韓國屋 (已結業)

每次去朗豪坊FOOD COURT(其實不是常常去)食韓國屋的話都只會揀這一款:什錦石頭飯D料都幾足, 最喜歡就係加埋隻蛋, 味道唔錯. 看到樓下的食評, 原來這是最穩陣之選...

韓風定食 $38 :一邊是BBQ雞肉飯，一邊是雞絲湯粉絲，裝在一個分格的盆子裡，那盆子給我的印象是有如一個狗兜，這不是投訴，只希望設計者多留意賣相．雞絲味道尚可，飯有點像珍珠米，但過於爛．粉絲湯是味精湯，一般快餐水準．韓式例湯是紫菜湯，鹹得嗆喉，喝不下．雖然味道較差，但勝在多蔬菜，平價食物，也ｏｋ啦！

本人最鐘意食難消化, 濟到飛起的食物, 韓國年糕正正是本人至愛~跟男朋友睇完阿凡達後到這food court食dinner。上一次去apm食過這個炒年糕濟到我好開心, 這天再嚐一次!落單時我問佢炒年糕可唔可以走辣, 佢話可以。結果攞到嚟竟然係得幾片年糕的"炒"麵--一碟不知所謂0既嘢!我同佢講話我要炒年糕, 佢話冇淨炒年糕, 只可以走辣(九唔搭八??), 因為韓國年糕好貴, 所以一定要配炒麵!喂!咁你又唔一早响落單時同我講???我明明要炒年糕ga wor!!!!此時我才望望佢個display, 炒年糕(肯定只有年糕!!!)的名稱竟然叫做"泡菜牛肉炒年糕炒麵"..........|||算!食咗先講!啲麵明顯係淥到淋晒0既公仔麵!好難食!啲牛肉又厚又鞋, 真係頂佢唔順......|||估唔到駛咗$45食咗個只係值$4.50既公仔麵, 真係好唔開心

挺冷的。想試點熱辣辣的東西，又要夠大分飽飽肚，話曬考曬試想開心一下！最后食韓國屋。（想不到元來劣評原來不少。）叫了鐵板雜錦飯。有泡菜，雞肉，牛肉，粉絲，青菜。雞肉都ok，扁瘦的，我都很接受的，牛肉未免太老了，咬得挺辛苦的。青菜普普通通，泡菜都是，最好食都是粉絲了！汁多醬味重，食落很香口的。這鐵板，兩人分都ok夠的，都是50元，幾抵食的，不妨無mut心水時食下。

什錦石頭飯, 最欣賞佢D牛肉醃得好好味, 粉絲好彈牙,而家會俾埋辣醬, 撈埋一齊食更加惹味!不過美中不足, 係石頭飯沒有飯焦

見個display幾大份，好似ok！粉絲牛肉石頭飯，粉絲好味，成個飯都熱辣辣，正常石頭飯，有飯焦，但牛肉有點太老了普普通通都算係正常，對fast food有點太貴

兩間都好食, 但係第三間就出事了.......怪只怪沒有做足功課, 如果一早check過 Openrice的食評, 見過wateryung小姐的評語, 就唔會買呢間的食物了, 怪又只怪其中一個同學仔對韓國o野食特別喜愛....燒牛肉炒粉絲, 粉絲有陣油益味的, 仲唔熱, 咬落感覺就好似食隔夜的餸菜, 唔好食呢 燒牛肉都幾un, 因為全碟粉絲都唔係好熱, 所以入口的感覺好怪, 不過最後我都食哂碟粉絲, 因為唔想嘥, 但衷心希望佢地可以正視食物的質素不過我都唔會再幫襯佢, 一句: 唔好食

睇完成個food court, 最後細佬比佢廚窗既辣牛肉拉麵. 見到櫥窗嗰個湯濃餸多既賣相, 但係我就有一種不祥既預兆. 不過見細佬好似好想食咁我都不便band佢. 不過見到碗野之後我就知道咩叫做好心做壞事.首先, 最失真就係佢個湯. 佢個湯既顏色淡到同辛辣麵既湯底一樣咁淡色, 辣味仲要無辛辣麵咁辣. 麵身普通, 個人比較喜愛辛辣麵既麵身. 起碼較為彈牙. 至於配料... 有大量既菜同埋幾塊牛肉. 我覺得呢碗野既料唔值 $48 囉. 不過佢嗰幾塊牛肉就確實幾好食既. 好淋又夠味. 雖然呢碗麵令到我今次比左個喊佢, 不過我見到人哋點既石頭飯好似好ok咁. 鐘愛韓國野既我下次有機會會再試佢個石頭飯.

放學後來了朗豪坊買東西順便吃飯因為之前聽友人說Pepper Lunch不好吃而自己病了又不能吃太濃烈的食物所以隨隨便便的選了這家來吃誰知道一吃就出事了選了燒牛肉炒粉絲牛肉只是微暖,而且又梅又散炒粉絲就全都是碎碎的真的叉匙拼用才能吃掉總括來說一定不會再有下次

朗豪坊咁多野食...真奇怪佢可以生存咁耐!!叫左一 set 韓式拼盤 $35雞串(燒?!),明顯係叮熱既...仲要叮到半涼不熱...咬落鞋 sharpsharp 兼無味...要點好多汁炒粉絲...又係一早整好,夾一堆俾你....又係唔熱兼淡moumou....要點好多汁 again薯仔沙律......唉...夠凍而無味唯一即製係香蔥薄餅....唔該你坐低等下先...轉頭再出黎攞...ok 啦...熱辣辣..軟un 適中好咬口...好香蔥味唔係話好差...但...好多選擇喎!!

同朋友睇電影過後既空虛打算近近地搵好野食去左朗豪坊 美食廣場食左呢間既38蚊餐有炒粉絲+BBQ牛肉飯同可樂本身見有小小人排隊又唔想食要等30MIN既pepper lunch點知換來既係不知所謂的飯粉絲係屋企都整得好味過佢而個飯....十分普通牛肉只有3塊..而且味道只依賴個汁日本feel既燒汁...有dd菜咁不值...而且唔認為有korea既感覺

前幾次到朗豪坊的foodcourt一係食越南粉, 一係食鐵板, 食到悶, 今次轉食韓國餐買左份牛肉泡菜拉麵食, 味道好刺激, 好夠辣, 麵係公仔麵, 湯底係泡菜的味道, 雖然夠辣, 但係覺得唔夠酸同唔夠甜, 只係一味得個辣字另外榔菜唔夠熱, 切得都太大塊, 好似係預先淥熟之後, 有order就擺落去咁碗麵仲有好多改善空間, 不過foodcourt 的店, 唔好食的通常會越嚟越唔好食, 主理人好少會擺心機落去

嚟到FOODCOURT我揀越南嘢食,男友揀咗呢間食, 牛肉炒年糕及公仔面,$50 一點也不平宜,味道好淡, 不夠味呀問他們拿辣醬, 態度超不滿呀只係辣醬者, 要不要左望右望呀.呢度我係唔會再食

朗豪坊food court的韓國屋被pepper lunch搶去了風頭.眼見pepper lunch條隊長到咩咁.韓國屋就冇人排.不過.韓國屋依然有佢既attractive之處!牛肉粉絲飯保持水準,粉絲非常入味,撈飯實在太好食.牛肉同pepper lunch係2回事,韓式牛肉都有佢既特色,我覺得好岩香港人口味!價錢同食物質素,份量成正比.$50大元一大鍋飯,牛肉粉絲同配料都唔少,仲跟杯汽水.飽哂!

諗唔到食咩咪黎左美食廣場囉!簡左韓國屋....叫左個雜菜牛肉飯...有埋杯檸蜜送....講真....真係好一般!D飯好爛牙.....下次再唔想試...