韓國屋 (已結業)

男友喜歡食石頭飯，就來試試吧。這裡好像只有一個是石頭飯，於是就要了。飯內的"食送"比較少，又沒有什麼味道，又不便宜，沒有下次了吧。

什錦石頭飯得果少少牛肉，其他都係唔辣o既泡菜，隻蛋亦係全熟~ d辣椒醬尚算ok啦~ 加埋汽水成四十蚊，完全唔抵食，亦唔好食~

２００６年８月１５號今天下午來這裏吃午餐，點了韓式拼盤再另加3元配海帶湯拼盤有四種食物，最適合我這種喜歡食物多樣化的人1. 韓國煎餅- 雖然不夠熱，但葱花煎餅還是很好吃！2. 抄粉絲- 粉絲是蕃薯粉做的，有咬口，抄的不會太油，我的最愛！3. 薯仔沙拉- 沙拉醬酸酸的，很醒胃4. 烤牛肉及雞肉- 雞肉太老，烤牛肉還算不錯5. 海帶湯- 非常的味精，下次還是喝輕怡汽水好了....拼盤東西太多了，女生應該不能一次過清掉~~~~~

外表是名副其實的石頭窩飯, 那個窩很有特色, 裏面的牛肉飯也很吸引. 那些飯加了香濃的牛肉汁, 吃時又香又軟, 很好吃呀! 那些椰菜也值得一讚, 很是爽脆. 牛肉則很像吉野家的肥牛, 雖然普通, 但也很好吃!相片:http://food.crossfacer.com/cgi-bin/weblog.pl?reply=3

今次叫左個海鮮飯D菜幾多(有營養...XD)D飯幾香口，不過海鮮就少o左D值得一讚就係有蘆薈汁，一定要試！

今日喺呢度食tea叫咗個泡菜湯粉絲+嘢飲好少粉絲但係好多菜都幾夠味d嘢食都ok既不過唔明點解個餐唔比人free轉可樂有d唔係咁滿意

琴晚同男友係旺角行街行到累~就去左朗豪坊既韓國屋食野~我地叫左個二人套餐~有兩碗飯、兩杯飲料、一個鐵板、仲有一個海鮮豆腐湯~飲料方面得四個選擇~可樂好細杯，海帶牛肉湯無咩特別至於鐵板方面，有黑椒抄粉絲~味道幾好，唔太辣仲有抄椰菜，比較多油，但係都ok肉方面有三款，豬、牛、雞~最好食係d豬肉，有d似豬腩肉，d醬汁好入味~又爽口牛肉份量比較小，但一樣好好味雞肉就較為遜色啦，好普通，唔夠味最後係海鮮豆腐湯，用泡菜做湯底，都幾辣下~材料豐富，海鮮料都幾多，正!!成個餐份量都好多，兩個人夠食有餘~而且價錢合理，$90~絕對值得一試~

叫了個醬爆牛肉菇可頭飯! 男友話好重菇味, 我自已就唔覺! 牛肉OK 冇根! $4X 冇野飲都幾貴!仲要等好耐先整好!

好一味"人蔘雞煲"送白飯&一小碟泡菜$38半隻個湯都是好普通的雞湯一個石鍋甘上, 是個selling pointd 雞是冰鮮的, 少少老身不過最特色是雞肚內有糯米而且煲到好"林"幾入味人蔘只得幾塊仲煲到"梅"晒tim本人唔喜歡泡菜, so 無食, no comment!冬天食可暖身, but 我情願食蛇law

賣相：用小鍋上，另送白飯及汽水，盛惠$50。湯底幾濃，有些韓國feel。粉絲就唔得喇，好粗，原先已是"粗"的品種，再用湯浸住，"發發"佢，立即開始黏連在一起，入口好"立"。牛肉尚可，都有2兩，肥瘦適中。再加埋d 菜頭狀物體....咁就$50 !! o系，上賊船!

同個friend去到呢個foodcourt, 已經覺得感覺麻麻, 嘈就係指定動作啦, 但係冷氣超涷又黑麻麻, 都算啦, 去左呢國韓國屋食飯, 叫左個餐係"韓式醬爆雞肉飯$36", 好快有取, 用個石頭鍋上,size好大喎, 料多飯多,但係石鍋只係暖, 即係唔係石頭飯啦, 都唔駛旨意會有飯焦啦個醬爆雞肉只係得個色, 都無味, 又燒到過時硬晒, 好難食....., 最難頂係一樣野, 點解我個friend叫泡菜燒雞肉飯個味道同配料同我呢個韓式醬爆雞肉飯係一模一樣架呢? 呢鋪正一係"換湯不換藥" 啦!!重有一樣恐怖野就係食到底個時, 鍋底超多油, 可以照鏡啊!!!

難得有時間走一遍朗豪坊, 我的午餐一拖再拖已幾到了下午茶時間, 和朋友簡單的點了兩個下午茶餐, 韓式牛肉飯和炒粉絲, 兩者皆偏於味道清淡但多油不太討好; 柚子茶味道亦是過於輕清.

第一次到朗豪坊美食廣場開餐.韓風大作, 連韓食亦特別注目, 令小店生意不俗.櫃檯上的模型分量頗多, 二人用餐的話, 一個套餐加上一碟小吃, 足矣.點了燒牛肉粉絲飯連湯.牛肉味度不錯, 但質感稍遜, 不夠軟熟.粉絲味濃, 惜分量太少, 要是改成燒牛肉飯粉絲餐, 甚至純燒牛肉粉絲的話, 應會叫好叫座.其實米飯也不差, 有口感, 實實在在.但面對濃妝豔抹的粉絲, 饞嘴的男人總免不了花心.最錯愕算是一小片一小片的椰菜.是椰菜, 不是泡菜, 是港式風格嗎?這種飲食修正主義, 真煞風景.

SUNDAY行街到2點幾都未食LUNCH，打算叫D下午茶食上到來FOOD COURT，見到韓國野DISPLAY幾好，點左個泡菜拉麵＄40包一杯柚子茶。湯麵用熱鍋上，好熱，男友幫我加左D辣粉，但系湯底都係淡左D。顧名思義，D配料有幾片泡菜，一隻生蛋，芽菜，椰菜，that's all,穩塊肉食都無。算啦，當減肥吧。麵的份量都幾多，加埋D湯熱辣辣，但系配料太少，同貴左D囉。

叫了個石頭雜錦飯,水準真係唔得,只是形似但食落材料和味道也不行,以為那數個女服務員個樣似韓國人便以為正宗,點知就比佢呃,下次不會再去!! 即使問佢拿隻碗也被拒絕, 真無奈~