韓日燒 (已結業)

今日喺荃灣嗰邊收工，老公來接我收工嘅時候同我講，話見到前面有一間任食韓日燒，所以我哋就去咗嗰間度食，上到去環境舒適，服務員嘅好好禮貌，閒日黎講入座率都有八成,入到去已經見到有好多嘢食攞👍🏻，最特別係仲有一條迴轉壽司吧👍🏻，被安排坐係卡位，枱上面除咗有燒烤爐仲有一個打邊爐用嘅，真係一次過可以滿足晒你好多個願望，外面嘅嘢食亦都好豐富，燒烤方面有牛仔骨、牛肉、雞扒、豬扒、腸仔、青口、雞翼，真係有好多，飲品方面有五花茶、酸梅湯，汽水，如果鍾意飲酒嘅亦有好多選擇，有清酒、梅酒、紅酒、洋蔥紅酒......打邊爐方面個湯底有麻辣或者豬骨湯底，壽司方面亦都有好多選擇，除咗壽司亦都有刺身，有三文魚、魷魚、甜蝦、帶子、赤背，平均一個人都唔使$200👍🏻就可以有咁多選擇😝😝

荃灣真係一個有無限放題比人挑戰嘅地方，好似永遠都挑戰唔完，今晚我們就黎左試韓日燒放題餐廳走平民價路線，所以一晚倆轉都滿座，放題除左有自助烤肉，仲有多款熟食，旋轉壽司，刺身，火鍋，師傅處理嘅鐵板區，甜品，豆花，飲料，啤酒，紅酒，青酒，我覺得真係好多嘢選擇旋轉壽司區連接住卡位窗口位嘅燒肉感更濃，餐廳有好多一支公客人，可能cp值高熟食區由湯，炸物，小食到自助烤物或者火鍋選料區鐵板區有芝士玉子豆腐，大板燒，牛柳，生煎包，芝心麻糬......最奇怪竟然有嗅豆腐酒品區，有7,8款酒，比較特別係紅酒浸洋葱，可惜我酒量麻麻唔試到。飲品區亦有汽水機，茶，涼茶，豆漿，果汁炸雞翼醃得入味，炸到剛好保留肉汁，大板燒就比較厚粉，由於預先準備所以已經凍左。鐵板牛柳配上金蒜粒同青葱，令牛肉更顯惹味自己落手，餐廳有預備多份爐紙比客人更換，都算細心表現最後發現有我中意食嘅泡菜大豆芽，老實講，食物質量唔算高，但勝在選擇多加上學生價錢，真係可以一試

第一次黎食，係見到$168有任食韓燒同壽司好抵，一入到黎就見到超多款燒物，心裡未食都已經興奮左😂 見到好多食客都忙住夾自己中意食既野埋位，好熱鬧。有各款熱食俾食客填肚，韓燒需要d時間去燒熟，拎哩d小食食住先就唔洗餓住等啦！推介麻辣牛肚同魚蛋，辣得過癮，正。各款手握壽司又係中意邊款自己拎就得！有好多款揀呀，我鎖定三文魚刺身、三文魚卷😂 好中意食三文魚，肥美！哩度真係好多選擇，真係咩都想試，甜品好吸引，食左熱食先！五花茶同竹蔗水都好飲，又健康，食韓燒要飲多兩杯涼茶清熱氣。哩度既爐具好衛生，有張紙隔住可以自己隨時換，夾左好多牛食，好林呀，薄薄地又快熟。食到9成飽開始食甜品，食左熱豆腐花、雪耳紅棗糖水、南瓜西米露，哩度既糖水都好好味，食完變左10成飽😂哩度入座起限時兩小時，時間充足，食物選擇又多，好抵食！

之前聽朋友講呢間韓燒幾抵食，而且經過荃灣就諗住試吓啦。八點半先去到，仍然好多人好熱鬧，雖然遲咗少少去，但係食物嘅選擇都仲有好多。間餐廳最特別嘅地方就係除咗韓燒之外佢仲有刺身同打邊爐。簡直係一次過滿足晒三個願望。刺身方面呢間餐廳都幾有心思，將啲刺身擺成迴轉壽司，估唔到去食放題都仲可以享受迴轉壽司嘅感覺。另外我張枱除咗有看燒嘅路之外仲有個電磁爐咪入嚟打邊爐。所有肉類都非常新鮮，而且湯底醬料選擇都好多，甜品都係！另一個特別之處就係呢間餐廳有好多唔同嘅燒酒飲非常特別

同朋友行荃灣、由朝行到晚、腳仔軟、人又攰!諗唔到食咩好、最重要係月尾銀包肝硬化抬頭望到韓日燒、一個價錢任飲任食!啱晒我哋!又有韓式燒烤、又有日式打邊爐!正正正!我地四個女人已經餓到爆、見到咁多款式嘅食物哇哇聲直頭雙眼發光。好興奮!!首先食D可以E肚餓兼大大件壽司、唔到你唔信呢個價錢竟然有迴轉壽司既旋轉帶、不停供應！而且款式多、都幾新鮮。最重要係～～仲有刺身啊！另外韓式既肉亦都唔錯，豬牛羊雞應有盡用!味道都有韓國既地道風味! 咁多款肉，牛仔骨最好味，又林又入味！另外仲有飲品同小食依個價錢食到咁多款式既野真係幾抵！CP值幾高！

已經很好耐無食任食燒烤了因為要去荃灣買電器, 買完之後突然勾起條癮想食燒烤, 睇左介紹話呢間原來好多野食, 仲唔使2百蚊一位咁啱咁肚餓, 啱哂有D 擔心要等位, 好彩係我地算早唔使等一入去已經見到好多野食，除左燒烤類, 火鍋類等生料, 甜品, 熟食, 飲品, 迴轉壽司都有, 包羅萬有係枱上已經有齊燒烤爐同火鍋爐, 燒烤爐有隔油紙隔住, 有需要就要自己換基本既肉類都正常, 有醃過既, 亦有適合火鍋既, 雖然好多生料都講係乜, 不過大部份都睇得出壽司, 如果坐到係迴轉旁邊就好方便, 如果唔係, 都係要自己企係到拎, 無得order 架雞翼特別大隻, 係枱上有孜然粉, 可以自己整孜然雞翼火鍋都可以自己拎, 再揀湯, 我要左豬骨湯熟食都係小食多D, 魚蛋, 牛肚, 炸物等特別介紹下飲品, 大人細路都啱飲, 除左汽水涼茶, 亦有多種自家釀既酒, 如梅酒, 菊花酒, 桂花酒等, 試左桂花酒, 酒精濃度幾勁, 都係梅酒最易入口 甜品方面, 種類比我想像中多, 焦糖燉蛋, 無論有無燒過, 個人覺得都幾好, 我起碼食左3個仲有涼粉, 冷熱豆腐花, 雪糕

老友生日、真係要慶祝同攪大佢、一行四人訂咗間韓日放題放縱一下。韓日燒响荃灣沙咀道、超方便無論遠定近都一定識揾!餐廰好大,每張枱都有條迴轉壽司Bar,激讚!!壽司有好多好多選擇、魚生又新鮮!仲要係完完不絕不停上不停上。唔似其他的窒吥窒吓咁!跟住就係生肉池!哈哈堅多種類、朱、牛、羊、雞、魚都有!超愛燒雞翼、牛肋骨、朱腩肉,D朱腩肉係脆嗰種唔係其他的流野!超超正!!雖然生日飯但响度食真係蛋糕都可以慳番!因為太多太多甜品比你揀!焦糖墩蛋必食!豆腐花、涼粉等等!超值之選！

來了好幾次，依然覺得好抵食！韓日燒的任飲任食實在是平通全港九，食物質素我覺得是一分錢一分貨，吃到飽絕對沒難度，而有好幾款食物值得encore數回合～呵呵！先講燒肉，牛仔骨和肥牛我覺得也是不錯的，來回添吃了三四遍，現在看著相片也有點回味...（為何深宵總是餓...）肉經過調味，畢竟肉的質素不可能是最好，調味不過火，不算鹹，性價比高。韓日燒的爐要用上牛油紙，紙上面一早預先塗上一層油，大概燒十多分鐘就要換一次紙。不過紙一早放在枱面，所以很自助，不用勞煩員工們。熱力也不錯的，燒一些比較難熟的例如厚雞扒也很快就可以吃～不缺炸物，小朋友最開心，小朋友開心，大人才有一餐安樂飯吃嘛...（你懂的...）外面還有一位廚師即場製作食物，種類經常轉款，個人推介大阪燒，新鮮燒起來還挺有風味的。吃得多燒肉怕熱氣，還可以打邊爐，韓日燒真是包羅萬有。當然不可能跟火鍋店比，但吃時菜和瓜平衡一下正正來得及時！甜品超多款式，拍得住酒店自助餐。豆腐花還提供冷熱，熱食超正，滑得來有豆香，真是意想不到吧！最後的清熱氣秘密武器有超甜的西瓜！我最喜歡沙沙的西瓜，比自己買的還要甜。又有燒肉、海鮮（少量）、打邊爐、甜品、炸物、水果、果

想食肉即刻諗起韓日燒，之前食過幾次都覺得好抵食，今晚又約朋友黎先。價錢依舊係$168一位無加價，一行四人上到黎，分左個旁邊卡座，自成一角都幾好坐立。燒爐及枱上用具不見得很乾淨，但又無油滴滴，放題黎計收貨了。迴轉壽司帶上的壽司同刺身今晚多左款，而且都幾多人拎添，去得快都叫做幾新鮮，至少張紫菜無淋呢個自助酒櫃依舊係大受歡迎，黎到總要飲番一兩杯。一壺壺嘅係中湯，粟米湯，糖水等，旁邊仲有個廚整鐵板燒，有啲即整熱辣辣都幾好味㗎。燒下先，試少少三文魚皮，豬大腸，雞腎等特別啲嘅先，跟住就燒至愛嘅牛仔骨，肥牛片，豬肉片，香草腸等，仲有唔少得脹卜卜嘅餃子，好味好味燒肉未熟就拎下熟食，食左麥樂雞，薯格，紫薯天婦羅，好好彩新炸起仲熱㗎，香口野實正啦。睇住鐵板燒師傅整嘅玉子豆腐，上面放左芝士，用火槍燒瀜再加脆脆，又香又滑勁正喎中湯係霸王花湯，幾濃味，飲完無口渴應該無加料掛？燒完肉又打下邊爐，食返啲菜嘛，邊個放啲茄子落去打邊爐？攞黎燒㗎仲有即燒嘅焦糖布丁，好香好滑，正正正飯後果西瓜，手快有手慢無，攞左一輪後就無refill，唔知係咪切唔切呢？甜品勁多選擇，今次試下紫薯西米露，用上大粒西米好有口感，甜度剛好，好味

今日決定帶埋屋企人去吃到飽😋星期日真係好多人等位！盡量book左位先入到去環境雖然暗暗地，但要坐得耐既餐廳最重要係乾淨舒適，呢度位置夠闊，2人位可以坐到4個人👍🏻👍🏻👍🏻嚟啲任食地方，我覺得小食一定要試，係可以知道間野質素好唔好，呢度啲小食都好香脆，好快會refill所以夠熱夠脆啲肉有醃 唔洗點豉油都有味飲品多款式，有五花茶好重要！啱曬食完燒肉飲 可以解熱氣甜品就有綠茶味雪糕 奶凍 芒果布丁都好好食(有花奶可以落)壽司/刺身款式都多，以迴旋壽司個種擺法俾人拎 如果坐迴旋隔離既位就可以好方便咁拎到壽司刺身

今日下午去完荃灣千色店shopping想係附近搵個地方同個好友大食特食，上OPENRICE搵下資料見呢間價錢勁吸引好抵食，諗住就算係伏都唔會有咩損失既情況下就上左黎日韓燒了。一入門口這裡俾人空間感好大，絕大部分都是卡位設計，座位好闊落，而且走廊位亦好闊，一來拎野食行出行入都唔駛左閃右避，二來檯與檯有一定距離，可以暢所欲言都唔怕俾唔識既人聽到。上來之前其實都沒有太認真做定功課，只知道有壽司有韓燒，想不到呢到有的食物飲品遠比想像中多，壽司沒有想過是迴轉帶設計，以為是一如其他放題般填食物紙寫數目，只要係壽司迴轉帶見到覺得岩口味覺得新鮮既自己先係上面拎，十分方便及即興，款式唔算少而且排得滿滿的，就算錯過左都好快再有合適的，如果下次能被安排坐係迥轉帶旁的卡位就更完滿了。呢到既主打韓燒食物種類不過不失，基本既肉類都會有，以百幾元價錢我覺得絕對可以接受。飲品方面真係值得一讚，除左各式汽水之外，紅茶咖啡可自行調配，不得不提既係佢地有一個酒品專區，除左各牌子的樽裝啤酒外，還有日本清酒梅酒桂花酒等，全部任飲，淨係飲酒品都已經值回票價了。甜品是另外一個賣點，雖然都係大路野，但勝在款式多，有啫喱、奶凍、什果沙

一開始係貪呢度又近屋企又唔貴，就一於帶埋媽媽來諗住大食一餐，點知係我錯，係我搞到媽媽對外食咁失望。晚上 6:30 開始食，連加一 $184 兩小時任食。個場都算大，坐左五成，星期二黎講算多人。一坐底，就覺得檯好油好多印。。我拎左 d 可以即食既野醫下肚先，即食既野有薯角，薯格，紫薯塊，炸糯米球，烤豬排，麥樂雞，辛辣魚蛋，牛肚，水煮蛋。全部都係勁飽肚又平既野。全部都係凍冰冰，薯格硬到不得了。牛肚整到好淋，但有陣雪味，定怪味，唔好食。甜品亦係全部都係平價系列，啫喱，奶凍，罐頭沙律，涼粉，普通到我唔想拎，唉。。。雪糕櫃只有只有只有綠茶味，有綠茶味算及格。格離有冷熱豆腐花，有冷熱係幾貼心，但完全無豆味，不及格。唔知食緊咩？甜品無雪條無蛋糕，都幾失望。現場有人即燒野，但都係普通到爆既野，例如好厚粉既大阪燒，燒玉子豆腐，臭豆腐之類。之後見到湯品糖水有西米露，滿心歡喜有得食最愛既糖水，我仲畢左一大碗，點知又係錯誤既做法，甜！到！爆！炸！連阿媽本身勁食到甜都話超甜，唔 ok ! 燒烤材料都算多既，有青魚，雞翼，豬排，豬頸肉，丸類，豬腸，紅腸，帆立貝仔，香腸，芝士蟹子丸之類。但係！醃過既肉類都好咸，又好

呢間任食真係不得之了😆自大學起都會成日同一班朋友黎食餐勁既韓燒+邊爐+自助餐一次過滿足n個願望🤤一晚食足哂韓燒+火鍋真係好過癮！燒肉好多總類簡，🐖🐂🐑🐓🐟都有，調味調得好好，啖啖都係滿足😊🔥仲有成個凍櫃既蔬菜同火鍋配料任簡，堅正😍唔係講笑，壽司同刺身都有😆🍣真係想食咩就有咩仲有大量熱食🤤我最愛牛肚🤪 朋友食左好多炸物👍🏻👍🏻👍🏻👍🏻全部都好好味呢個肉係廚師即叫即燒🔥好似自助餐咁有個師傅主理鐵板 🤤一般野飲就實有啦、但估佢唔到仲有咁多種類既酒🤪 朋友歡聚好地方！！仲要勁好坐🙊正啊咁既價錢咁既質素真心抵玩👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻多謝韓日燒

今日朋友生日約左佢去食飯慶祝 係諗緊食日式定韓國野嘅時候 見到有韓日燒 一次過滿足2個願望 就揀左佢一入門口就見到好多清酒梅酒桂花酒各款酒都係任飲 仲有花茶 竹遮水 酸梅湯 豆漿 汽水任君選擇烤肉種類有雞、牛、豬大部份都醃製過 好入味個爐係會用專用紙鋪住 放便自己有需要就更換啲肉燒完原汁原味 正！仲有火鍋 個鍋係一人鍋 份糧細細地 啱曬放題食 唔怕太多食濟可以自己揀配料 配料都好齊借 有肉有海鮮即炸熟食有豬扒、雞翼、薯片、芋頭波 新鮮滾熱辣迴轉壽司帶真係好驚喜 壽司款式都好多有壽司飯 魚生 仲好新鮮添仲有個即場鐵板燒自取區有沙甸魚、玉子、燒牛肉甜品當然唔少得 成個雪櫃都係 有布甸 椰汁糕 涼粉 奶凍 嘟喱最鐘意就係呢個焦糖燉蛋 面頭焦糖脆一脆 下面啲燉蛋好滑因為太好食 好飽都食左2個 正！呢間放題都幾抵食 朋友都食得幾開心滿足

荃灣是香港其中一個抵食的美食集中地。我和朋友去了位於沙咀道298號翡翠廣場的韓日燒放題。這裡餐廳坐位也算多，但好多時都座無虛席，原因這裡的性價比極之高，食物亦好多選擇。極多燒烤食材選擇還有迴轉壽司刺身任食竟然有臭豆腐，雖說不太臭，但香港已經無什麼地方有臭豆腐食，當然不會錯過啦。牛仔骨沒有醃過（因為預先醃過的牛肉會好韌，好粗）需要自己加小小調味。免費提供燒烤紙，好貼心，不用再那麼容易燒燶食物。有好多甜品可以選擇。還有豆腐花，有凍熱選擇，好香豆味啊。除了燒烤外，枱上還有電磁爐，可以打邊爐，也太正了。飲品酒類任飲，啤酒更是玻璃樽裝，好有誠意啊總結:以不到$200元吃韓日燒烤放題，現在來說，真是好吸引的定價，加上食物選擇很多，不會將貨就價而少了選擇，而且點的抽風系統做得不錯，不會燻到全身燒烤氣味，整體這店值得一試。