韓國屋 (已結業)

下午茶時間比較抵，$30 有一碟炒年糕及一杯柚子蜜。年糕是即炒，都夠熱，有幾塊牛肉，個汁甜甜辣辣，但年糕不夠入味。杯柚子蜜太淡... 整體都ok，不過下次會試下其他。

試了個「韓式便當」（$40），有韓式牛肉、韓式雞肉、泡菜、西蘭花、韓式炒粉絲、白飯。那些牛肉和雞肉只是以Korean BBQ sauce 略炒，放到冰涼的，雞肉更是糊糊的，牛肉粗糙，賣相惡劣。泡菜量奇少。西蘭花和白飯是冰凍。韓式炒粉絲比較像樣，但料少。整份便當都冰凍的，算罷！

昨日晏晝落food court食,選擇係呢間既牛肉辣麵同埋cambo既豬柳湯檬,兩間都幾好食!牛肉辣麵好好食,個湯好刺激!!我夾左我個friend一碗嚟食,嗰種泡菜味係我最鍾意^^牛肉份量好多,正!唔怪之得要排隊....兩間都咁好食,推介俾大家!雖然要排隊買,但係好快有得攞!呢個商場都幾旺!

同朋友二人我食牛肉飯,佢食泡菜辣麵!牛肉飯唔夠熱,我同意下面位前輩既講法,唔好食係d汁,啫喱狀仲無溫度,反胃!但係個泡菜辣麵幾好,不至於好好,但都ok!foodcourt係咁上吓質素!

係我食過最難食的korean 餐廳,牛肉飯唔夠熱又唔辣, 最慘就係冇味,什錦海鮮湯麵完全係唔想食, d 海鮮好似"黃豆"咁大粒!仲要得幾粒, 個湯底又冇味,係屋企自己煮辛辣麵都好味過佢。食完依餐又後, 唔開心左一晚, 因為真係太呃錢!

要咗個韓式便當$40,加$3要海帶豬肉湯.便當OK喎,有泡菜,蒜蓉西蘭花,炒粉絲,牛肉及雞肉.泡菜好味,我嫌唔夠.蒜蓉西蘭花,好爽,唔會爛patpat.炒粉絲,有啲牛肉碎,好入味.牛肉及雞肉,好入味,仲有鮮肉味,嗰啲肉汁撈飯仲正.飯係日本米飯,好食,份量亦好多.至於個海帶豬肉湯,除咗食咗啲海帶外,最好唔好飲,雖然好有味,但係係味精個味,飲汽水好過.

好耐無去食飯睇戲琴晚同朋友仔去睇神探時間有限下o係番朗豪坊food court食黎呢度點左雜錦拼盤豬肉同雞肉：唔韌醃得幾好食炒粉絲：煙韌非常又唔油，好好食醃菜同辣泡菜：好開胃可惜d餸菜唔夠熱同埋最初上碟時擺得唔靚影響成個presentation既觀感

20071125下午茶時間比較抵，廿零蚊已經有一碗烤雞肉韓國湯粉絲和一杯柚子蜜。等不多就便拿到手，見到碗裏大條大條的生菜已經有了好感，菇菌菜類搭配得宜，不會太鹹太油太辣，烤雞肉也不少，一個人吃甚至有點過多，粉絲還有煙煙韌韌的口感，整體令人滿意。

因為:起韓國餐廳叫一個雞絲炒烏東真係好錯。又油.D雞好大件.好油...真係好油.唔想講了。。

去到朗豪坊foodcourt，突然想吃韓國食物，於是去此間食肆試一試，因為之前未試過。去到見到樣板，好大鍋，心想:「有冇咁誇張呀!」，於是試下雞肉粉絲飯跟湯，到取食物時，嘩，真係好大鍋，有泡菜(咸左少少)、椰菜(不是白灼的)、蛋、粉絲(夠味，有口感，唔錯)、還有的是雞肉(好夠味又大件，真係唔錯)，整鍋飯雖然大，但因為樣樣都好味，所以不知不覺就食晒，本來是不肚餓的。而碗湯就不錯，有好多海帶，不過淡少少會更好。整頓飯連湯只需四十五元，真係超值，值得再去。

好晏收工,肚皮餓壞了,於是同小牛去朗豪坊醫肚,見到豐富既石頭鍋飯,即刻想試!估唔到咁快有得食,仲以為要等好耐添!熱辣辣,香噴噴,真係幾吸引,材料都唔少,有牛肉,紫菜,紅蘿蔔絲,煎蛋等等,牛肉有點筋同肥膏,肉唔算嫩口,只可以話係合格;紫菜份量好多,我喜歡,好味!紅蘿蔔絲又係好多,但係我唔鍾意食,其實減少一點都無所謂;至於隻蛋,能因為個飯太熱喇,個蛋黃熟晒喎,想撈飯食都唔太喇!反而欣賞飯送面頭既芝麻粒,令到個飯生色唔少,好味道架!睇個樣,個碗唔算好大,以為個飯唔係好多,點知食落好多呀!食到個底仲有飯焦,好過癮!而且食完好飽呢!見到有蘆薈汁,飲新鮮試下,個樽幾骨子,但係好細樽,唔幾夠飲,味道清甜,尚算滋味!

同屋企人黎呢度食飯~~叫左個什錦乜乜扒飯碟就好大，飯都好多，配菜都好多，主菜既豬扒同雞扒就小之又小。不過味道就不過不失啦..泡菜都係一般好味道。不過味精好多~~~食完之後勁口乾....消費價都唔平~~$45蚊一個餐只可加汽水...

我最喜歡食韓國的牛肉粉絲飯，因為自己很喜歡食粉絲，見到這間食店的樣辦，立刻二話不說決定食牛肉粉絲飯，不過最後得兩個字想講"後悔"，我從來沒有食過一個牛肉粉絲飯是暖的，不是熱呼呼的，究竟為什麼？而且真實與樣辦實在差得很遠，份量少了三分一，完全是欺騙！我一定不會再食這食店

07.03.16 韓國屋@旺角朗豪坊朗豪坊的美食階只有一層，裏面只有幾家食店有時候午餐跳了不吃趕脆下午茶時間再來填胃每一次都要來韓國屋吃它的湯粉絲粉絲不像冬粉或平常我們火煱用的粉絲它比較像粿條，但很有韌度，QQ的材料還有椰菜，蛋絲及一大堆烤牛肉（也可以選雞肉或泡菜）真是各種營養都有了配一杯熱的柚子茶才HKD18 非常的超值！照片請看這：http://www.wretch.cc/blog/foodiebarbie&article_id=7218434

九月二十九號晚，約o左某朋友食飯Friday Night o既旺角，例牌多人都唔駛旨意搵間唔駛等位o既餐廳不如去food court 撞下位啦~就去o左朗豪坊時間係晚上7 點幾，冇位係意料中事不過我地得2 個人，搭檯都幾易o既所以一陣就搵到位坐我fd 買o左個窩蛋牛肉飯，我就買o左個泡菜牛肉烏冬感覺上...除o左個鐵窩同埋多o左D 泡菜之外...牛肉、飯同埋烏冬都係一D 行貨o野如果揀牛肉飯，我會揀吉x家，起碼平D 先