韓國屋 (已結業)

行左好耐街 無乜嘢主見吃乜嘢嘅時候我地上左朗豪坊 food court 吃左韓國嘢咁我自己就叫左泡菜豬肉石頭窩飯 十分之熱 所以攞嘅時候都要小心 溫度高 所以鍋邊就會有好多飯焦泡菜夠辣 然後豬肉嘅份量雖然唔多 不過都啱啱好 辣醬可以自由添加吃得辣嘅朋友不妨落對少少成個飯不過不失 不過food court 同埋佢價錢都適中 要求都唔可以太多 份量夠飽 而且都會有汽水跟餐 已經算幾合格

史上最差既韓國菜。點解可以咁難食? 我自問要求已經唔高，而我只係點左個好普通既石頭鍋飯，個汁又唔好食，撈出來更加唔掂，都算啦！加埋杯汽水又淡既咩咁，相信加左好多水，而講緊我已經走埋冰架啦，你話有無可能咁淡呢？實在太差，強列不建議幫襯。 服務既阿姐又無禮貌，雖然我都知佢好忙，但既食質數同禮貌都係最基本要求啦！今次，又再一次令我覺得好失望，完全無諗過，點解好地地一個石頭鍋飯會攪成咁? 早知我幫襯隔離既peper lunch或者coco ichbanya就唔會攪成咁啦！

Very rude cashier First time trying out the food stall and the cashier‘s attitude says she is not welcoming any customer. It is like she just want to leave her job. Her shouting says that she really hates her job and want nobody to bother her.Food is average Price value is average

🙄有乜理由d牛肉仲肥過吉野家呀你話完全圖文不符 張相一d肥膏都冇 出到嚟d肥膏仲堆得高過大霧山呀🤬牛肉量仲要少到咁 薄過光纖囉d粉絲就幾好食同幾多 唔會over cook對於唔食得酸既朋友 呢度既泡菜唔啱你食我本人嗜酸所以覺得d泡菜幾好味🧐但係d牛肉作為成碗野既賣點係咪應該要做好d呢52蚊俾堆肥膏我 我攞去買多兩杯天仁好過😤不如改名做純牛肥膏泡菜粉絲啦笨

因為太夜冇乜選擇。响openrice見食評都好差諗住只係打手。同埋本身自己都唔係話揀飲擇食， 唔難食就算，咪諗住是但照買嚟食。喺佢度買咗個韓式炒米粉同埋牛肉拌飯。 點知係勁油同埋鹹。 杯柚子蜜直頭冇味。 一個字，伏。 唔會再幫襯

早上去旺角上堂，順便中午去朗豪坊睇TsumTsum聖誕裝飾就順便喺同層嘅Food court食埋Lunch。我地12:45到，仲有1/3吉位。 有一段時間冇去朗豪坊，原來已經裝修過，有一兩間店都未開返。 裝修後坐得舒服啲，位同位之間尚算寬敞，邊位仲有得用USE差電不過food court餐廳都係果幾間，冇新餐廳進駐有中日韓泰港式菜，最後比韓國菜嘅Sample吸引咗食物模型非常引人注目每款都好豐富咁，而且價錢唔貴，都係$40-60，部份套餐仲包埋飲品。等咗幾分鐘就拎得嘢食，好啱趕時間要快食嘅我地~好彩雞肉便當賣相同模型有9成相似每一格都放到滿溢，尤其係泡菜同粉絲。雞肉帶甜醬油味，尚算滑溜，有一兩件可能煮得耐咗比較乾身，都幾惹味可以送飯食。粉絲份量滿瀉，略嫌冇加靈魂調味：麻油同芝麻，味道唔夠惹味同香口配菜西蘭花係普通水煮，冇乜調味，但可以中和下雞同粉絲嘅油膩。韓國菜必配：泡菜，味道酸甜爽口，都幾開胃。整體食物質素普通，$48喺旺角快食韓國餐，性價比還好。

食就唔好講，2018年09月17日 6:30pm 當值嘅收銀阿姐態度超差！講完！佢講野細聲就覺得人地問題，我問個泡菜系咪跟飯佢就趕時間喝我俾錢！當時系得我一個正在落單，無人排隊既唔趕！幾個前線掛住傾計八卦遠方事物不知所謂！

一向朗豪坊呢度既foodcount都係鐵板飯同韓國呢間野既質素比較穩定，所以有時行一個轉最後都可能會幫襯返嗰一兩間😂....無錯，今次我老婆都係揀返佢，但就試下平時未叫過既，睇下有無驚喜。韓雞窩飯唔記得好似60蚊，但質素真係比之前差左好多，個雞鞋，配菜凍，杯柚子蜜好似水咁。。。本身求其食啲野都唔想打編野，但真係想提醒返會睇post既朋友，同比返老闆或者員工睇返，其實香港人都好識食，無改善既，只有被取代。

今次係foodcourt試下另一樣野，試韓國野，因為唔駛點排隊😝點左個石頭雜錦雞肉飯，唔駛2分鐘就有啦😳個石鍋係好熱嘅，飯都係熱嘅，但啲雞肉、粉絲同菜佢就係就咁夾落去嘅，不過foodcourt講求速度，個石鍋可以咁熱已經好唔錯👍🏻

星期六晚不小心被放飛機，頹頹地又醒起朗豪坊food Court有間Korea House,係第二d地方都食過覺得唔錯又好耐冇食過，所以就去啦。我通常玩食雞/豬/牛肉便當，大約＄50 ,肉好多，有泡菜芽菜等配料，有白飯有炒粉絲，好有份量，真心食得飽飽😛今次見到新野就試吓啦，韓風飯配粉絲定食，跟湯或者飲品，其實即係兩送飯加例湯😅🙈，整體都依然好有份量，雖然唔算得上好好味，但係我食得好滿足🤤，泡菜豬肉飯唔算得上好好食，不過合格有餘，普遍韓國菜嘅泡菜豬肉整得難食，應該執咗笠😅；雜菇粉絲湯個湯清清地幾好味，我個人鍾意食菇類，但係呢個啲菇太少喇，數埋都唔知有冇10粒😑；昆布湯好多昆布，但係浸到淋晒，似濕水紫菜多啲😓。food court人多，唔好諗住可以坐得耐，快餐韓國菜，食物質素唔算低，其實已經好好

本人極好韓國菜，諗住生日又買左戲飛，所以就試下呢間所謂嘅韓國屋。我見佢地未有客，行埋去問一句，個樣野食跟唔跟野飲，個個態度真係不得了，好唔滿意咁答左我一句唔跟，然後仲要補多句「咁你而加想要咩呀？」其實我只係問一句，個態度可唔可以好少少。本身已經有啲嬲，點知一食個餐，直頭想反檯。個個不知所謂嘅海鮮純豆腐辣湯，我只係搵到一隻蛋、五毫子左右大嘅八爪魚仔同一樣SIZE嘅蜆仔、兩舊豆腐同湯。雖然我知道呢個價錢唔會有好多好正嘅海鮮，但唔係少到咁下話？冇蝦都比條蟹柳呀！至於個牛肉泡菜炒年糕，得個幾舊牛唔再講，仲有啲奇怪嘅味，都唔知食左啲咩野。呢間咁嘅野，野又唔好食，員工態度又極差，唔會再有下次囉！

今日自己一個係旺角做完運動之後就去搵野食，唔想成日食米線，就去朗豪food court睇下見到韓國屋的陳列食物擺得幾靚幾足料，就決定試下啦，我選左a+b個個set .要左bbq雞肉飯同炒粉絲Bbq雞肉飯都算足料，不過味道好普通，完全似中菜多過韓國菜，個炒粉絲就炒到勁油又碎晒😖食完都唔覺自己食左韓國野🙄

今晚我們喺旺角朗豪坊戲院買咗票睇戲，距離開場仲有啲時間，所以我們就去咗Food Court嘅「韓國屋」食個極速晚餐！我們買咗牛肉粉絲飯嘅粉絲都幾煙煙韌韌，牛肉嘅肉質唔算好鬆軟，感覺比較乾身，牛肉味亦唔係好濃郁，至於醬汁嘅色澤睇落以為會好有味，點知原來係淡而無味㗎！泡菜牛肉年糕湯麵嘅湯底同麵係同平日食開嘅「辛拉麵」無乜分別，而且啲麵係仲未煮熟，啲湯亦唔夠熱，年糕亦都係比較硬實！香辣牛肉炒年糕嘅年糕相當煙韌彈牙，牛肉就不過不失，辣醬嘅味道都幾惹味，係幾樣嘢食之中比較好嘅！

食品的質素...已經不想再多說，店長和店員的態度，可以說用討厭來形容，點餐過程只問了一句，已經即時受盡不禮貌的行為，連最基本落order都可以落錯，錯也不打緊，已經即時更正，最不可思議的是，幫我更改的同時，嘴巴不停的一直說顧客的不是，態度也毫不客氣。強烈建議這間不吃也罷！！！強烈建議這間不吃也罷！！！強烈建議這間不吃也罷！！！重要的一定講三次！因為係同一個埸中有更加好選擇，最起碼知道什麼叫做禮貌。