韓舍 (已結業)

秋天天氣到 ，同朋友去咗旺角韓舍食燒烤放题， 那間餐廳 地方寬敞闊落 ，座位 是大張的長卡位 ， 可以 有足夠空間 擺放 雜物 ，非常舒適 ，方便。侍應服務態度非常專業，而且很 有禮 貌，很快地招呼我們入座。餐廳內供應很多即食美食， 有多款壽司 選擇，精美糕點 ， 芝麻糊 糖水，中式 生炒骨 ，豬腳雞蛋薑醋 ，也有韓式 紫菜飯 ，還有其他炸物 ，美食等等， 包羅萬有， 選擇 非常豐富 ，認真超值 的消費。雞翼醃味 水準不錯 ，牛扒 薄切 燒兩下便可食得， 扇貝大隻 好味 也有芝士腸提供 。食完燒烤已經感覺 好飽， 但還有很多食物未嘗試 ， 可惜 肚子沒有足夠空間再容得下其他食物。 唯有下次再來 一享其他美食。

怱怱處理了公事, 星期六下午走在旺角街頭處處也人頭湧湧, 想找個靜靜的落腳也不易,  朋友建議不如去韓燒放題, 中午時份可能反而較易有位; 朋友果然神機妙算, 中午的韓舍人不算太多, 一到步即有位, 相比起之前晚上來過的時侯, 舒服得多了, 人少少, 影相也自在不少已不知是第幾次來韓舍, 都是因為食物選擇多, 而且食材也幾新鮮, 除了韓燒的各種肉類, 它也有壽司及熱薰的選擇 (今天居然見到有蟹弼及藥膳雞腳, 差不多每枱客都見到有取) , 讓不是食肉獸的我可以多幾個選擇;  當然甜品也是自己的目標, 而且喜歡這裡飲品選擇額多, 除了汽水還有乳酪汁酸梅湯, 還有咖啡, 正中吃完韓燒容易口渴的需要; 今天來到還見到有自製朱古力蛋糕的玩意, 另外還有一部自助棉花糖機,  見有不少食客走去自製蛋糕, 下次也不妨一試

如果你對任食韓燒的印象還停留在漢X苑年代就大錯特錯， 因為旺角的韓舍絕對會有大驚喜，好玩又好食的韓燒放題， 而且價錢十分親民，只需$198就可以享受酒店般的buffet！ 由於晚市比較多人，建議提早預約，避免摸門釘。 餐廳內不會覺得緊迫，位置舒適，卡位十分寬闊。 職員已經細心鋪上牛油紙，方便大家燒肉。 一見到滿滿的食物，妹妹已經講「嘩～好豐富的放題」， 從刺身、壽司、冷麵、沙律、小食、熱盤、炸物到甜品， 種類完全超級多，完全應有盡有，睇到都心花怒放！ 最重要是質素「超班」，刺身十分新鮮，而且切得大大件， 有咬感及口感，完全媲美平時日本餐廳的質素。 個人認為三文魚夠肥美，充滿魚油香味，值得encore。 而熱盤方面都是十分齊全，從韓國人蔘雞到韓國炒年糕， 味道方面同樣令人滿意，年糕煙韌有口感，而辣汁正宗令人食過翻尋味。 除了韓國主食，即炸天婦羅也是必試單品，全部炸得黃金香脆， 再沾上醬汁，味道一流，十分滋味。 至於燒烤方面，種類也是十分多，照顧不同人士的需要。 有豬肉、牛肉、羊肉、雞肉、雞翼、魷魚、秋刀魚等等， 選擇真是花多眼亂，可以滿足不同人士口味。

放假天，行完街好攰想搵個地方坐低食嘢，朋友提議不如去韓舍，又平又多嘢食！我地去到己經係晚上7點，入到電梯已經見到佢張價錢海報，但準時去到依然爆場。餐廳有俾心思去佈置，將食物放置在中央長廊兩側，幾有條理，坐邊都見到野食，而且每盆都附上名牌，另有獨立夾子。水吧左側就係 DIY 小食，主要三款自製機（1）炒年糕（2）章魚小丸子（3）天婦羅。每款機旁邊都有個牌清楚說明做法，可自己試下整。睇得出燒板有被定時換洗，都算乾淨。至於天婦羅機就放係另一邊，可能無吔人知，較少人去。入門轉右就係沙律吧，算叫做精簡，都係基本野，如沙律菜、蕃茄仔、雜果、粟米等，但蔬菜都新鮮爽脆，生果亦鮮甜爽口。至於冷盤海鮮，初頭搵左好耐都唔見，後黎先發現唔係壽司刺身部，而放左係熟食個邊（唔明佢點解會咁放？？），Anyway，海鮮有青口、凍蝦，算鮮甜。日式炸物有唔少：三文魚骨腩、咖哩角、芝士火腿多士、焗生蠔、炸薯粒、餃子煎蛋，仲有自己即製天婦羅熟食熱熏有約十幾盆，都係熱辣新鮮出爐，由於會不定時換款，我出過去幾 Round 就見過：人蔘雞湯、韓式肥牛、韓式燒雞、水煮魚、咕嚕肉、紫菜飯、沙薑雞腳......韓燒食物幾齊，應有盡有，芝

係旺角，有唔少中日韓放題燒烤，可以話梗有一間係左近。之前去創興食過樓下幾層的餐廳，都有聽過９樓的韓舍呢間平靚正，尋晚朋友介紹，一行五條友終於去左試下。餐廳幾寬敞開揚，座位充裕，且全是靠窗卡位，坐得舒適，亦倍感光猛，即使坐6人都得。食物的選擇遠比一般的韓式餐廳豐富，單是沙律吧除了沙律外，還有自助撈冷麵（可以撈蛋絲同蟹柳絲），仲有胡麻醬及千島醬選擇。沙律吧隔離就係壽司部，都係即場製造，有三文魚、卷物、玉子、腐皮等，會不定時轉款，不過作為食肉獸這部份就SKIP了壽司部再向右行就係刺身海鮮，有三文魚、希靈頓魚、象拔蚌、冰山貝、八爪魚等。個人試了三文魚同冰山貝都幾新鮮。熟食吧那邊可以即製天婦羅，見人整好既外型幾精緻，有5-6款。作為韓式餐廳當然有蔘雞湯，一眼望落，每盆湯落左大半隻雞，人參味幾甘甜。另外還有韓式紫菜飯，泡菜豬軟骨，及其他一些熟食，當中餃子煎蛋，整法都幾特別，OK Good。韓醬飯焗蠔，表面先鋪層芝士，蠔肉比較細粒，蠔肉下面有炒飯底。蟹粥，落足曬料，好似仲有蟹子，粥底唔知有無加豆皮粉，食落幾香綿。西檸雞柳，外層惹味，入面雞柳仲有Ｄ酸甜味。韓燒食物應有盡有。牛柳粒，牛排，唔知係肉質好定

與久違了的朋友聚舊，當然要去吃一餐好的，一間合適的餐廳很重要，能夠舒適的坐下邊吃美食邊談笑確是美事。今晚朋友選擇了旺角的韓舍，地點就腳非常。這裡的放題種類選擇多，刺身有五款左右，即叫即切尚算新鮮。熟食也有七八種，適合等不及慢慢燒烤食物的朋友。燒物種類也多，豬牛雞羊樣樣有，有辣有不辣。我個人比較喜歡豬腩肉，貪其油香滿溢，以及鮮牛肉片，將燒肉放在生菜之中，加一點調味及一小片蒜片，然後一口吃下，那種滿足真的不得了。飲料方面有汽水及各種熱飲，最驚喜的莫過於任飲的清酒，好友+燒物+清酒 絕對是不敗的配搭。這裡的小食甜品吧也是另一重點，種類繁多之外也非常特色，有自助的章魚燒機、班戟機、雪條機及綿花糖機，既好食又好玩，喜歡 DIY 的朋友實不容錯過。

呢排食嘢食得悶悶地，諗起好耐冇食燒肉呢一類型嘅野，想過下口癮，相約朋友黎呢到吃午餐放題。環境夠大，座位亦都非常寬闊，空間感同私密度幾高。電梯一出去就會見到餐廳嘅入口，一望入去就係甜品放題部，非常吸引。沿着甜品部一路直行係熟食地帶，粥粉麵飯麥樂雞薯格等樣樣區齊;再行前d ，燒肉種類多，全部放晒喺餐廳最後嘅角落，唔同類型嘅燒肉都有唔同類型嘅醬汁，令人興奮。攞嘢食開餐：雖然係放題但係質素亦不錯，燒肉肉質鮮甜，熟食中嘅鳳爪更係非常入味。一路食一路見着身邊嘅中學生，突然感到非常之青春，是快樂嘅一頓飯。

去完先知！食品一般但服務態度良好，7:45入席二小時就要埋單，選左個打边爐加韓燒一齊真錯誤千祈唔好，應該剩係要韓燒便足夠，飲品方面尚可但係個熱水機成日水浸沒人清理，想飲熱茶小心燙傷熟食物不夠熱，生食物又唔夠時間燒，價格錢尚可但空氣混濁！不會再去

星期六選擇中午吃放題，吃完還有足夠時間消化。價錢相對來說，是比較大聚化。燒烤是我最推薦的，除了環境乾淨，抽風系統很好，還要可以自由調節溫度。建議大家中火燒烤，因為大火很容易烤乾，中火除了可以確保熟透又可保留肉汁。牛舌肉質嫩滑，味道濃郁，這個是必點之選。雞翅，牛粒，洋蔥也是入味而肉質新鮮。菇最好有灑水於菇面上燒烤，否則難熟及易乾，配上洋蔥，搭得很。甜品每樣嘗一件，質素不錯，但易飽。炸物保持脆口及溫熱。吃過一round後當然就以燒烤肉為主了。

放假天，又陪男人出去信和睇佢最愛嘅電子遊戲，行完完全諗唔到食咩好，淨係覺得好攰，想搵個地方坐低慢慢食嘢，男人提議不如去返上次食韓燒嗰間韓舍度食啦，又平又多嘢食，一於就咁決定！韓舍有一個好處，就係地方夠大座位夠多，黎咁多次雖然次次都爆場，但係暫時都未需要我哋等位過熟食區選擇仍舊好多，有人蔘雞湯，紫菜飯，韓式燒雞等等等等，等緊啲燒肉熟嘅時候，就係靠佢哋幫我頂肚，味道唔錯而且款式應有盡有仲有青口，凍蝦。蝦肉仲爽口彈牙，完全係水準之上另外一邊熱食區有莎翁，多士，焗生蠔，薄餅等等等等燒肉乾淨企理，而且好欣賞呢度嘅燒肉10分新鮮同埋味道好夠日式區除咗刺身之外，仲有小食同壽司飲品除咗各款汽水之外，比較特別嘅仲有檸檬清酒，乳酪汁同酸梅湯添DIY佢除咗章魚小丸子之外，新添加嘅仲有炒年糕添，見到好多小朋友玩得好開心食到超級飽最後畢埋個雙球雪糕，呢餐飯真係超圓滿啊！

朋友推介到旺角的一間韓舍燒烤料理吃放題。我們一行三人被安排入坐後，有一種舒適的感覺，因那裡坐位寬敞。 那裡的食物是酒店式自取任食，烤爐放有牛油紙，很是特別，把食物排放好在牛油紙上，很是美觀。果然，美食很快便熟起來，羊排，牛排，雞件，章魚等因是早已醃製，特別入味多汁，所以熱起來都十分之惹味，肉質彈牙，新鮮。除了燒烤，還有很多即食的，計有刺身，壽司，鮮蝦，青口，班腩，雞件等，樣樣都很吸引，畏口都為之大開。特別要贊的是蟹粥，青甜可口，我都連吃了兩碗。甜品也很精美，細細件，讓人可以多取些不同的款式，樣樣都十分之回味。飲品方面都算齊備。我們都吃得很 飽足。

又有同事要走啦！真係估唔到十月都仲要 farewell 唔通好似以前走啲同事咁講: 此地不宜久留? OMG 唔好諗咁多，平平哋食返餐放題就當係 causal exit interview 。選擇旺角當然係因為地點方便，＄200多啲價錢經濟實惠今晚主力就係食燒肉，坐卡位，旁邊就係自助式肉食區，自由選擇，任拎任食，當然唔好浪費食物啦！豬牛羊雞應有盡有，我還是喜歡小牛排旁邊仲放有韓式泡菜蛋同埋芝士粟米粒。爐子上面加張紙就唔怕癡底啦！Anytime 都可以叫店員幫手轉紙。食肉之外仲有唔少蔬菜可以揀，balance 健康啲。但就一定要有耐性慢慢燒如果有小朋友，章魚小丸子有得食有得玩一邊燒肉一邊仲有現成嘅熟食，芝士焗蠔同埋pizza味道唔錯！日式方便就有刺身同埋壽司，三文魚蟹棒⋯⋯鰻魚壽司今晚食得好滿足。最後係甜品吧，dessert 賣相都唔差，chocolate mousse cake 拍得住Cafe質素

我同屋企人旺角行完街，9點半左右，見韓舍無咩人所以試試，就中伏了！首先 取壽司款式小，飯又乾又有小蚊滋飛下飛下唔知點解可以放出來比客食！再去拎熟食完全係凍又乾名牌寫水煮魚睇落係食物殘渣又無人清潔又無人加食物，睇見都唔想食燒烤款式又小，但見台面有餐牌所以叫左樣試下，味道無咩特別又貴食左半小時，張紙完全黑晒，唔出聲完全無人換紙甜品 燉蛋味道還可以，但布甸味道有d藥水味之前我唔寫食評，但食完真係唔想有其他人中伏！睇下負評先決定去唔去！我就一定無下次，會廣傳比親朋好友聽！食物做得好差，有咩優惠都無用，做飲食業基本廚德都無仲話酒店級水準，笑大人個口咩！

以加一價錢不到200元的2小時宵夜韓燒。進場感覺不是只做韓燒，燒肉類蔬菜不多，但是其他食物很多選擇！有自助式（格仔餅，小丸子（粉漿太結，不討好　），爆谷）熟食小食（味道不太接受，款式少），較多甜品選擇！

好耐、好耐⋯⋯好耐未食過咁垃圾的餐廳。1）肉類燒烤食物完部都好咸，魚類、魷魚都係梅撻撻😰😰2）熟食無一樣好食，放得耐已凍晒！3）刺身尚可4）甜品不敢恭維5）最大問題係個燒烤爐，電爐都算，火喉弱都算，佢仲要加多張牛油紙起上面，燒勁耐都未熟，較大啲，張紙又會燶，跟住啲食物好易外表燶左，都唔緊要，最慘係裡面係唔熟囉！唉⋯⋯唔怪之得到晚上7、8點都無咩人食，原來係個伏！本人好耐未試過中咁大既伏！奉勸大家三思！！！