親身

情人節！今晚收工同老公食晚餐，老公book 左創興廣場9樓的韓舍，佢話呢間係酒店式的自助餐，我一定喜歡💑今晚雖然book 左位，可能因為情人節比較多人，所以也要等一等才安排入座。燒烤食品應有盡有，款式多，尤其肉類醃得好入味😋熟食的菜式有很多，中日韓西式都有！多種新鮮刺身！有專人為您服務，由下午5點至11點供應，每次只可取8片，不用爭食又衛生👍自製棉花糖，睇下邊個卷得最大😜又有自製章魚小丸子，考下你功夫啦！食物種類多不勝數，様樣都想食，但一次根本食吾到甘多款，下次一定會再來！

來過都有四五次，呢間店空間大，如果四人坐卡位其實都好寬敞。店內環境衛生。食物方面，生食熟食甜品飲品選擇繁多，總有一兩樣啱。魚生類雖然一次份量少，但即叫即切能確保新鮮。燒烤用生肉調味幾好，入味又ok新鮮。熟食類有炒飯，熟肉呀，種類多選擇，每樣都keep到温唔會暖暖地咁，炒飯又足料。值得推介係人參雞湯，好入味唔似飲緊雪藏雞，好好味。冷飲由氣水機任fill，唔會唔夠凍。食完鹹野食飯後甜品，有個甜品櫃自己攞，有啫喱同mousse，蛋糕你揀。仲有個雪糕櫃喺門口自己筆，食完鹹野食雪糕勁正。店員上菜時間適中，唯獨生意好等得耐😂

今日好開心服務令後約左孖寶出黎食生日開年飯~!細孖就提議去呢間開心下~試新野,我們當然好舉腳贊成LA!約左7點半,餐廳門口勁多人~訂左位仍要等一陣~5分鐘左右,有位服務員帶我們入坐,餐廳的枱位好大,間格相當擠迫,由於走廊好窄,客人行來行去出出入入,故我們需一邊行一邊左右閃避,終於行去到我們的坐位,大大的枱櫈,坐上去好濶落我們坐下打點,服務員替我們開爐添醬油,孖寶就出去夾食物,..回來一看,拿的並沒我預期的份量,他們說因為路程遙遠,取食物的碟子小小的,不同的菜式又不方便放埋一齊,所以一次只能取小量食物,交換位置,他們在燒,而我便出去看看,沿路小小的走廊,踴有著不同的服務員和客人,濟迫得很~有的在排隊領食物,有的3,5一團在研究夾那些食物,有的在排隊裝飲品,更妙的是有的地自裝棉花粉及燒墨魚丸…每個等候區之間機乎沒有可行人的空間..好不容易走到拿食物區. 生和熟的食物區分開放得很整齊,鮮貨區內各人都排隊拿食物,牛豬鷄羊海鮮,生果及蔬菜都有,由於是沒有名牌,所以不容易分得出他們, 除生果及蔬菜可以講話鮮味之外,其餘的牛豬鷄羊海鮮都有好多師傅坐陣,食過後要不斷飲水都難以解渴,吃了燒牛仔粒,西冷牛

31/1同學食飯，環境衛生及坐位舒適，待應態度還好。但食物款式少，爐不夠熱，細。同行有三位男士，不搶東西食，係食吾飽的。較多日式食物，例如壽司，冷面～甜點也多，但主食選擇量少。與一般的曰式放題相比價錢相約，但選舉少

食過幾間韓燒，今次最開心，開心有幾點，一，價錢大眾化，二，食品唔錯，三，食品多完化，第四，有心！先講價錢，每位最多都係二百蚊，依家食材貴，二百蚊一位算係咁囉。第二就係食品，好多時食韓燒，都有熱食冷盤小食等等提供，好多時哩類食品都係不值一提，但哩間韓舍，d熱食都好好味，三文魚生好大件，以為d熱食豬助骨肉質好"鞋"口，點知都好有肉汁！我一直睇重哩d細位，因為通常哩d熱食冷盤食品，d餐廳都處理得好差，但哩間韓舍連d咁普通嘅食品都咁好味，其他主打食品更加唔洗多講！老實講，我食佢熱食冷盤小食多過燒烤食品，而燒烤食品都好豐富，份量都足夠，唔洗同人搶食品！第三係食品多完化，居然連自制棉花糖都有(我見到有人唔識整棉花糖，后生一輩幾可係街邊見到有人賣？我老人家，好彩細個果時見過！哈哈...)又有炒雪糕，人地餐廳得汽水，佢連沙冰都有，重可以自制夾餅！所以唔洗食韓燒，食其他都夠飽！最後，睇佢食品咁多完化，飲汽水又有冰粒提供，燒烤又有鉸剪提供咁細心(唔係間間韓燒提供鉸剪)，以上條件，已經睇得出哩間餐廳落左好多心思。當然，我風格點都要寫下缺點，缺點係.... 相信哩間餐廳真係好正，所以要等位！所以最好打電話上去