韓屋

營業中

休息中

又來又來啦！韓流又來啦❤️今日帶大家嚟到尖沙咀韓屋睇吓有咩好嘢食先！🙌🏻醬炒牛肉石鍋芝士拌飯🧀 $138呢個簡直係今日全場MVP個石鍋芝士拌飯，簡直好食到超乎我想像！個飯仲要係非常少女心嘅紫色，恰到好處嘅調味，滿滿都係暖笠笠嘅芝士同埋香脆嘅飯焦！大家嚟到一定要試！🙌🏻牛排骨湯$148見到好多人嗌呢一個湯都會配白飯，但係我哋兩個女仔減肥就唔食咁多啦，好彩冇嗌到咋！原來呢度嘅份量非常，如果再嗌多個飯肯定要做大嘥鬼。呢個牛骨湯非常鮮甜，可以食得出係用新鮮食材熬製！而且牛肉都非常大嚿啊！🙌🏻韓式煎餃子五隻$78去唔到韓國食吓韓式餃子都唔錯！呢度嘅韓式煎餃子非常正宗簡直1秒帶我飛到首爾！脆卜卜嘅外皮同鮮美嘅肉肉～真係好好食呀！

今日去咗一間人氣餐廳 -- 韓屋！呢度嘅韓式料理好地道，濃湯❄️🐄、拌飯、泡菜餃子🥟都好正。泡菜餃子王🌶＆餃子王🥟：，呢款傳統韓式餃子好巨型，肉和菜的餡料比例啱啱好，泡菜餃子少少辣我好仲意，$18 一隻好抵。🐄雪濃湯❄️：用左大量牛骨＆精肉熬煮而成，非常濃郁！入邊有好多肉🐄，好有口感！而且可以平價加配蕎麥麵，好抵食。🪨醬炒牛肉石鍋芝士拌飯：用左健康嘅紅米飯，好香好足料🐄🧀，用左多款蔬菜，加埋拌飯醬汁，好好食又惹味。

【🏠Hanook韓屋｜健康韓國口味🇰🇷】餐廳近門口位置有閃光豬仔，好易認^前菜韓式辣蘿蔔.^人蔘雞湯廚師心機之作，用上數小時燉製，雞肉很滑，雞身內有糯米、栗子等材料，最欣賞係連雞骨都燉到全軟，真係可以「骨都食埋」，湯清甜，人蔘及藥材味較清，紅棗甜味帶出一陣滋補氣息。.^原味石鍋伴飯Bibimbap一向俾人感覺是飯焦和熱氣，今次這裡嘅bibimbap給我一份清新自然健康感覺，新鮮蔬食加上麻油，用上白米及紅米，辣椒醬味都相當溫和，整體上很平和健康。.^泡菜餃子王有個蒸籠仔原隻蒸，幾得意😎.^韓國米酒用返傳統韓國銅碗，韓味濃！夠氣氛！🐾韓屋 📍尖沙咀金巴利道69-71A號美園大廈地舖#香港 #尖沙咀 #韓國餐廳 #韓屋 #人蔘雞好味

尖沙咀有一條韓國街，如果想食韓國美食必定嚟依條街會見到好多選擇。今日突然間興起想食韓國食品，心思思又唔知揀邊間咁啱比依間門口有隻豬仔霓虹燈的店舖同埋笑容滿面既美女店員吸引咗，就去試下。店舖主打是石鍋拌飯，作為韓國著名特色菜之一，絕對唔可以唔叫。除咗拌飯外仲有天氣凍嘅時候唔可以唔飲嘅蔘雞湯！ 🍚 原味石鍋芝士拌飯（$118）： 落枱新鮮滾熱辣 ， 渣渣聲好正😼😋😋 石鍋芝士拌飯一般比較多用一般白飯，但依間選用左紅米飯，相對比較健康，表面加咗菇類、紫菜、蘿蔔絲芽菜等一齊食， 再加埋芝士口感一流😋 🍽️ 蔘雞湯（$168） ： 咁岩食嗰日天氣凍加上身體有啲虛，飲碗蔘雞湯就夠補身又暖胃。 雞湯是原隻雞熬製而成，本身擔心蔘味會很濃味道會怪怪地，但意外地雞湯味遮蓋左蔘味，更加易入口， 同埋唔會好大油脂， 整體唔錯👍🥟 韓式煎餃子（5隻）（$78） ： 餃子唔會煎到燶哂， 外皮香脆唔油膩， 餡料是豬肉餡同韓式粉絲，配上餐廳自家製醬料岩岩好🍹 Rice Water ($25) : 簡左韓國地道的罐裝飲品 ， 本身以為好簡單既米水， 點知原來加左薑在裡面， 飲落好特別！ 少少薑既辣感，但又唔同我地自制既味

又去韓國街搵食~ 🔘醬炒牛肉石鍋拌飯 $128用上紫米飯，配菜有紅蘿蔔、魚糕、翠玉瓜、菠菜、芽菜同冬菇，牛肉半肥瘦醃料甜甜的，足料飽肚，食到最尾仲有少少飯焦~🔘牛膝骨湯 $148呢個湯有驚喜，用上牛膝蓋骨同附近嘅筋長時間熬煮而成，牛筋煮至軟腍但保留少少咬口，口感Q彈，最正係已經去骨，啖啖都係牛筋，滿滿鈣質同骨膠原，個湯重牛味，用嚟撈飯都好正~ 🔘韓式煎餃子 $78外型修長嘅韓式餃子，外皮香脆，內餡主要係粉絲同豬肉~

繁忙時間超多人！需要排隊15分鐘才有位，令我更加期待這間餐廳的美食 🤩🔸炒豬肉石鍋芝士拌飯熱騰騰的石鍋中，豬肉煎至外焦裡嫩，融化的芝士與米飯混合，配搭多種不同蔬菜口感十分豐富 😍 值得一讚的是店家選用紅米飯，感覺更加健康 ❣️🔸釜山豬肉湯湯底是用豬骨熬成的濃湯，味道清甜香氣四溢！豬肉鮮嫩，喝一口讓人感受到家的溫暖，特別適合寒冷或下雨的天氣 🥰🔸餃子王很大一隻餃子！內餡有豬肉和一點粉絲，很好吃 🤤

尖沙咀有一條街，一直充滿咗韓式料理，我今次就去咗裏面其中一間，叫做韓屋嘅韓式餐廳我最鍾意佢嘅牛排骨湯，湯頭清甜鮮美，牛排骨燉得軟嫩入味，裏面仲有好多粉絲，增添咗層次感同鮮味，令整碗湯更加豐富。當然一個排骨湯可能唔夠飽，所以就梗係叫多一份蕎麥麵，麵條Q彈有嚼勁，配上清爽的牛排骨湯湯底，清新開胃又好食 而炒豬肉石鍋芝士拌飯，石鍋令飯燒得香脆，豬肉入味，加上濃郁的芝士，肉眼可見嘅拉絲，再加上佢哋嘅韓式醬汁，滋味又好食。而飲品方面，我個人偏好蜜桃梳打和忌廉溝鮮奶，清新的蜜桃味和濃郁的奶味，好解渴。

環境有霓虹燈既燈好靚，呢間餐廳係韓國街附近其中一間飲湯既餐廳，主打人蔘雞湯，人蔘味濃郁，湯底味濃，湯入面仲有紅棗，人蔘，糯米等等，雞肉好嫩滑，湯好多料，幾惹味好養生。餃子王係好大粒好似手掌拳頭甘大，入面好多涵料，另一粒係泡菜餃子，泡菜涵料勁多仲有粉絲響入面幾有咬口。另一碗叫左牛骨湯，牛肉湯底加埋辣胡椒粉清得黎又幾香胡椒味，牛肉片薄片同軟腍。韓屋 - 尖沙咀地址 : 尖沙咀金巴利道69-71A號美園大廈地舖

放假同朋友去尖沙咀搵食，朋友喜歡食韓國菜，決定去金巴利道韓屋食，餐廳地方不算大，但裝修時尚新潮，由韓國大廚班底主理，主打韓式熱湯、石鍋拌飯及餃子。鮑魚蔘雞湯：滾熱辣上枱，石鍋內小雞的腹中放入人蔘、大棗、板栗、松子仁、糯米、大蒜等食材後經長時間熬煮而成，人蔘香氣和雞肉融合的香醇美味。真的是滋味無窮，是韓國傳統的夏季養生飲食。加咗彈牙嘅鮑魚，更顯名貴。炒豬肉石鍋拌飯：熱辣辣的石鍋拌飯香氣撲鼻，紫紅米飯配以炒豬肉、芽菜、脆肉瓜、菠菜、蘑菇和蘿蔔絲等相當豐富，鍋底的飯焦亦非常美味，加入醬汁後更加美味。餃子王：餃子是由韓國直送，一籠一隻，即叫即蒸，餃子大大隻，餡料飽滿，味道真的不錯。泡菜餃子王：餃子饀加埋泡菜，辣辣哋更惹味。

尖沙嘴金巴利道有發現⋯⋯🫣原來有好多間韓國料理小店我和朋友揀左呢間韓屋🇰🇷裝修風格明亮環境舒適❣️蔘雞湯韓國料理必食之一，湯頭香醇濃郁，雞肉燉煮得十分軟嫩，輕輕一撥已骨肉分離，加上吸飽湯汁的糯米飯，真的讓人忍不住一口接著一口，連一滴湯汁都不會剩下把它吃光光😋❣️醬炒牛肉石鍋芝士拌飯熱辣辣的石鍋飯，配料豐富有豆芽、菠菜、肥牛等，加入微辣特製醬汁，再將所有材料攪拌均勻，米飯軟糯，啖啖芝士香🧀❣️餃子王用迷你蒸籠裝住，比平時的餃子稍大，外皮薄餡料充足，滿滿的豬肉和韭菜粉絲內餡，食完一個已好滿足❣️泡菜餃子泡菜口味微辣，仲意重口味的朋友可嘗試～餃子充滿肉汁，泡菜味突出，味道香濃值得一試

🎪 韓屋 (尖沙咀)尖沙咀金巴利道69-71A號美園大廈地舖🌟薯仔排骨湯 $168天氣一凍，沸騰翻滾的石鍋湯是不錯的選擇。入面的材料包括：薯仔、牛小排、蘿蔔、芽菜、洋蔥和大量黑椒。排骨非常嫩滑，容易脫骨，份量不少，軟綿的薯仔煮至軟爛，澱粉充足～🌟原味石鍋拌飯$108選擇了一個最簡單的石鍋拌飯，飯用紫米，將翠玉瓜、紅蘿蔔、芽菜、菠菜、紫菜等撈勻，加上石鍋底上有香脆的鍋巴，口感豐富，味道呈微微辛辣，經典菜式之選～🌟醬牛小排餃子$88餃子只有五隻，肉饀經特別醬料醃製，肉質偏向實淨，牛小排味道濃郁，又含豐富蛋白質。

最近陪朋友試婚紗，經過尖沙咀的金巴利道，看到一間光鮮亮麗的韓國餐廳，櫥窗上貼滿了韓國菜單，讓我們忍不住進去探探。店員非常友善，安排座位時還介紹了幾道招牌菜，讓人感覺挺舒服的。我們點了三款菜： 香辣牛肉湯這碗湯味道香濃，辣度剛好，喝下去真的挺開胃。牛肉煮得很軟滑，搭配的蔬菜也不少，健康又好味。不過，可能對不太能吃辣的人來說，會有點刺激。醬炒牛肉石鍋拌飯一上桌，賣相真的不錯！牛肉、胡蘿蔔絲、芽菜等配料都很豐富，韓式紅米飯也很營養。拌上他們的甜醬汁，讓人食指大動。不過，個人覺得醬汁稍微偏甜了點，如果能再平衡一下就更完美了。韓式煎餃子這裡的餃子特別推薦，餡料真的很足，香味四溢。外皮煎得香脆，吃起來口感不錯。不過，裡面的醬汁稍微多了點，吃的時候有點滑手。總的來說，「韓屋」是一間很有特色的餐廳，無論是鍋飯、湯還是餃子，味道都很出色。下次再來的時候，我會試試人參燉雞，聽說也不錯！不過希望他們可以在味道上再精進一下，會更吸引人。

俾女朋友話d湯似一包包倒出黎上菜 肉又少 咁就幾百蚊 又唔包麵同飯。 加一個都20蚊。 本身個湯得一碗咁少 裡面d肉得幾塊。仲要係cereals咁細塊。你話死唔死。 個飯百幾，d肉又係得幾塊。 到餃子啦，以為好大舊，頂你得兩隻男人手指咁大隻。 88蚊得個5隻, 又唔大隻，留翻88不如去大圍食蟹黃包啊蟹黃餃子啦。 如果仲有下次俾我真係食隔離個d遊客餐廳算。 e間真係搞唔掂。 d錢攞去食牛大人仲開心

最近天氣轉涼成日都想食韓國嘢暖笠笠，嚟到尖沙咀韓國街搵嘢食，呢間主打石頭鍋同埋牛湯，餐牌選擇幾精簡~牛膝骨湯($148)以牛膝蓋骨附近的筋與牛膝骨等為主食材，成碗湯都係滿滿嘅牛筋~ 充滿骨膠原🫶🏻覺得女仔好啱飲，湯頭亦好香牛骨味! 最衰我冇配飯食，其實佢好送飯🍚炒豬肉石鍋拌飯($128)石頭鍋飯嘅配菜都好多蔬菜，而且最特別係用咗紅米飯，而且佢另上嘅韓式辣醬都唔會好辣，甜味偏多，都啱香港人口味😁蒸餃子($78)原味餃子，啲肉同菜比例適中，相比起泡菜，牛小排等嘅口味清淡嘅~

🐓 鮑魚蔘雞湯（$198）雞湯好濃郁鮮甜而且好足料，入面有原隻雞、人蔘、紅棗，大棗，松子仁等等；雞肉煲得軟腍，輕輕一咬就已經骨肉分離，而且經過長時間熬製嘅緣故，骨頭一咬就碎；鮑魚好鮮味彈牙，適合呢排涼涼地嘅天氣飲暖身；而且仲有醃蘿蔔做前菜，口感爽脆，香辣惹味🍲 炒豬肉石鍋芝士拌飯（$138）豬肉片配上芝士、紫菜、菠菜、大豆芽、紅蘿蔔，豆皮，翠玉瓜等豐富配菜，加上紫紅米飯同韓式拌飯醬，放系熱辣辣嘅石鍋撈勻一齊食，芝士有拉絲效果，豬肉片肥瘦均勻，整體味道層次美味豐富又飽肚🥟 韓式煎餃子（$78）餃子外皮煎得金黃香脆唔油膩，入面包左豬肉餡同韓式粉絲，就咁食味道比較清淡，蘸埋餐廳自家製醬汁一齊食就啱啱好🥟 餃子王（$18）餃子王用蒸籠裝住，上到枱仲係熱辣辣，有拳頭咁大隻，而且外皮薄餡料足，餡料係滿滿嘅豬肉餡，韭菜同韓式粉絲，食落口有滿滿嘅韭菜香味，而且佢適合唔食辣嘅朋友🥟 泡菜餃子王（$18）同餃子王一樣有拳頭咁大隻，外皮薄，入面包有泡菜，豬肉同粉絲做餡，同餃子王比較清淡嘅味道唔同，泡菜餃子王香辣惹味亦有開胃作用