韓日燒 (已結業)

第一次黎食，係見到$168有任食韓燒同壽司好抵，一入到黎就見到超多款燒物，心裡未食都已經興奮左😂 見到好多食客都忙住夾自己中意食既野埋位，好熱鬧。有各款熱食俾食客填肚，韓燒需要d時間去燒熟，拎哩d小食食住先就唔洗餓住等啦！推介麻辣牛肚同魚蛋，辣得過癮，正。各款手握壽司又係中意邊款自己拎就得！有好多款揀呀，我鎖定三文魚刺身、三文魚卷😂 好中意食三文魚，肥美！哩度真係好多選擇，真係咩都想試，甜品好吸引，食左熱食先！五花茶同竹蔗水都好飲，又健康，食韓燒要飲多兩杯涼茶清熱氣。哩度既爐具好衛生，有張紙隔住可以自己隨時換，夾左好多牛食，好林呀，薄薄地又快熟。食到9成飽開始食甜品，食左熱豆腐花、雪耳紅棗糖水、南瓜西米露，哩度既糖水都好好味，食完變左10成飽😂哩度入座起限時兩小時，時間充足，食物選擇又多，好抵食！