影片
更多
2017-03-12
359 瀏覽
旺角創興層層唔係日式放題就係韓燒，是日星期日，就梗係同朋友去shopping加食好野啦。韓舍係旺角同元朗都有分店，今次已經係第三次黎啦，鍾意呢到既原因係因為好抵食，又韓燒又日本野又有熟食又有勁多甜品，都只係200蚊左右，最重要既係，有得玩呀，好似整章魚燒呀，炒雪榚呀，棉花糖咁。吧檯旁有各式各樣既刺身同壽司供應，我地每樣都要左少少，刺身切得都算厚，食落好新鮮清甜。小食同冷盤方面螺肉，沙律，海鮮，各款醬，開胃小食，醃青瓜等。而每張檯都會提供泡菜同埋生菜俾你地既，泡菜方面個人認為辣左少少，生菜方面多左少少，我地都好少用佢黎包住D肉食。熟食方面，除左有咖喱，炒菜，炆肉同龍脷柳之外，仲有唔少炸物，食落仲係熱辣辣同脆架，完全唔似翻炸。除此之外，最值得食同影相既當然係自製既炒年榚同埋章魚燒啦，個人認為真係玩多過食呀。炒年榚都算易整，但係章魚燒真係攪左好耐都整得唔靚，所以都無影相放上黎獻醜啦。燒物方面，選擇都好多，都有十幾款，由豬雞牛到腸仔不等，任君選擇，全部都醃得好入味。燒雞翼方面皮脆肉嫩，味道濃郁。蔬菜方面既選擇都好多，最值得推介既係燒粟米同矮瓜。食完呢D之後，就黎到食甜品既環節啦，呢到既甜品選擇
韓舍係旺角同元朗都有分店，今次已經係第三次黎啦，鍾意呢到既原因係因為好抵食，又韓燒又日本野又有熟食又有勁多甜品，都只係200蚊左右，最重要既係，有得玩呀，好似整章魚燒呀，炒雪榚呀，棉花糖咁。
吧檯旁有各式各樣既刺身同壽司供應，我地每樣都要左少少，刺身切得都算厚，食落好新鮮清甜。
小食同冷盤方面螺肉，沙律，海鮮，各款醬，開胃小食，醃青瓜等。而每張檯都會提供泡菜同埋生菜俾你地既，泡菜方面個人認為辣左少少，生菜方面多左少少，我地都好少用佢黎包住D肉食。
熟食方面，除左有咖喱，炒菜，炆肉同龍脷柳之外，仲有唔少炸物，食落仲係熱辣辣同脆架，完全唔似翻炸。除此之外，最值得食同影相既當然係自製既炒年榚同埋章魚燒啦，個人認為真係玩多過食呀。炒年榚都算易整，但係章魚燒真係攪左好耐都整得唔靚，所以都無影相放上黎獻醜啦。
燒物方面，選擇都好多，都有十幾款，由豬雞牛到腸仔不等，任君選擇，全部都醃得好入味。燒雞翼方面皮脆肉嫩，味道濃郁。
蔬菜方面既選擇都好多，最值得推介既係燒粟米同矮瓜。
食完呢D之後，就黎到食甜品既環節啦，呢到既甜品選擇真係好多，足足有幾十款，分分鐘多過D酒店級自助餐呀。最值得一讚既係樣樣到切到細細件，咁樣我就可以每樣都試少少。最值得玩既係棉花糖幾同埋炒雪榚，因為唔係間間韓燒都有。又食又玩，食到飽到上心口，每人都係200蚊到，都算抵食。
張貼
