韓舍 (已結業)

自從韓流襲港 韓國服裝、音樂同食物呢股韓風就吹過不停 自己本身都好中意食韓燒 但想搵有特色既韓燒餐廳並唔容易 朋友話韓舍既聲譽唔錯 所以我地就特登星期日去試下韓舍食物既種類好多 佢分開左生既食物同熟食 而生既食物 再細分左蔬菜水果類、魚類同肉類 上面係各種瓜類🥒、車厘茄🍅、菇、豆、青椒、洋蔥、粟米🌽同埋菠蘿🍍肉類種類繁多 有香腸、梅頭肉、原味雞翼、辣味雞翼、雞翼尖、牛排、牛柳粒、雞腎、金沙骨、五花腩等等 簡直係食肉獸既天堂除左熱既熟食例如三文魚湯、炒辣雞等等 仲有熟食冷盆 佢有大量既蝦同埋青口 中意海鮮既人一定好興奮😍我地一開始就狂燒五花肉同芝士腸 五花肉超好味 同韓國燒肉好相似 都係個皮會燒到脆卜卜 不過呢種五花肉薄啲🥓餐廳仲提供韓國燒肉必備既材料 分別係新鮮生菜、海帶、韓國泡菜、醃蘿蔔同埋大蒜粒 燒過既五花肉包埋呢啲調味料 味道非常好好似平時韓燒咁 我地將燒好既五花肉放喺生菜上面 再加韓國泡菜同埋醬汁 一啖食佢落肚 感覺好滿足☺️食左一陣覺得好口渴 我地出去睇下有咩飲品好飲 估唔到有咁多種類！有茶水、日本清酒、巨峰提子汁、橙汁、多款汽水同埋阿華田 我同朋友都想飲健康啲既阿華田😛 阿華

第一次黎韓舍食 因為睇到網上食評唔錯嘅關係 所以好期待 我地一行四人 訂左7點鐘 可能係平日嘅關係得好小人 食物好充足 對食有種執著既我對於呢度既生肉類唔係好滿意 無乜味 熟食就一般般平時其他餐廳都食到既野黎 賣相平平無奇 之後係壽司刺生 三個字 唔新鮮 三文魚同吞拿魚好「鞋」 同埋佢地服務態度好差 問佢拎多幾件都唔俾 要人行多次 壽司都係好普通 唔好食最後係食甜品水果 亦係唯一令我滿意既地方 因為甜品種類實在多到好誇張 味道亦都唔錯 其中我最鐘意食佢地嘅果凍杯 差唔多有十幾種味任拎黎食 其他蛋糕款式亦都唔錯最後食左一個鐘多D就走了 因為真係無乜野好食

星期日去同家人興祝生日去到門口望入去~就有種比較似西式自助餐既感覺~因為會望到好多甜品，當日雖然book左8點，但都因為人比較多，要排左陣~但都唔算好耐~雖然佢係一間有燒肉放題既餐廳，但入到去竟然一d都唔煙，抽煙設備做得好好，坐低左之後緊係第一時間去睇下有咩食啦~行一轉就發現佢有好多款式既野食，除左有生既燒肉料，刺身，甜品，熟食，飲品之外，除左食仲有得玩，佢有得自製棉花糖，炒雪糕，仲有章魚丸！真係又有得食又有得玩！推介：燒豬扒真係掂一d都唔會實登登

劣評食物，午市燒烤放題🤦🏼‍♀️🤦🏼‍♀️炸物凍既😥炸既野成塊皮又凍又林，個人覺得係隔左夜既。大佬你隔夜林晒都算啦，加熱下啦，當食客係清道夫？熱既野入得下口得蟹粥同埋麻辣炒個個魚蛋雞豬扒雜鍋🤦🏼‍♀️燒烤肉類少，得雞雞雞豬，韌到唔知係咪牛既牛柳粒，而且醃既味唔好食，唔知邊拎貨。雪糕又唔知咩牌子，似溝左水翻雪咁淡。唔知食過咩🤢但係裝修唔錯，四人檯闊坐得好舒服，想hea下吹水唔係點食，可以兩點鐘$118黎坐下。

今日約朋友到旺角食韓燒，起初都不想去，因怕食太多肉，但朋友極力推薦，不防試下。一到達門口就見到個男子好有笑容仲好有禮地歡迎你。店員有禮貌地帶你入坐，放低嘢後就立即看看有什麼嘢食，先到燒烤食物區，約有18款食物任你燒，我特別喜歡佢地嘅雞翼、辣味適中,雞肉嫩滑，牛仔粒入口即溶、咖哩雞扒好味。特別係燒菠蘿，夠甜，好味。大家一定要試試。生文魚和象拔蚌是不可小的，厚厚生文魚，新鮮有口感，象拔蚌爽口鮮甜。直得一讚是用冰塊做低，能保持魚生嘅新鮮。辣味雞腿和辣魚蛋，都係必試嘅食物。由其辣魚蛋，不是一般咖喱魚旦，而是係用勁多辣椒來煮熟的。1粒已足夠。辣味雞就有泡菜味。感覺特別，嘢味嫩滑。湯係三文魚頭湯，湯有鮮味，如果再熱D就仲好飲。跟著食甜品，種類繁多，我就試左果凍，晶瑩剔透，味道不太甜，凍餅色彩繽紛，有士多啤梨味，菠蘿味,Tiramisu,軟綿綿入口溶化，燉奶嫩滑，椰汁糕桂花糕都好味，甜度適中。仲有豆腐花，雪糕，綠茶糯米糍....都不能盡綠。另外仲有小玩意，你可以自己整小丸子、錦花糖、夾餅。我就同朋友一齊去整小丸子，原來都考功夫，但自己整，點樣都覺得好食D.我又試玩左整錦花糖，我落左小小糖，原來得小小

韓舍可以話係第一代嘅放題，記得係八年前已經係元朗食過，估唔到連旺角都有韓舍嘅分店。男朋友今日放假，所以一齊去旺角行街街然後食餐好既！一向食自助式晚餐都鍾意食最早嗰一場，所以我哋五點半就黎到，唔使等位之餘又可以坐卡位。燒烤熟食自助吧我哋可以揀自己鍾意食嘅肉同埋蔬菜返去慢慢燒，呢度嘅蔬菜通常都會串起一串串，方便我哋串！我同男朋友都係食肉獸，所以揀既大多數都係肉類。豬頸肉可以話係燒烤類的入邊最好味嘅，我哋都食咗好多。三文魚刺身---超肥美！呢度嘅刺身有好多選擇全部都係即叫即切，但係每人每次只可以叫八片。我同男朋友都係專注喺燒嘢食，所以淨係叫咗三文魚。牛柳粒 & 冷盤蝦呢個牛柳粒同冷盤蝦喺熟食區入邊可以話係最好食，牛柳粒好入味而冷盤蝦同喺酒店度食自助餐嘅質素差唔多。甜品甜品選擇有好多，但係我同男朋友食肉食得太多啦，所以淨係叫咗個雞蛋布甸食。個雞蛋布甸真係用雞蛋殼裝住，好特別！而且味道不錯喔！食完呢餐之後我終於明白點解韓舍可以開咗咁多年都唔會執笠。因為真係平、靚、正！

最近係旺角行街，見到韓舍推出左優惠價韓燒$158/位。真係好低！😋餐廳環境很寬闊，座位面積也很大，具足夠有空間感。入到餐廳，差不多各式各樣的食物都有齊。食物包括: 各種肉類，豬，牛，雞，羊也有，甜品，海鮮，刺身，壽司，炸物。。。。燒菠蘿是十分推介，大大件又多汁，令人很開胃。刺身就要排隊拎了，每次只得少少，可以要拎多幾次先夠食。壽司種類也很多，廚師會定時添加，確保壽司分量充足和新鮮。甜品方面，真係各式各樣甜品都有，芝士蛋糕，豆腐花，棉花糖都有！😋😋真係好低食，可以一餐滿足哂。

旺角創興層層唔係日式放題就係韓燒，是日星期日，就梗係同朋友去shopping加食好野啦。韓舍係旺角同元朗都有分店，今次已經係第三次黎啦，鍾意呢到既原因係因為好抵食，又韓燒又日本野又有熟食又有勁多甜品，都只係200蚊左右，最重要既係，有得玩呀，好似整章魚燒呀，炒雪榚呀，棉花糖咁。吧檯旁有各式各樣既刺身同壽司供應，我地每樣都要左少少，刺身切得都算厚，食落好新鮮清甜。小食同冷盤方面螺肉，沙律，海鮮，各款醬，開胃小食，醃青瓜等。而每張檯都會提供泡菜同埋生菜俾你地既，泡菜方面個人認為辣左少少，生菜方面多左少少，我地都好少用佢黎包住D肉食。熟食方面，除左有咖喱，炒菜，炆肉同龍脷柳之外，仲有唔少炸物，食落仲係熱辣辣同脆架，完全唔似翻炸。除此之外，最值得食同影相既當然係自製既炒年榚同埋章魚燒啦，個人認為真係玩多過食呀。炒年榚都算易整，但係章魚燒真係攪左好耐都整得唔靚，所以都無影相放上黎獻醜啦。燒物方面，選擇都好多，都有十幾款，由豬雞牛到腸仔不等，任君選擇，全部都醃得好入味。燒雞翼方面皮脆肉嫩，味道濃郁。蔬菜方面既選擇都好多，最值得推介既係燒粟米同矮瓜。食完呢D之後，就黎到食甜品既環節啦，呢到既甜品選擇

看到個名，以為只是一般的韓燒燒烤，故不到，入到去，比食物的種類，多到你意思不到，琳琅滿目、目不暇給，中西美食，韓日燒烤、刺身，連平時在中式油樓，才食到的豬腳薑都有，真是要分幾次去食，先可以食得晒，既有得食，又可以自己動手做炒雪榚、章魚小丸子、棉花糖、爆谷等。雪榚都有好幾種，香滑可口，又夠結實。爆谷多甜味，香口脆卜卜。燒烤的食物種類很多，牛扒、豬扒、雞亦、腸仔、雞腎、牛仔粒、真是數唔晒！我至愛我牛扒，好入味，燒得香口、有少許焦味、肉汁多、入口溶化，啖啖肉。魚身刺生，三文魚，魚油分佈平均，入口即溶。希靈魚，新鮮爽口鮮甜。螺肉大大粒，爽彈有嚼口。亦有多款炸的食物，松果薯丸、麥樂雞，炸得卜卜脆，外脆內軟，薯泥嫩滑。凱薩沙拉，沙律菜，新鮮甜美，自由配搭，有數款醬汁可選擇，隨個人喜愛。甜點，看到都流口水，都唔知食得邊樣？

約朋友食飯，真係好頭痛，都唔知要食咩好，行過旺角街頭，或商業大厦門口，總有人，站在招手入內找食。朋友進入大厦內，一望，比她看中左食放題，鐘意食咩都可以，仲系唔止韓燒咁簡單，中西韓日美食，一個地方就可以解決我地各人的喜愛！有二小時，可以慢食，超方便！餐廳地方夠大，坐落很舒服，卡位可以坐四人至六人，都好寬闊，整體上，整齊、舒適、清潔。韓燒肉類，多不勝數，豬、牛、羊、雞、腸仔、任選擇，未燒，已嗅到香味。仲有大量蔬菜可燒。薄切豬扒、入味香口、嫩滑多汁、一點都唔韌。菠蘿鮮甜多汁。水煮魚，想不到，都可以在這裡可以食到水煮魚，魚塊用上龍脷魚柳，啖啖肉，用上大量香菜、牙菜、辣椒，喜歡食辣、一定鐘意。芝士焗蠔，蠔夠大隻，芝士夠濃味，蠔肉夠厚身，有口感，入口香濃鮮味，即溶化。這裡，還有兒時食品，綿花糖，自己搞幾大都得，食得好開心！

中午約了朋友在旺角見面，當然要一齊食個午餐吹吹水，朋友話想食韓燒自助餐，不如就「韓舍」壹佰元左右，不用想太多反正大家也沒有試過。韓舍位置方便，坐位舒適寬敞，原來學生哥們那麼平，怪不得那麼多人光顧😆韓舍食物種類繁多，燒肉類，蔬菜，菇，多春魚……… 而熟食也有很多點心，湯，餃子，薯格，沙律，壽司，泡菜連軟雪糕也有🤗✌🏻️多春魚 - 條條肥美而且十分多春，每咬一口也在口中有爆破的感覺雞翼 - 雞翼大大隻而且很新鮮有肉汁，很細心一開二容易熟👍🏻菇和南瓜 - 南瓜香甜，菇菇爽脆金沙骨 - 肉質嫩滑豬味濃郁總括來說，咁個價錢有咁多選擇真的算不錯！

呢間餐廳服務唔錯，室外有足夠位置俾客人等位，建議最好預早book左位先，尤其係假日都真係幾多人。黎食韓燒，當然第一時間睇下有D咩肉好食啦，呢間餐廳嘅食物款式都比較多，各種各樣嘅肉類同蔬菜類都有，我覺得牛柳粒味道唔錯，調味得宜又唔甘羶澀腥，而且燒完之後入口味道濃郁又唔太煙韌，值得一試。另外，食得辣嘅朋友要試一試韓式辣雞，係用韓式辣醬調朱，入口豐厚味濃，不妨試一試。除左肉類，呢間餐廳仲有不同款式嘅煎炸食物，我覺得金黄色嘅"炸薯"都唔錯，外脆內軟，入口啖啖軟綿綿嘅薯蓉，味道唔太油膩。食到最後，當然要試下自制爆谷、棉花糖同日式小丸子啦，呢間餐廳除左食物多款式外，仲提供左好多平時嘅小食俾客人自己製作，食材用料配套完善十足，又好食又好玩。

今日同班舊同學聚會，我book左晚上8:00，我地大約7:40到，都係等左一陣就入得，一入到到見到個場好大煙抽油煙機起唔到作用，空氣唔流通超焗，地下超油，都算，可惜個爐唔夠熱，食物種類都算多，熟食部份炸同辣居多，唔多咁小朋友，魚生唔夠新鮮，壽司都係，甜品都多款，甜品就ok啦，但個炒雪糕板就唔敢試，d人搞到好似血案咁，唔敢玩，個小丸機同年糕機幾好玩，不過d人玩到塊板燶曬，不過整體黎講呢個價錢就ok啦，服務員就夠錢一定過黎催你埋單同收枱，態度就真係麻麻

同朋友一齊食韓燒係好開心的事。今次食呢間韓舍，環境寬敞，食桌比較大，能放好多食物。服務友善，工作效率快，好快幫我地轉韓燒個盤。今次令我最深刻係三文魚濃湯。充滿香濃三文魚香味，味道鮮甜，不太感覺魚腥味，雖然沒有魚肉，但魚肉濃郁，值得一飲。還有蟹子豆腐，焗蠔等，即食類。味道不錯。豆腐香滑，焗蠔芝味充足。到燒烤，雞翼經過去骨，快速燒熟之餘仲方便食👍。雞肉嫩滑，鴨肉牛肉豬肉，肉質良好，肉質通透。之後到甜品，有個馬卡龍綠茶撻，麻糬，雞蛋布丁。雞蛋布丁口感不錯，令人食上癮，馬卡隆甜不膩。有下次😁仲有自制炒年糕同小丸子。製作簡單，旁邊有說明，唔錯，幾好玩。

今晚約左朋友食晚飯，剛好中午同事講開旺角創興廣場九樓「韓舍」，原來好多同事都食過，好！今晚就決定一試。食後感覺係：果真無介紹錯食得開心玩得過癮韓式燒烤以酒店式為設計認真夠心思，令我置身高級與舒服的感覺。燒烤物、數拾款熟食及甜品樣樣齊，令我感到今晚必大飽口福刺身區七款刺身用料毫不吝嗇，這個陣容我食過咁多次韓燒還是第一次遇上，馬刀貝爽口彈牙，象拔蚌鮮甜，厚切三文魚肉質鮮美相當有口感燒烤爐上的全是我的至愛，雞翼、豬扒及牛扒非常入味，燒菠蘿清甜多汁韓式抄年糕、炸薯仔丸、水煮魚、煎蛋餅及蔴醬雞絲粉皮通通都給我 OK 了！美食當前減肥還是明天再講吧！這味士多啤梨骨單看顏色鮮豔足以令人食指大動，味道酸酸甜甜好開胃。椰汁牛柳片拼法包賣相吸晴，肉質軟腍，而且肉味仲很濃。甜品款式太多這裡只是少部份，還有自製棉花糖、炒雪糕、窩夫及中式糖水簡直係甜點魅力所在。特別介紹炸香蕉及炸芋圓丸子，香甜煙韌軟軟滑滑好食到停不了自己動手炮製章魚小丸子，好玩、好食、好有趣座位空間寬闊舒適最後感覺，相當抵食！