韓膳宮 (已結業)

大家好呀！又係田記同大家報道嘅時候啦！呢排又疫情又經濟創新低咁嘅環境底下梗係搵啲平平哋嘅嘢嚟試吓啦啱啱搬完屋之後老婆話旺角有間樓上舖幾好食韓國燒烤所以就想去試吓上到去裝修都唔錯個爐仲要係新式嘅落單又係掃QR code非常方便 頭盤都係嗰三樣嘢泡菜芽菜菠菜 再加兩款惹味嘅豉油醬汁 唔錯唔錯自助式自己攞嘢飲汽水紙包嘢飲都尚算可以注意酒類飲品係另計嘅因為呢個價錢真係好抵食頭盤我哋梗係嗌左啲蔬菜例如薯仔片香菇青瓜粟米別有一番風味最意外嘅係有甜蝦壽司幾好味 最搞笑係我老婆竟然怕食生嘢 隊左兩隻蝦落去燒嚟食 哈哈 又幾好味喎話明韓式燒烤梗係唔少得南瓜矮瓜金菇每種都試少少跟住就梗係例牌牛肉雞肉豬肉佢有埋Wasabi豉油醬真係好貼心老婆最鍾意食（老公）整嘅豆腐 哈哈 今次都唔例外呢個有埋紫菜嘅湯大家都可以試吓豬頸肉就唔好煮得太耐重點就係咁樣食法兩個人買單都唔使$400有找 真係好抵呀韓式放題都算唔錯今次嘅CP值係75分今次就會報住咁多先下次搵到啲筍嘢再同大家報道

今天吃的是精選放題. 地方細, 點餐用自助App, 出餐快, 自己出去取的只有幾款凍飲及雪糕杯, 食物總體質素中上 但款式不多, 熟食更少. 整體不錯, 只是她們計時 計少了15分鐘.

百幾蚊就食到韓燒任食，真係低到無人有。而且食物質素唔差，性價比極高。非常適合大食嘅人同食肉獸。豬牛雞冇調味嘅肉部位位都唔錯，另外有調味嘅肉嘅醃料味道都幾好，醃得好長時間所以好入味。完全唔使再掂其他醬料就可以用嚟包住生菜食。百幾蚊個有海鮮食！有青口同埋魷魚，食多幾嚿都已經抵返晒。另外熟食都絕對唔馬虎，好似炸雞翼咁，新鮮出爐脆卜卜，仲好食過脆香雞翼㗎。另外職員服務態度都幾好，隔一陣就會主動問你要唔要換爐，非常細心。

服務態度唔錯，見到燒烤個爐黑咗，店員即刻幫我哋清潔👍🏻環境都好乾淨$200左右就可以食到燒肉晚餐，幾抵嘅。但建議唔好升級做貴啲嘅餐，因為啲貴啲嘅肉冇乜特別，唔太好味🤣全部肉一樣味。生蠔帶子唔太新鮮，刺身建議唔好叫。但係呢個價錢可以食到呢啲嘢，仲有咩可以挑剔呢？反而啲主食，啲湯、麵食、炸物都幾正！嗰個大醬湯，絕對冇馬虎，幾驚喜👍🏻總括而言，味道都正正常常。嘢食好多選擇，午市食應該仲抵食嘅。

最近好鍾意去通菜街嘅Deli²搵食，今日就揀咗位於一樓嘅韓膳宮。$88就可以享用韓燒放題，仲要唔使加一，真係要試吓。坐低之後，店員首先會奉上韓式前菜，佢嘅泡菜相當好食，另外我都鍾意佢嘅菠菜同芽菜，全部都係無限追加。 $88嘅放題會包括一份定食，我哋就揀咗新鮮牛肉，用嚟快炒都唔錯。其他肉類都相當豐富，我尤其鍾意五花腩同雞翼。雞扒同醬燒雞髀肉嘅味道都唔錯。廚師腸都好受歡迎，去到中段仲聽到店員話已經沽清。另外當然都要食吓蔬菜，南瓜同粟米平時就食得多，薯仔片都係第一次食，原來燒烤係咁好食。除此之外仲有生菜，用嚟包住肉類嚟食可以減去油膩感。另外仲有炸薯條，下次要帶埋阿仔嚟。除咗放題，仲有下午茶同午市套餐，全部都好抵食，難怪可以座無虛席。

好姊妹就黎轉工，要好好珍惜一齊出去食晏既機會，今日就去左呢度食韓國野，呢度裝修都幾韓國風，冷氣系統都唔錯。佢地有午市套餐，亦都有放題，朋友話好肚餓，我地揀左放題，$88咋，相當抵食。放題包左前菜豬雞類，菜類任食，一人一個飲品同一碟牛肉。韓國菜我最鍾意就係前菜，呢度個泡菜好好食，另外仲有芽菜同菠菜，我地refill左兩次。佢仲有生菜可以包肉食，唔夠可以再叫。豬類有豬扒，大腸，豬皮，我自己就推介五花肉。雞類有雞肉同雞翼，雞肉醃得都幾好味。其他食物仲有廚師腸，午餐肉，南瓜，粟米，薯仔，仲有炸薯條。我自己就推介薯仔片同南瓜片。

呢間韓式燒肉價錢真係平絕香港，平日晚市$148加一，真係好抵食。自己出去買兩份牛肉都已經係呢個價錢。重點係佢啲肉嘅質素都唔差。雖然選擇唔係好多，但係整體食物質素來講呢個價錢真係超值。牛肉片有啲似打邊爐嘅肥牛，出奇地脂肪分布都算平均，仲好過打邊爐舖頭嗰啲。牛舌嘅質素都唔錯，大大塊幾厚。雞翼都幾大隻，仲會幫你開邊等你易啲燒得熟。五花腩就會去皮，整體脂肪冇咁多。所以其實間嘢都幾貼心。另外仲有幾款係已經醃製好嘅肉類，口感都唔會好乾柴，但醃料嘅味道比較濃郁，適合鍾意食重口味嘅朋友。

同朋友行過通菜街見到呢間韓燒 咁岩好耐冇食就去試下呢到$88 就有放題食 牛肉一枱一份其他有豬 、雞、小食 、前菜都係任食 所以諗都吾諗就去試下一黎就店員就俾幾碟前菜 仲有生菜同大醬用黎包肉食豬有豬扒、豬梅肉、豬腩肉、豬腸同豬皮 豬扒薄切 咁樣可以煎得快熟d 豬梅肉片有醃過 偏甜 豬腸就只係少少胡椒醃 煎出黎好香豬腩肉最推薦 肥瘦適中 雞有雞髀肉 同雞翼 雞脾肉都有醃過 味道偏濃 配埋生菜 、韓國小菜包住食幾好 雞翼單骨上 煎快d 幾貼心 仲有一份牛肉 份量都幾多都係有醃過 食落唔鞋口 仲有其他少少蔬菜可以揀 但食肉獸食完都飽了食完滿足同會encore的除左下午放題 晚上都有放題同單點食韓燒通常會諗起漢x 而家係旺角又多個選擇了

好耐冇食韓燒了 係旺角搵緊邊到有韓燒見到呢間韓膳宮韓國料理評價不錯 價錢都幾抵就試下 中午 $88 特價放題 有前菜 豬肉 雞肉 其他小食 白飯 任食飲品 一杯 牛肉一份一黎到好肚餓 咩都叫晒黎試下 豬肉 有醬汁豬扒 、韓式五花肉、韓式豬梅肉、豬皮同豬大腸 雞髀肉 、雞翼 豬扒醃左有d似香茅豬扒 豬梅肉都唔錯 幾淋最推薦係韓式五花肉 肉 一層肥膏一層肉 煎到好香 而且佢會送埋生菜 同大醬 同韓式小菜可以包住一齊食 雞髀肉 都好滑 佢醃左 包埋菜食已經好好味 雞翼會單骨上 好貼心 燒個陣又可以快熟d 另外仲叫左粟米同南瓜 吸收下纖維 小食 有薯條 叫左試下 黎到熱辣辣 又係粗薯 好好味呀 老實講 lunch 呢個價錢75分鐘又唔洗加一又抵又夠食 下次都會再encore

有時肚餓起上嚟胃口好大，都會想食啲任食燒肉！朋友就介紹咗一間比較平嘅燒肉，甚至平過觀塘某間好出名嘅四個字嘅燒肉。於是就試吓會唔會好劣質好伏，結果好喜出望外！我相信呢度嘅一大賣點真係係平，竟然大概$100就可以食到任食嘅燒肉！當然佢有一啲嘅限制，就係有啲嘅食物佢只會提供一輪，而所選擇嘅燒肉種類都有限。入到嚟之後覺得衛生都好唔錯，而且見到肉嘅種類雖然唔會話好多，但係都係我哋鍾意食嘅。個人覺得好好既有兩點，第一係肉嘅質素本身唔差，雞牛豬都算唔錯，個人特別喜好佢嘅雞肉，真係醃得好好味！第二個賣點就係呢度會有一次性提供嘅魚生，真係冇諗過我$100左右竟然可以食到三文魚魚生！而質素都唔差！無論係油度定係厚度呢度都算係唔錯！另外係呢度呢有啲特別嘅選擇，例如係平時燒肉店唔會食到嘅薯條啦，同埋有豬大腸燒，不過個人可能唔算好鍾意食內臟，所以就無番叫到。整體來講係幾推薦大家嚟！

本打算去食下午茶餐，點知友人突然建議食韓燒放題？！下午茶餐牌 （下次我有食物圖再寫食評）$88特價任食韓燒餐版。留意下面魚生、牛肉那排，是夠4位入座送其中一樣一客。先來小菜，無魚仔。溫馨提示：這些小菜是只能添不能轉的有鮮甜、乾淨、爽口的生菜，夾肉一齊食就一流，去掉油膩感，可食多點東西用QR CODE掃去網頁落單。不用下下叫人，非常方便肉食叫了五花腩-好食，豬扒-比想像中大，柚子雞翼-單邊有驚喜，豬大腸-有強烈味道，要慎選！豬梅肉和雞脾肉醃得好濃，由於薄，好易煮，當小炒咁炒。一開始把它們攤開，發現花好多時間。。。傻咗經一事長一智五花腩快熟，脂肪都好爽口，encore多幾次。推介燒雞翼要注意火力，p2比較好，一開始太大火（p4)，外焦內生雞腎好食，一人份量比想像中多，有十塊左右。友人叫了薯條，係好脆，也附有包裝茄汁，好足料。但實在太多，2-3人份量4.00截單，坐到4.30. 好滿足

如果對韓燒無乜要求只為醫肚，又想燒下肉過下口癮呢度個lunch set係ok抵食嘅上菜好快，所以如果不停燒肉係可以好快回本生菜前菜可以refill，好開心唔夠飽仲可以免費叫白飯啲肉係完全對得住呢個價不過飲品只得一杯或一罐

通菜街呢邊不嬲都多嘢食，威達大廈之前就去食咗妹記大排檔，原來仲有一間韓燒好抵食！入到去餐廳範圍唔算好大，但係枱與枱之間都有一定嘅距離，有空間感👍🏼亦都方便傾偈，好有私隱！！Lunchtime 時間食個韓燒，最平都要150啦！竟然佢有個係88蚊🥶🥶今日試下伏唔伏🤣坐低之後佢就會送泡菜，芽菜，菠菜！食住燒🤣🤣豬方面有五花腩，豬扒，梅頭豬，豬皮同豬大腸！我特別深刻係佢嘅豬扒😍超入味，同埋唔會好un 好難咬，超淋，好食！！我朋友平時唔食豬扒都食咗好多舊🤣雞方面有雞腎，柚子鹽雞翼，醬燒雞髀肉✨相對下呢我就更加鍾意食雞🤣特別係雞翼，佢切開咗變成單骨，方便快啲熟而且更加入味。另外個雞髀肉亦都令我好驚喜👍🏼👍🏼好嫩滑，有小小雞皮痴住好食！！我encore咗好多次✨套餐入面每個人仲有一份新鮮牛肉！亦都好高質👍🏼份量好多！佢調過味，所以好食！！食得出佢係好有心思，好多食材都經過調味👍🏼相對其他韓燒店，更有誠意👍🏼👍🏼👍🏼最正係佢一啲都唔貴，88蚊已經有放題食🥹

玩唔起唔好做放题啦！所谓顶级刺身套餐，落单海鲜，十个俾两个，睇心情俾。落单落左三次带子，一次十个，一系唔俾，一系俾两三个！想食海鲜，唔好念了，因为商家玩唔起，无论你落单几多次落几多，都净系俾两三个！俾多滴钱，叫得呢個套餐，就係想食海鮮，如果唔肯俾人食，唔好做咯！同埋食物唔新鮮，刺身係急凍係正常嘅，唔使硬過雪糕係嘛！呢啲都叫韓式炒雜菜，笑死人！

朋友一早買左韓膳宮放題優惠券每$169位，再加每位$28服務費，任食3小時，原價$282。佢另外仲有個88蚊放題優惠，但就唔係每樣都任叫，只得75分鐘時間。自從上次買左個日本放題優惠券，有啲唔好嘅經驗，本來對優惠券嘅質素唔會抱好大祈望，但呢個放題都算有啲驚喜。訂左12點，入到去冇人，得我哋二人，覺得好爽🤣，之後先陸陸續續有人來。食物款式尚算多選擇，海鮮有蝦，生蠔，帶子，帆立貝，仲有三文魚，吞拿魚等刺身，韓式小食有芝士炒年糕，炸雞，海鮮煎餅。雪糕都好多口味，有抹搽，朱古力，咖啡，仲有我鐘意嘅薄荷。肉類嘅品質都唔錯，值得一試😋