-
餃子王
-
蔘雞湯
-
泡菜餃子王
-
雪濃湯
-
醬炒牛肉石鍋芝士拌飯+26
820
52
56
港鐵尖沙咀/尖東站 B1 出口, 步行約7分鐘
繼續閱讀
電話號碼
26382832
開飯介紹
由韓國人大廚主理的韓國家常菜館，標榜無味精無防腐劑，較為清淡及養生。
繼續閱讀
營業時間
今日營業
12:00 - 23:00
星期一至四
12:00 - 23:00
星期五至六
12:00 - 00:00
星期日
12:00 - 22:00
以上資料只供參考, 請與餐廳確認詳情
有關餐廳
有關獎賞計劃
食家推介
相關文章
大概四年前，佢啱啱開嘅時候食過一次仲記得係食佢個韓式拌飯，覺得一般，味道清淡四年後嘅今日決定再試多次😗因為想食佢個餃子王，加上見佢多咗好多好評，可能進步咗仍然走零味精零防腐劑健康路線，餐牌亦完全冇變▶️ 韓式前菜先黎個泡菜醃蘿蔔，大大粒一開始以為係薯仔🙈食落唔會太辣又夠鹹酸開胃，咬落非常爽脆👍🏻▶️ 雪濃湯 ($148)見唔少人推介，寫話係用牛骨長時間熬製而成湯底清澈雪白色，熱辣辣好啱冬天飲，味道清淡而唔油膩本身材料唔多，主要係煲淋咗嘅洋蔥🧅青蔥同薄切牛肉牛肉份量合理，味道新鮮有牛味，肉質幾淋唔韌，間中有啲軟骨位，黏黏地好似啫喱咁🐂同時冇咩肥膏，食得出同一般肥牛嘅分別不過覺得如果佢加番多啲蔬菜，材料豐富啲會好食啲，依家層次口感上有啲單調，同埋畢竟都要$150/個湯▶️ 素麵 ($25)除咗素麵，可以加紅米飯或者蕎麥麵，不過呢兩個平日食得多，唯一係素麵未試過原來素麵唔係指素食嘅麵，而係日式流水細麵🍜原先諗住用沾麵方式食，因為驚佢會冧晒，點知佢就黐埋咗一舊🙃最終都係成個揼落湯度食質感比想像中好啲，有少少似超幼身嘅米粉，食落好滑身好順，不過始終冇蕎麥麵咁煙靭爽口，比較易斷▶️ 原味石鍋芝士拌飯 ($118)望落七彩繽紛幾靚🌈上枱撈嘅時候中咋咋聲除咗紅蘿蔔絲、紫菜、翠玉瓜、菠菜、芽菜、冬菇之外，唔少得我哋嘅主角芝士🧀芝士俾石鍋燒到燶燶哋，同時俾熱力搞到溶溶地，一撈起嘅時候就有拉絲效果! 即使芝士份量唔少，食落唔漏，可能因為呢隻芝士本身唔太鹹底部用嘅飯係紅米飯，咬落比較有質感🍚撈埋芝士令佢有啲似糯米飯口感，幾特別味道方面相對清淡一啲都唔油，落咗辣醬依然偏淡味，係一個健康嘅石頭鍋飯👍🏻▶️ 餃子王 ($18)超巨型飽滿餃子，一個拳頭咁大👊🏻放喺個蒸籠仔入邊好精緻入面除咗碎豬肉餡，仲加入咗韓式粉絲、韭菜、豆腐，十分豐富餡料調味幾濃，應該落咗麻油胡椒粉黑椒呢啲，稍為覺得佢鹹咗少少但可接受，頂多係唔需要再落豉油餃子皮厚度適中👍🏻仲非常之煙靭添😍(尤其鍾意啲摺疊左嘅位置)🥟餃子控必試，推介！▶️ 泡菜餃子王 ($18)同上面嗰個一樣，只係加入左泡菜不過味道都唔會好辣-味道方面幾驚喜，比起第一次食嘅印象好大差別💕明顯進步咗好多自己最鍾意係佢嘅餃子王🔥石鍋拌飯都好唔錯不過個雪濃湯同素面就比較一般，見人哋隔籬枱叫嘅人蔘雞會多料好多環境算舒服，雖然舖仔細細但裝修令人感覺舒服服務超好，記得上次嚟嘅時候剩係得一個識講韓文嘅侍應，今次呢個後生女侍應超有禮貌又醒目☺️價錢偏貴少少，主要係因為飯/麵要另加錢今次食平均$180/人，好睇你叫嘢食嘅組合同埋叫邊個湯不過佢算係我起尖沙咀韓國街入邊食過幾有質素嘅一間，起碼啲嘢食打卡-able📸
繼續閱讀
🌃 餐廳係韓式小店， 主打養生料理， 位於尖沙咀金巴利道韓國街， 尖沙咀港鐵站B1出口， 餐廳以簡約木系設計， 走韓國住家路線， 牆上掛著不少韓文嘅霓虹燈牌 ，餐廳座位不多， 繁忙時間需要排隊。 .🌃 餐廳有十多款無味精韓國養生熱湯， 仲有超長拉絲嘅韓國芝士石鍋拌飯， 以及十幾款嘅煎餃同埋蒸餃。.🍲 參雞湯 加蕎麥麵💲148+20👉 正宗燉法嘅韓國人參雞湯， 一上枱嘢時候已經聞到好香濃嘅人蔘雞味，肉質燉到十分軟腍， 甚至連雞骨都十分鬆化， 可以食埋佢， 除咗雞同埋人參之外， 湯底仲有大棗、松子仁、大蒜等，十分滋補養生，另外仲加了蕎麥麵， 麵質都爽口彈牙， 放落參雞湯一齊食都幾夾。.🥘 炒豬肉石鍋芝士拌飯💲128👉 石鍋上枱嘅時候仲keep住吱吱聲， 餐廳該加咗唔少芝士落去， 可以拉絲拉到好高， 將芝士及飯粒攪勻， 令到每一粒飯粒都充滿芝士味， 除咗芝士呢一個賣點之外， 仲有醬汁炒豬肉片， 調味恰到好處， 配料仲有紫菜碎 、芽菜、紅蘿蔔絲翠玉瓜、菠菜等，另外飯粒用咗紅米飯， 十分高纖健康， 食到最底仲有飯焦添。.🥟 餃子王及泡菜餃子王💲16+16👉 這兩款都以迷你蒸籠呈上， 有個籠仔可以打卡， 兩款餃子王都比平時 嘅普通大隻，皮薄餡足， 兩款在於韭菜豬肉同泡菜豬肉嘅分別， 咬落都幾juicy。.📍 韓屋尖沙咀金巴利道69-71A號美園大廈地舖=====================.*此價格只供參考及以當時為準，實際價格或會與本文章有所差異。-
繼續閱讀
天氣凍梗係要補一補啦，咁就約左朋友去尖沙咀韓國街（金巴利道）食傳統蔘雞湯。聖誕就到，餐廳佈置左聖誕裝飾，包括聖誕樹同其他小飾物，好有聖誕氣氛！裝修簡單，環境整潔光猛。地方不大，座位不多，需要排隊或提早預約。 - 主食 - ⦁蔘雞湯 $148同韓國一樣原隻雞上，雞肉嫩滑，連骨頭都燉到淋晒。雞腔內有好多配料，包括甘味的人蔘、甜味的大棗、飽肚的糯米等。完全冇味精味，真材實料，非常滋補！ ⦁炒豬肉石鍋拌飯 $108本身嗌左芝士牛肉，點知黎左炒豬肉，食落先發現，所以冇轉到。炒豬肉石鍋拌飯配上專屬醬汁，都好好味。我相信有埋芝士仲正。 - 餃子 - ⦁餃子王 $16/隻⦁泡菜餃子王 $16/隻⦁韓式煎粉絲素餃子 $68/五隻每粒餃子王都有自己專屬嘅蒸籠，比正常既餃子大，外皮好薄而煙韌，餡料超多‼️個人推薦泡菜口味，辣得黎好過癮。而煎粉絲素餃子就無任何肉類，味道偏清淡，適合素食者享用。 ⦁韓國甜米水 $25我都好耐冇飲過了，味道偏甜似糖水，入面有煙韌既米粒，非常有咬口。
繼續閱讀
📌 韓屋 - 尖沙咀金巴利道69-71A號美園大廈地舖🗓(1/12) 星期四 ⏰ 晚上8點左右 💈特式：呢兩日天氣突然轉冷，最適合食返d暖身野，但成日打邊爐或者食羊腩煲又會太燥熱，所以我今日就同朋友去左尖沙咀食傳統嘅蔘雞湯補一補。🥩🍔🌭🌮🥗🥯🥘🍲🍝🍣🥟🍤🍱食物：今日叫左一人一個熱鍋暖下身先，叫左蔘雞湯/釜山豬肉湯，再加左一份醬牛小排餃子，而家等我同大家講下韓味道先。蔘雞湯 - 一上枱已經聞到好香，個鍋入面有原隻雞，真係好有誠意，隻雞肉質燉到好軟淋，就連d骨都淋到一咬就化，雖然隻雞只係春雞size，但入面都放左好多配料，例如人蔘/糯米/大棗/銀杏/杞子/大蒜/松子仁等，非常足料，個湯好明顯飲得出無落味精，好香人蔘味，既清甜又滋補。釜山豬肉湯 - 本身我想叫醬牛骨湯，但見到呢個釜山豬肉湯係出面d韓國餐廳比較少見，所以就試下佢，最啱我呢d「明知山有釜，偏向釜山行」既人食。呢個豬肉湯用豬骨熬到奶白色，入面除左豬肉片，仲有洋蔥同韭菜，佢上枱時仲會配上韓式嘅大醬同蝦醬，鐘意可以自己加入調味，我就自覺得加左醬料帶有少少辣味仲香仲好食。醬牛小排餃子 - 因為無叫到醬牛骨湯，所以就叫返份煎醬牛小排餃子嚟食，呢個餃子個皮又薄餡料又鮮，入面仲保留到有好多肉汁，食完5隻都覺得唔夠喉，佢仲有個煎嘅版本，相信都會好唔錯。☕️🍵🥤🧋🍺🍷🥃🍹🧉🍾🍶🥛飲品 - 因為已經叫左兩個鍋湯，所以就無叫到飲品，但見餐廳係有燒酒/韓式啤酒/米酒/罐裝韓式飲品提供。🍽環境：因為臨近聖誕節，所以見店舖都用上左聖誕裝飾，包括聖誕樹同其他小飾物，餐廳環境都好乾淨整潔，裝修就以平實簡樸為主，但整體感覺都光猛企理。🤵🏻🤵🏻♀️🤵🏻♂️服務：員工服務態度好，職員有熱情主動，除左同客人打招呼外，介紹菜式同講解食材都好詳情清晰。💰💸價錢：叫左2個湯鍋1份蒸餃子，埋單大約係$350左右，話晒都係食緊高質素既韓式鍋，人地賣嘅就係手藝同傳統味道，我就覺得算抵食。🐲💬總結：我覺得佢地食物質素都好高，而且食到佢地個種韓式傳統味道，價錢又唔貴，我相信我會再嚟試埋佢地其他食物，例如石鍋拌飯...推薦指數：❤️❤️❤️❤️🤍
繼續閱讀
🕳 韓屋 🕳去完韓國 喺香港都繼續食韓國嘢😝—————————————————————🐕薯仔排骨鍋+飯($148+$15)🐕⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯睇色水都知好濃郁😍飲落不失所望 夠哂味😋入口溫和 會於喉嚨慢慢滲出爽嘅辣加了野芝麻粉 更添了股香氣排骨細細件但數量多 仲有啲肥膏😋薯仔似事先冷涷過 比較實淨 個人會比較喜歡粉狀的薯仔🫡—————————————————————🐕炒豬肉石鍋芝士炒飯($128)🐕⋯⋯⋯⋯⋯⋯⋯⋯ ⋯⋯⋯⋯⋯⋯⋯⋯石鍋滋滋叫住上枱😝餘溫令芝士保持拉絲狀態🧀芝士絲拉得極細 令每顆飯粒都沾滿芝士🧀醬汁同炒豬肉片調味都唔重同唔辣令到每一啖嘅主角都係芝士味😋鐘意佢用咗紅米飯🤟🏻高纖健康之餘更有咬口食到最尾會有少少飯焦😍😍—————————————————————🐕餃子皇🐕⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯每粒餃子都有自己專屬嘅蒸籠🤣好𥵃鬼Size約正常的1.5倍原味餡帶有胡椒香泡菜就酸少少 唔太辣外皮就QQ煙韌 味道同質感幾還原到韓國嘅感覺😝—————————————————————更多食評：IG: Bunny.woof
繼續閱讀