影片
更多
2017-02-19
5357 瀏覽
早已聽聞韓舍以「酒店式自助餐」做賣點, 價錢相比酒店為平, 今晚收工就同成班同事相約去左呢間試試, 我地食最後一round 21:30。一打開門, 店外已經坐滿人等位, 估計是walkin客人, 幸好我地有預早book位, 所以輪候入座既時間都比較短, 可以依時21:30入座~ 店內位與位之間都幾寬敞, 而且更有卡位, 坐得幾舒服, 不過抽煙方面比較差, 座位入少少既area有如仙景般夢幻…話明「酒店式自助餐」, 野食當然自己出去拎啦, 好處既係唔怕漏單情況出現~ 一坐低, 急不及待出去睇有咩食先, 款式又真係幾多, 雖然話呢度係”韓”舍, 原來黎到發現除左韓燒款式多之外, 就連其他熟食、刺身、甜品款式都多羅羅….而最與別不同既一定係一連串既 “玩味”野食, 假如自己唔識整既話, 旁邊仲有個list一步步教你點整ga!1) 自製棉花糖 – 出面絕少可以自己整棉花糖, 難得呢度有得整, 當然要大顯身手!2) 自己支軟雪糕 – 軟雪糕非常之滑!! 淡淡奶味, 正!3) 炒雪糕 – 宜家最hits既炒雪糕, 出面炒雪糕都要around $40左右, 呢度有得自己任整, 又可以親自落手, 親身
一打開門, 店外已經坐滿人等位, 估計是walkin客人, 幸好我地有預早book位, 所以輪候入座既時間都比較短, 可以依時21:30入座~ 店內位與位之間都幾寬敞, 而且更有卡位, 坐得幾舒服, 不過抽煙方面比較差, 座位入少少既area有如仙景般夢幻…
話明「酒店式自助餐」, 野食當然自己出去拎啦, 好處既係唔怕漏單情況出現~ 一坐低, 急不及待出去睇有咩食先, 款式又真係幾多, 雖然話呢度係”韓”舍, 原來黎到發現除左韓燒款式多之外, 就連其他熟食、刺身、甜品款式都多羅羅….
而最與別不同既一定係一連串既 “玩味”野食, 假如自己唔識整既話, 旁邊仲有個list一步步教你點整ga!1) 自製棉花糖 – 出面絕少可以自己整棉花糖, 難得呢度有得整, 當然要大顯身手!
2) 自己支軟雪糕 – 軟雪糕非常之滑!! 淡淡奶味, 正!
3) 炒雪糕 – 宜家最hits既炒雪糕, 出面炒雪糕都要around $40左右, 呢度有得自己任整, 又可以親自落手, 親身體驗過中樂趣~ 結果自己整係失敗!
4) 自製夾餅 (呢個冇玩)5) 自製小丸子 – 平時街頭小食食得多, 呢度除左自己可以控制材料份量, 過程中更增添唔少樂趣!
6) 炒韓式年糕
至於刺身方便, 就由店員負責分配, 每人每次輪只限8片! 但因為每檯客人都唔同時間入座, 所以唔會出現一窩蜂沖哂去同一個位,出現排長龍情況出現~刺身每次都會有冰粒, 而刺身都切得幾有厚度, 每款刺身亦很新鮮
另一邊更有幾款壽司選擇, 壽司整齊排列, 我就試左和牛壽司, 入口壽司唔會因為擺放時間長而乾身, 而且壽司細細舊, 可以試多幾款
至於燒物方面, 可以因應個人喜好夾自己想要既份量埋位慢慢燒, 質素都唔輸蝕, 款式多, 醃得都幾入味
而我就比較中意食龍利柳、牛肉同埋雞腎
飲品都係自己係汽水機斟, 除左汽水,仲有蜜糖, 同清酒都係任斟我就唔飲清酒, 斟左D蜜糖飲下潤下喉, 不過個人覺得甜左少少
最後當然要食甜品啦, 推介一定要食豆腐花, 真係好好好滑, 入口即溶既感覺!!
以呢個價錢, 有呢個質素同咁多款式揀, 有得食, 又有得動手整, 真係抵~!
張貼
