韓牛韓式燒烤 (已結業)

我出名大食 又鍾意食牛 韓國燒烤放題就最啱我 可以不停食肉今日黎到人氣之選-韓牛韓式燒烤 餐廳主要做午市及晚市時段 午市時段早上十一時至下午三時半晚市時段由五時半至凌晨一時價錢便宜 覺得合理 包保食到捧腹離開餐廳做緊個優惠 晚是七時半前結帳 或十時半後入座 即可享有八折優惠先慢慢參觀下自助食物吧枱 再挑選心儀嘅食物在放肆大吃燒肉之前 先吃過龍蝦沙律開開胃 果然真材實料真係有龍蝦肉的然後再吃冷盤 凍蝦 蝦肉新鮮彈牙 而且非常鮮味食韓國餐又點少得韓國嘅小食前菜呢 味道正宗酸酸辣辣的 最喜歡泡菜 享用完一啲熟食產品之後 就準備bbq啦燒烤食物大致分為肉類 蔬菜類 海鮮類部分肉類有醃製過的 而且相當入味 非常鍾意燒多春魚 外皮煎得金黃香脆 魚仔脆卜卜 連骨都食埋間唔中仲有啲期間限定美食 手快有手慢冇 畀我搶到椒鹽瀨尿蝦最後食埋甜品 非常邪惡嘅雪糕自助吧 幸福滿瀉

今日同一班舊同事聚舊 揀咗香港嘅中心點旺角食韓燒放題 交通方便 地點一流今日係平日 而且我哋六點就開始食晚餐 所以冇book位 座位依然有好多 呢個時段入座每人只需要$198隨個人喜好 調配自己喜歡的醬料非常壯觀的燒烤食物區全自助形式 鍾意食乜就拎乜真係花多眼亂 由日式頭盤 韓式小食 熟食 湯品 韓燒肉類及蔬菜 以及棉花糖機 自助雪糕機 一應俱全每人有個半小時任飲任食 完全有足夠嘅時間 讓你吃到飽韓燒食物 最為喜歡牛舌 入口彈牙鮮嫩牛仔骨亦都非常推介 醃得入味 牛味豐富最後食埋甜品 有我兒時最喜歡的維記雪糕 非常滿足的一餐提醒食得曬先好拎 唔好做大嘥鬼

今次同朋友黎到創興廣場一樓既韓牛韓式燒烤，我地book左7點鐘，唔洗點等即刻就有得入座。首先講下肉類、海鮮同蔬菜既選擇都十分之多，其中最推薦既就係牛仔骨同牛舌，肉質非常嫩滑，海鮮方面魷魚就好爽口。依到仲有勁多唔同重類既熟食方面，例如韓式粉絲、海鮮煎餅、炒蜆等等，味道同出面D韓國料理店有得fight。最估唔到既係依到竟然仲有刺生，食落佢地都幾鮮甜肥美，btwD海鮮魚生店員一上就好快冇哂，見到出面有就快D夾多幾件啦。甜品方面凍櫃入面就有十零款，布丁奶凍等等，雪糕雪條就任食。另外仲有棉花糖機yogurt 機同朱古力噴泉，岩哂中意玩又最中意食既大細朋友。店員既服務亦好抵讚,會主動幫我地換盤。我地食到個肚突哂出黎先走，加上價錢唔貴，中意食韓燒既可以試下依間！

又到生日月 係時候搵地方約食姐妹生日飯今晚主角要求食韓燒 近近地 就旺角啦呢間韓牛我之前有食過 坐得舒服又多野食當然要推介俾姐妹們 一齊食返餐實在太熱啦 坐底即刻拎野飲 久違嘅人提子汽水甜品吧好吸引我 有得自制棉花糖同朱古力噴泉海鮮款式唔多 不過都有青口 螺肉同鮮蝦熟食中我最鐘意係燉牛尾 好入味 而且炆得幾林重有一啲餐小食 厚切魚生好肥美 泰式無骨鳯爪都唔差 夠辣 好醒胃食韓燒又點少得主食呢 款式好多 而且店員會不停refill 唔洗擔心無得食

今晚同事約左我去食韓式放題，呢間我係第一次食，同事已經早一日book定台肉類有好多種款，豬都有好幾款！我最愛係牛仔骨，燒岀來好香雞翼同雞腎都唔錯蔬菜種類都有好多款，南瓜好甜壽司區，軍艦每款都好食，而且好多都好快俾人拎晒，唔怕會放得太耐呢個係炸野區同熟食區，花多眼亂，咩都試少少！同事最中意食牛尾，煮到好入味海鮮區，蝦同青口好新鮮，好味！前菜區都係有好多選擇！好開胃沙律區，呢區就正常野甜品區，我同同事食到停唔口仲有豆腐花，蕃薯糖水，雪耳，木瓜！呢間餐廳竟然有呢個雪條，好好味，而且岀面賣得好貴，我食左2條燒完再燒

平價韓燒之選🍢旺角真係有好多放題嘅選擇今次就去左創興商場嘅韓牛韓式燒烤用自助形式 岀去選擇自己中意嘅食物有好多肉類選擇呀 長期有人不停refill亦有不同韓式涼菜同熟食幾喜歡佢嘅炒青口 夠唒大隻👍🏻炸雞翼都好香脆喔😊呢到嘅燒肉質素還好吧牛肉 羊肉 雞肉 醃得幾好架雞翼呢 就係辣嘅 都幾多辣椒籽🤭仲有鴨胸肉 雖然係普通野 但燒香左好好食🙈蝦呢 超級多膏呀 🤩呢到仲有刺身 壽司食不要expect太多 三文魚尚算肥美👍🏻不過壽司飯就一般般🙈 仲有凍海鮮食 選擇都幾多甜品方面就不得了💓有朱古力噴泉 自製棉花糖🙈 玩得好開心呀泰式芒果糯米飯 仲有不同甜品 生果 選擇多多👍🏻👍🏻環境闊落 都幾好坐 如果想平食韓燒呢到係你嘅好選擇☺️🍽 韓牛韓式燒烤🔎 旺角彌敦道601號創興廣場1樓

好少同朋友係星期一至五見面,今日約左放工去食韓燒。行過條街就見到大大個牌指住創興廣場喱間韓牛,入到去要上電梯先會見到。一入門口就見到, 係中學時最鐘意同朋友既個種韓式燒烤放題。一入去就即刻出去拎野食XD 有好多好多肉類選擇, 豬牛雞都各有好幾款, 個人燒烤時特別鐘意食牛,喱到既牛柳粒同牛仔骨特別入味,燒既時候亦唔花時間, 食都可以食多好多呢!另外雞翼亦值得一試, 燒到兩邊金黃色, 好似讀書時去BBQ既雞翼一樣>V<話明放題,喱到仲有不少種類既熟食, 好似泡菜﹑豆芽喱種前菜,同埋壽司﹑春卷﹑青口等, 飲品種類都頗多, 朋友最喜歡飲忌廉溝鮮奶, 喱到既飲品櫃係自己任拎野飲, 唔洗叫店員J 店員既服務都非常好,每次叫換盤都會立即到。可能係因為星期一至五人流冇咁多,但服務態度都值得一讚。

老細上次請食呢間 質素好好 服務唔錯 叫啲人換盤都幾快手下 啲嘢食又嚟得快 周不時幫你清清枱 啲員工嘅服務態度係幾抵讚嘢食嘅質素又有返咁上下 又要有勁多款 講得出嘅都有 特別係啲甜品 大部分韓燒都冇咁多 最多就雪糕 糯米糍 呢到就連布甸 水果都有啲刺生 海鮮嗰啲全部大大舊 又多水 食極都唔會厭 成班同事來來回回嗌咗幾轉啲牛更加唔洗講 啲脂肪比例啱啱好 食落口嗰下feel到個肉質係非常軟嫰 如果有點啲醬汁 更可以話係畫龍點睛 好野味好彩老細帶我哋嚟食呢間 真心jeng

韓牛韓式燒烤聽朋友講過幾好食，而且因為減肥既原因好耐冇食肉，所以決定同朋友入去試下。呢間餐廳係7:00前埋單同10:30後入座可以有八拆優惠，所以我地10:30後先入去食，雖然好晏，但本人有食宵夜既習慣，所以入到去就坐低慢慢拎嘢食，價錢上真係好抵食。韓燒當然有前菜，有豆芽，泡菜等等...肉類比想像中多，吾只得牛，豬雞羊全部都有，有牛舌，牛仔骨都係我既最愛。仲有海鮮，有蝦，有蟹，有蜆。如果想減肥既仲有沙律食呢間餐廳位置都好大，吾會吾夠位座，而且仲會播住流行既韓國歌，令到我同我朋友心情都好舒服，吾會有眼訓既感覺。而且最緊要係呢度既服務員態度都好好，個個笑容都好好，值得一讚。食完熟食記得食埋甜品先好走，呢度既甜品有我最愛既芒果布丁，椰絲啫哩，食完仲想食，甜品真係值得一讚。

跟食肉獸們的聚會，同事為我們推介了旺角呢間韓燒任食放題，閒日晚市都只係$198，任食兩個鐘放題。對於食肉獸的我們來說就簡直像天堂一樣，最主要是這個餐廳的位置離地鐵站只是幾分鐘的時間，絕對不難找，而且裝修也不錯喔！肉類，海鮮，蔬菜都好多選擇，對於有選擇困難既我黎講，真的不知道從什麼下手好韓式餐廳，必然要有前菜的吧，泡菜是我最愛，泡菜不太辣也不太酸，對於大人小朋友都適合喔！甜品生果也有好多款，都是我的最愛，甜品有桂花糕，芒果布丁🍮，奶凍等等，都不會太甜，味道剛剛好。飲品方面選擇亦不少，有二十幾款，二十幾款中包括任飲啤酒汽水🥤，但如果是紅酒，白酒，青酒便要另外加錢，但如果是朋友的聚會不仿試下要加錢的酒也可以喔，跟朋友聊天的時候最適合了。而且还有雪糕，雪條，棉花糖，朱古力噴泉，我諗這些美食都逃不過小朋友，都是小朋友的最愛，建議大家有小朋友的可以一家人試下呢間韓燒

今日中午同朋友係三樓買完嘢，由於太攰了，行到一樓發現呢度有set lunch食，呢度亦有自助餐食，但係因為吾想食太飽，又吾想行，所以今次決定試下個set lunch先我自己最愛既係牛肉，所以簡左鐵板一口牛試下。啲牛肉咬落口好方便，易食，啲牛肉既味吾太甜吾太呰鹹，岩岩好。仲會配埋一碗飯同兩個配菜。仲有可以送佢限定既飲品或者湯都得，如果兩樣都吾岩，可以選擇加多幾蚊轉杯柚子茶，檸茶都得。而我朋友嗌左個泡菜辣豆腐湯，呢個豆腐湯好鮮甜，辣又吾算太辣，味道岩岩好。食完仲想再食多次最後，仲會有甜品送，有我最愛既豆腐花，真係好底食，真心建議你食吾到太多嘢既話可以試下呢度既set lunch

呢間韓燒之前食過，係同一個位置，但係轉左名同裝修左，改變了不少。食物比之前更多款式，而且不用等太久便可以入座。鋪面有足夠的空間，不需要跟別人逼來逼去。今次再黎係邀請朋友一齊食，可以一齊聚下傾下計，店內會播放韓國歌，令人心情更加快樂舒服。嘢食方面，有好多熟食，同其他韓燒差不多，但係呢度既泡菜我真係好中意食泡菜吾太酸亦吾太辣，味道岩岩好。仲有我最愛既海鮮，有蜆，分兩種，有湯同炒。本人好中意食炒蜆，不過兩種都好鮮甜。燒既亦有好多款式，豬牛雞羊全部都有，吾只得牛的。本人比較中意燒嘢食，所以食得好飽。嘢飲亦有好多款，一定有款岩你，亦有啤酒。仲有大人小朋友都好中意食既棉花糖機玩，建議大家可以試下。

見到價錢唔貴就同班frd一齊試下初初諗住都係普普通通正常質素🤔點知一試又幾好食喎😂😂牛啊雞呀豬呀比其他同類型餐廳高質不得止最正係海鮮 海鮮真係有驚豔到我！完全冇諗過普通價錢既韓燒入面嘅海鮮可以咁新鮮 完全唔會有雪味同埋唔會「梅」我個人就狂食三文魚同青口 真係好好食三文魚燒到個皮脆卜卜咁最正 脂肪分佈好平均 一食啲三文魚油真係好正！青口既湯汁勁鮮又唔會有沙 好推薦！！！食飽飽之後行翻個圈 發現仲有雪糕可以自己唧 芒果味好好食 唔會係普通好假嗰種藥水味 ～仲有朱古力噴泉可以任點朱古力😚同埋自己整棉花糖 對於我呢個甜品怪有得玩又有得食 真係好正🤟🏻🤟🏻😂推薦啊呢間餐廳🍴

收費不高，但相對地食材好cheap，有d甚至供應不足！服務亦非常一般！餐廳音響開得勁大聲，好似想趕客咁，食左個半鐘食到頭痛忍吾住走左！牛肉種類少，熱食涷曬，生果魚生供應都非常慢！

最近同朋友一齊行街，經過見到呢個韓燒，就同朋友一齊入去睇左一個圈，覺得好吸引，而且口淡淡好耐冇食 所以就決定同朋友一齊入去試下呢間韓燒。雖然呢間韓燒放題為主要 但係亦可以出面燒烤 中間打邊爐 所以同朋友選擇兩樣一齊打孖上呢間放題係明火燒烤 同其他韓燒吾同 可以一邊燒一邊傾計 而且會放韓國好hit既音樂 令到心情更加舒服除左肉類 豬牛雞羊，仲有海鮮 有我最愛既蜆 蜆有兩款 一款係湯 一款係炒既 又有蝦又有蟹 真係建議大家試下各款甜品都吾太甜 味道岩岩好 好適合一家大細食 仲有最尾一定要食既緊係雪條雪糕啦 岩曬小朋友食 真心建議大家試下