韓日燒 (已結業)

#韓日燒 抵價放題, 壽司韓燒炸物甜品飲料都有，甜品種類多。極推芝士燒帶子!!!!!火鍋清清地，烚下烚下都唔錯。壽司唔新鮮，我拎完返到埋位望一眼就發覺唔對路，食一啖即刻吐返出黎；凍冰冰，又腥腥地，真係搞唔掂，擺埋一邊唔食。大佬呀，平都要食得落肚架！真心一句呢度唯一賣點係平，同埋野食既種類好多。不過真係唔好食lor餐廳入面有廚師即場煮野食出黎，尤其燒野既廚師都好有禮貌同整得好好食- 晚市正價場 ($168)

呢排忙緊搞裝修@@ 朋友話荃灣買料平所以九龍嘅我都碌到去荃灣行，另外荃灣出名抵食，今日呢間⋯我懷疑老細點賺錢⋯簡單啲來講又有得食刺身，又有得食韓式燒烤，唔岩食都有得打邊爐，份人懶既仲有人好似酒店咁煮熟食俾你，咁都多樣化嘅選擇收費$200都唔使😨咪話唔驚人平到咁你唔會旨意佢坐得舒服，坐位隔離就係迴轉壽司軌送刺身。枱上就有燒烤同埋電磁爐，位置需小但五臟俱全🤣出去行一圈，多野揀到嚇死！韓式燒烤料有！打邊爐用既料有！熟食又有！有人烹比你食都有！（影得唔好向右手邊）最癲連清酒梅酒都有得任飲！😱實在因為收費太平忍唔住對佢刺身質素產生懷疑，所以唔敢直接放刺身落口，而係放去BBQ😂就算出面冇咩海鮮可以拎來燒，用我呢個秘技你都可以有鹽燒海蝦食😂

今日係荃灣等侄女補完習，因為補夜左就帶埋佢食晚飯，佢d同學仔就提議佢去呢間食，去到諗返去以前讀書個陣又係好中意食呢類型既韓日燒餐廳呢！呢度晚市正價168$，8點9後入座只需148$呢！一上到見到好多食物擺放住，而且擺得好整齊乾淨，呢度啤酒仲要係任飲架呢！而我就心血來潮自家製左一個溫泉蛋肥牛，肥牛我自己燒到剛剛好，肉質仲係好juicy ,配埋甜甜地溫泉蛋 連我侄女都忍唔住叫我整多份呢 哈哈！ 呢度除左肥牛之外，仲有迴轉壽司區呢 又有好多唔同既丸類！呢度好抵食，下次試下8點幾後黎仲低呢！

係荃灣發現到個又可以韓燒又可以火鍋既地方，一次過滿足唔同朋友既喜好！左手邊大啲個爐係韓燒，先鋪沾左油既牛油紙，焦左就再鋪一張，唔洗成日叫人換板。火鍋爐要自取，細細個。蔬菜架，有金瓜、翠肉瓜、矮瓜、生菜、娃娃菜同金菇菜等。菜新鮮，肥牛唔會太多肥肉。火鍋用黎淥下菜食，剛好！開始鐵板燒啦！等待永遠是漫長的韓燒食物種類算多，自己夾，有青魚、三文魚骨、三文魚片、腸仔、雞翼、牛仔骨、豬扒、元貝等等。擺晒係門口位置。最喜歡佢個三文魚片，薄薄一塊，連埋魚皮，用左好似韓式泡菜既醬去淹，好入味，微辣。個皮煎到脆，而啲肉係稔，好好食，夾左幾轉！牛仔骨都好好食，不過要揀啲肥肥地既，煎時啲油流晒出黎，好香，食落好稔，好juicy！正！等唔切既可以考慮食住熟食先，有薯角、炸紫薯波波同豬扒等。仲有臭豆腐，有興趣既朋友可以試下竟然有迴轉壽司，真係搞笑！坐係運輸帶附近既朋友真係好方便！一伸手就係但如果唔係既就要企係兩邊等啦。甜品櫃有芒果布甸同涼粉等。隔離仲有雪糕櫃，有兩款味道今餐食到好飽，食左成個星期份量既肉同菜🤣🤣

呢間餐廳老實講太多野食, 價錢又唔算太貴, 唯獨當然D野食都唔算特別名貴啦.不過算係抵食嫁啦呢個價.呢到特色係, 有個油紙整住黎燒野食! 不過我自己覺得唔算太過方便好似有小小難燒既感覺. 同埋有D易焦.第一呢到會有正常既壽司食. 水準完全正常, 當然唔好EXPECT有火灸和牛個d啦,但正常三文魚, 魚子個d就一定有.呢個位會有d即整既野食俾客人任拎,有小小似酒店個d.肉類個d都有好多選擇, 每件燒一件都飽死... 所以我地今次無燒太多野食, 當中牛仔骨可能比較好食, 味都比較濃小小.熟食方面有炸既野食, 同埋魚蛋牛肚等既辣野.不過唔算太熱, 如果熱熱辣會更好!醬料自己睇都知多到爆炸, 想食咩都醬都有.野飲都係多樣化, 除左本身正常韓燒會有既野飲之外, 仲有d日本酒任飲的.主要賣多樣化, 價錢算平 不過可惜就係個胃裝唔落

✿╮❤╭✿ ✿雜感女生 好味日記✿ ˚*•✰。韓日燒．親民街坊價。✰•*˚ ✿✿小滋女的Dolce Vita ✿✿ ❤餓底飯聚．食勻全世界❤ ❤吾係POL - Peggy On Line．Proof Of Life❤ ❤ 去荃灣探朋友，朋友帶我去屋企附近食放題做晚餐 韓日燒價格親民款式多 有火鍋、韓燒、迴轉壽司、酒精任食任飲 朋友是酒徒，難怪推介 因為這裡有樽裝啤酒外， 還有紅酒、日本清酒、梅酒、玫瑰花酒、桂花酒等 很多街坊都在啤啤佢 未開爐可以先食熟食 我取了燒雞翼和餃子，朋友發現有臭豆腐 最吸引是現場有鐵板燒自取區 包括玉子燒、燒牛肉、燒秋刀魚等等 可以邊煮邊食 燒肉區很豐富 牛肉、豬肉幾有味道 推介之物：醃雞腎，十分爽口入味 菜菜區也是自取 此外，腸仔、丸子、雞牛豬肉都款式超多 放入一人鍋打個邊爐也很方便 甜品雪櫃滿滿的 甜品：最吸引的是奶凍、豆花(冷/熱都有) 焦糖燉蛋更是必食，有水準！

有次同朋友在荃灣區行街後, 來到久違的燒烤食晚飯~韓日燒。 店舖空間及座位寬闊,清楚舒適。** 這店食物包罹萬有, 當然有已醃好燒食物如肉類、海鮮、蔬菜等等, 並有已熟食物、前菜、 冷盤、湯品、 甜品、魚生、壽司、生果 、湯品及飲品連乜野酒都有,全是自助出坐位外取食物。**每張台附有燒烤爐 + 打邊爐這日式海鮮湯味道不錯, 可接著打邊爐。*日式前菜, 來開一開胃。* 刺身是任食,我最愛食尤魚及吞拿魚,而其他尚算新鮮。 *燒燒燒~~~ 肉類(牛、豬、羊、雞肉)燒烤食物大多是原味, 按個人歡愛加調味, 所以燒後食物好夠味, 而海鮮及蔬菜十分新鮮。* 炸物十分香脆, 而熟食夠入味可口。* 食咁多野食, 當然要啤一啤佢, 飲下酒啦!* 飯後甜品選了牛奶布丁及清甜雪耳糖水, 這餐飯非常飽飽滿足呢!

去開荃灣朋友就帶咗我係佢心目中嘅抵食之選，168加一任飲任食款式包羅萬有嘅韓燒。食燒肉緊係飲啤酒先爽，呢度就有大支裝青島同獅威都係任飲，除啤酒，仲有其他相信係自家釀製嘅紅酒梅酒等，簡直世間罕有。呢度個燒板上係用沾咗油嘅牛油紙，燒到燶自行換都好方便，生肉枱真係有好多款，亦都分咗豬牛雞區，今次連鵝腸豬大腸有，真係好正囉，而且自己枱上有樽孜然粉同幼鹽，仲可以係大廳攞啲辣粉返來，一邊燒一燒沈落去，重慶風味十足，極力推介牛仔骨。燒爐旁邊仲有電池邊爐，我哋就整咗個小鍋麻辣湯底，攞嚟淥下菜，菇，肥牛，呢個湯底係第二推介，無輪放咩入去都好好味，樣樣都入晒味，再隊返支啤酒，爽YY呢度仲有迴轉壽司，最吸引莫過於係三文魚刺身，脂紋鮮明靚仔肥美，魷魚刺身亦都唔錯。最後甜品都唔少，太飽關係只係食咗碗熱豆花，另有凍嘅，不過我鍾意熱豆花先夠滑溜，呢度都整得似模似樣呀，成碗「飲」晒。總括嚟講三個字，真係好鬼抵食呀。

男朋友今日喺荃灣收工，佢話十級肚餓，不如去食放題~~荃灣我唔熟路，男朋友話佢同朋友食過有一間幾抵食嘅，於是乎我地就去左韓日燒！喺地下門口見到價錢表，我捽一捽眼確認自己冇眼花睇錯！咁平仲要食兩個鐘？？上到去坐低安頓好就撲出去拎野食，呢到食物都幾多元化，有得打邊爐又有熟食，仲有燒肉。男朋友無啦啦唔知喺邊拎左幾碟三文魚刺身返黎，我先知餐廳有迴轉壽司輸送帶XD（因為我地剛好坐左喺另一邊）講返今日我地主要係食燒肉，d肉已經預先醃好，一攞到返位就可以燒。我地最愛係五花腩，就連我平時完全唔食都忍唔住食左十塊八塊！飲品都係任飲，我就飲左提子汁、芒果汁。而男朋友今日冇揸車所以飲左兩支啤酒~以呢個價錢黎講，呢餐真係十分高質！如果喺嗰邊住或者返工，不妨試下！

朋友聚會，食乜唔緊要，最緊要開開心心傾餐飽，呢日近近地約左出荃灣，我地隨便揀左間韓燒放題，價錢只係百幾蚊一位，非常經濟~上到去好熱鬧，好多一家大細黎食野，都幾開心~食物選擇算好多，豬牛雞魚腸仔基本野樣樣齊~仲有丸類水餃等等~亦有一d熟食供應，呢個位置有師傅即場煎既小食~炸物亦不缺~麻辣魚蛋，好夠麻好夠辣，幾好食~連溫泉蛋都有~竟然仲有迴轉壽司~飲品就無罐裝包裝，只有機出，但有汽水，豆漿，涼茶，都幾多選擇~各式甜品~酒類任飲~曾經食韓燒有人教將菜墊底，肉係上面，慢慢煮熟，係好好味，肉唔會濃，蔬菜水份同肉汁混合左，肉燒出來特別 juicy, 菜亦吸左肉汁~今次我地都係咁樣燒~然後我友人發明乾炒金菇，加d燒汁去炒，好香口~最後不忘食多幾件薯格，脆卜卜好好味~圓形波波係最好味，出面煙煙unun，入面係香甜芋泥~

女兒約左我去荃灣做美容，朋友介紹了一位繡眉師给她，叫我陪陪她整眉，整完已經天黑，她就請我去沙咀道韓日燒食放題，之前都在西九食過，女兒知荃灣尼邊開左分店，所以順道去試試。荃灣韓日燒和西九的一樣全自助式，一個價錢有齊燒烤、火鍋、刺身壽司，任飲任食。店內地方都好大，座位是卡位，並設自助區。飲品有汽水、果汁等，也有酒精飲品供應。燒烤和火鍋食材款式很多，牛、羊、豬、雞、腸類、丸類、蔬菜類、菇類等都好新鮮。肉類都醃得好入味。還有一些熟食和多款甜品。本人較喜歡刺身和壽司，三文魚、螺肉、甜蝦等都不停供應。一邊燒烤，一邊火鍋。豐富的一餐！

Thank God It's Friday！終於來到星期五，又可以放鬆心情，約朋友食下飯、吹下水，吃喝玩樂，今次就一於由好友帶路，嚟絕少會踏足嘅荃灣區食韓日燒自助晚餐。餐廳位於沙咀道 298 號翡翠廣場 2 樓，地點雖然唔係好近港鐵站，但亦唔算太遠，只係 8 分鐘路程。先介紹一下收費，嘩！真係幾經濟，原來星期一至五，晚市時段，每位只係 $168，由入座起計，可用餐 2 小時，另設加一服務費。如果係 6pm 前或 8:45pm 後入座，則每位只收 $148，星期六、日及公眾假期，全晚每位加收 $10。自助吧檯設於餐廳門口附近，安頓後，馬上外出走一轉看看。食物款式非常豐富，有壽司、刺身、熟食、中湯、鍋物、鐵板燒、甜品及飲品等，花款多到數都數唔曬。壽司、刺身全部放曬喺迴轉帶上，每碟都有蓋冚住，既乾淨又衛生，可以睇啱先攞，食幾多拎幾多。碟三文魚味道唔錯，魚肉色澤亮麗，呈鮮橙色，肉質雖然唔算話好豐腴油潤，但入口亦嫩滑無筋；而友人就讚碟中華沙律夠爽口，食落仲帶點芝麻香。熟食有炸豬扒、雞翼、薯格、薯角、炸蕃薯波、麻辣魚蛋、牛肚等；而鐵板燒就有薄燒牛肉、大阪燒、芝士燒玉子豆腐、秋刀魚、生煎包同臭豆腐。

最近去咗中環海濱參加啲挑戰賽活動，活動完結之後帶來的就係非常肚餓同埋好想補充體力。由於朋友們都係住喺新界區，就返到新界區先至食嘢。韓日燒呢間餐廳大家都聽過，咩都有得食架！真係好多元化選擇，有圖有真相～飲品嗰啲有好多選擇，主要就揀咗豆漿，味道OK冇咩特別。仲有好多好得意嘅小食，例如牛肚非常之入味；雞翼D皮亦都好香，有好多肉；香辣魚蛋真係好香辣。仲有好多刺身，啲碟都有返咁上下質素，仲有好多選擇嘅壽司。肉就梗係唔少得，表現原本有一層紙，但係我哋唔小心整走左，正常係會有層紙係上面防止痴底。各式各樣不同的肉類，質素都過得去嘅，話晒係任你食，都唔可以預算質素太高，但係可以話對得住價錢，只要控制好個火候同時間，啲肉都可以幾滑。仲有D特別小食! 仲有得飲唔同嘅湯，我就揀咗中式湯，味道幾香。另外食到最後仲可以自選甜品，款式極多，真係加晒分。內在的環境~

朋友話荃灣車站附近有間餐廳係食燒肉放題，仲有好多唔同嘅嘢食，而且價錢唔貴好似好吸引。裏面嘅種類都好多元化，食品不能盡錄，除咗有湯水嗰啲之外，飲品嗰啲仲有梅酒；甜品亦都大把雪櫃飲食，仲有好多刺身， 壽司同埋廚師即整嘅嘢食，生肉嗰D都任拎。啲壽司都OK，算係幾新鮮，唔算放得耐。不停喺度回轉。仲有啲刺身、三文魚都令我幾驚喜，啲花紋好靚，師傅刀工都冇揸流攤。肉類方面豬牛羊都樣樣齊，都算係豐富，如果講質素來講啲豬就好過牛，起碼肥肉肥肥地之外，亦都唔會太實，鬆化一些。而且啲甜品都唔錯，用玻璃杯裝感覺比較高級，仲要裏面啲味道都係幾吸引嘅，有好多款唔同嘅口味，特別係啲奶凍好香嘅奶味又好滑呢。