韓牛韓式燒烤 (已結業)

星期五放左工，見天氣凍，就黎左呢間新開既韓式燒烤，一食就知中伏，款色又少，又唔新鮮! 講真，價錢又唔係特別平，埋單每人都200蚊。最嬲既係個爐，佢既小火，中火，大火，都係小火!! 同左阿姐講，佢竟然話小火已經夠啦，唔會咁易燶。大佬呀，我燒金菇肥牛圈，用左成15分鐘先燒得熟，哂曬d 時間。總結： 唔抵食

下午1:16入坐, 到1:18 order午餐, 可以因為唔係食韓燒關係, 係1:37已追單一次,😡等到1:42只黎咗兩杯檸茶, 忍唔住出去櫃面再追話差唔多等咗半個鐘仲未有, 追完先即刻上菜, 一句唔好意思都無仲反駁邊有半個鐘, 服務態度應真一流👎現場環境極度嘈吵, 大部份係東南亞姐姐發出極高頻笑聲😵價錢味道雖然👌, 但一定無下次

首先 服務態度非常好 即使人未齊會被你坐住先 waiter好有禮貌食物方面 燒烤類嘅雖然較少選擇 但係勝在唔會斷貨 好快會有貨上而且熟食類都好好食 好吸引 又唔會太油膩 非常非常多選擇刺身壽司方面 好新鮮好靚 即使好受人歡迎 但最多只會斷貨一兩分鐘 燒多幾舊牛之後再出去睇 宜家有番嗮朱古力噴泉好似無咩人食 但我個人好中意 因為好多水果同糖比自己DIY 而且仲可以自己整棉花糖食 我就因為食太飽而無食棉花糖 😂甜品就整得好細緻 味道不錯 唔會太甜 我係甜品控所以試嗮甘多種 不過就連唔係甜品控嘅家姐都話好食 可想而知有幾好食 👍🏻飲品有好多gaaa 想消膩嘅朋友可以選擇冰水 果汁或自家製豆漿 重口味嘅可以選擇啤酒🍺汽水等等 仲有綠茶 番石榴 熱情果呢d清新口味 都有忌廉溝奶 紅茶 碳水飲品 飲都飲飽 所以唔好飲太多laaa 留翻個肚食牛柳粒 好正 勁爽口彈牙 相反肥牛就太油膩 係甘易試一兩舊就好laa仲有雪糕雪條 記得有雀巢嘅 其他牌子唔係太記得 但我無食 太飽😂😂總括而言 非常好👍🏻會再幫襯 抵食又高質 環境好乾淨衛生✨極力推薦!!!

今晚11點先收工, 同幾個同事去到旺角諗住食野, 去到創興lift 口見有家新韓燒咪試下得唔得.入到去果時, 店員同我地講佢地收一點. 仲要係特價後再8 折. 抵啦. 幾個人咪入去試下. 識食真係一定食牛肉啦, 牛肉真係冇得輸,牛肉燒出黎之後, 仲好多汁, 送飯一流, 牛肉粒一啖一粒,入面好鬼juicy tim. 燒烤有成30款, 冷盤有15款,  店員係12點3左右同我地講準備收野, 之後仲問多次我地要唔要先收野.我地最後一行人食到1點3店員都冇炸形, 都算係咁啦. 

早幾日收工突然好想食燒肉，諗返起先前經過呢間新裝修既韓牛，個時大約1130去到問職員收幾點，佢話一點，咁心諗都夠時間食，，，點知，開完個爐問佢拎生菜佢話廚房冇晒，算啦，再去拎野食佢地張d食物不停收起，而員工既服務態度也差到不得了，我都係做服務性行業，其實如果要收鋪一開始大可以唔比我入，我都係比足錢嫁😭😭

中午3點幾 同老公冇咩野做就走左入去呢間新開既韓國放題食牛肉食物都算可以 可能係因為食中午 種類唔算多 都係肉同菜但值得一試既就係豬腳姜醋!! 點會諗到係放題度會食到姜醋呀~ 但係好好食 好想再食甜品就MAMA地 可能係因為中午時段冇咩野可以簡員工態度都可以 因為本身佢話只可以食到4:00 但係4:15分先請我地離開 佢地都冇不耐煩既樣~ 值得嘉許!!別外小食都唔錯 有我最愛既泡菜同蘿蔔絲 可以不停食...真係好令人回味

昨天去了從沒食過的韓燒放題。出乎意料的。超值來形容晚餐自助只是198。食物選擇多,除燒肉外，炸物，刺身，甜品，雪糕...意外的是有自助棉花糖機還有朱古力噴泉😍。還有飲料也是放題在內我不食國內的三文魚刺身，大家都知啦無魚味之餘，得個油，菌量又X😝架啦。機本從顏色，都知是否國內。Lee 到是深橙色😍不過都係問一問好D，剛今天見到似老板人就問下，居然它來自加拿大。剛暑假也去了加拿大一趟，也有食當地的三文魚刺身。從味道，顏色也令我放心食。我會再來👍🏼呵！如訂位額外還有Haägandaz 雪糕呵👍🏼今次真不能不分享。😂

這間座位韓式燒烤座位舒適 ，門口仲擺左啲願望卡可供客人寫，掛上網，內裡抽風系統很好，食左兩個鐘個身都冇味，甜品超多選擇，生熟食種類都很多，店員有禮貌，價錢很合理，蓮藕湯超好飲足料，不得不提芒果布甸很多芒果，希望可以keep住，下次再黎!