韓膳宮 (已結業)

餐廳位於威達商業大廈，由旺角站行去都係十分鐘，附近係好出名嘅大排檔，所以之前都有嚟過呢棟大廈，但估唔到開咗一間新嘅韓燒，仲要好平同埋好抵，入面好寬敞。👻👻喺晚市有兩種套餐，分別係精選韓燒放題，同埋頂級韓燒放題 $148。 我哋就叫咗頂級放題 $188🤩🤩🤩 個分別係頂級係包埋刺身 例如三文魚 吞拿魚 墨魚，同埋海鮮例如蠔 蝦，除左基本肉類 好似腸仔 雞翼 五花肉 仲有啲貴價啲嘅肉，例如牛舌 牛肋骨。😋😋😋另外值得推薦嘅係呢度好多韓式嘅小菜，一上嚟就會畀你，此外，韓式嘅煱物同埋煎餅都好食。餐廳環境方面，餐廳座位好大有分左右兩邊，所以唔使擔心冇位坐🙈🙈🙈總括嚟講我覺得呢度啲嘢食ok，而且價錢真係好抵。🤩🤩🤩

旺角不嬲都好多嘢食，不過通常都係啲咖啡店，呢排朋友推薦，先知道原來開咗間新嘅韓式燒肉店，仲係放題黎嘅，價錢唔算貴，如果係午市嚟食，仲要88蚊就搞得掂🤤🤤可惜我呢次預約咗晚市，所以冇咗呢個優惠，但係佢晚市套餐都好平，升級有一套餐都係188蚊就得。🥰🥰升級嘅套餐加咗多咗刺身，同埋貴價肉，仲有和牛添。所以我哋一致決定簡頂級套餐。刺身算係新鮮，而且分量都幾多，我哋都叫咗幾盤三文魚嚟食。 另外我幾鍾意佢哋嘅小食，我哋叫咗個韓式海鮮鍋，上菜嘅時間個鍋好熱，值得讚。☺️☺️燒肉方面，肉嘅品質算係唔錯，解凍都做得幾好，呢個價錢嘅放題都可以叫超值。💰💰💰總體嚟講，呢間餐廳既性價比高，會番黎再試🥳👍

旺角真係好多美食,今次就同朋友去旺角韓善宮韓國料理放題!價錢 price 精選韓燒放題 晚市星期一至四成人168小童128 星期五至日成人178小童138頂級韓燒放題晚市星期一至四成人208小童158 星期五至日成人218小童168我認為韓式放題,呢個價錢性價比好高,另外餐廳仲有午市特價套餐。我哋選擇咗頂級韓燒放題,120分鐘任飲任食。牛肉,美國牛肩肉,美國牛板腱,美國安格斯一口牛粒,美國牛仔骨,牛仔柳扒,牛肝。美國牛肩肉係最好食,牛肉肉質嫩滑,牛肉帶少少脂肪,牛肉味特別香濃加上肉汁豐富,燒出嚟係最好味。頂級海鮮方面,海蝦,半殼帆立貝,生蠔,帶子。生蠔size雖然唔大隻,但係味道好鮮甜,海蝦肉質爽口彈牙,帶子肉身比較厚,食落去好有口感,味道亦都好鮮甜。刺身方面有三文魚,吞拿魚,白玉貝,白玉豚,立魚。立魚味道最新鮮,而且肉質爽口鮮味突出,三文魚亦都好肥美,入口味道鮮甜。另外韓燒配料仲有幾十種,亦都有飯,鳥冬拉麵。韓式小食,炸物。飲品亦都有好多選擇,汽水,啤酒,無糖烏龍茶,綠茶,應有盡有。餐廳空氣流通,唔會好大油煙味。韓善宮地址,旺角通菜街1a至1l號,威達商業

今日係旺角放工，同事就帶咗我去一間任食嘅韓式放題，兩個人加埋食咗$458又好味，又夠飽，性價比高嘅一間韓式餐廳韓膳宮 地址喺旺角通菜街1A-1L號 威達商業大廈 Deli2 1樓A舖。上到去餐廳地方都算闊落，而且裝修得好整潔，有好多卡位可以坐，感覺幾舒適。前菜方面有泡菜，大豆芽菜，生菜，食韓國燒烤一定要用菜包住食咁先正，所有前菜都係無限添加。食韓燒唔少得嘅梗係有牛肉，牛肉味重，又夠鮮嫩，仲有好多款牛肉可以選擇，其次牛仔骨都好好味，沒有醃製過食到原本嘅牛肉鮮味燒肉方面韓式五花肉，五花肉肥瘦均勻，入口肉質爽嫩多汁，五花肉燒到啱啱好仲出緊油香，用生菜包少少泡菜一齊食，將油膩感減少，而且又可以將個味道同口感層次提升。真係好好味。醬汁豬扒，豬扒醃到好入味，而且肉質比較滑，燒一陣已經香噴噴。豬大腸，豬大腸雖然比較肥膩，燒咗一陣將啲油份迫咗出嚟，味道真係特別香，雖然怕肥但係都食唔停口。雞腎，雞腎色澤紅潤，望落去好新鮮，燒到啱啱好，非常爽口，口感真係唔錯，而且亦都醃得好入味。醬燒雞髀肉，雞髀肉肉質好嫩滑，每一啖都食到滑脫脫嘅雞肉。去到食放題唔少得嘅梗係有刺身，刺身非常新鮮又夠凍，又鮮甜，我最鍾意食，食

今日去咗旺角行街，喺旺角百老匯睇完戲搵啲嘢食下，朋友推介我喺附近有間韓燒放題，性價比好高，而且食物質素都唔錯，所以去試吓。韓膳宮韓國料理。餐廳環境都唔錯，地方都好闊落，加上全部都係卡位，坐得都幾舒適。坐低職員已經送上前菜，大豆芽，菠菜，泡菜，食韓國燒烤最重要嘅生菜，全部都係無限追加。新鮮牛肉，燒一陣已經可以食得，用生菜包住牛肉加啲泡菜一齊食，真係好正，牛肉味道好鮮甜，肉質好嫩滑，加上泡菜有少少辣味，口感同味道都好豐富。豬大腸，豬大腸燒到金黃色，入口味道好香，外層爽脆，雖然比較邪惡，但係真係好香口惹味。五花腩肉，五花腩燒一陣味道已經好香，原汁原味嘅五花腩，完全唔使醃製，脂肪同肉嘅比例好均勻，完全將油香迫咗出嚟，加上肉質新鮮嫩滑，真係追加左幾碟先夠喉，我自己就最鍾意包生菜食。醬燒雞髀肉，雞髀肉好入味，肉質好滑。柚子雞中翼 ，雞翼好肥美飽滿，燒香左嘅雞皮脆卜卜，入口特別惹味，雞翼入邊嘅肉質仲係好嫩滑多汁。薯仔片，呢個簡直係我最愛，薄切嘅薯仔片，燒到金黃色，加少少燒汁，食落去又香又爽脆，味道又好。$88特價放題，一個價錢75分鐘任食，性價比真係好高，最重要食物質素都好好。

呢排成日都出街食飯可能早兩日先攞完消費券嘅關係好想快啲用晒佢🤣啱啱去完旺角嘅朗豪坊買咗幾件衫，差唔多到六點又係時候要食晚餐，朋友同我都好肚餓決定搵些放題食😁今日我哋揀咗呢間韓國舊式屋塔房，入面有好多卡位大約10張枱，地方又闊落冷氣又夠凍坐得好舒服一坐低店員就俾咗三款小食我哋有芽菜泡菜同埋菠菜，食完可以再叫我最鍾意食嘅就係芽菜，今日都食咗幾碟我豬肉有幾款分別有韓式豬梅肉同埋豬五花肉呢啲肉完全冇醃製過食到佢原本嘅味道，唔夠鹹仲可以自己調味 燒大約三至4分鐘，燒到有啲卜卜脆，再夾埋生菜食，食落冇咁肥膩我最鍾意食嘅就係雞腎好有咬口又夠煙韌其次仲有豬大腸，雖然入面比較肥但口感好爽燒到金黃色外脆內軟除咗燒肉之外其實仲有好多韓式嘅小食叫咗個豆腐湯都好好味，夠晒熱辣辣，用料十足，入面仲有一些海鮮仲有好多海鮮類，可以選擇有半熟嘅帆立貝海蝦仲有生蠔生蠔嘅size雖然細小但很新鮮又唔會有腥味呢間韓式餐廳價錢公道，整體來講我都非常滿意下次會再嚟食過😋

買券話有啤酒任飲，無，支裝要付費。生菜，臨走先知要叫人攞，QR code點餐係無！點咗2次前茶，泡菜，芽菜之類，一款都無拎嚟！之後6點入座嘅客人，枱枱有齊4款。。。我連沾肉的橙色大醬都無，得碟分2邊嘅豉油同油加鹽。明明餐券用餐時間有3小時，入座差不多25分鐘先比個QRcode點餐！碗筷生肉夾要續樣問先續樣攞……好似得2個樓面，乜都慢，其實咁嘅速度3個鐘用餐都趕趕地。肉類 好鹹，水冷麵 質地好硬，蝦 較霉林，生蠔 燒到勁熟都好腥，牛仔骨 只有肥同骨，豬大腸😑，2款腸 皮脆到硬，豬皮 砰砰蹼噗一輪可有可無，大醬湯 鹹到醃鹹魚咁，泡菜湯 好鹹微酸，炒粉絲 雞翼 無嚟，刺身 白玉貝唔敢生吃，燒咗陣。幾款牛肉質地一般，炸魷魚及豆腐 酥脆可口，煎餅＆雞蛋卷好食，芝士炒年糕 芝士唔溶一嚿在碗底，剛好成嚿放係帆立貝上燒溶好拉絲，炸薯條 剛上枱好熱好脆，但冷氣凍過放嘢飲個雪櫃，一下子“淋”晒。178餐券+29.7現金，$208只為試幾款韓式食品，樣樣鹹飲咗3盒紙包加2罐汽水，口渴。。。2位樓面小姐友善，態度好，就咁。。。囉！

空氣差，食完成身味，$88雖然好平，但一分錢，一分貨，2個字垃圾！呢D餐廳一定冇下次，今次比hea佬食評厄左，其實甘難食下次應該唔好介紹，影響自己， 餐廳張枱又肥騰騰， 總之想食既自己留意！

同女朋友好耐冇食過韓燒啦😆！朋友介紹旺角有間韓膳宮CP值唔錯，咁就當然要去試下😁,佢有兩個套餐format。一個係精選放題，有一般嘅肉，小食同韓式食物，另一個係頂級放題，比精選多左刺身同靚美國牛肉🤤，咁一場黎到，梗係要試下頂級套餐啦！🤗頂級韓燒放題 $208／位一上枱就當然唔少得韓式前菜，泡菜唔太辣啱晒我🤭，芽菜醃得好好味👍，食烤肉下火之選。醬汁除左平時烤肉有嘅韓式醬油之外，仲有麻油，烤完肉蘸個個麻油特別香，好有心思。😋韓燒嘅刺身唔係淨係得三文魚，而係有6款魚咁多☺️，而且裡面仲有唔多見嘅白玉貝，口感清甜，鮮嫰細膩，非常新鮮。不過主角當然係唔同部分嘅美國頂級牛🐄，其中最鐘意嘅係佢嘅牛仔柳扒🥰，唔係薄切，有咬口，而且最重要係咬落去嘅𣊬間，牛嘅肉汁一湧而出，濃濃牛油香味充滿整個口腔🤩，非常高質。海蝦好新鮮，頭有滿滿蝦膏，食落十分彈牙🤭。食韓式野當然唔少得石頭鍋飯，石鍋飯熱辣辣上枱🔥，仲有特式辣醬，吱落去撈埋所有野一齊，入口滿滿韓式風味，女朋友最鐘意佢嘅飯焦，覺得好香脆😆。講起韓式烤肉當然唔少得五花腩🐖，呢個放題五花腩有薄切有厚切，個人鐘意厚切個隻，肥瘦分明，肉汁飽滿，就咁食就食佢嘅油香，包

前排去朋友出旺角睇下野，lunch就去韓膳宮平食$88特價放題。留意反依個88蚊放題，只包一杯飲品，但白飯可以任食。主要豬類同雞類可以任食的，供應數量有限。豬類：醬汁豬扒吾算鞋口。韓式豬五花肉幾香口，燒完食帶點點香脆口感。雞類：醬燒雞脾肉幾滑口，而且啖啖肉。個人學得雞比豬更好食。雞腎好快燒得熟，口感好爽口，幾好食！柚子雞中翼已開邊，所以吾難燒，味道咸咸地。另外，估吾到仲有薯條任食。我地亦order左2-3次作為小食添！

平時食韓燒多數都自助形式🤔食物要去自助吧夾返位燒！不過旺角新開冇耐嘅韓膳宮一反傳統做法🤣就係久違嘅落單order食物😋可以保證食物新鮮準確送達之餘😋店員服務態度友善而且迅速👍🏻地點位於旺角地鐵站E出口附近🚇行過去5分鐘就到啦！都幾方便👍🏻門面幾大而且有種韓國舊式屋屋塔房嘅感覺😌座位係闊落嘅卡位位置😉夠大有位放袋又坐得舒服！坐低冇耐店員即刻拎咗3小碟韓式前菜俾我哋😋分別係泡菜、荳芽菜同埋菠菜！食晒可以再orde refill！🐹🦭我哋叫左啲刺身做頭盤🍣雞肉石鍋飯做主食🥘最後燒肉類就叫咗頂級牛肉、豬肉、海鮮同埋蔬菜準備落鑊燒熟佢地😋頂級韓燒放題 $208/位 (另有加一收費)頭盤刺身我哋每款都叫咗啲😋有三文魚、吞拿魚、白玉貝、白玉豚、立魚同埋醋青魚！刺身厚身都幾新鮮🍣韓燒嚟講不過不失嘅水準👌🏻頂級餐嘅肉類有別於其他普通級數👍🏻牛肉新鮮有牛肉味！無論喺薄片嘅美國牛板腱同牛仔柳扒🥩定係較厚身嘅美國牛仔骨🐮都有豐富嘅牛肉味😋👍🏻從牛肉嘅油花就睇得出頂級牛肉嘅好味道啦！豬肉厚切豬五花腩豬味比較濃🐷我覺得最岩包生菜夾泡菜一齊食😋整個味道昇華晒！而且包住生菜同泡菜食味道好夾仲冇咁熱氣添😌海鮮都幾新鮮🦐

新一輪消費券又到手啦,約埋媽咪食下飯睇睇戲先。今次同媽咪嚟咗呢間韓膳宮食放題午餐。餐廳好大,冷氣足夠,可以舒舒服服慢慢享受75分鐘嘅燒烤樂。午餐放題有肉類、蔬菜同每位送一包飲品或汽水。推廣期內,每位奉送一份牛肉,四人同行更多送美國頂級肥牛或刺身拼盤一份添👍坐低一陣,服務員送上香脆薯條。豬肉同牛肉都肥瘦適中,燒到燶燶地,點上醬汁,香口吾韌。雞肉醃得入味,零肥膏。食完肉類再食蔬菜清清味蕾,南瓜更粉綿甜口,粟米新鮮清甜。無論生菜包牛肉、雞肉、午餐肉、芝士腸或者薯仔片加雞腎,都一樣爽脆清新。$88蚊有咁多樣嘢燒,認真抵呀！

難得同honey 一齊放假,齊齊行旺角揾好嘢食。見到呢間韓國料理幾抵食!$88特價午餐放題免加一外,推廣期內每位仲奉送新鮮牛肉片一份。餐廳闊落,空間感大,抽風系統吾錯,冇咩油煙味!套餐送飲品或汽水一罐,食住薯條飲下汽水先。菠菜、大豆芽同泡菜,最愛泡菜嘅香辣。豐富嘅韓燒:有豬、牛、雞、五餐肉、芝士腸、南瓜片、薯仔片、粟米同生菜。鹵水雞腎就食得多,第一次燒雞腎,好爽口!韓式豬梅肉肥瘦均勻,有肉味!豬大腸又係第一次燒,中間有啲肥,不過又幾特別。碧綠嘅生菜包住嫩滑嘅醬燒雞脾肉同芝士腸,香口爽脆,完全吾覺油膩!

今早陪媽咪去廣華醫院覆診, 再係附近兜下睇食咩LUNCH。行經通菜街, 見到有間韓燒放題, 做緊午市特價 $88/位, 仲要免加一。見咁抵, 仲要任食, 完全唔洗諗就入去食。第一Round由餐廳一次過出齊, 至於野飲就每人只限係雪櫃度揀一款。前菜凍盤有泡菜、芽菜、菠菜,芽菜鹹鹹地, 但菠菜冇咩味。呢個set嘅肉主要食豬同雞任食, 但牛就只限每位一份, 牛肉幾林, 鹹甜味十足。豬有五款, 韓式豬梅肉同埋韓式豬五花肉: 沒有被醃製過, 食到原本肉味豬大腸: 燒至金黃, 口感幾爽, 不過腸壁內較肥豬皮: 煙韌醬汁豬扒: 鹹鹹地, 好林雞腎好爽, 醬燒雞脾肉幾嫩, 仲有單骨嘅柚子雞中翼另外仲有腸仔、午餐肉、薯仔片、南瓜片、粟米炸薯條冇鹽, 好健康限時75分鐘, 經店員落order, 約有一小時邊燒邊食, 食得比較趕, 想飽肚d, 仲有白飯任食。

今日同朋友食lunch，去咗間幾抵食嘅韓燒放題，糧尾嘅朋友可以考慮吓😂88蚊係糧尾恩物前菜（菠菜🫶🏻、芽菜、泡菜）肉類：豬大腸醬汁豬扒🫶🏻韓式煎五花肉🫶🏻醬燒雞髀肉🫶🏻柚子雞中翼雞腎其他食品：廚師腸午餐肉薯仔片🫶🏻粟米南瓜薯條其實款式好豐富，性價比幾高嘅，而且佢係放題，一定會食到飽。如果想食好啲啲可以升級肥牛或者刺身拼盤🤣😂特別一讚係佢有一個麵豉醬嘅醬汁，點肉好好食同埋佢有生菜可以夾肉，唔會食落去咁膩！佢個豬扒好大塊啖啖肉～五花肉油脂and肉嘅比例都幾均勻，而且佢切得都算幾薄，食落去好有油香味。雞髀肉幾滑，薯仔片佢切到好薄，容易燒之餘，食落去好有口感！