韓膳宮 (已結業)

平時去開妹記同女人街，今次第一次試隔離既韓國餐廳，見到餐牌既價錢都非常實惠，仲要$88 就有韓燒放題雖然牛肉唔係任食，但咁既價錢有雞豬牛既韓燒放題真係好抵食前菜份量都幾多，有唔少得既泡菜、芽菜同菠菜。最鐘意係佢既豆瓣醬放題包汽水一杯。除左豆瓣醬，仲有豉油同麻油。咁多款肉類之中，我覺得五花腩、豬扒同雞髀肉最好食。其他既仲包括柚子雞翼、豬大腸同雞腎仲有芝士腸午餐肉，而蔬菜類就有薯仔片、南瓜同粟米，原來薯仔片都幾岩韓燒食，幾香。醬油豬扒最入味，不錯～黎韓燒當然食生菜包五花腩，再配豆瓣醬，味道好夾～環境尚算乾淨企理，而且服務態度都幾好，幾岩同朋友一齊韓燒吹水

如果想食港式韓燒嘅話，都真係幾推薦嚟呢度啊因為晚餐時間都非常經濟實惠唔會傷荷包燒豬腩肉好正啊,配泡菜蒜頭，又或者係包生菜一齊食，已經心心脈勁滿足。同埋呢間d肉唔會話太過硬冰冰而佢地d肉類選擇又唔會話太花巧，我個人認為再花巧比幾百個選擇你，D野都未必好食嘅依度就簡簡單單咁啊，選擇唔算話超級多，但係都非常足夠佢地無好似大型連鎖店咁，加唔同香料或者用唔同嘅汁醬就當係一款囉肉質先係最重要另外吒除左燒肉之外仲可以揀其他韓式小食，我就試咗豆腐辣湯都幾唔錯,用料十足有少少海鮮

可能自己本身胃口比較大，所以好鐘意食各式各樣的放題，韓燒放題都係我的一個選擇，但係一般放題都會比較貴，聽同事講旺角呢間韓燒有特價放題，就選擇個休息的日子過來試一下距地有好多種放題套餐，但係我就想食得性價比高滴，選擇左呢個88蚊特價放題。睇落滴選擇都多既，牛五係任食，但係會送一盤，滴鮮牛肉質素都可以，燒完包生菜食，一陣就消滅曬滴牛了，下次都係選擇個貴少少的好了不過，其實其他野都好好食的，雞翼係單骨，燒到外皮焦脆，入口就有種屋企燒雞翼的味道，同埋單骨方便入口。其他的肉類都腌得比較入味，雞肉包生菜，別有一番風味，同埋滴雞一滴都五柴，都嫩口既。其他滴午餐肉，腸仔呢滴質素都OK，雖然話無牛肉任食，每人得一杯野飲，但係其他選擇都算可以，因為畢竟價錢係果度，真心平價。

好耐冇食韓燒，今日就同朋友來呢度試下，自己款款都想食，但又食唔多，放題就啱晒我啦，性價又比高，價錢又合理，餐廳地方好闊落，卡位又坐得舒服望落去顏色都好新鮮，肥瘦適中，食落有牛味，牛肉肉質都好嫩滑，可讚👍🏼韓燒當然唔少得五花腩包生菜🥬將滴五花腩燒到有少少焦但係脆脆地甘，點下醬汁，包係生菜度，解膩又好食。我最鍾意食泡菜☺️，呢度滴泡菜唔差架，唔太辣，又唔太咸，食左好多。仲有雞肉、豬大腸，雞腎，醃製嘅肉類味道啱啱好，燒出來唔咸，都比較入味。不過提提大家雞腎五好燒太耐，容易咬唔開。仲有腸仔、午餐肉，蔬菜有粟米、南瓜、薯仔，薯仔燒熟左都比較脆口，五會話癡係個燒盤上。午市黎講款式都算多，值得一試同埋呢度服務都幾好。

平日Lunch hour去咗一間喺旺角嘅韓式燒烤，本身見88蚊咁抵食，就冇乜抱什麼期望，點知反而有出乎意外嘅驚喜！首先講講呢間餐廳嘅環境，其實係好舒服嘅，因為枱同枱之間都好有空間感，都幾大間，幾闊落，坐得舒適。而且呢度抽風系統唔錯，一邊食韓燒，都唔會覺得好大油煙。88蚊嘅午市韓燒放題，仲要係任食，價格絕對吸引。仲要豬牛雞肉乜都有，單係食肉都抵，總有啱你口味嘅選擇。前菜有生菜、韓式泡菜、菠菜同大豆芽，種類都幾豐富，仲要可以有無限任追加。前菜都幾好味，食完當然要再order！！～韓式豬腩肉同五花肉油脂豐富，燒出來肉味香濃。豬梅肉扒都醃得好惹味，而且肉質夠腍。雞肉入口好嫩滑，味道甜甜地。鮮牛肉用上特色甜甜地嘅醬油來醃製而成，每一塊牛肉都幾大塊，而且薄薄哋非常之容易燒，好香好惹味，絕對係回本之選！！～另外比較特別而有值得一試嘅係豬大腸，呢度嘅豬大腸用上好多蒜蓉同香料來醃製而成，建議燒耐啲，個皮會更脆更惹味。另外仲有其他韓式燒烤比較少見嘅豬皮同埋雞腎，味道都唔錯。南瓜、粟米、同埋薯仔片都好好食。食埋薯條就真係完滿嘅結束啦！～其實88蚊呢個價錢，仲要係任食，真係絕對抵食，叫兩碟牛肉都已經回返曬本，

之前一直好想食韓國燒肉，近近地就去咗旺角韓膳宮韓國料理。首先就會提供前菜，前菜都可以無限添加！推薦，三文魚刺身好肥美，亦都好新鮮。雞腎黎講我最鍾意就係食佢嘅口感，好爽口。頂級韓牛肩肉同頂級韓牛板腱肉，望到油花好靚，油脂味都幾香。呢度仲可以配生菜同蒜頭一齊食燒肉，咁就冇咁油膩，同埋前菜嘅泡菜都幾好味，又唔會過辣。自己就最鍾意個泡菜湯，新鮮滾熱辣上枱，送到過嚟嘅時候係出晒煙，入面有好多豆腐、蔬菜、泡菜，飲落肚暖笠笠，幾塊肉、幾啖湯，正！總括而言，經濟實惠，食物質素高，性價比非常高。

$88特價放題有日在樓下看到個價錢，沒想到可以食到75分鐘仲要任食，就決定和同事找個星期五來吃午餐。飲品有一杯可選擇汽水或茶，最後看到再加了$10紫菜包飯幾吸引再叫了。這裡的韓燒餣料不會很重，所以更感到這裡的肉質不錯，韓式五花肉這最後要了2輪。韓式豬梅肉薄薄的很快熟就食得。醬燒雞脾肉帶點甜甜的幾特別，朋友不太吃豬皮但試了一件都覺不太油身有口感，豬大腸勁大片而且燒得好香配少少辣醬最好。最後肉類有雞腎和柚子雞中翼都整得幾有特色。每人來仲送了新鮮牛肉..其實每款都吃點都幾飽肚。除了肉之外仲有廚師腸，午餐肉。蔬菜類薯仔片，南瓜，粟米食了咁多肉食返啲菜最岩。薯條熱呼呼又脆吸引。

$88特價放題見咁抵食就朋友午市來吃，食足75分鐘超爽，而且坐得又舒服。飲品有一杯，我哋各自叫了可樂，再加了$10紫菜包飯，食晒啲食物其實都已經十分飽肚，而且仲要質素都唔錯。肉類選擇我們來講夠食，而且仲送了新鮮牛肉都幾好味。韓式五花肉原汁原味配少少鹽就好食，韓式豬梅肉比較薄身所以要快熟煮熟就即食我再配上生菜和泡菜。豬大腸和豬皮燒完脆脆的，朋友未食過都讚好。醬燒雞脾肉雞肉幾嫩滑，雞中翼食到有點特別味原來是柚子，雞腎餣得好。之後再轉食廚師腸，午餐肉質素都幾好喎，燒微燶食最正。菜就有薯仔片，南瓜，粟米燒微乾身又甜。最後再點薯條幼身夠脆口。

禮拜六同老公同埋囝囝囡囡喺附近搵嘢食, 因為一陣仔仔囡囡喺附近要上興趣班, 所以想搵個可以坐得耐啲嘅地方。行過見到呢度有兩個鐘嘅韓燒放題，午市又淨係做 $158 咁鬼平，所以就入咗去試吓。 入到去見到啲選擇都真係幾多，仔仔就特別鍾意食美國牛仔骨，啲肉講真都真係醃得唔錯，而且肉質又好，食得出不是平價野。囡囡就鍾意食嗰啲煎炸野，選項都真係幾多，有八九種。炸雞炸魷魚炸魚柳乜都有，不過我都盡量阻止佢唔好嗌太多費事熱氣 老公就梗係鍾意想食啲貴價嘢啦！有海蝦，帶子，半殼帆立貝，生蠔呢啲海鮮，佢就狂叫  海蝦出乎意料之外都幾大隻，又夠新鮮，啖啖肉，老公都食到好開心。 呢個地方性價比真係一流，強烈推薦！

喺旺角返工嘅, 所以deli2 時唔時都會嚟望吓。今次嚟探險嘅時候見到呢間韓國嘢。記得以前好似係另外一間韓國餐廳，專賣炸雞嘅，今次見到有放題，就決定同個朋友一齊入去試吓。還掂佢午市又真係平，禮拜一至四平嘅餐先148，貴嘅餐就188，又有啤酒任飲。我同朋友都係酒鬼嚟嘅，啤酒任飲呢一part已經值回票價啦! 所以就去試吓. 入到去望下個餐牌，刺身，海鮮，牛肉嘅選擇都真係幾豐富，比較特別嘅就係我發覺佢有好多其他韓國放題冇嘅內臟俾我揀，比如話雞腎，牛肝，仲有豬大腸添。我自己本身就最鍾意食呢啲內臟，所以即刻叫咗黎試吓，最鍾意嘅就係豬大腸同雞腎，啲雞腎真係好爽，估唔到韓燒都可以比到呢啲質素嘅野，真係有驚喜。就係唔記得影相。 個位又坐得舒服，我同我朋友都唔記得咗飲咗幾多罐啤酒，但係同朋友過嚟飲酒吹水真係唔錯！ 下次會再嚟過。

咁啱喺旺角附近見過客,見完佢大約六點幾,就索性喺旺角附近搵嘢食.  聽啲朋友講deli2呢排有間韓燒放題，款式多啤酒任飲又唔係好貴，所以就決定去望下。去到嗰度見到個餐牌就已經好有驚喜，禮拜一至四晚市放題$168就有得食，價錢方面就已經贏晒。望到個餐牌見啲選擇都算幾靚，一望就知可以回到本，所以直接就選擇左入去  之後就梗係叫海鮮啦，有半殼帆立貝，海蝦，仲有燒生蠔添。即刻叫咗啲生蠔嚟試吓，雖然啲生蠔唔係好大隻，不過勝在都夠新鮮  之後梗係叫刺身啦，都估唔到呢個價位已經有三文魚同吞拿魚刺身食。除咗呢兩隻仲有四隻其他嘅款式，添都算唔錯。 整體來講都好滿意下次會再嚟試過。

有時旺角太多選擇,都食到唔知食咩好啊假期前好多熱門餐廳都要等位等到傻冇訂位既情況下,有時唯有食下d冷門d既選擇今日去食既呢間韓膳宮名氣方面就真係冇乜啦不過見價錢都算實惠又都算多款式,就試一下佢啦環境都好新淨燈光明亮。食韓燒最怕全身都係油煙味啊,而呢到通風都OK既同埋可以手機落單都好方便啊,亦唔駛擔心食物衛生問題，出去夾個D有時都真係幾Dirty嫁今日揀左貴d有刺身食個款餐,刺身質素都算唔錯啦配菜方面都好豐富啊有生菜,生蒜,泡菜,菠菜,豆芽菜同麵豉醬主角肉類方面都好唔錯啊有油花分佈平均既頂級韓牛肩肉淨係睇樣都知好食啦同埋豬大腸都係我另一推介既亮點唔un我黎又入味,我食左勁多囉整體食物質素都算係有意外驚喜啊有時唔試過真係唔知

依間未改名曾經成日幫襯既韓國料理店、近期見佢轉左有放題、同埋係openrice見食評好似唔錯、於是訂位試試！一入到店見得一檯客、個心都涼一涼左….以前會見到個親切既阿珠媽、依家唔見左、坐低睇睇個餐牌、見多$40有生蠔、刺身同多款牛就叫左$218一位加一特級套餐！點知全晚韓燒既食物真係可以用劣食黎形容！同之前既食評完全唔同！d牛黑色（即係唔新鮮）帶子、生蠔好似手指公咁大粒！見圖都知食物質素如何！大醬湯咸到一個點、冷面又un 又無味、刺身未溶雪、韓國飯卷竟然係腸仔蟹柳！一見真係真心笑左！全晚最可取只係朋友食既芝士拉面同韓國炸雞！比$240食這樣既放題、我去日本放題應該會開心好多！真心無下次啦！係咁先啦！下次咪攪啦！

今日突然間想食韓燒放題，見到晚市都係二百蚊有找 ，所以去試下。今次我揀咗頂級果款，都係$208。食物質素對得住價錢， 種類繁多 淨係牛肉都有五，六款選擇。最特別係有牛肝。又有我最喜歡的豬大腸。海鮮同剌身雖然麻麻地但係都算新鮮。炸物同熟食好多選擇，我就嫌佢太大份。

今日同囡囡去旺角，想食韓燒，去咗韓膳宮，叫咗兩位頂級放級。例如牛橫隔膜肉、入口即溶。燒豬皮係第一次食，亦唔係乜嘢貴嘢，起碼冇毛，食完感覺良好。海鮮，我哋剩係嗌咗帶子同生蠔，encore咗三次，食物質素，對得起呢個價錢。我哋一人一個湯，海帶同大醬湯，足料好味。炸雞同炸豆腐都好食。侍應嬸嬸好熱情招待，唯一彈嘅係飲品選擇少。相片欠奉，因為我哋唔係相機先食嘅人。